خفايا ضابط

بارت١٢

ترف:-اخذت الفستان وشويه خصرته يم الخياط ورفل فرينا السوك كله على شي يرضي ذوقها مالگينا وجدتي رجلينها تعبت

رفل:-ماعجبني شي

ترف:-خرب ذوقج سوك كامل ماعجبج شي بيه

رفل:-والله.  ‎أحــسن اجيب ملابس ومالبسهن. اشوف باجر اخلي ماما تاخذني  يله امشي خلي نحجز صالون شوفي بيبي تعبت من المشي

ترف:-طلعنا من السوك ورحنا للصالون حجزنه ورجعنا للبيت

حور:-لو متأخرات بعد شويه

ترف:-غير رفل فرينا السوك كله ماعجبها

أم قاسم:-رفل بعد ولا اطلعج ويانه شكد عكره

رفا:-ياااا غير ماعجبني شي

حور:-من يوم يومج نفسيه مو شي جديد

رفل:-عاد هسه انتي شلونج عيني

ترف:-صعدت بدلت ملابس ونزلت صبينا الغدا واحنا نتغدا حست اكو نضرات غريبه بين فهد وحور هو يخزرها وهي ترفعله حاجبها شديصير . كرصت حور فزت من كرصتي

حور:-وجعععع شبيج

ترف:-ههههه اتشاقه وياج

حور:-كبر هو هذا شقه

ترف:-كبر اليكبرج وبصفه شرطي وجلب حتى خاف تكومين الشرطي يضربج والجلب يعضج

حور:-ماحط عقلي بعقلج زعطوطه

ابو قاسم:-اكلن بدون صوت

ترف:-شبعت ورحت غسلت وسويت جاي شفت حور كملت كلت لرفل عينج عالجاي سحبت حور كلتلها تعاي شوفي شجبتلج وهو جذب مجايبتلها شي صعدنا لغرفتي سديت الباب وركضت يمها

حور:-‎شجاج اليوم عندج طاقه

ترف:-شنو الي بينكم ؟؟

حور:-‎منــوو قصدج

ترف:-انتي وفهد شصاير بيناتكم

حور:-ماكو شي

ترف:-لتجذبين مرتبكه لعد ليش واحد يباوع عالثاني من جنا ناكل

حور:-ترف شعليج

ترف:-لاااا عليه يله كولي من شوكت تضمين عليه

حور:-أا شلون ابديها ماعرف سدي الموضوع

ترف:-لا بداعت ابوج احجي

حور:-فهد يحبني

ترف:-عززززره وانتي

حور:-ماعرف مشاعر متلخبطه وتعاركنا قبل شويه

ترف:-ياااااا ليش تعاي احجي كلشيمن البدايه شلون عرفتي يحبج

حور:-بيوم عرس فيان

ترف:-اي شصار

نرجع شويه لعرس فيان

حور:-باوعت لتليفوني مابيه شحن هوايه واني مقرره اروح للزفه توسلت ببابا يله وافق صعدت ردت اشحن التليفون دخلت لغرفة ترف خليته عالشحن وطلعت دامشي شفت فهد كبالي همزين مانضربت بيه  سحبني من ايدي ودخلني لغرفته وسد الباب أستغربت من تصرفه  ليش يسوي هيج وشعنده ويايه