كبرياء شيخ

الجزء ٢٦

احمد:شلج بهل حجي ومنو كال ما احبج ليش تفسرين كلشي حسب تفكيرج
كمره: كلبي يكلي انت ما تحبني ولا راح يجي يوم وتحبني 
احمد: هسه عرفت سبب حالتج بسبب تفكيرج الوهمي
سمعيني انه لو ما احبج جان ما بستج
ولو ما احبج جان ما حضنتج ولو ما احبج جان ما كل يوم اخليج تنامين واظل صافن بوجهج حتى اشبع منه
سمعيني مااريد اسمع بعد هل كلمه من عندج وشيلي هل التفكير من راسج جاي تأذين روحج وتأذيني وياج ومن هسه اكلج ما اعوفج ابد لا هسه ولا بعدين ولو شما يصير راح تبقين هنا غصبن عنج وعني رضيتي او ما رضيتي مفهوم
كضيت راسها بين ايدي وكلت
وداعت عيونج الحلوه امس من شفت حالتج رادت روحي تطلع عبالي خسرتج والخساره توجع انه مجربها واعرف ضيمها
واليوم حضري روحج حجزت عد دكتور زين حتى اجيك حالتج وما اريدها ترجعلج بعد
كمره: اشرتله براسي ب أي وعيوني كلها دمع
احمد: جكد تبجين دخيل ربج ارحمي عيونج عاد شادتلج خزان ما يفرغ
والله حرام عليج
كمره:حضنته حيل حسيت شوي كلامه ريحني ولو بعدني ما مطمنه بس شسوي احبه ولازم اتحمل عفته وردت اكوم
احمد: وين رايحه
كمره: اسبح احس ريحتي كلها دم ومستشفى
احمد: تحبين اساعدج
كمره: لا لا صرت زينه
احمد: هههه على كيفج يابه براحتج
كمره:خجلت منه طلعتلي ملابس وطلعتله وياي خليتهن على الجربايه هو ظل يكلب بتلفونه ويخابر وتجيله رسائل واشوفه يتخربط من يقراهن
عفته ودخلت للحمام وبراسي ميت حسبه اعرفه ما يعوف السالفه اذا ما ياخذ حكه بس خايفه علي كملت وطلعت وهو دخل جاي امشط شعري وسمعت دفره بالباب خلتني انز وانه بمكاي ركضت فتحت الباب وشفت
ليلى:يمه موتني الدرج شطوله راحت رويحتي
كمره: شفتها حالتها تضحك وتلهث فحطانه خطيه من صعدت الدرج وهي مره جبيره الله يساعدها
حجيه شصعدج
ليلى: ولج بيبي روحي مفرفحه عليج من امس كليلي هسه شلون صرتي
كمره: حجيه الحمدلله زينه لا يظل بالج عليه
ليلى: شلون يمه وانه شفته نازل بيج وانتي مثل الطويره المذبوحه لا حس ولا نفس شجرالج يبيبي
كمره: جنت حاسه بكلشي بس ما اكدر احجي
ليلى: شكدرج يبيبي احجي سولفيلي لا تضمين بكلبج ترى يكتلج
كمره: ماكو شي حجيه
ليلى: شو باعيلي
كمره: رفعت راسي وشافت عيوني كلهن دموع
ليلى: جا هذا الدمع شنهي
سمعيني يبيبي انه اعرف شجرالج وحاسه بيج ماكو مره ما تحس برجلها
ولزومن انصحج ٲℓانــتيہ وحدج تكدرين تطيبينه وتخلين كلبه بس الج
كمره: ما اريد افرض نفسي علي
ليلى:خايبه شبيج ٲℓانــتيہ غمه
شايفته امس شلون تفرفح عليج وما اندل طريجه
ولج لا تخسرينه ولا تبينيله ٲℓانــتيہ حاسه بشي
خليج قويه وانتي صيري مرته وأمه وأخته وكلشي اله حسبيها صح
كمره:سنين ما كدر ينسى تردين انه اخلي ينسى
ليلى: ولج هو ناسي بس يحس هو سبب موتتها وهذا الخانكة ٲℓانــتيہ هسه بكلبه بس عقله يرفض هل شي صيري سباعيه وجيبيلج فرخ وهو مو بس ينساها وينسى ابوها هم
كمره:حجيه كتلج هذا امربيد الله موبيدي
احمد: لا بيبي بيدها راسها يابس شسويلها
كمره: عزااا راح يفضحني
باوعتله واشرله بعيوني
ليلى : شنهي فهموني شسالفتكم
احمد: حجيه مسويتها علي حصار وجفاف حتى بوستها كوه بطلاع الروح ياله احصلها
ليلى: وي وي شنهي
كمره: حجيه يشاقه وياج شبيج لا تصدكينه
اشرله وما يفيد يحجي ويه الحجيه وكوه لازم ضحكته
ليلى: ولك حميد صدك تحجي لو تشاقه
احمد: وروح جدي عواد بييبي شلون اجذب عليج
ليلى: كومي لا بارك الله بيج وانه صارلي ساعه اخرط عليج عبالي ادميه انه اعلمج شو وخري من طريجي
احمد: هههههههه بيبي تعاي شبيج
ليلى: امشوا ولو مني
جاي ارد لبيتي بس من سمعت هذا الحجي باقيه على كلوبكم الكم مده شهر اذا ما سمعت بيج حبلتي وحك علي بهاي عوجيتي اكسر جعوبج واخلي ياخذ عليج مره وكولي ليلى ما كالت
كمره: صخام الصخمني  عافتنا وطلعت ودرت على احمد كلي غضب ابدي افترسه
شكتلها بالله شيفكني منها بعد
احمد: هههههه تستاهلين ما تجيہٰن الا هيج
كمره: لا وتضحك بعد شهامك هسه تروح للمضيف وبعد ما اشوفك الا نص الليل وهي هسه تظل تنك على راسي
احمد: ٲℓانــتيہ بس اشريلي وظلي يمي وانه بعد ما اطلع من الغرفه
كمره: عزااا انت شجاك اليوم
احمد: خجلتي مو
شفتها خجلت تقدمت عليها وانه بعدني ما مبدل كضيتها وحصرتها على الكنتور وطبكتها على صدري وخليت وجهي بوجها وكتلها
مو زين مني ما كتلها انه لسه ما ماخذج
كمره: وشمدريك ما فهمت هاي بيبيتك ما يفوتها شي
احمد: لا تخافين لو حاسه بشي جا حطت كرسي وكعدت ورى الباب تاني نيشانج
كمره: صدك تحجي لو تضحك علي
احمد:قربت راسي يم ركبتها وأشم بريحتها وبستها حسيت جسمها رجف
وحجيت بخدر
يا يوم ضحكت عليج انه
كمره: هااااااا
احمد: حسيتها خدرت ظليت أبوس بيها على كيف وهي ذابت كلش وكلت
رجعنا للفهاوه مالتج
كمره: احمد ش ش جا ي ت ت سوي.
احمد:كمره بعـٌـــِد ما اكدر اصبر لا تمنعيني
كلشي بيج يجذبني احساسج وعطرج وطولج وعيونج وشعرج وجسمج وملامحج من الاخير كمره كلج على بعضج تجذبيني
كمره: سحبت نفس قوي وحجيت بكلبي هذا حقه ما لازم امنعه كافي هو صابر علي هلكد ليش امنعه واخسره بالزايد لازم اكسر خوفي واخلي ينهي • ﮪل السالفه لأن هي وراي وراي لو جكد ما اماطل  بس شسوي لخوفي
: ردت ادفعه ما كدرت هو قوي وأضخم مني وانه هم ذبلت من لمساته
بدى يبوس بركبتي بالبدايه بهدوء بعدين بدى يقوي البوسه مالته ويعض بركبتي وبصدري ويصعد على شفتي وعيوني وخدودي ورجع على شفتي وصارت بوسته اعنف حسيته كطعهن ابتعد عني وجه كله عركان وكال
احمد: فتحي عيونج وجاوبيني
كمره: فتحت عيوني وكتله على شنو
احمد: تحبين اكمل
كمره: خليت عيوني بعيونه وحاوطت ركبته بأدي وبسته من شفته بمعنى كمل ما راح امنعك هذا حقك
هو ما صدك رجع يكمل البداه ما خلى مكان ما باسه وشالني وهو مستمر بالبوس وانه بديت أبادله وما خجلت بالعكس جان شعور حلو وخلاني على الجربايه وبدى ينزعني ملابسي وانه فاقده بغير عالم وما حسيت على شي بعـٌـــٌِد مده حسيت بوجع كلش قوي صرخت هو حس علي وخلى ايده على حلكي وانه عضيته بكل قوتي ابتعد عني وانه ابجي من الوجع باس راسي ولفني بجرجف وكال مبروك يا روحي هسه صرتي مرتي وراح تصيرين ام جهالي سحب وصله بيضه جانت محطوطه بالمجر عرفتها وصلة النيشان
سوى الازم بيها وكترها على صفحه وكال
احمد: كمره ظلي نايمه ادري بيج موجوعه راح ادخل اسبح وانتي ارتاحي على ما اطلع
كمره: اشرتله براسي اي
ظل فتره وطلع لكاني على وضعي ردت اكوم ما كدرت الوجع اخذني شافني واجى
احمد: كمره ادري بيج ترفه وما تحملتي عذريني هسه بس تسبحين ترتاحين راح اشيلج اخليج بالحمام ظلي فترى بالماي الحار وانه راح اودي نيشانج لأمي لأن هي تدري بوضعنا تمام
شلتها وخليتها بالحمام وفتحت الماي وطلعت
اخذت البياض ورحت على غرفة امي دكيت الباب وكالت تفضل
الشيخه: ها وليدي مرتك بيها شي
احمد: راويتها بياضها شافته ونشغت وشبكتني
الشيخه: الف مبروك وليدي شايف كل خير ما مصدكه جكد فرحانه الحمدلله والشكر الك ربي واخيرا حققت امنيتي
احمد: يمه شجرالج محسستني انه جنت عاجز
ترى انه جنت كادر اخذها بليله العرس بس جانت خايفه مني وجنا على خلاف ما ردت ازيد التوتر بينا
الشيخه: ولك يمه مو قصة عاجز ما اريد اذكرك بس جنت فاقده الأمل بيك تحب وتزوج جانت امنيتي وهسه تحققت
احمد: بست ايدها ورأسها يمه بمساعدتج كدرت أتخطى اكبر عثره بحياتي احمد ربي الف مره ٲℓانــتيہ آٱآمي
الشيخه: من كل كلبك وليدي هذا الحجي ما اريد ترجع ذيج الايام
احمد: يمه انه يا يوم املتج بشي وما دام ٲℓانــتيہ موجوده وابوي واخوتي وكمرتي يمي انه بخير
الشيخه: يااا صدك نسيتني مريتك شلونه كون أذيتها
احمد: والله يمه اذا اكلج لا اجذب عليج بس هي ما تتحمل شسويلها
الشيخه: تصير زينه وهسه اجي اشوفها واطمن عليها ولا تتقربلها اليوم بعد جرحها طري واخاف تنزف
احمد:• ﺂنٰ شۨـِﺂءۙ ﺂللـِه۫ہ ٰ
كمره: شالني وخلاني بالحمام وفتح علي الماي وراح صدك ظليت فتره حسيت الوجع خف سبحت وكملت ولفيت علي الخاولي طلعت جاي ابدل ملابسي بس انه كوه امشي حسيت على حاوطني من ظهري وكال
احمد: اسف ادري بروحي اذيتج بس مو بيدي ما تحملت ٲℓانــتيہ تنكرطين كرط
كمره: اسمع حجيه وانه فرحانه بداخلي كلت يجوز كلام الحجيه صح هو يحبني بس يكابر يكولها الي رآآح اصبر علي اول وتالي ما اكدر اعوفه تعلقت بي درت علي وحضنته وكتله ليش تتأسف هذا حقك مو زين منك صابر علي لو واحد غيرك جان ما تحمل
احمد: ممنوع تكولين واحد غيرك ٲℓانــتيہ الي وبس وكادر اصبر الج عمر وهسه لبسي مالابسج راح تجي امي تشوفج واليوم لا تطلعين اشوفج كوه تمشين وكلها تدري بيج مريضه خل يعدي اليوم على خير ومن باجر نزلي
كمره: زين والدكتور مو اليوم نروح
احمد: راح اأجل الحجز على باجر ما ادري اليوم تصير هاي التطورات
كمره:اباوع على ايده بيها جروح بسيطه شفتها وضحكت
احمد: شبيج تضحكين
كمره: على ايدك
احمد: شمدريني مرتي تحولت جلب
كمره:اي حقك الوجعه ما توجع الاراعيها
احمد: هههه وهسه بعدج متوجعه
كمره:وجع خفيف
احمد: وهسه بدلي ظاله بالمنشفه تكفي الشر لا تخليني ارجع عليج مره ثانيه
كمره: هههه اطلع وانه ابدل
احمد: ولو ما يحتاج بس امري لله طالع
كمره:بدلت ملابسي ومشطت شعري وخليت مكياج خفيف وجريت عيوني بالكحل لأن ما راح انزل اليوم يـ؏ـنـي محد راح يشوفني وتمددت على الجربايه كضيت التلفون جاي اخابر على هبه واندك الباب عرفتها الشيخه
كلتلها تفضلي فتحت الباب واجتلي جاي اكوم وكالت
الشيخه: خليج يمه مرتاحه ادري بوضعج زين
الف مبروك بنيتي رفعتي راس ابوج واخوتج وصرتي مرت الشيخ وهسه لازم تعرفين ٲℓانــتيہ صرتي كل شي بالنسبه اله حافظي علي وهمو ايديكم جيبولنا طفل
كمره: الله يبارك بيج عمه
الله كريم كلشي بيد الله
الشيخه: وهسه ارتاحي ولا تخلينه اليوم بعد يتقربلج انه هم كتله بس اخاف يشوف • ﮪل الضيم الكدامه ويفقد
كمره: • ﺂنٰ شۨـِﺂءۙ ﺂللـِه۫ہ ٰعمه
طلعت الشيخه ظليت كله فوك ما نزلت صعدولي الغدا والعشا واحمد بعدما شفته جنت متمدده اجت رساله من هبه
هبه: شلونج يا بذات لا تسألين لا تكولين هيج الزواج ينسي
كمره:الحمدلله اسأل عليج
هبه: شتسألين اشوفج حاركه التلفون على صخمه
كمره: هههههههه
هبه: اي ضحكي شعليج نايمه بالعسل
كمره: ولج يا عسل كولي بصل
هبه: الله عليج
كمره: والله شكلج ومنين ابدي
هبه: ولج احجي شعدي اليوم كاعدتلج للصبح
كمره: مستعده تسمعين الآكشن الصار من العرس لهسه
هبه: كلي اذان صاغيه
كمره: سمعي
كلتلها كلشي من بداية العرس لليوم
هبه: تحجين صدك لو تتفلسفين علي لو ما خذتني على كد عقلج
كمره: ادري بعقلج مطربك بس هذا الصدك
هبه: حجزيلي مكان يمج
كمره: شتخربطين صخمه
هبه: اموت على الاكشن ماكو شيخ زايد عدكم
كمره: اكو خير من الله طبي وتخيري
هبه: صدك
كمره: كبر شبيج مصدكه انه احسدكم على حياتكم هدوء ولا خوف ولا مشاكل ولا فصول ولا جيلات ولا فشك
هبه: ولج هذا الزين
كمره: ولج ورمتي كلبي عوفج مني شخبارج انتي بعدج تدورين حلوين
هبه: جا شعندي غيرهم احبل اجيب
كمره: شخبار الدوام
هبه: صدك على طاري الدوام شوكت تداومين الكورس راح يخلص
كمره: ما ادري اشوف احمد بلكي هل يومين
وهسه ما اعطلج اكيد عندج امتحان
هبه: اي والله مرارتي طكت من الدراسه
كمره: جا شكول على روحي راح تصير عندي الامتحانات مضاعفه
هبه:محد كلج فلفلي وعرسي
كمره: وسم شهل الحجي
هبه: هههه لا تزعلين زنوبه اشاقه وياج
تصبحين على خير
كمره: وانتي من اهل الخير
سديته منها وردت اتصل على اهلي شفت الوكت تأخر صارت الساعه ١١
ضجت من الكعده جاي اكوم انزل وانفتح الباب
احمد: وين رايحه
كمره: ضجت ردت انزل
احمد: اخواني جوه وانتي نازله بهذا منظرج
كمره: الغرفه خنكتني وانه بحدي
احمد: جان اتصلتي علي وانه اصعدلج
كمره: انت لا ما تكعد راحه
احمد: ههههههههه
هسهً اشوفج منو الما يكعد راحه
كمره: لا احمد الله عليك اليوم روح نام يم بيبيتك
احمد: هههههه خرب ابليسج ما لكيتي الا بيبي حتى تشرني على الحبل
بدلت ملابسي وتمددت على الجربايه هيه بعدها واكفه اشرتلها تجي
كمره: شتريد مني
احمد: ٲℓانــتيہ شعبالج بس مره وكافي شو تعالي
جريتها من ايدها ونيمتها على صدري وخليت راسي على شعرها وظليت اشم بيها
أفيش شهل ريحه تسطر سطر
كمره: احمد حباب صير عاقل
احمد: شبيج خايفه ما اسويلج شي اليوم الج راحه
كمره: وداعة امك
احمد: والله وداعتج بعد
تعشيتي
كمره: اي
احمد: الكل سأل عليج جوا
كمره: والحجيه
احمد: ههـٰٖۧـٰٰٰٖٖٖۧـههٰٰٰٖٖۧههههه
كمره: ليش تضحك
احمد: كضتها على كله بسامير وناويتلج على نيه بس الله الستار
كمره: ضربته على صدره وكلت
غير كله منك هسه شيخلصني منها
احمد: الصبح عضيتيني وهسه ضربتيني اشو طالعه عينج
كمره: من سوالفك قابل متعمده
احمد: كمره
كمره: هاااا
احمد: ٲℓانــتيہ مرتاحه وياي
كمره: انت شتشوف
احمد: انه اعترف بالبدايه جبرتج علي بس بعدين تعلقت بيج ما كدرت ااذيج ولا كدرت اعوفج اريد اسمع منج رد يريحني
كمره: اذا كتلك ما مرتاحه وياك تعوفني
احمد: مستحيل كطنه وشيليها من بالج ٲℓانــتيہ صرتي لأحمد سجلتي بأسمه
بس مال اعوفج هاي ما راح تصير
كمره: فرضا ما صار عندي أطفال وانت شيخ لازم يجي طفل يشيل اسمك
احمد: شلج بهل حجي بيش مفاوله روحج
كمره:جاي اكول فرضا
احمد: اي وين تردين توصلين بهاي فرضيتج
كمره: يـ؏ـنـي شتسوي
احمد: سهله اتزوج غيرج والشرع حلل اربعه
كمره : لا بالله
احمد: وجعه من الله جا شتردين
كمره: اتزوج ما امنعك بس نفس الشيخ الي يعقد الكم يطلكني
احمد: احجيها لخوالج
كمره: جاي احجي الصدك
احمد: وانه هم جاي احجي الصدك
كمره: يـ؏ـنـي شلون تزوج علي
احمد: ترضين بقسمتج وتسكتين
كمره: شوف احمد انه لو اموت ما اخلي وحده غيري تصير الك وانه على ذمتك غير هذا الحجي ما عندي
احمد: اكول نامي ولا تصير مشكله مالها داعي
كمره: شوكت اداوم
احمد: الاحد
كمره: وانت
احمد: وانه هم شعبالج تداومين وحدج رجلي على رجلج
كمره: تمام
نمنا وكعدت الصبح الساعه ٨ دخلت سبحت وصليت قضاء ونزلت هو بعده نايم لكيت الحجيه وهديه والشيخه كاعدين والبنات الي ينظفن البيت دخلت للمطبخ وكلت صباح الخير
الكل ما عدا الحجيه : صباح النور
كمره: حجيه لا تزعلين مني ما اكدر على زعلج
ليلى: لا تكدرين عبالي خوش بنيه طلعتي غمه
الشيخه: حجيه عوفي جنتي ما عليج بيها
ليلى: ٲℓانــتيہ ما عليج هاي مرت حميد اريد اعلمها مو مثلج كل خير ما بيج
كمره: حجيه وداعتج طبقت تعاليمج كلها
ليلى: تحلفين بداعتي جذب شكلولج علي راس بصل
كمره: حجيه جا شتردين اصورلج حتى تصدكين
ليلى: لا
كمره: جا شلون
ليلى: نزعي شالج خل اشوف امس اباوعلج ما بي دغش صافي جنه مرمر
كمره: حجيه عيب فشله منا هديه بعدها بنيه
ليلى: الصمي ونزعي الشال
كمره: امري لله اذا ما انزعه شيفكني
ليلى: شدردمتي
كمره: ما كلت شي
نزعته وهي شافت ونشغت
ليلى: يمه حميد الحكلي
الشيخه: خير حجيه شكو
كمره: بسرعه لفيت الحجاب
ليلى: عفيه بحفيدي السبع والله نجر اكيد امس حجايتي جابت نتيجه
الشيخه: حجيه عوفيهم براحتهم ليش تدخلين بيهم
ليلى: ٲℓانــتيہ لا تدخلين لو تظل عليج سنه ما تحبل هاي الغمه
الشيخه: ٲٳٲسـ๛ۖــۖـتغفـر اللهہ
كومي كمره ودي الاكل على السفره كبل لا ينزلون الولد
كمره: صار عمه
اخذت الاكل وديناه انه وهديه ونزلوا الكل حتى احمد الكل كعد على السفره بس عمار سافر لبغداد واحنا كاعدين على السفره كالت الحجيه
ليلى: ولك حميد ما عرفتك هيج نجر عفيه عليك زلمه من ظهر زلمه
احمد: بيبي شقصدج
كمره: عزاااا فضحتني شكول عليج حجيه كام وجهي ينطي الوان
ليلى: شنهي اعرفك سبع تلكفها وهي طايره
وسام: بيبي وضحي
ليلى: ما ﻋﻠﻴﻚ انت من تزوج تعرف
كمره: احمد سمعها وشرك بالجاي واختنك
وانه لو تلزموني ما تلكون قطرة دم بوجهي
صبيتله كلاص ماي وانطيته هو باوعلي ومستغرب اخذه مني وشربه
هسه يكول شلون بيبي عرفت
احمد: ( بهمس) منا اهلي بيبي
ليلى: شنهي تستحي هاي مريتك موش غريبه
وسام: هااا بيبي هسه عرفت قصدج
احمد: وسام سد حلكك واسكت بيبيتك بدت تخرف
ليلى: خرف كون صابك اي والله
الشيخ: يمه شلج بهل حجي لو البيج ما يخليج
وسام: بعد هاي ست لولو بكلشي حاشره روحها
ليلى: حشرك البين وسواك طحين
الكل: هههههه
احمد: انه عندي شغله طالع وكمره حظري روحج ب٣ ونص اجي اخذج للدكتور
الشيخه: شغلتيش من الصبح
احمد: يمه ما يصير يـ؏ـنـي لازم تقرير انطي حتى اطلع لا تخافين شداد وياي
الشيخه: حتى المره الفاتت جان شداد وياك وصار الصار
الشيخ: عوفي يا مره شتردين تحبسينه هنا مايطلع
عادل: صح كلام ابوي وباجر يداوم جامعه شلون تردينه يقدم استقاله
الشيخه: اي يقدمها لحد ما تنحل السالفه
عادل:لا يمه ما يصير اذا ما يطلع معناها يكللهم انه جاي ‹ ـِﭑخـاف منهم
الشيخه: واذا طلع وصار شي
ليلى: وي فال الله ولا فالج بيش طالبته
اطلع بيبي ما ﻋﻠﻴﻚ منها
احمد: رحت بست راسها وطمنتها وكتلها لا تخافين مأمن روحي وما انأخر كلها ساعة زمن طلعت وصحت كمره تجي وياي
كمره: صاحلي عرفته عليمن رحت وراه للباب هو طلع جاي اطلع شاف شداد اجى رأسا دفعني ودخلني وكال صعدي وانه جايج
عفته وصعدت بس هل مره مطمنه ما يسويلي شي لأن هو صاحلي دخلت للغرفه ورى دقيقه انفتحت الباب ودخل اخذ ايدي ولوها وخلاها ورى ظهري وكال
احمد: شكلتي للحجيه ( بعصبيه)
كمره: ما كلت شي والله عوفني اذيتني
احمد: شنو هذا الحجي السمعته
كمره: احمد شبيك جاي احلف بالله ليش ما جاي تصدك
احمد: شلون اصدك وهي كل شويه مسمعتني حجايه
كمره: وانه شعلي روح اسأل بيبيتك
احمد: جاي اسألج جاوبيني
كمره: ما اعرف شي شتريد اكول
احمد: كمره احجي لا تكفريني لا تخليني اطلع من طوري
كمره: والله ما كلت شي بس
احمد: بس شنو
كمره: خلتني ارفع الشال وشافت ركبتي
احمد: بس هيج
كمره: وداعة ابوي بس هيج
وهسه عوفني ايدي نكسرت
احمد: لا تبجين باعيلي
كمره: ما اباوعلك عوفني وروح
احمد: شفتها دمعت وخرت ايدي وحضنتها وكتلها
عبالي كايلتها امس ياله اخذني وانه اهلي يدرون بأول ايام العرس
كمره: انه مو غبيه حتى اكللها وانت هاي عصبيتك شوكت تبطلها
احمد: ما ناوي أبطلها وانتي تعودي عليها وهسه لازم اروح تأخرت حضري روحج العصر
كمره: دير بالك
: احمد: بستها من شفتها وطلعت رحت ويه شداد وصلنا خبر اكو حركه داير مداير المزرعه رحنا ًحتٍٍٍــى نشوف الزلم هناك شنو شافوا وصلنا لمكان قريب عليهم ظلينا فتره نراقب الوضع بعدين اجى واحد من زلمنا يركض كال شفت واحد من عدهم واخذتله صوره
بدون وعي اخذت تلفونه وشفت منو بالصوره وانصدمت باوعت على شداد
شداد:كول شيخ منو طلع
احمد: .........
:::::::::::::::::::::::::::::::::::::::::::::::::::::::::::::::::
لهنا ينتهي البارت٢٦