To Shei,
Pasensya na kung hindi agad ako nakagising at hinayaan kitang maiwan ng ganon katagal.
Pasensya na rin kung nakalimutan kita. Nakalimutan ko yung babaeng mahal ko.
Shei, mahal na mahal kita. Hindi ko alam ang sasabihin sayo pero hayaan mo kong ulit ulit na humingi ng sorry sayo.
Sorry kung wala ako sa tabi mo noong nahihirapan ka kahit nasa tabi kita nung ako yung nasa sitwasyon mo nung mga panahon na yon.
Sorry kung wala si Love, sorry Shei.
Hindi kita nagawang halikan sa huling pagkakataon.
Hindi ko nagawang yakapin ka ulit ng mahigpit.
HIndi ko na ulit mahahawakan ang mga kamay mo.
Pero magkikita naman ulit tayo diba?
Pasensya kung hindi ako nakapagpaalam sayo, pero sana magkita ulit tayo.
Hindi na ulit kita kakalimutan, Shei. Hindi na.
