"Mr. Choi ... Mrs. Kim က တွေ့ခွင့်တောင်းနေပါတယ်"
"ဝင်ခိုင်းလိုက်"
"ဟုတ်ကဲ့"
"ဘာကိစ္စရှိလို့လဲ ... Mrs. Kim"
"ကိစ္စကို ရှင်အသိဆုံး ဖြစ်မှာပေါ့"
"ဟင်း... ဘာလဲ Kevin ကိစ္စလား"
"ရှင်ဘယ်လိုစဥ်းစားထားလဲ"
"မပူပါနဲ့ ... သေဒဏ်တော့ အပေးမခံရပါဘူး"
_________________________________________
Wooyoung နဲ့ Yeosang တို့ Erika ရဲ့အိမ်ကို ရောက်သွားသည်။ ခြံဝင်းထဲမှာ ကားကို တွေ့လိုက်ရတဲ့အတွက် Erika အပြင်မသွားဘဲ အိမ်မှာပဲရှိကြောင်း သိရသည်။ တံခါးခေါက်ကြည့်တော့ တုံ့ပြန်လာမှု မရှိ။ နှစ်ခါ သုံးခါ ခေါက်ကြည့်တော့လည်း မထူးလာ။ ဒါနဲ့ တံခါးကို ဖျက်ပြီး Wooyoung နဲ့ Yeosang အိမ်ထဲကို ဝင်လိုက်ကြသည်။ ဧည့်ခန်းထဲတွင် ဘယ်သူမှမရှိ။ မီးဖိုချောင်ထဲတွင်လည်း ပြောင်ရှင်းနေသည်။ ကိုယ်နဲ့မကွာ အမြဲသယ်ထားသော သေနတ်များကို မောင်းတင်လိုက်ရင်း နှစ်ယောက်လုံး အိပ်ခန်းကို ချဥ်းကပ်လာကြသည်။ တံခါးကို ဖွင့်လိုက်တော့ ခုတင်ခြေရင်းမှာ လဲကျနေသော Erika ။ Wooyoung ပြေးသွားလိုက်ပြီး နှလုံးခုန်နှုန်းကို စမ်းကြည့်လိုက်သည်။ တော်သေး၏ ... နှလုံးခုန်နေသေးသည်။ Erika ကို Wooyoung သယ်လိုက်ပြီး Yeosang က မှန်တင်ခုံပေါ်က တစ်ခုခုကို ယူလိုက်ကာ အိမ်ထဲမှ ထွက်လာပြီး ဆေးရုံကို မောင်းလာခဲ့ကြသည်။
ဆေးရုံရောက်တော့ ...
"အရေးပေါ် လူနာပါတယ် ... ဆရာဝန် မြန်မြန်သွားခေါ်"
Wooyoung က ရဲတံဆိပ်ထုတ်ပြလိုက်ပြီး ဆရာဝန် ပင့်ခိုင်းလိုက်သည်။ ဆရာဝန်ရောက်လာတော့
"ဘာဖြစ်တာလဲ"
"သေကြောင်းကြံတာ အိပ်ဆေးသောက်ပြီးတော့"
ဟူ၍ ဆရာဝန်၏ အမေးကို Yeosang က ခုနက ယူလာသော ဆေးပုလင်းထုတ်ပြပြီး ဖြေလိုက်သည်။
"Operation ဝင်ရမယ် ... အဆင်သင့်ပြင်ထားပါ"
ဟု ဆရာဝန်က ဘေးနားက ဆရာဝန်မလေးကို ပြောရင်း ခွဲခန်းထဲ ဝင်သွားသည်။ အချိန်အတော်ကြာတော့ ဆရာဝန်ပြန်ထွက်လာပြီး
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...
