#بسمة_غضبان
#ردني😔
يا ريل الصبى.......لشيبات ابوي
الدغدغن خدي......وضحكتلهن طفل 💔. ب . س . م . ة . غ . ض . ب . ا . ن
ماكو اخابر ما احد يجاوبني ..
انتظرنا هواي اسبوع كامل و حياة ابويه بخطر فقررتت احجي ويه امي و ابيع البيت ..
اتصلت على رقم غضبان اكثر من مره ما يرد .. اليوم هو خابر
: الو بعد وكت وين اليومين ابو نطاح صدك تحجون
: اسف والله اسف بس جدي اتخربط و الانستا بي و صار اسبوع العشاير و كرابتنا خري مري ببيتنا ما كدرت اجي و لزموني بالواجب: اني ايست منكم و تفشلت ويه المستشفى مالتي بسببكم و ابويه لخطر راح نبيع بيتنا الله لا يعوزنا لاحد
: يولي شنو هذا الحجي مثل ما هو ابوج هو عمي دحكي باجر احنا يمكم لا تتخبلين و ابويه وياي راح ييجي
: تمام لا تتاخرون راح ابلغ الدكتور: دحكي و حق الحق جان اخذت ابوج و طلعتو بره عالجناه بس انه ضابط و اخوتي عدهم اشغال و انتي مقرره ع هذا الدكتور
: تمام حباب لا تتاخرون باجر البليل العمليه اليوم راح اخذ موعد
: اها هاهيه باجر احنه يمكم
نزلت من غرفتي سويت ريوك و ابويه بعده ما كعد .. رحت لغرفته عجيب بعده نايم
ندسته ما جاوب ولا انطه اي رده فعل ..
ايديه ترجف لحظات من اصعب اللحظات بحياتي ..
همست : بابا سويت ريوكرفعت الغطا دحكت وجهه اصفررر ما بي اي حياة حطيت ايدي على وجهي : بابا عليك الله مو وكتها
اتفحصت نفسه و النبض ماكو اي روح ..
غمضت عيوني و فتحتهن و رجعت اتفحصته ..اكثر من مره اغمض عيوني و افحصه و ارجع اكرر .. تمنيت يطلع حلم .. اصعب موقف هو هيج موقف ..
كعدت ما كدرت ابقى واكفه حسيت رجليه صارت خيوط : انا لله
مسحت دمعتي و غطيت وجهه و كعدت بالكاع مكسوره ما اعرف شنو اتصرف
اطرافي مثلجه و ايدي ترجف ..حرت هسه شسوي حسيت نفسي ضايعه شعور حقير ما عرفت شنو اسوي
رفعت التلفون دكيت على غضبان بسرعه رد: الو ها بسمه خير خو ما صار شي
: انتو السبب
سديته و شمرت التلفون بعيد امي اجتي شافتني شلون كاعده و حايره
: بسمه شكو شبيج هيج
: يووووووم بابا ... نام
: نام ؟ بسمه هبطتيني عبالي صار شيحطيت ايدي على وجهي : نام النومه الابديه .... مات ابويه يووووم
امي صرخت و لطمت على صدرهه : حمّاد لاااا
![](https://img.wattpad.com/cover/223903198-288-k872806.jpg)
CITEȘTI
بسمة غضبان
Ficțiune generală- منو بسمه ؟ - هي بمثابة الولد الوحيد الي انفقد من عائلتنا 😔 .. •من صُلب واقع مجتمعنا العراقي ، هي تكره طباعهم و هو يحبها فكيف يا ترى سيسحب قلبها له ؟ الحب ! و التقاليد ؟ ايجتمعان ؟ ستتعرفون على كل ذالك في القصه •نبي الله ادم نزل من الجنه كله بسبب...