كبرياء شيخ

الجزء ١١

كمره: ليش تفاجأت
احمد:انه ما خطبتج مؤقت ولا تحجين بثقه ترى بعدج ما شايفه شي والزواج ما دام انه بديته انه انهي
كمره: الزواج بالكوه ما ينراد يتعب الطرفين
احمد: انتي شنو من بشر شايفه روحج ترى مو عبالج انه ميت عليج لا بالله
بس عناد بيج الا اكسر راسج
كمره: وشتستفاد هااا حتى ترضي غرورك وجبروتك وما انسى كبرياءك
كبرياء الشيخ احمد جبير السلف شلون وحده مثلي تكلك لا
احمد : اي مثل ما كلتي اخذتج مو حبا بيج وهذا خشمج اليابس اكسره بأيدي وان ما خليتج تتمنين نظره من الشيخ احمد انه ما جابتني امي
كمره: هوب على كيفك شيخ لا تروح زايد ترى انه كمره انحب ما احب
احمد: ايباااااخ شهل ثقه الزايده العندج بس حقج بعد ج ما معاشرتني ولا شايفه جحيم احمد بس اصبري ما ظل شي
كمره: حجيت بكلبي هسه شحجاني هو يحجي برود ولاجنه ردت استفزه شو هو انوب كام يستفزني شصخمت والله ما ادري انقلب السحر على الساحر قاطع صفنتي وكال
احمد: الووووو شو وين رحتى معقوله جريتي بوش قبل شويه نافشه ريشج عليه هسه شصار
كمره: هااااا ما صار شي متانيه جحيمك
ردت اسألك ليش خابرت هسه شتريد مني
احمد: ذكرتيني ردت لسانج شوي ينضب ياله احجي
شوفي يا بت سليم ان سمعت طالعه بره بيتكم بدون ما تنطيني خبر والله العضيم اجيلج بنص بيتكم واحسبي الله ما خلقج وما احسب حساب لأي احد
كمره: تريد تحبسني بيت ابوي
احمد: اي احبسج وغصبن عليج وبعد ماكو تسرحين بالحلال وترحين للبستان بنصاص الضهاري اليوم السالفه عدت على خير وراح اسكت بس اذا تكررت انتي المسؤله انه حذرتج
كمره: من اصير بيتك عود تحكم بيه بس ما دام عد اهلي ما الك حق
احمد: انه العندي كلته وانتي بكيفج
كمره: ما اعرف اكعد بالبيت اذا ما اطلع واشوف الزرع والخضار اختنك
احمد: مشكلتج
كمره:شنو مشكلتي
احمد: والله العندي كلته انتي عود عاندي وشوفي شسوي وحضري روحج بعد يومين نروح نعقد محكمه
كمره: محكمه ليش راح تسويها صدك
احمد: منو كايلج الشيخ يلعب مثلا
كمره: لا حشاك بس والله عبالي بس تهديد انوب صارت صدك
احمد: انتي من كل عقلج انتي خبله
كمره:لاتجاوز شيخ انه ما تجاوزت عليك
احمد: بعدها ما انخلقت الي تجاوز علي غيرما تريد روحها وهسه صار عندج علم ومره ثانيه من ادك التلفون شيلي واحلام اليقضه بطليها وهسه تصبحين على خير
كمره: وانت.....
شوهذا سده بوجهي شصبح على خير كول اصبح على ضيم هو اليسمع صوتك يشوف الخير
انمغصت روحي من الجوع خل اكوم اكل من اهد الصبح ما مأكله شي وريحتي كله ديتول لعبت نفسي كمت اكل طلعت لكيت امي سوده عليه نايمه بالهول مو من عوايدها بس يمكن على مودي مشيت على كيف حتى لا تحس خطيه اليوم شبعت ضيم من وراي لكيتها ضامتلي العشا أكلته ورحت سبحت ورجعت تمددت على فراشي بس ما نمت شبعانه نوم كتلتي التفكير بالصاراليوم والكلام الكاله احمد شراح يفضها وهذا شـْ◌ـّـْ﴿💜﴾ـّْـ◌ّـْلـّوْنّ راح اتحمله وشيسوي بيه بعدين استغفرت ربي وكلت ما دام باقيلي كم يوم هنا خل استمتع بيهن ومن اروح للجحيم الله كريم يحلها ربي بعدها تعپبت من التفكير ونمت وكعدت كالعاده الصبح على صوت خالتي يلعلع لازم سامعه شي خل اكوم اشوف شل قصه رحت للمطبخ
كمره: صباح الخير
ام كمره وفهيمه: صباح العافيه
هااا يمه شلون صرتي اليوم راحت الدوخه منج سيويتلج نومي بصره اشربي يكتل الدوخه كتل
فهيمه: يا خيه ما بيها شي ما هل تشوفينا جنها حصان النومي بصره انطيهياه. الي انه الدايخه
كمره: خاله حقج من الفره والحجي لازم تدوخين
فهيمه: خايبه الغسل اي والله اكو وحده تحجي ويه خالتها هيج
ام كمره: خيه شبيج عليه عوفيه مريضه ما تشوفين وجها اصفر
وانتي هم سكتي يمه جا هو المريض غيرلازم يسكت شو انتي زايده
فهيمه: هو وين جهها اصفر ما هل تشوفينه احمر ينكط دم انه وجهي الاصفر صحت صحت لا تخافين عليها
كمره:خاله منو وازج عليه من الصبح كليلي مسويه حلف ٲℓانــتيہ والشيخ عليه
فهيمه: ياااا فديته شحلاته جبتي اسمه جن اجاني العيد هو انه اطول احجي وياه
كمره: هاااا اشتغل الزحف خاله
فهيمه: وانتي شبيج غرتي علي حقج خاله خايبه البنات بالسلف كلها حاسداتج علي وروح رجلي المات وما تهنيت بي
ام كمره: ياااا وانه اكول بنيتي مريضه وطاحت اثاري العيون كتلتها كتل ولج كومي يمه خل احرملج اخاف ما ترتاحين
كمره: شدعوه يمه
وبعدين علواه ياخذنه البنات ويفكني منه
ام كمره: شتحجين يا كمره الي يسمع حجيج يكول غاصبينج
كمره: هاااا لا يمه بس يجوز انه اتسرعت واخاف اندم بعدين
ام كمره: على شنو تندمين كل الصار صار جدامج وبحضور اخوتج وابوج والشييوخ تردين تكسرين كلمة ابوج جدام الشيخ شنهي المرض اثر على عقلج ترى لا تخليني اكوملج اكسر رجليج
كمره: يمه ما قصدت هيج لا تسويها سالفه بعدين انه كلت ما اريد كلت يمكن تسرعت
فهيمه:يييييع خاله لحد يسمعج وتوصل لبيت الشيخ ترى تعمين على الاول والتالي
وها هما هسه جاي يحضرون يردون يخطبون لعادل ابن الشيخ توني جنت بيت الشيخ والشيخه كلتلي
كمره:الشيخ عادل راح يخطب
فهيمه: اي واذا الله تمم على خير عرسكم سوى يصير
كمره: ومنو خطبها
فهيمه: سلمى بت عمه
كمره: عوذه شاف بيها
فهيمه: يحبها يخاله يموت عليه
الشيخه كلتلي هي ما جانت رايدتها تكول ما ارتاحلها بس هو عند الا هي
كمره: الله يعيني وياها
بكلبي هي من الاول تكرهني وبخطبتي بس تخوزر بيه الظاهر صدك راح اشوف الجحيم هناك
فهيمه: خايبه هلاااا وين رحتي شو صفنتي
كمره: ماكو شي خاله هيج حسبه بالي
فهيمه: خاله بيناتنا الحجي ترى هي جانت حاطه عينه على رجلج ديري بالج منها وهو ما رادها بعدين دارت على عادل
كمره: بلعت ريك
وانه كول ليش هيج تباوعلي طلعت البت هاويته
هااا صدك يمه الشيخ احمد كلي بعد يومين نروح نعقد محكمه
يمه تجين وياي ما اروح وياه ابحدي واذا ما قبلتي خالتي تجي وياي
فهيمه: اجي ليش لا
ام كمره: وين رايحه يا مصخمه جا هو راح ياكلها هي غير صارت مرته
وانه شنو رايحه وياج كلص لو قاصر
كمره: يمه حبابه تعاي وياي
ام كمره: ولج يمه ما راح ياكلج ترحون تعقدون وتجون
وعدت هل يومين طبيعي ما صار شي واجى يوم المحكمه كعدت من النوم كوه ما اريد اروح بس شسوي مجبوره هو دزلي رساله حضري روحج انه شويه واجي كمت سبحت ولبست فستان لون زيتوني كلش حلو مخصر على جسمي ولبست حفايه ام الإصبع وانه طبيعتي ما البس جواريب امي ملت مني تكلي حرام رجليج بيض يلالن أكلها معليج انه اتحمل الحرام وكفت على المرايه شفت • رﯛحـ̲ٓۛـي طالعه توب كلت بعد خل املطخ وجهي جذب ما خليت شي بس خطيت عيوني بكحل وهنه كبار طلعن كلش بارزات وخليت حمره بناتيه خفيفه وجهي ما يحتاج اي شي لأن من كاعه ابيض على وردي ولفيت الشال لفه حلوه وسمعت الهورن يدك كلت اجى الغضب حتى ما كلف نفسه ينزل يسلم على اهلي هل المغرور سمعته وطلعت شفت امي واخوي حسن كلي اوكفي لا تطلعين وحدج انه اطلع وياج وامي توصي بيه يمه هيج سوي وهيج سوي طلعنا من شافنا عاد هو نزل سلم على اخوي حسن سلم علي ودخل ظل واكف يباوعلي
كمره: شبيك هيج تباوعلي
احمد: رجعي لبسي عبايه وامسحي الصخام الي بوجهج
كمره: يا صخام كلشي ما مخليه وانه ما احب البس عبايه
احمد:كلمه كلتها لا تعاندين روحي لبسي عبايه ولا تخليني اعلي صوتي
كمره:اللهم طولج يا روح خزرته ودخلت شافتني آٱآمــي هااا يمه ليش رجعتي
كمره: يكلي لبسي عبايه هل الانتقام هذا
ام كمره: لبسي يمه العبايه ستر للبنيه واكيد شافج تضوين ولبسج ضيج خاف عليج لا تكبرين السالفه
كمره: امري لله لبست عبايه ومسحت بس الحمره وخليت الكحل ما مسحته وطلعت هو شافني اشرلي براسه صعدي صعدت يمه بس انه شنو من صعدت كلبي يدك سريع
احمد: سديت التلفون بوجه كمره من بعد ما سمعت كلامه المستفز كلش ضجت منها تريد بس طلعني من طوري نزلت وكلت لأهلي على موعد المحكمه وأهلي كيفوا وهما هل الايام مخبوصين يحضرون لخطبة عادل
الشيخ ابوي كال لازم نكمل الخطبه حتى يسوي عرسنا سوى انه وعادل وبيوم المحكمه كعدت وسبحت ولبست الزي العربي ونزلت واسمع الهلاهل من كل صوب وامي كلتلي من تكمل العقد تجيبه لهنا لازم تتغدا يمنا هاي عاداتنا ما كدرت ارفض كتلها • ﺂنٰ شۨـِﺂءۙ ﺂللـِه۫ہ ٰ طلعت ركبت السياره وصلت ما ردت انزل دكيت هورن شويه وطلعت بس شطلعت هل البنيه لو تلبس كونيه هم تلوكلها وجها يشع ولابسه لبس مخصر من شفتها تخبلت هاي شلون يخلوها تطلع هيج ما كدرت احجي اخوها اجى سلم علي كتلها روحي لبسي عبايه ومسحي وجهج من المكياج هي كلتلي ما مخليه بس ما صدكتها بس هي شاطت غضب كلت بكلبي بالطكاك شـْ◌ـّـْلون اطلع هيج بيها من كل عقلها والمحكمه متروسه عالم وشباب اذا احد حارشها غير ارتكب جريمه دخلت وشويه طلعت لابسه العبايه بس وجها نفسه سكتت عنها كلت انه اعلمها صعدت وكعدت يمي مبوزه سدت الباب وسحبت كلينسه ونطيتها الها وكتلها مسحي كدامي
كمره: ما مخليه ليش ما صدكني بس كحل والله
احمد: مادام هيج مسحي خل اتأكد
كمره: اللهم طولج يا روح اخذت الكلينسه وظليت امسح بكل قوه كدامه الكلينسه ظلت نظيفه وانطيته كتله هاك شوف عاد هو اخذ الكلينسه وشمرها من الجامه وظل ساكت ما حجى شي مشينا وطول الطريق هدوء لا هو يحجي ولا انه درت علي شفته صفنت بوجها كلت بكلبي ليش ما جاي اتقبله ما بي نقص شاب حلو وجذاب وشيخ ودكتور وهيبه واناقه ليش ما جاي اهضمه مو بيدي ما ينبلع شسوي هسه تكولون متعافيه لا والله بس موبيدي احس روحي مجبوره ما اطيقه شلون اتحمله هذا لو انه كاتلته لو كاتلني وحده من الاثنين
احمد: كملتي صفنتج الظاهر اليوم عاجبج
كمره: هااااا مو قصة عاجبني بس اليوم مو من عوايدك ساكت
احمد: شترديني اسوي مثلا
كمره: لا هيج ماكو شي درت وجهي على الجامه شويه وصلنا المستشفى اخذوا من عدنا دم انتظرنا شويه واستلم النتيجه طلعت متطابقه انه ضحكت كلت شعجب هاي اول مره يطابق شي ويانا عاد هو انتبه الي
احمد: ما توقعت تفرحين لهل الدرجه لو ادري هيج من زمان عقدنا محكمه
كمره: لا يروح فكرك لبعيد ترى هاي صدمه مو فرحه لأن اول شغله تطابق وياك
احمد: عجيب انتي بس كليلي خبله لو شنو
كمره:من وانه صغيره خبله ليش محد كلك
احمد: امشي كدامي وانتي مدنكه ولا تخليني اسويج هنا فرجه يله
خبلتني هل كمره عجيبه مو بنيه الله يصبرني بس كوه لازم اعصابي طلعنا ورحنا للمحكمه ودخلنا على القاضي راد شهود دبرت اثنين معارف الي هناك عقدنا وطلعنا اباعلها ما فرحانه وعيونه كلها دمع حبيت استفزها
ابجي محد كاضج بلكي تنمسح الكحله هاي الخاطه بيه عيونج مخليتهن يجيبن التايه
كمره: شفتني ضايجه ليش ماتسكت عني
احمد: الي بيه ما يخليني مو بيدي يله صعدي
كمره: دخلتا محكمه وانه ضايجه احس • رﯛحـ̲ٓۛـي مخنوكه ما اكدر ابجي كدام العالم كلت هاي هي جان عندي امل وانتهى صرت بأيده بعد طلعت شفته حتى هو تحسه ما فرحان بس ليش هو يكدر ينهي كلشي محد جبره على شي صعدنا السياره وهم نفس الشي هدوء ومحد بارك للثاني وصلنا للسلف بس شو هذا ما وداني لهلي كتله شيخ انت ًوٌَيــن جايبني
احمد: لبيت اهلي
كمره: ليش ترى احنا عقدنا محكه ما كلولك اخذه هسه لبيت اهلك
احمد: احد كلج انه غبي
كمره: شتقصد جا ليش جبتني لبيتكم
احمد: امي كالت من تكملون جيبها تتغدا عدنا
كمره: وليش ما كتلي من البدايه ليش تخليني كدام الأمر الواقع
احمد: هيج بكيفي بعدين شيفرق اذا كتلج راح تكنسلين الجيه
كمره: طبعا اكنسلها
احمد: سكتي عاد اليوم هواي خربطتي وانه صابر وساكت ترى لا تشوفيني هيج لا تخليني اطلعلج وجهي الثاني
كمره: ما يصير هيج كلما احاجيك تكب بوجهي سألتك سؤال جاوبني مثل العالم والناس
احمد: جاوبتج بس ٲℓانــتيہ الظاهر استيعابج قليل ما تمشين الا بالنتر
كمره: اهلي عدهم علم
احمد: اي عدهم انطيت خبر لبوج اكو بعد شي
كمره : شكول بعد اذا انتو طابخين الطبخه ومكمليها وانه علي أنفذ وبس
احمد: شدردمين
كمره: احجي ويه روحي هم هذا ممنوع
احمد: ٲٳٲسـ๛ۖــۖـتغفـر اللهہ شراح يخلص اليوم
كمره: من ايده الله يزيده
احمد: كمره والله العظيم ان كلتي اي كلمه بعد اقسم بالله اشمرج من الجامه
كمره: يمه هذا صار نار كبره خل اسكت واعدي اليوم على خير خل ارجع لهلي سالمه ......
لنها ينتهي البارت١١