خفايا ضابط

بارت ٣٠

أنمار:-أأمري

رفل:-فدوه أكو مواعين بالمخزن شويه عاليات مالوحهن تعال نطيني ياهن بلا زحمه "أجه للمخزن أشرتله عالمواعين رفع ايده واخذهن نطاني ياهن "

أنمار:-محتاجه بعد شي

رفل:-لاا شككررراً "أخذتهن ونزلت بسرعه قبله وديتهن لامي هم ضلت تحجي شلون تأخرت وبيبي تصيحلي الفاهيه وتكول لامي مالگيتي غيرها تدزين عفتهن ورجعت يم البنات حاجتني حور "

حور:-رفل ليش فاتحه ضفيرتج

رفل:-لا مفاتحتها

حور:-دشوفيها مفتوحه للنص ممخليه قراصه

رفل:-لا ‎بــس يجوز وكعت من عندي "فتحت شعري ولفيته كعكه "

إرجوان:-اكول ڤيان وين

ترف:-نايمه كالت انعس وراح انام لتكعدوني اني اكعد وحدي

إرجوان:-مشتاقتلها شلون

ترف:-تعاي بغير وكت

إرجوان:-مكدر اليوم خميس شويه اخذت استراحه من الدراسه  كلش ملل وداركض ركض احتار شنو اقرا وشنو اراجع حتى أكل مداكل

ترف:-حالتج النفسيه تعبانه شيخلص الامتحانات

إرجوان:-اوووف

حور:-اكلكم جوعانه شوكت ناكل

ترف:-عزه حور من تجيبين شيضعفججج

حور:-تربية بناتي تضعفني

ديم:-تخيلي كلهن يكعدن مره وحده ويبجن سوا رضاعه سوه

حور:-تلكوني مخبله بعقلي

ديم:-شحجي عليك خويه هيج مستعجل تلث بنات بمره وحده

حور:-اش قليلة أدب

ديم:-ههههههههه

ترف:-ياشهر هسه وصلتي؟

حور:-حدخل بالخامس

ترف:-اووي وبطنج هيج جبيره

حور:-ولج مرات احس عركه ببطني يتحركن حركتهن مثل الدغدغه

ترف:-بعده مابادي الرفس

حور:-اي هههههه

ترف:-بعد اخر عركه ويه رسلان بسبب تأجيل موعد الزواج اخيراً اقتنع ورى دورة السنه يله نتزوج أخوي مو شويه لو بأيدي ماتزوج سنتين اكثر ..‎ تعشينا والكل تقريباً راح ورى العشى البنات نضفن ويايه وراحن .. صعدت لغرفتي أحجي ويه رسلان اليوم ضمين روحي من عنده وتليفوني تركته بالغرفه ‎مــآريد فضايح وهو من يلزمني يفقد مدري شبيه ..

.
.
وسام:-طلعت من المستشفى لبيت اهلي يوم واحد وتصرفات ناهده معجبتني رجعت لبيتي من زمان مداخله من رحت لاربيل ..دخلت للبيت احسها موجوده مشيت للغرفه فتحت الباب وتقدمت للجربايه كعدت واخذت مخدتها خليتها على وجهي وستنشقتها ردت بيه الروح خابرت خالتي كلتلها تجي ببيتي بعدني مو كلش مستعيد صحتي لازم واحد يعتني بيه بدلت ملابسي وطلعت من البيت متوجه للمستشفى البيها فهد طاگ كلبي عليه وصلت للمستشفى ونزلت سألت عليه وأجه واحد يرافقني ويوصلني لغرفة فهد گلي ميصير ادخل خاف يضربني لو يسويلي شي دخلت يمه على مسؤوليتي ..شفته كاعد على كرسي ويهز برجله