Pledges Of Predilection

31

Magmula kaninang umaga ay abala na ako sa pagtatrabaho, pilit kong kinakalimutan ang mga narinig ko kahapon kaya sinubsob ko nalang ang sarili ko sa trabaho.

Hanggang ngayon ay abala ako sa pagtatrabaho kaya hindi ko na masyadong namalayan ang oras at gabi na pala. Agad akong tumayo para ayusin ang gamit ko at tahimik lang ako sa ginagawa ko nang biglang bumukas ang pinto ng opisina ko at bumungad dun sila mommy and daddy.

"Where is your wife?" Galit na tanong ni mommy sa'kin kaya agad akong nagtaka.

"Nasa bahay, bakit? Something happens?" Nagtataka kong tanong sa kanya.

Mabilis niyang nilapag ang bag niya sa ibabaw ng lamesa ko at may nilabas na isang brown envelope.

"Open it and see it with your own eyes." malamig na sagot niya sa'kin.

Dahan-dahan kong kinuha ang envelope at binuksan 'yon. Halos hindi ako nakagalaw sa kinatatayuan ko ng makita ko ang mga litratong laman ng envelope.

"She's cheating on you!?" Pagsigaw ni mommy sa loob ng opisina ko.

"Are you sure that this is real? Mom, I know her, masyado siyang maraming trabaho para magkaroon ng oras sa mga ganitong bagay." malumanay na sagot ko habang binabalik ang mga litrato sa loob ng envelope.

"Wake up! That's true!" Pagsigaw sa'kin ni mommy.

"Mom! Let's stop this nonsense conversation, she's very hands on to their company, she's always busy so how can she do those things? I know her, that's not true." Malumanay kong sagot sa kanya.

Magsasalita na sana siya ulit ng biglang tumunog ang cellphone ko kaya tinignan ko kung sino ang tumatawag.

Incoming Call...
Unknown Number

"Hello? Who's this?" Bungad na tanong ko sa kabilang linya.

{Did you see the photos?} Malumanay niyang sagot sa'kin.

Agad akong napatingin sa envelope na nasa harap ko. Ito ba ang tinutukoy niya?

{You know what, you really don't know your wife. You didn't know everything about her.}

"Sayo ba galing 'tong mga litratong nandito sa harap ko?" May halong galit na tanong ko sa kanya.

{Isa lang ang masasabi ko sa'yo ngayon, hindi na mahalaga kung sa akin o hindi galing 'yang mga litratong yan. Just go home and ask your wife about that.}

Hindi na ako nakapag salita dahil binaba niya agad ang telepono.

Mabilis kong kinuha ang susi ng kotse ko at ang envelope tsaka ako lumabas sa opisina ko. Narinig ko ang pagtawag ni Mommy sa'kin pero hindi ko siya pinansin at dire-diretso lang ako sa paglalakad hanggang sa parking lot.

Mabilis akong nagmaneho pauwi sa bahay at pagdating ko roon ay bumungad sa'kin si Manang.

"Oh iho, tamang-tama ang dating mo, nakaluto na ako ng hapunan." Nakangiti niyang bungad sa'kin.

"Where's Athena?" Bungad na tanong ko sa kanya.

"Nasa kwarto, tatawagin ko na nga san-" hindi ko na pinatapos ang sasabihin niya at dire-diretso lang akong umakyat sa kwarto.

~~~

Tahimik lang akong nagliligpit sa kwarto namin ni Chase dahil kakauwi ko lang galing sa opisina kaya habang hinihintay kong maluto ang hapunan ay nagligpit muna ako.