Me and My Suspicious Partner(fanfic For WuQi)[Completed ]

YOU ARE READING

Fanfiction

Story Title_ Me and My Suspicious Partner ဧကရာဇ်ပိုင်ဝူရှန့်သည် လုပ်ကြံခံရကာ ချီရုန်တို့ဓားပြစခန်းအနီးရှိရေကန်တွင် သတိလစ်လျက် ချီရုန်၏တပည့်များမှ ကယ်တင်ခဲ့ကြသည်။ ထိုမှတဆင့်် ကျွင်းဝူဟူသော အမည်ဖြင့် ဓားပြခေါင်းဆောင် ချီရုန်နှင့်အတူ ထောင်ထဲဝင်လိုက် ထွ...

#fanfiction #heavenofficalblessing #junwu #qirong

Part 11 (၀မ်းကွဲအကိုကတော့ လုပ်ပြီ)

Start from the beginning

by HninAung913

"ဒီကိစ္စက ဧကရာဇ်အထိတင်ပြဖို့လိုပါ့မလား။"

ချီရုန်က ကျွင်းဝူကိုမော့ကြည့်လျက်အသာရေရွတ်လိုက်သည်။ ကျွင်းဝူက အမှိုက်ထုပ်ဖြင့်အလုပ်ရှုပ်နေသော ရှဲ့လျန်တို့ကိုကြည့်နေရင်းမှ ချီရုန်၏စကားကြောင့် ချီရုန်ကိုပြန်ကြည့်လာသည်။

"ဗျာ!!!!"

"ဘာမှမဟုတ်ပါဘူး။"

ချီရုန်ကခေါင်းပြန်ငုံလိုက်သည်။

"ချီရုန်။ ငါပြောမယ်။ မင်းသူနဲ့လိုက်မသွားရဘူးနော်။ "

ရှဲ့လျန်က သူ၏ အထုပ်နေရာအတည်အကျဖြစ်လေတော့ ခါးနှစ်ဖက်ထောက်ကာ ချီရုန်ကိုပြောလေသည်။ ချီရုန်က ရှဲ့လျန်ကိုကြည့်လိုက်ပြီး

"ဘာလို့လဲ။ မင်းကျ သူနဲ့လျှောက်သွားနေပြီး ငါကျဘာလို့ မရတာလဲ။"

ချီရုန်ကရှဲ့လျန် ဘေးရှိဟွားချန်ကိုမေးမော့ပြရင်းဆိုသည်။ ရှဲ့လျန်က ဟွားချန်ကိုတစ်ချက်ကြည့်လိုက်ပြီးမှ ချီရုန်ဘက်သို့ပြန်လှည့်ကာ

"ချီရုန် မင်းကိုယ့်အကိုကိုပြန်ပြောနေတာလား။ ငါမင်းကို စောင့်ရှောက်ပေးဖို့ မင်းမိဘတွေကို ကတိပေးခဲ့ပြီးသား။ မင်းအန္တာရာယ်ဖြစ်စေမဲ့အရာမှန်သမျှငါပေးမလုပ်ဘူး။ နန်းတော်ဆိုတာကမင်းအတွက် အန္တာရာယ်များတယ်။ မသွားရဘူး။"

"မင်းဘယ်လိုသိလဲ။"

"......."

ချီရုန်မေးလိုက်သည့် စကားကို ရှဲ့လျန်ကအဖြေမပေးနိုင်ပဲ ရပ်တန့်ကာသွားသည်။ ချီရုန်ကဆက်ပြောလာလေ၏။

"မင်းမရောက်ဖူးပဲ ဘယ်လိုသိလဲလို့။ မင်းရောက်ဖူးလို့လား။"

"ငါ....."

ရှဲ့လျန်က ချီရုန်ကိုအကြောင်းပြချက်တစ်ခုခုပေးရန်ရှာဖွေနေပုံရသည်။ သူ၏မျက်ဆံများက ဟိုသည်ပြေးလွှားနေလေ၏။ ဟွားချန်ကတော့ မည်သည့်တစ်ခွန်းမျှ ဝင်မပါပဲရှဲ့လျန်၏ဘေးတွင်သာ သူတို့ကိုလက်ပိုက်ကြည့်နေသည်။ ရှဲ့လျန်က နောက်ဆုံးသူ၏ အကြည့်ကို ကျွင်းဝူဆီတွင်ဂိတ်ဆုံးစေလိုက်ကာဆိုသည်။

" သူ့ကိုခေါ်သွားလို့မရဘူး။ မင်းသာ အခုလက်ရှိဧကရာဇ်ဆိုတာမှန်ရင် ဒီကနေအခုထွက်သွား။ ဒီနေရာ၊ ဒီတောထဲကနေထွက်သွား။ သူ့ကိုတကယ်သဘောကျတယ်ဆိုရင် ပြန်မလာခဲ့နဲ့။ သူနဲ့ဘယ်တော့မှ လာမတွေ့နဲ့။သူနဲ့ဝေးဝေးမှာနေ။"