الفصل الثالث والعشرون
_________________
خدت نفس بهدوء: الو
$$: حضرتك الأوضة دي..مريضتها للأسف..البقاء لله!!
بلعت ريقي بخوف وعيني اتهزت في كل مكان حواليا..سألت بارتباك وأنا بدعي ان تفكيري يطلع غلط ومش صح..لاء مش صح أبدا..عيني اتملت بالدموع..فسألت بارتباك ونبرة مبحوحة: اي مريضة بالتحديد..؟
الممرضة: مريضة أوضة** مش حضرتِك المسؤول عنها..فيه رقمين كانو متواجدين..ودا واحد منهم
حسيت برعشة خفيفة في جسمي..واني مش قادرة أحافظ علي أعصابي..حسيت صوابعي بتتهز ومش قادرة تشيل التليفون في ايدي حته..التليفون وقع من ايدي وأنا مش حاسة بيه..عمار قرب بسرعةوسأل بقلق: مالك؟..في ايه
بصيت له وفي عينيا لمعة الدموع مع بحة صوتي اللي بيخرج بالعافية: ههند..هند يا عمار
عمار: مالها؟
دموعي نزلت وأنا مش قادرة اتملك نفسي..وبقع لقدام..سندني عمار بخوف وقلق: فيها ايه؟..قولي
دموعي نزلت بألم ووجع..نزلت بهستيرية مقدرتش أتحكم فيها...صرخت بحرقة: هند ماتت يا عمار..هند مااااتت
عمار مسح علي راسي بعدها ثبتني: مين الي قالك..مين
اتكلمت من بين دموع قهرتي عليها : حد من المستشفي..بيقول انه..انه.. صرخت بكل صوتي... انها ماتت..ماتت يا عمار ماتت..ماتت من قرتها علي نفسها وعلي ولادها..ماتت وسابت الدنيا البشعة دي عشان ترتاح..ماتت بس سابت وراها تلت أطفال زي الورد ذنبهم ان امهم مستهترة وأب جشع ومجرم...ماتت ياعمار ماتت..
عمار ثبتني وصرخ فيا: اهدي مش بالشكل دا..اهدي..خلينا نتأكد الأول..نتأكد ونعرف ايه الي حصل بالظبط ونفهم
صرخت بخنقة من دموعي:نتأكد ازاي؟..نتأكد ازااااي..قولي
بابا وماما دخلو علي صرختنا وماما حضنتني واتكلمت بهلع: ايه في ايه.. بصت لعمار..مالها بتصرخ ليه
بصيت لها بضعف من بين دموعي ورميت نفسي في حضنها : هند ياماما هند ماتت بعد كل دا وماتت من غير مقدمات..ماتت..ماتت
ماما: طب اهدي بس مايمكن تكون غلطة..عادي بتحصل كتير..خلينا نتأكد بس
ماما مسكت تليفوني وادته لعمار: شوف كدا يابني اتأكد كدا..لايكون الموضوع كذب وماهواش صح..حصلت كتير قبل كدا
بابا: شوف كدا ياعمار يابني
عمار دور علي رقم معتصم ورن عليه..مرة والتانية وأخيراً رد..: فرح أنا كنت ا
عمار سأله بسرعة: خبر موت مدام هند حقيقي بصحيح ولا تأليف أو غلطة بيانات
معتصم رد بنبرة هادية:لاء حقيقة فعلا..مدام هند اتوفت
عمار سأله بهمس: انتحرت؟
معتصم نفي بسرعة: لاء منتحرتش..اتكلم بهدوء وحزن.. هند كانت مريضة بالقلب ودا اللي اكتشفناه من فترة..عي أصلا كانت بدأت تتحسن وتتجاوب وتتناسي اللي فات بالعكس دي كانت عايزة تشوف ولادها ..لكن النهاردة الممرضة كانت رايحة تقدملها الأكل.لقيتها مفيهاش نفس وبعد الفحص اكتشفنا انها اتوفت بجلطة.. شافت حاجة دورت نفسيتها..
حسيت بوجع أكبر مية مرة من وجع الجرح وألمه.. بكيت بهستيرية في حضن ماما اللي حاولت تمسكني تهديني.. لكن كل مافتكر شكلها في اللحظات البسيطة اللي قضيتها معاها.. فرحتها في أول يوم ثانوي.. حزنها اللي اتغلفت بيه في عيد ميلادي.. فرحتها مع نطق بنتها لأول مرة ماما..حالتها اللي اتدهورت ورفضها لأي مساعدة من اي حد..ضحكها وبسمتها يوم خطوبتي..ورقصها اللي اتلككت بيه الفرحة عشان تقربلها..ضحكتها لما كنا دايما نشوف ولادها يتخانقو مع بنات رؤية.. لما حكت لنا انها وأخيراً لقت شغل في محل ملابس وهتقدر تصرف ومتحتاجش لحد.. لمحة الحزن اللي كانت بتظهر لما تلاقي حسين دايما متعصب ومنزوي لوحده بعيد عن الأطفال وعنيف.. لاء ومش بيعيش سنه زي الأطفال.. أول قبض لما راحت بيه عشان تفرح ولادها وتجيب ليهم هدوم عشان تعوضعهم عن القرف اللي شافوه أيام أبوهم.. افتكرت المشاهد دي كلها ومع ذالك حسيت بحرقة ووجع عليها وأنا حتي مجربتش ذرة بسيطة من وجعها.. مابال هيا اللي عاشت كل وجع من دا ولوحدها من غير سند وياها...
حسيت بالتعب فسندت علي كتف ماما اللي هدتني وأنا خلاص مش قادرة..حاسة بالعطش بشكل رهيب..حاسة بخنقة مش طبيعية..دموعي نشفت ووجعي عليها بيزيد..حسيت اني تايهة ومش مركزة في حاجة خالص.
عمار وبابا خلصو اجراءات الدفن..وااتصلو بأخوها اللي حاول ينزل بكل استطاعته وقلبه اتخلع لما سمع بالخبر..اما الولاد فحسو ان في حاجه مش طبيعية أكيد.."نايا" من بعد ماعرفنا الموضوع وهي مش بتبطل صريخ..لاء صريخها متزايد ومابيقلش..كأنها كأنها حاسة..رؤية عرفت من خبر الجرايد..وحالتها مكانتش أفضل مني!!..بالعكس حالتها كانت وحشه جدا..من كتر ألمها ووجعها علي صاحبتها اللي شبه قضت معاها عمرها كله..لدرجة انها وقعت في العزا اللي عملناه في بيتها احيائا لذكراها..والليواكتشفت وقتها لنا كشفت انها حامل..وحملها مهدد بالخطر..عشان كدا اتماسكت..
____________
سبحان الله وبحمده..سبحان الله العظيم..سبحان الله وبحمده..سبحان الله العظيم
___________
