كبرياء شيخ

الجزء الخامس

احمد: بعد ما سمعت كلامها وتحديها الي رجعت للبيت فاير صاير نار كبره الي يجاجيني اثور بوجها معرفت شلون وصلت من العصبيه بحياتي مصايروياي هيج معرفت شنو سر القوة الشايلته بس حزت بنفسي شلون اكسر خشمها شلوووووون بس اصبريلي وان ما اخذتج غصبن عنج ما اتسمى الشيخ احمد
كمره: بعد الي صار كلش خفت ظليت الوم بنفسي ليش سويت هيج انه وين اكدرله ليش خليت نفسي بهل الموقف شراح استفاد وانه متأكده انه الخاسرالوحيد بهل قضيه بس شلون اتصرف كال بس اسمعيني اي ليش ما سمعته وفضيت السالفه شلون يا ربي ساعدني
احمد: دخلت للبيت وشفت هديه وسألتها على الشيخه وجاوبتني بغرفتها
صعدت ابلغها قراري صح انه قررت بالبدايه ما اخطب كمره بس بعدين تراجعت صارت شغلة عناد وصلت للغرفه دكيت الباب
الشيخه: تفضل
احمد: دخلت بست امي من راسها وكلتلها انه اسف وحقج علي وانه الغلطان وانه هسه حاضر ومستعد اتزوج بس عندي شرط واحد
الشيخه: فرحت حيل من كلي حضنته وبسته وكتله اي هذا ابني الي اعرفه
احمد: يا محلى هل الصوت تدرين جكد مشتاقله
الشيخه: كل هذا لمصلحتك وكول هسه شنو شرطك
احمد: مستعده تنفذي
الشيخه: ما دام وافقت تزوج هاي جانت المعظله الباقي سهل
احمد:ماشي اريد تخطبيلي كمره
الشيخه: شنووووو
احمد: اي يمه مثل ما سمعتي
الشيخه: بس كمره ما قبلت شلون ترجع تخطبها
احمد: صح بس يهون عليج ابنج الشيخ والدكتور اذا سمع السلف كمره رافضته شراح يكولون والقال والقيل الما يخلص
الشيخه: لا يمه ما يهون بس كمره مو سهله مو مثل باقي البنات اذا رفضتك مره ثانيه ما اتحمل اهد عليها للبيت واشرب من دمها
احمد: اذا اتدخل الشيخ ما راح ترفض
الشيخه: شلون شتقصد
احمد:روحيلهم للبيت طلبيها من اهلها وانه وأبوي الشيخ نطلبها من ابوها واخوتها ونخليهم كدام الأمر الواقع ما ننطيها فرصه ترفض
الشيخه: ليش مصر عليها خل تولي وانه اخطبلك الأحلى منها
احمد: يمه مو قضية حلى بس صارت عناد واقسمت الا اندمها على السوته ولا تنسين هذا شرطي ان قبلتي خير على خير انه ما قبلتي اسد السالفه وما تفتحين الموضوع
الشيخه: لا هذا هو ما صدكت تقبل اليوم احاجي ابوك ونشوف يوم ونروح نخطبها
احمد : هسه ما زعلانه مني
الشيخه: شلون ازعل وانت روحي
كمره: رجعت للبيت وانه حيره تاخذني وحيره تجيبني شسوي ما كو غير خالتي هي تحلها خل اخابرها تجيني بس اخابرها واكلها الو شايفين كارتون بيب بيب هي اسرع منه دكيت على خالتي
فهيمه: دك التلفون شفته هاي كمره وكلت الو
كمره: خاله الحكيني فدوه
فهيمه:شبيج يمعزايه شصاير
كمره: خاله تعالي وانه افهمج السالفه
فهيمه: اي اجي ليش لا
كمره: ومثل ما كلت ورى ربع ساعه هي اجت دكت الباب انه جنت واكفه ورى الباب فتحت الباب وكلت دخلي خاله
فهيمه: ولج كولي شصاير
كمره: حجيت الصار كله
فهيمه عزا العزاج وموت الخذاج والمن مخابرتني ترديها تطلع جنازتين موش وحده
كمره: خاله فدوه • رﯛحـ̲ٓۛـي للشيخه وكليلها الصار خليها تساعدني واذا تردين انه اروح وياج
فهيمه: صخام الصخمج وضخم خالتج وياج شتحجين وسشوين مو انه خذرتج وكتلج ذوله بيت الشيخ مو ياهو الجان
كمره: خاله بعد صار الصار
فهيمه: واهلج شنو ذنبهم
كمره: خاله اذا يردون عقاب انه جاهزه بس اهلي لا
فهيمه: والله يا خاله انه اروح باجر للشيخه بحجة اسأل عليها سمعت بيها مٰٓـُৡـْريــ✮̚͢ـَّْٰٖـُِْْضـهہ َٰٓ واجس نبضها واحاول افتح السالفه وياها ولو انه مأيسه بس الله كريم
كمره: خاله والله مستعده لأي شي بس اهلي لا
فهيمه: يله انه رايحه اودعناج
كمره: الله وياج خاله
بيت الشيخ ابو احمد الكل كاعد بالصاله من بعد اسبوع نزلت الشيخه وهي فرحانه
الشيخ : ياهلا برويحتي توى نور البيت وداعتج جان اظلم
ولد الشيخ : ها بويه صاير زاحف
الشيخ: انجبوا جا غير هي روحي جا الربح بيكم بزماني حاربت شيوخ حتى اخذه
الشيخه: هااا بسكم خجلتوني ترى اصعد والله
الولد: لا يمه ٲℓانــتيہ الروح والريه صدك البيت ما ينور الا بصاحبته
الشيخه: وانه شعندي غيركم انتم كل دنيتي وهسه عندي موضوع
الشيخ: كولي امري
الشيخه: ما يأمر عليك ظالم احمد وافق على الزواج
الشيخ: اللهم صل على محمد وال محمد
الولد: ياالله وكاموا سلمو على أخوهم وحضنوه وباركوله
احمد: الله يبارك بيكم بس ترى بعدني ما زفوني بس وافقت
الولد:ههههههههه المهم وافقت الباقي سهل
عادل: اي بويه انت كلت انه واحمد نعرس بيوم واحد
الشيخه: الله كريم يمه تۣدلل
الشيخ: وانه عد حجايتي
الشيخه: اي شيخ راح اخطب لاحمد كمره ببت ابوصلاح الفلاح
الشيخ: اي والنعم ابو صلاح خوش زلمه ولده والنعم خوش ولد
الشيخه: اي شيخ صح بس البت ياهو اليخطبها ترفضه وانه الصراحه ما ⁽  اريـﹻٰ۫ﹻـۧـيد افوتها هاي اخلاق وجمال
الشيخ : افااا عليج اكو بت ترفض الشيخ وانه موجود احسبيها صارت جنتج ومن هل ركبه بس هو احمد راغبها
الشيخه: ما عنده مانع وهذا هو يمك اسأله
الشيخ: بويه اريد اسمعها منك ما اريد اتفشل ويه الوادم
احمد: موافق بويه ما عندي مانع
الشيخ: بس بويه ليش ضايج اشو ما فرحان
احمد: ماكو شي حددوا موعد وانه حاضر
الشيخ: خلص من باجر اذا تريد
بيت اهل كمره
ابو كمره: ام صلاح بصياح وينج
ام كمره : هااااا شعلامك ليش تصيح
ابوكمره: ولج الشيخ خابرني وكلي احنا اليوم جاينكم العصر
امركمره : خير صاير شي
ابوكمره: ما عرف والله بس صوته ما يطمن
ام كمره: هلا بيهم البيت بيتهم يتفضلون بأي وكت وانت لا تسرع وتحكم ليجدام خل يجون ونشوف
ابوكمره: خوش انه هسه طالع للكاع حضري الديوان وبخري موش تنسين
ام كمره: • ﺂنٰ شۨـِﺂءۙ ﺂللـِه۫ہ ٰ'
وينج ياكمره تعاي ليجاي
كمره: خير يمه شصاير
ام كمره: روحي نظفي الديوان وبخري اليوم جايينا ضيوف
كموه: منو جاي
ام كمره: بيت الشيخ ابو احمد
كمره: بصدمه منوووووو
ام كمره: شبيج صوفرتي روحي حضري
كمره: • ﺂنٰ شۨـِﺂءۙ ﺂللـِه۫ہ ٰيمه
بعد ما سمعت الخبر شـْ◌ـّلون الصاعقه وطاحت على راسي معناها راح ينفذ تهديده شـٓسـٰﯛي ،احس الدنيا ضاكت بيه  معقوله ياخذ الكاع من اهلي اي يسويها بعد الصار انه غبيه ما فكرت توصل لهل مواصيل لا بس ما يسويها اهلي هاي الهم سنين يتعبون بيها ما معقوله قاسي وما عنده رحمه لهل درجه
يا ربي حلها من يمك اموت وما اشوف اهلي يتعذبون منين طلعلي هل شيخ مو جنت كاعده ومرتاحه
فهيمه رحت لبيت الشيخ بحجة اسأل على الشيخه حتى اشوف سالفة هل مصخمه وانه خايفه وارجف لا يبدون بيه وصلت سلمت على ابو جبار ودخلت وتلكتني هديه وسألتها على الشيخه وكالت موجوده تفضلي
الشيخه: هلا بفهيمه شلونج
فهيمه: هـৡـ๋͜͡‏ ــٌـٌــٌـُﻸ┇↺✨ بيج شيخه سمعت بيج مٰٓـريضه واجيت اتطمن عليج
الشيخه: الحمد للـهۂֆ.💜 صرت زينه وانه هم رايدتج بسالفه
فهيمه: كولي شيخه
الشيخه: اليوم العصر رايحين لبيت ابو صلاح
فهيمه: بكلبي كلت رحتي بيها يكمره وبلعت ريك صاير شي وما ادري بي
الشيخه: ههههه شبيج يا فهيمه صوفرتي وتبلعمتي رايحين نطلب كمره من ابوها
فهيمه: هااااا
الشيخه: اي بس لا تحجين السالفه هسه بس اريدج العصر موجوده
فهيمه: حاضر تأمرين امر
الشيخه: على اتفاقنا موش تحجين
فهيمه : صار شيخه
احمد: كعدت الصبح وانه بلا روح عبالك واحد كايدي للموت لوما ضغط امي وعناد كمره فلا اخطي هل خطوه صار العصر وتحضرنا وانه تحضرت لبست دشداشه نيلي وشماغ ابيض وساعه ومحبس ونزلت امي من شافتني هلهلت ودمعت عينه من شفت فرحت امي لا اراديا ابتسمت ورحت بست راسها وكتلها والله كله لخاطرج حتى اشوف هاي فرحتج
الشيخ : يله بويه تأخرنا الناس ينتظرونا
احمد : حاضر بويه ما عندي شي طلعنا وركبنا السياره
كمره: رحت للديوان رتبته وبخرته وانه اتخيل عزرائيل يعد خطواتي كل ساع اكول هسه ياخذ روحي صرت مثل المخبله ساعه احجي ويه روحي ساعه اصفن وفزز صفنتي دكت الباب كلت هذا هو اجاك الموت يل تارك الصلاة سمعت دكت الباب وانه طلعت من الديوان
ام كمره: ندك الباب فتحته وطلعت فهيمه هلا بيج خيه شلونج
فهيمه: بخير خيه سمعت بيت الشيخ جاييكم كلت لازم ما يفوتني شي
ام كمره: انتي يفوتج شي وانه استغربت ليش تأخرتي فوتي خيه فوتي
فهيمه: فايته جا كمره ًوٌَيــِْ♡̷̴̬̩̃ن
ام كمره: بالمطبخ جايه تحضر الضيافه
فهيمه: خوش رايحه يمها
كمره: جنت كاعده بالمطبخ احضر فناجين الكهوى وكاضه واحد بأيدي وصافنه على ضيمي واجت خالتي كميره شجاي تسويه
كمره: انه صافنه بغير عالم من سمعت خالتي وكع الفنجان من ايدي بالكاع وانكسر خفت كلت اكيد هذا مو فال زين نزلت على الفنجان الم القطع المكسرة ما حسيت الا وحده جرحتني وطلع دم خفت كلش اجت خالتي كضت ايدي وظلت تحجي عليه ولفتها وانه كل هذا فاصله عبالك مخدره
فهيمه: خايبه شمالج شجاج عين الما صلت على النبي
كمره: دمعت عيني اول مره احس بروحي مكسوره ومهزومه وما بيدي شي صدك لو كالو حكم القوي على الضعيف
فهيمه: عليش البجي لا تخافين كلشي واله حل
كمره: بجي والله خاله ما عندي بعد طاقه
فهيمه: ترى الحل بيدج ٲℓانــتيہ بس لا تركيين راسج وتعاندين كلشي ينحل
كمره: شلون خاله فهميني
فهيمه: لا تستعجلين على رزقج اصبري
كمره: مسحت دموعي وكمت اكيد خالتي تعرف شي ما يفوتها بس شنو ما اعرف احسها تحجي الغاز وشويه اجت امي كالت اجو بيت الشيخ انه هنا تصنمت شلون الواحد صار بي شلل ما كدرت اتحرك
فهيمه: هااا خيه خوش منو اجى
ام كمره: الشيخه والشيخ وابنه هاي شبيها ايدج
كمره: بخوف ما بيها شي انجرحت
ام كمره: يا يمه غير تنتبهين انتي جاهل انتي تعاي وياي وخلي فهيمه تحضر الضيافه وتجي وراي
كمره: دخلنا انه وامي يم الشيخه وسلمنا عليها جان وجها ثكيل علي اي حقها رفضت ابنها شتوقع يعني تستقبلني بالاحضان
الشيخه: شلونج ام صلاح اخبارج كطعتي بينا من اهد العزيمه لا تمرين ولا تسألين
ام كمره: والله يا شيخه مشاغل البيت والولد تشغل اكبر واحد
الشيخه: حقج جا ما تعرسين لواحد من الولد البنيه تعينج وكمره ما تظل يمج هم يجي يوم وتزوج صح كمره لو لا
كمره: شيخه انه شايله الزواج من بالي افكر اكمل دراستي
ام كمره: هم صح كلامج تشوفين الحال ما هي ميسوره واحنا على حالنا والمره تريد مصاريف
الشيخه: الله كريم جايتج بطلب ولو انه زعلانه منكم شـْ◌ـّـْ﴿💜﴾ـّْـ◌ّـْلـّوْنّ ترفضون بيت الشيخ
ام كمره: افااا عليج شيخه انتي طلبي واحنا حاضرين بس ما فهمت شنهي الرفض
وبهل الاثناء اجت فهيمه جابت الضيافه وقدمته للشيخه
الشيخه: الصراحه انه شفت بنتج كمره وهي عجبتني وطلبتها للشيخ احمد وانتو تعرفون ابني ما ناقصه شي بس بنتج رفضت الشيخ
ام كمره :بصدمه شنهي • واللّــُهةِّ يا شيخه.....
قاطعتها الشيخه : بس انه ما اخذت على خاطري وكلت انه تسرعت حاجيت خالتها وكلت اجي بنفسي انه وابني والشيخ ونطلبها رسمي منكم وهل المره ما نريد رفض تعرفون زعلنا غالي
ام كمره: واحنا نتشرف هاي هي كبعيها واخذيها بس لزومن نعرف رأي ابوها واخوتها
الشيخه: اي حقكم وهذا هو ابني والشيخ اكيد فتحو الموضوع ويه ابوها واخوتها
ديوان بيت ابوصلاح
ابو صلاح: هلا بالشيوخ زارتنا البركه
الشيخ: شلونك ابو صلاح أحوالك
ابو صلاح: بخير شيخك بعد فضل رب العالمين وفضلك
الشيخ: تسلم ياخوي جايينك بطلب بس كون ما تردنا
ابو صلاح : امر شيخ
الشيخ: ما يأمر عليك ظالم جايين نطلب ايد بنتك المحروسه لبني الشيخ احمد
اجيت بنفسي اطلبها منك ومن اخوتها انت شدكول
ابو صلاح : تدلل شيخ انت والشيخ احمد وانه وين الكى لبنتي احسن منك بس شيخ لازم اخذ رأيها تعرف هي بس هل وحيده عندي وما اريد اجبرها على شي وخصوصا الزواج وانه ما اضم عليك لهسه كلبي محتصر على سالفة دراستها وجبرتها ما تكمل الجامعه لونها ابغداد بس سالفة الزواج هذا عمر كامل
الشيخ: صح كلامك وانه اقدر هذا الشي وان كانت هي مجبوره انه الما اقبل مو انت
احمد: حقك عمي والي تريده انت يصير ولا تعتبرني مستعجل بس اريد احجي وياها واخذ موافقتها هنا
الكل انصدم من قرار الشيخ المفاجئ
ابو صلاح: صار شيخ تۣۗـدلل انه هسه اروح واجيبها بنفسي اترخص
الكل: مرخوص
كمره: وانه كاعده يم الشيخه وهي تحجي وحركت الفلم علينا كله انه وخالتي ظلينا وحده تباوع على الثانيه وامي تفاجأت ظلت ما تعرف تحجي وتباوعلي وتخزر بيه اليوم تصير كتلتي عمل شعبي من امي شويه ودخل ابوي
ابو صلاح: ام صلاح وينج
ام كمره: تفضل ابو صلاح سلم على الشيخه
الشيخه : تفضل ياخوي شلونك
ابو صلاح : هلا بالشيخه زارتنا البركه بويه كمره حضري روحج لبسي عباتج وتعاي
كمره: بصدمه وين بويه
ابوصلاح: الشيخ يريد يحجي وياج
كمره: بخوف بويه انه......
ابو صلاح: كومي بنيتي لا تخافين
كمره:كايمه بويه
لبست عباتي ومشيت ورى ابوي ودخلت للديوان وانه مدنكه الخوف واليني ولي دخلت وكلت السلام عليكم
الكل : وعليكم السلام
الشيخ : تعالي بنيتي رايديج بسالفه ونريد نأخذ رايج بس هااا هاي كدام ابوج بدون ضغط
احمد : بعد اذن الكل رايدها بموضوع قبل لا اسمع ردها
طبعا من دخلت كمره ورى ابوها وهي مدنكه ومبينه خايفه صح انقهرت عليها بس بعدين اذكرت هاي البدايه بعدج ما شايفه شي ومن حجى ابوي وياها خفت لا ترفض ادري بيها كويه ما يهما شي ردت احجي وياها على انفراد حتى ااكد موافقتها
كمره: الكل طلع وظليت انه والشيخ احمد الي مبين على وجه الحقد والانتقام
يتقدم شوي شوي وانه اتراجع
احمد: ليش ترجعين خايفه مني مو
كمره: شيخ انت شتريد مني
احمد: هههه بأستهزاء وين رآآح لسانج امس حال واليوم حال
كمره: شيخ انه اعترف مو كدك اعتبره غباء او طيش مني لخاطر الله عوفني بحالي
احمد : عجيب كمره الكويه وين راحت لا تخافين ترى هاي البدايه ولا تنسين انتي البديتي
كمره: انه ما راح اقبل بيك ادري بيك تريد تنتقم مني ادري بيك تكرهني ومو طايقني
احمد: مو بكيفج ترفضين لأن الرفض اله ثمن
كمره: وشنو الثمن
احمد: بكلمه وحده مني تصفون على الحديده بكلبي مستحيل اسوي هل شي مستحيل اكطع رزق احد وخصوصا هل كاع هذا تعبهم بس ردت اضغط عليها بيها حتى تقبل
كمره: بعصبيه ورفعت صبعي علي انت ليش ظالم وقاسي وجبروتك وين رآآح يوصلك اذا تريد تعاقب احد عاقبني الي اهلي شدخلهم
احمد: شفتها رفعت اصبعها بوجهي وانه شطت ولزمت اصبعها وردت اكسره الها سمعيني زين كلمه وما راح اعيدها تقبلين وانتي الممنونه وهسه تكوليها كدام الكل وان شفتج رفضتي قسما بالله مو بس الكاع اخذها السلف كله ما تظلون بي
كمره: سحبت اصبعي منه كلش اذاني وخنكتني العبره وكتله ماشي بغصه رآآح اكول بس اسمع بحياتي كلها ما راح احبك ولا راح أصير مرتك
وانه قبلت هذا كله على مود اهلي
احمد: ضحك بأستهزاء انشوف.......
انتهى البارت