كبرياء شيخ

الجزء ١٢

كمره:وصلنا لبيتهم تلكوه اخوانه عادل وسام تباركوا اله وانوب اجى ابوه الشيخ حضنه وباس ايده وراسه واشرلي اجي اسلم على ابوه رحت سلمت علي كتله شلونك شيخ وبست ايده وهو كال
الشيخ: الله يحفظج بنيتي بالمبارك • ﺂنٰ شۨـِﺂءۙ ﺂللـِه۫ہ ٰزواجة الدهر
كمره: الله يحفظك شيخ ويطول عمرك
الشيخ: هاي كلمة شيخ ما اريده منج بعد انتي صرتي بنيتي كوليلي بويه لو عمي انتي بعد بكيفج
كمره: تدلل شيخ لا اقصد عمي الشيخ
الشيخ:هههههههه يله بويه تفضلي يم الشيخه جو
كمره:دخلت يم الشيخه وهو دخل للمضيف تكلتني الشيخه وباركتلي وبوستني واجت هديه نفس الشي هم باركتلي وتالي هديه راحت للمطبخ ظلينا انه والشيخه كاعدين بالصاله
الشيخه : ها كمره شرايج بأبني
كمره:جنت اشرب ماي من سمعت الشيخه شركت وظليت اكح وانكلب وجهي ازرك وهي خافت وظلت تضرب على ظهري شويه خفت الكحه
الشيخه:اسم الله يمه شبيج شسإلتج انه
كمره: هاااا شيخه ماكو شي
الشيخه:يمه انه ادري بأبني شويه صعب تحملي بس والله كلبه ابيض واذا حبج صدك والله يمه يحطج بين عيونه انه ادري بوضعكم ماهو تمام بس انتي سايسي وامتصي غضبه
كمره:ظليت صافنه عليها وهي تحجي شيحب مني خل اجرعه انه بالاول شو انه وياه مثل الفاره والبزون
الشيخه: وين صفنتي بعدين ليش لابسه العبايه شو ذبيها محد يدخل هنا من الولد واذا دخلو ينطون خبر شو نزعيها خل اشوف طولج الحلو
كمره: ها شيخه مو الشيخ ما قبل انزعها راح انزعها واذا حجى ٲℓانــتيہ المسؤله
الشيخه: ما عليج بي اذا حجى انه اوكف جدامه
كمره:شيخه اسألج سؤال بس مو تزعلين مني
الشيخه: سألي يمه
كمره: متأكده احمد ابنكم
الشيخه:يااااااع ههههههه يا بنيتي شجاج
كمره: والله اخاف مبدلي بالمستشفى
الشيخه:ههههه ولج كمره بسج موتيني نعله على ابليسج
كمره:شوفي انتي شحلاتج وجهج كله يضحك وعمي الشيخ نفس الشي وهو عبالك كاتله اهله كلهم ما مبقيه بيهم احد حصره عليه احجي شي يفز فوك من راسي
الشيخه: يااااا هذا كله مسوي
كمره:والله يا شيخه من اشوفه اظل ارجف صح اسوي يمه روحي قويه ولساني متبري مني بس الصوج منه بي هو الي يخليني اطلع من طوري واظل اخربط اخاف بكلبه وحده وانجبر يتزوجني
الشيخه: لا يمه شهل الحجي هذا محد جبره عليج بس هو بكلبه سالفه قديمه صارلها سنين ما كدر يتخطاها انه ما اكدر اكلج بيها يجي يوم وهو يسولفلج كلشي بكلبه هذا شي خاص بينكم بس انتي هاي الفتره لا تحاولين تسألينه عن شي خلي هو بحده يجي ويكلج كلشي بعدين هو لو بكلبه وحده جا اخذها احنا كلناله وما وكفنا بوجها كلناله الي تريده يصير انت اختار واحنا نخطب الك يمه وبعد صارت القسمه وياج
كمره: لا شيخه شسأله انه ما رايده روحي الا اذا تخبلت
الشيخه: محسستني ابني وحش مو بشربعدين عوفينه من هاي السالفه بعقد عادل لازم تجين واريدج تطلعين احلى من العروس لازم مرت الشيخ احمد تطلع وصف
كمره: اي صدك شيخه سمعت نسيت اباركلج
واذا ما قبل الشيخ اجي شلون
الشيخه: شني السالفه مو بكيفه انه اعزمكم انتي واهلج وتجين غصبن ما علي انه اذا حجيت ما يرفضلي طلب
كمره:صار شيخه
شيخه خليني اكوم اساعد البنات ‹ ـِﭑخـِۧﭑﺂڣ محتاجاتني بشي
الشيخه: لا ما تكومين هنه هواي مو كليلات وهديه واكفه على روسهن انه مأمنه هي تعرف دواهن وبعدين انتي اليوم عاقده تعتبرين عروس ما يصير نشغلج
كمره: بكيفج شيخه
ظلينا انه والشيخه نسولف سوالفه تخبل ولا عبالك هذا المغضوب ابنها فرق من السما للكاع بالبدايه جنت اضوج منها بس هسه كلش حبيته صدك لو كالو ما تعرف البشر لحد ما تعاشره وصار وكت الغدا هما صبوا غدا للزلم بالمضيف واحنا النسوان صبولنا بالصاله وكملنا الغدا كمت اشيل بالاماعين ما قبلت الشيخه بس كتلها ما اعرف اكعد وانه اودي الاماعين لمحت شداد يريد يدخل للمطبخ انخطف لوني خفت شمرت الاماعين على السريع وركضت للصاله وحجيت لو ظاله بمكاني الا اصيرن نادره امداني على هاي العمله لو شايفني هذا الخبل احمد جا ذبحني بس الله سترهو ماكو كلت الحمدلله عدت على خيرومخليه ايدي على كلبي وما اسمع الا
احمد: شنو العدا على خير
كمره:درت وشفت الغضب وراي ظليت امتمت خفت منه هذا ما يتفاهم
هسه هذا بالله شكله
احمد:احجي شنو صار
كمره: ما صار شي بس جنت بالمطبخ سمعت صوت شباب واجيت اركض خفت لأن ما لابسه العبايه
احمد: متأكده بس هذا الصار
كمره:اي شيخ هذا الصار
احمد: رجعي للصاله ترى اخواني هناك حدج بس سلام وياهم يله روحي
كمره: ماشي
رحنا للصاله هو دخل كبلي وانه وراه دخلت وسلمت على اخوانه وهما سلموا علي اخوه عادل كلش هادئ وبسيط عكسه تٌـٌـمـــ😻ـٌـٌإأإآم بس وسام لا كلش يضحك ويونس اشبها بأخوي حسين بس ينكت وانه بس اضحك على سوالفه وهو شبعني خزر ما اكدر اسكت سوالفه تضحك تجبرك تضحك
احمد: دخلنا للصاله وسلمت على اخواني وانه خذرتها بس شو هاي بس تضحك على سوالف وسام اخزر اريد ااشر ما يفيد ومن تضحك ينكلب وجها حمر عبالك طماطه يصير اخر شي كرصتها من زندها ياله سكتت موتتني فورت دمي يمي بس مبوزه وعوزها تخنكني ويم اهلي بس تضحك عبالك تعرفهم من سنين وهذا وسام انه اعلمه
ولك وسام كافي موتتها ما تكلي شبيك انت
وسام: حمودي انت ٢٤ ساعه ضايج خلينا احنا نتونس ونضحك شظال بيها الدنيا
احمد: ولك حمودي شنو العب وياك
وسام: غير انت اخوي الجبير وادلعك حمودي جا شكلك حميد اخاف تزعل
كمره: انه سمعته هيج كال وانه متت ضحك عليهم
احمد:اي شبعي ضحك هذا كله اطلعه من خشمج
وسام: شيخ عوف البنيه على راحتها
احمد: انت تسكت ولا كلمه انه حميد هاااا
وسام: لا ما اسكت بعدين كمره انه بعقدكم ردت اصير بديل احمد كلت اخاف يشرد ادري بي كوه قبل خفت لا نصير علج بحلوك الوادم
كمره: من سمعت هيج ضحكت وكلش خجلت ادري بي يتشاقه بس هذا مبين ما يضم شي بس هو شنو يحجيها عبالك صدك من سمعه احمد هيج حجى لزم الكوشايه وركعه بيها وراد يكومله بس هو شنو ميت من الضحك
الشيخه: ولك يمه موتتنا كافي وانت يا احمد بسك منه ما تعرفه يحب يتشاقى
احمد: اليوم اموته هذا ابنج
الشيخ: ولكم بسكم خلونا كاعدين تناكرون جنكم شرايج هم لو اكول رويسيه اشو انت الجبير وانت الزغير بينكم اثنين
عادل: بويه وروح ابوك عوفهم خلنا نضحك عليهم
الشيخه: يمه شجاكم الضحك هواي يخوف
وسام: يمه بسج من هاي السوالف مال بيبيتي هم بعدج تذكريهن
الشيخه: هاااا انوب درت علي
وسام: والله اليوم ما عندي شغله بس انتم وعندي طاقه اضحك ؏ـۣۛـٰلــيــۣكُـہۢۛ منا للصبح
احمد: بسك عاد كافي
جاي احجي وياه ودك تلفوني عمار اخوي
الوووو ها عمار بس بالمناسبات تذكرنا
جلال: الو خويه انه مو عمار انه جلال صديقه
احمد: ليش وين عمار
جلال: خويه اخوك بالمستشفى تعالوا لهنا
احمد: شنو مستشفى شنو نجي شصار خويه
الشيخ: بويه شصار بأبني
الشيخه: ولك احمد اخوك شبي
احمد: انطوني صبر خل افتهم
جلال : اخوك تعارك ويه واحد بالكليه وجاب جماعته وهدو علي وهسه هو حالته خطره احنا جماعته نقلناه للمستشفى وانه هسه انطيتك علم
احمد: شلووووون منو هما
جلال: خويه تعال هنا وانت افتهم كلشي السالفه طويله مو مال تلفون
احمد: جايين واذا ما هجمت بغداد عليهم بس خل اوصل
سديت التلفون بس انه متت اخوي ينكتل وبحده هضيمه اخ بس شلون
بويه هسه تحضر عمامنه كلهم
الشيخ: فهمني بويه اخوك عايش
احمد: عايش بس حالته خطره
عادل وسام يله تحضروا
الولد:حاضرين
الشيخ: انه هم جاي
احمد: لا بويه الطريق طويل وانت مريض اخاف عليك خلينا هسه بعمار
الشيخ:لا بروح ابوي انه اول واحد اصعد
الشيخه: يمه ابني يمه اخذوني وياكم ما اظل هنا والله اهج
احمد: يمه ما يصير احنا رايحين لبغداد خل انشرف شٰٰ̲شنـۧو السالفه وعمار يصير زين والله اجيبج لا يظل بالج
الشيخه: ولك يمه شلون يهدالي بال
احمد:يمه الله يخليج لا توكفين بطريقنه
كمره: جنا كاعدين ونضحك ونشاقى صدك مثل ما كالت الشيخه ما عدى ضحكنا على خير حقهم ابنهم وبمكان بعيد ومستفردين بي اشوف احمد يجي منا ويروح منا احس روحه طلعت واخوانه نفس الشي والشيخ خطيه يكسر الخاطر كوه كام يمشي ولمو جماعتهم وعمامهم وتحضروا والناس اجتهم من كل صوب محد ظل بالبيت بس النسوان واجوا بيت عمهم وياهم هاي الغثه سلمى وامها اضرب منها وانه كاعده ظليت مثل الاطرش بالزفه وهي تحجي وتذب حجي عليه كلش انقهرت منها والشيخه خطيه شبعت بجي وهما طلعوا انه ظليت عدهم وتأخر الوكت صار لازم ﺂﭑ͜ࢪﭼـِٰ̲ـ؏،٭لبيتنا بس شلون ارجع والشيخه بهل حاله لازم انطيها خبر ردت بس اطلع انه وين وهذا الصار وين
كلت خل اخابر اخوي هو يجي ياخذني شيصير خل يصير خابرتله وكتله وكال هسه جايلج رحت على الشيخه وكتلها
شيخه شلون صرتي
الشيخه: شتشوفين يا كمره وليدي راح يروح مني
كمره: استهدي بالله شيخه ما يصير هيج انتي امه كومي ادعيله دعائج مستجاب وان شاء الله ما بي بس العافيه
الشيخه: ونعم بالله بنيتي انتي هم تأخرتي خلي واحد من الولد ياخذج شوفي منو ظل منهم
سلمى: شيخه محد ظل كلهم راحو شلون بالله نبقى نحير بيها خل تروح وحدها قابل هو وين بيتهم
الشيخه: شلون تروح وحدها من يسمع احمد غير يشيلنا اوكفي يمه هسه اخابر لشداد هو ياخذج
كمره: لا شيخه ماكو داعي انه خابرت اخوي راح يجي ياخذني
سلمى: هااا متأكده اخوج
كمره: شتقصدين
سلمى: لا هيج ماكو شي
كمره: ٲٳٲسـ๛ۖــۖـتغفـر اللهہ ربي احنا بيا حال وهاي كاعده تمسلت علي
الشيخه: بسج عاد سلمى شهل الحجي ما تشوفين حالتنا
كمره: والله لو الناس الكاعده جا كمت جريته من شعرها بس شسوي بس هين انه الج بس خل تعدي هاي الازمه على خير ضامته الج والله انتي وهاي امج ظاله بس تعوج بحلكها لا والشيخه تريدني اروح ويه شداد لا هاي هي شويه ودك صلاح كلي انه بره يم ابو جبار بره اتانيج
شيخه اخوي اجى راح اروح وياه وانتي ديري بالج على روحج وانطيني خبر خاف يصير شي
الشيخه: روحي يمه لا يظل بالج الله وياج
بست الشيخه وطلعت وانه كلبي يمها خطيه ما تستاهل سلمت وطلعت
سلمى:روحي درب الصد ما رد
ام سلمى: دسكتي لحد يسمعج
سلمى: خل يسمعوني ما خايفه
ام سلمى: ولج سكتي لا يهونون عليج وما ياخذوج
سلمى: لا ماما لا تخافين عادل بالجيب
ام سلمى: اخافن مثل اخوه انوب يهون
سلمى: كاعد اكلج عادل مضمون مو مثل احمد وبس اصير هنا وداعتج ماما اذا ما هججت هاي كمره ما اطلع سلمى
كمره:طلعت لكيت اخوي صلاح بالباب ويمه ابو جبار كلت همزين احد جان واكف على الاقل يصير شاهد هاي سلمى مبينه مو هينه هسه تستغل الوضع وتذب علي فتوك سلمت على ابو جبار وطلعنا انه واخوي
احمد: من سمعت بأخوي وانه عايش بنار اريد بس اوصل صار الطريق شطوله والتلفون ما بطلته كل ساعه اخابر على صديقه جلال اسأله علي وابوي يمي اول مره اشوفه مكسور هيج
بويه لا تخوفني ﻋﻠﻴﻚ كتلك لا تجي
الشيخ: شلون يا بويه اذا ما اشوفه بعيوني اموت
احمد: وداعتك بويه بس خل يكوم سالم انطيني صبر اذا نا شربت من دمهم
الشيخ: اذا انتم ما اخذتو حق اخوكم انه اخذه بأيدي بس خل اعرف ياهو هذا الي اندك بينا
احمد: افااا بويه ما توقعتها منك الا اخذه ثاره مربع بس خل اوصل
الشيخ: اي هذا احمد الاريده النجر اخو اخيته الما يخاف من شي
احمد: تدلل بويه يصير خير
عادل خابر اسأل على امي ظال بالي يمها
عادل: صار خويه
عادل: دكيت التلفون يدك ومحد يشيله
احمد: ظل حاول لحد ما احد يشيله
عادل: صار راح ادك على هديه
الوووو ها هديه امي وين جاي ادك ليش محد يشيله
هديه: الووو ها شيخ .....
سلمى: الو هااا عادل انه سلمى
عادل: وين امي ليش ما تشيل التلفون
سلمى: لا تخاف كوه قنعناها تنام لحد ما شبعت بجي ظل راسها يوجعها وانطيناها مسكن ونامت
عادل: كولي خايف صاير شي
سلمى: لا وداعت ماما مصاير شي زين عمار شلون صار
عادل: بعدنا ما وصلين شويه وندخل بغداد ونطمنكم
سلمى: • ﺂنٰ شۨـِﺂءۙ ﺂللـِه۫ہ ٰمن توصلون انطونا خبر لا يظل بالنا عليكم
عادل: • ﺂنٰ شۨـِﺂءۙ ﺂللـِه۫ہ ٰمن تكعد امي خل تتصل علينا
سلمى:تدللل
احمد: هااا شكالت
عادل: منطيها مسكن ونايمه
احمد: همزين تظل تاكل بروحها
شويه ودخلنا بغداد وكبل للمستشفى وصلنا تلكانا صديقه جلال بس هو ظال يمه البقيه رايحين رحت ركضت علي
ها بشر شلون صار
جلال : على حاله شيخ
احمد: وينه هو
جلال: بالعنايه
احمد: عفته ودخلت سألت علي ودوني ودخل ابوي واخواني وعمامي والبقيه ظلوا بره انخبصت المستشفى خبص رحت اسأل على الدكتور بس انه كلبي نار علي
دكتور انه اخو عمار بشر شلون صار وشنو حالته
الدكتور:والله يا ابني احنا العلينا سويناه والباقي على رب العالمين
احمد: شنو وضعه
الدكتور: الضرب صاير ازيد شي على راسه صاير عنده نزيف داخلي وارتجاج بالدماغ وكسر بأيده ورضوض باقي جسمه يعني اخوك حالته حاله
احمد: والحل دكتور لا دكول ماكو حل
الدكتور: سويناله عمليه وقفنا النزيف واذا عدت الليله على خير بدون مضاعفات اعتبره عدى مرحلة الخطر
اندعوله
احمد: دكتور اكدر اشوفه
الدكتور: ممنوع ما دام بالعنايه
احمد: حتى لو ٥ دقائق
الدكتور: كتلك ممنوع بس شوفه من ورى الجام
احمد:بويه تعال وياي
الشيخ:يله بويه
احمد: رحنا لغرفة العنايه انه وابوي شفناه ابوي من شافه بجى وانه انصدمت هذا عمار الحلو الهيبه هيج يصير بي وجه مورم وازرك وايدي مضبره ورأسه ملفوف اوووووف ياربي شصاير بي من شفته ركعت راسي بالحايط شفت ابوي انهار ما ظل عندي حيل بعد كضيت ابوي
هااا شيخ لا تكسر ظهري انت هم صير قوي والله وداعتك بويه الليله ما اخلي واحد منهم نايم ابيته وعد من هل شارب انت ظل هنا يجيلك خبرهم
عفت ابوي يم عمار وطلعت كلتلهم تحضروا الليله لو انه لو هما
لهنا ينتهي البارت ١٢