بسمة غضبان

٢

#بسمة_غضبان

/////////////////////
🥺 ومثل موت النخل بالكاع
مات اخوي 💔 ...
////////////////////

انعدم اخويه .. الوحيد ..
بسببي بس .
جنت احسه مو اخويه لا احسه ابويه ..
والله جنت احس نفسي بنته ..

من جان يروح للشغل و يجي وقت رجعته اني انتظره عالباب و اعد الدقايق ..
جنت كل يوم احضر كلاص المي و اوكف استعداد ..
حتى الباب الي جانت اكثر شي ننجمع يمها نتحاضن بوقت طلعته و بوقت رجعته حتى الباب جانت متعوده اوكف يمها و من اتوفى استغربتها ..

جان حيل يتعب على مودنا ..

همل مدرسته و دراسته في سبيل يعيشنا و يساعد ابوي ..
جان يعتبرنا الرقم واحد بحياته يفكر بينا قبل نفسه جان عنده قميص اربع مرات ينشك و يجيبه الي اخيطه ..
يستحيف بنفسه يشتري شي لنفسه يكول انطيه لخواتي الرجال ما تهم هدومه و قيافته بس البنيه يحتاجلهه ..

جان كل يوم لازم يدخل للبيت شايل علاكه حتلو بيهه بس علج يكول المهم اشوف الفضول بعيونجن و الفرحه ..

جنت اكله هذا زياده مصرف ..
يكول .. زياده المصرف هاي مريوده حتى كل يوم الكاجن عالباب مثل البزازين تنتظرن

هواي اشياء باقيه بگلبي من ذكريات هادئه و حلوه مو مثل سنيني
يمكن اصعب شي هو فراگ النحبهم ..و خاصه القريبين علينا اكثر من نفسنا
و خاصه اخوي جان كلش قريب عليه باعتبار هو الي رباني
بس مات
و من يومها اني صرت اشوف نفسي وجه شؤوم للعائله .. لان اليوم الي انعدم بي جان يوم ميلادي و جنت اتوقع او مقتنعه ان اني السبب

و راح ابويه بكل عجز و بكل الم .. استلم جثة هلال و دفع فلوس الطلق الي انعدم بيهم .. اي دفع فلوس لقاتل ابنه حتى يستلم جثته ..

و محد ما اجه و عزانه ولا طب دارنه اصلا الفاتحه انلغت لا عدنا مصاريف التكفي ولا احد ييجي يخافون ..

فتره كلش صعبه جانت ابويه تدهورت صحته امي مثل ابويه و اكثر ..

و اضطرينه نطلع من بغداد و نترك بغداد نهائيا و نروح لبيت خالتي ساكنه باحدى المحافظات بس بعيده عن خوالي ..

و هي الثانيه هم متزوجه مسلم ..

انتقلنا ببيتهم حضرولنه غرفه بره بيتهم علمود ابويه ..

و جنت اني و خواتي نروح يم جهال خالتي ننام لان غرفتهم جبيره ..

جانت خالتي عندها ولد اسمه عمار بالكليه مرحله اولى اداره واقتصاد ..
و عدهه 2 بنات لارا و يارا
و ولدين صغار ازل و يحيى

بيتهم جان جبير و بي فوك 3 غرف و جوه غرفه و استقبال و هول و الخدمات ..

و اكو غرفه بره البيت خصصوها النا ..