انت قدري

انت قدري الفصل الاخير

الفصل الحادي عشر 

الشخص :ممكن اطلب من حضرتك طلب 

آدم : آه اتفضل 

الشخص : انا كنت عايز اتقدم و اطلب ايد اخت حضرتك 

آدم باستغراب : اختي مين 

الشخص و هو يشاور علي مريم : اخت حضرتك اللي جات معاك 

آدم و الشر يتطاير من عينيه : تطلب ايد مين يا روح امك 

الشخص بضيق : لو سمحت يا فندم لو مش موافق قول لكن كله الا الاهانة 

آدم و هو يلكمه : انت لسة شفت اهانة بقا جاي تطلب ايد مراتي مني و تقولي اهانة دانا هخليك تندم علي اليوم اللي جيت فيه ام الفرح 

الشخص بصدمة : مرات حضرتك انا اسف معرفش انا ملقتش دبلة في ايديها 

آدم و هو يلكمه مرة واحدة : تمام اوي بس المسامح كريم و انا آدم مش كريم يا حيلتها 

و ذهب آدم و امسك يد مريم بشدة لدرجه اشعرتها بالوجع 

مريم بوجع : آه يا آدم في ايه اوعي بتوجعني 

آدم و هو يدفعها بداخل السيارة : انا هوريكي قال يجيلي عيل... و يطلب ايدك مني و يقولي مش لابسة دبلة ، و انتي مش لابسة دبلة ليه ها ردي ، و قال الاخيرة بصراخ افزع مريم 

مريم : انا ذنبي ايه و عملتلك ايه عشان تحرجني كدة ، و اكملت بوجع : و هو انت اصلا كنت افتكرت اننا متجوزين عشان جاي دلوقتي تقولي فين دبلتك ، و بجمود : و علي العموم اسفة يا استاذ آدم اني سببت ليك مشكلة تقدر حضرتك ترجعني تاني الملجأ و تطلقني لما المدة تخلص و هكون بعيدة عن حضرتك و مش هسببلك وجع دماغ او احراج 

آدم بوجع ☹️: مريم سامحيني انا مبتأسفش لحد لكن انتي بتأسفلك عارفة يعني ايه آدم  يتأسف انا يمكن قاسي معاكي لكن انتي متعرفيش سبب ده انتي متعرفيش انا عشت ايه خلاني اكره الستات كلهم و مع ذلك حبيتك ايوة يا مريم حبيتك و حاولت انكر ياما و عشان كدة كنت بعاملك وحش انتي عارفة يعني ايه قلبي يدق بعد ما كنت فاكر انه مات عارفة يعني ايه اتغير انا عمري ماكنت كدة طول عمري انسان آلي انا بوعدك مش هعمل كدة تاني  انا غرت و حسيت اني بتحرق لما الواد ده طلب ايدك 

و كل ذلك و مريم دموعها تنزل بغزارة : اللي بيحب مبيوجعش و انا حبيتك يا آدم من كلام جدو و لما شفتك و كنت بدايق لما بتتجاهلني فكنت بتجاهلك 

آدم : بس انا حبيتك و مش بس حبيتك انا عشقتك 

مريم و هي تمسح دموعها بطفولة : يعني مش هتزعلني تاني 

آد بعشق : في حد يقدر يزعل روحه 

هزت مريم رأسها بمعني لا 

آدم و هو يأخذها باحضانه : بحبك يا مريم و بعتبرك بنتي و صاحبتي و حبيبتي و كل حاجة فالدنيا ليه