كبرياء شيخ

الجزء١٥

احمد: طلعت منها وانه ضايج جذب اذا كلت ما انقهرت عليها وانعصر كلبي من شفت وجها شلون مورم كله بسببي ورى شويه أخذوها للعمليات وانه يم اهلها من شفتها صرت اعصاب وظليت افرك بوجهي لمحني ابوها
ابو صلاح:شيخ شنو سالفتك اهدى ما عليها شي بويه شغلتها سهله
احمد: عمي شهدى من شفت وجها مدري شلون صبرت يمها ًحتٍٍٍــى لا تتوتر
ابو صلاح: حقك بويه انت هم عرفت فجأة ما رضت نكلك لون المصيبه العدكم موش سهله وانتو مشغولين وناس طابه وطالعه عـدكم ما حبت تشغلكم
احمد: حتى لو عمي المفروض على الاقل يكون عندي علم وانه اشوفكم يوميه يمنا وامها وخالتها يم امي معقوله تأثيرها عليكم ما تخلي احد يوصل خبر
عمي لا تزعل مني بس بتك ما حاسبتني رجلها عبالك انه طرطور لا احل ولا اربط
ابو صلاح : لا شيخ ما هكيتها منك لا تزعل منها شسويلها هي عنوديه وانه اخافن عليها اذا كالت حجايه تسويها وخفت تعاند وما تسوي العمليه اذا احد وصلك خبر
احمد: على العموم عمي هاي رآآح  اعديها بس منا وهيج حسابها عندي
ابو صلاح: حقك شيخ شما تكول
وانت هسه عندك ضيوف وشيوخ عيب تعوفهم روح الهم بويه تلفونك ما بطل دك وانه اخلي صلاح من تطلع يطمنك لا يظل بالك
احمد: خوش عمي انه رايح من تطلع طمني
هااا ونسيت حساب المستشفى راح ادفعه كله وما اريد اي احد يعترض
ابوصلاح : لا شيخ ما اتفقنا على هيج
احمد:عمي الي عندي كلته وانه والله لو ما الشيوخ ابقى واكف على راسها بعدين هي صارت مرتي مسؤله مني
ابو صلاح: هذا هو عمي
احمد: طلعت من المستشفى بس ظل عقلي يمها هذا عادل حرك علي التلفون حرك ركبت وصلت للبيت ماشاء اللهُ تَبَارَكَ اللهُ لكيتهم كاضيلي الباب
نزلت كتلهم خير خو ماكو شي احد مات
عادل: ًوٌَيــِن جنت صارلنا ساعه ندك عليك اكو اختراع اسمه تلفون واصلك لو بعده
احمد: لا بعده ما تدكلولي شبيكم
وسام: خويه عاد كلنا من تطلع امك اكلت كلبنا وابوك نكله وين يكول شغل احنا ظل بالنا هذوله لهسه محد كاضهم ورايح وحدك عاد اخذلك حرس انطينا خبر
احمد:شل قضيه بعدين ابوي يدري وين جنت خل ادخل للمضيف اشوف العالم بعدين اشوف امي
عادل: جوه ادخل شوفها راح يوكف كلبها الشيوخ ابوي يمهم طمنها عليك وبعدين اطلع للعالم
احمد: دخلت للبيت ادور امي جانت بالصاله ما يمها احد بس خالاتي وعماتي
شافتني واجتني تركض
الشيخه: يمه وين جنت والله ماعندي بعد طاقه راح تموتوني شلون بالله كلولي
احمد: يمه شلقصـﮪـﮧَ عبالي ابوي كلج
الشيخه: وين جنت
احمد: بالمستشفى رحت شفت كمره اليوم عمليتها
الشيخه: خير شبيها
احمد: صار عدها كسر بسيط بخشمها
الشيخه: شلون صار وليش ما عدنا علم
احمد: بعد صار وماكالت ما تريدنا ننشغل بيها على مود وضعنا هذا كل الصار
الشيخه: اكول ماكو صارلها مده ما اشوفها بس امها واسأل عليها تكول بالبيت يم الولد محد يظل يمهم وهسه شلونها
احمد: والله عفتها بعده بالعمليات وارجعت منا العالم
الشيخه : شلون تعوفها بهيج وضع روح ﺂﭑ͜ࢪﭼـِٰ̲ـ؏،٭⁞😔💔 الها والعالم هنا موجودين ابوك وإخوانك وعمامك
احمد: ما اكدر يمه عيب من العالم بالليل ارجع اشوفها
الشيخه:براحتك يمه من تروح أخذني وياك اشوفها
احمد: لا يمه ماكو داعي ٲℓانــتيہ هم هنا النسوان منو يظل يمهم مهما يكون انتي الشيخه غير وكت اخذج هي احتمال اليوم تطلع ما تظل عمليتها بسيطه
الشيخه: صار وليدي
احمد: راح اروح للمضيف هسه لا يظل بالج يالغاليه انه احمد مو بسهوله انصاد لا تخافين
الشيخه: الله يحميك وليدي ويحفظكم الي هو انه شرايده
احمد:بست راسها وطلعت للمضيف الما يخلص من الناس وكاعد يمهم بس انه كلبي يم البلوه كمره شويه ودك صلاح التلفون وكلي طلعت من العمليات زينه شوي طمنت صار المغرب صلت الناس وتعشوا شفت عمار شوي تعب من الكعده لازم يرتاح اخذته وصعدته فوك لغرفته وانه هم الي يكضني من خشمي اطيح كلش تعبان رحت لغرفتي سبحت وتمددت شويه واندك الباب كلت تفضل
سلمى: شلونك يبن عمي حمدلله على السلامه ما صارتلي فرصه اشوفك كله مشغول
احمد:الله يسلمج رايده شي بعد
سلمى : شدعوه شيخ حتى ما باوعتلي ترى مهما يكون على الاقل بت عمك
احمد: سلمى وداعته لعمي تعبان واريد اتمدد وأنام مالي خلك حتى احجي
سلمى: محد متعبك غير مرتك حتى بالجذب كلفت نفسه تجي هنا يم العالم كلها تسأل مرت الشيخ وين شدعوه شايله خشمها على الناس
احمد: هسه شجابها بالنص ٲℓانــتيہ شعليج بيها
سلمى: لا الي بيها حتى تعرفها على حقيقتها هاي البنيه ما توالمك مو من ثوبك انت ليش ما تحس
احمد: ما اسمحلج تمسينها ولو بكلمه فاهمه وهاي البنيه الها اسمين مو واحد وانه عاجبتني وداخله دماغي ولا ٲℓانــتيہ ولا عشره مثلج يكدرون يطلعونها منه وهسه طلعي اريد اخمد
سلمى:شنو المميز بيها فهمني شنو فرقها عني على الاقل انه حبيتك وهي منو يكول تحبك الكل بالسلف يعرف كمره ما تحب احد حتى لو شيخ الشيوخ
احمد: اللهم طولج يا روح سلمى لخاطر محمد طلعي ولا تخليني اطلعج بالكوه عاد طلعي بكرامتج كبل لا يجي عادل الي هو بمقام خطيبج ترى والله ما تستاهلينه واذا تظلين هيج اكله على كل مضايقاتج ترى انه ساكت لخاطره ادري بي يحبج وما اريده ينكسر من يعرف الي يحبه تريد اخوه ومو بس هو حتى اوصل خبر لعمي وابوج
سلمى: تهددني شيخ ولك انه احبك اعشقك وافقت بخوك بس ًحتٍٍٍـــى ابقى يمك فاهم انت لو لا
احمد: انتي منو تكليلي ولك اهددج واكسر راسج بعد وهذا حبج وخرابيطج طلعيها من راسج وأمشي طلعي بره ترى وصلت حدها
طلعييييي بصياح بعد ما أتحملها شنو من بنيه هاي لازم عادل يعرفها على حقيقتها طلعت وانه رجعت انام بس ما اخذت عيني نومه بالي يم كمره خل اتصل واعرف اخبارها دكيت التلفون
صلاح: الوووو شيخ شلونك
احمد: بخير خابرت اسأل على البلوه اختك شلون صارت
صلاح: هههه الحمدلله زينه • ﺂنٰ شۨـِﺂءۙ ﺂللـِه۫ہ ٰباجر تطلع كلشي تمام لا يظل بالك
احمد: انت يمها
صلاح: انه بحديقة المستشفى طلعت ادخن خالتي يمها
احمد: هاااا عبالي يمها ردت اسمع صوتها
صلاح: ظل على الخط وانه اودي التلفون
احمد: لا يجوز نايمه خليها ترتاح انه باجرجاي من تطلع انه اجي اخذكم
صلاح: صار شيخ تدلل
احمد: تصبح على خير
صلاح:وانت من اهله
كمره:وعيت على نفسي وانه بغرفه ثانيه مخليني عيوني بعدهن مغوشه واشوف امي وخالتي يمي وابوي نايم على السرير الي بصفي بس شجابني لهاي الغرفه انه ما جنت بيها بس شنو عطشانه اريد بس ابلل ريكي صحت يمه اريد ماي
ام صلاح:هااا يمه كعدتي حمدلله على السلامه شلون صرتي
كمره:بتعب زينه يمه عطشانه انطيني ماي
سمعت خالتي راحت جابتلي ماي وشربتني كتلها شوكت اجيتي
فهيمه: قبل شوي اجيت بدال امج خطيه تعپت من الصبح لهسه وابوج هم هل تشوفينه نايم خطيه راح بات يمج وامج ترجع اخوتج بحدهم انتي شلونج
ام صلاح: جا خوش احنا هم ياله نمشي
ابو صلاح اكعد يله تكسرت هنا امشنا للبيت راح اخابر لصلاح ياخذنا ويرجع هنا
ابو صلاح: هااا خوش
بويه احنا رايحين اخاف تحتاجين شي بس خابري واحد من اخوتج
كمره:لا بويه محتاجه سلامتك
راحو اهلي بقت خالتي يمي
فهيمه:خوزما متوجعه اشوفج تحوسين
كمره:شوي وجع خفيف بس احس وجهي خف جان ثكيل
اكلج خاله انه ليش هنا مو جنت بغير غرفه
فهيمه : اي ليش مستغربه غير ٲℓانــتيہ مرت الشيخ هو تكلف بكلشي وخبص المستشفى خبص عليهم
كمره: يقتل القتيل ويمشي بجنازته
فهيمه: شقصدج ولج حتى وانتي مريضه هم ما كاعده راحه
ما تكليلي شتردين من الزلمه هاي فوكاهه يريد راحتج
كمره: ما اريد الراحه الي تجي من وراه خاله ما اريده
فهيمه: انطيني عيب واحد بي بس وانه اعذرج ولج لا تتعافين الرجال شاريج
ورايدج
كمره:هي هاي المشكله انه هم ما جاي الكه بي عيب بس ما جاي افهمه كل ساعه شكل خبلني وغير عصبيته ما تنحمل خاله ما ينجرع
فهيمه: بعدج ما معاشرته والله بس تعاشرينه تحبي خايبه لو شايفه النسوان بيت الشيخ من يدخل وهو هيبه ويمشي بطوله بدهن ياكلنه اكل وهو ولا معبرهن يدخل بثكل ويكولن خي عونه هل كمره علي بس هي كدرت تاخذه
خايبه انه من يمي اتحرمس عليج وانتي شنو من كلب عدج بس كليلي ‹ ـِﭑخـِۧﭑﺂڣ  حجاره بمكانه خاله
كمره: لا تحجين فدوه خاله بعد سدي الموضوع خليني انام
فهيمه: خمدي ما عجبج الحجي بس وين الله واشوفج تتحسرين علي واشوفج متلوعه على شوفته
كمره: لا تحلمين خاله ما يجي هذا اليوم
فهيمه : وداعتج يجي واذكرج وكولي خالتي ما كالت
كمره:راحت خالتي نامت على السرير الثاني وانه ظليت ما جاني نوم لحد ما اجت الممرضه ضربتني مسكن وبعدها نمت وكعدت الصبح لكيت امي جايه وابوي واخواني حسن وحسين يضحكون علي ويعيبون على خشمي ويكلولي راح يبقى منفوخ وانه مصدكتهم وابجي عبالي صدك وابوي كام الهم بالعوجيه وهما يطافرون لحد ما انفتح الباب دخل المصيبه احمد شافهم بقى مصدوم
احمد: خير شصاير شهل ضحك ضحكونه وياكم
ابو صلاح: شيخ اعذرنا صارت بوجهك بس هذول مطايا يضحكون على اختهم خل اربيهم
الولد: شيخ اعذرنا بس لازم نحذرك بعد كمره ما تفيدك خشمها كبر صار طواطه
احمد: عادي مو مشكله كل حلو بي لوله
ام صلاح: يمه لا تصدك بيهم هذول يتشاقون الدكتور كال يرجع مثل قبل
احمد: ههههه ادري عمه
الولد: شيخ احنا بعد كلنالك عاد افلت من هسه
ابوصلاح : ولكم بسكم عاد انطو مجال للشيخ يشوف مريته
احمد: والله يا عمي ما ادري ًحتٍٍٍـــى ما سلمت مثل العالم شو عمي انطيني عوجيتك خليني انه اتولاهم
الولد: افا عليك شيخ هاي احنا جاي نصحك
احمد: هههه عمي قبل لا اجي مريت على الدكتور وكال خل تطلع كلشي تمام وكملت اجراءات كلها تحضروا حتى نطلع
ام صلاح : ها احنا ما عدنا شي حاضرين بس تلبس العبايه
ابوصلاح: يله بويه تحضري لبسي عباتج بيج تمشين لو لا
الولد: بويه جااا شمالها ترى عمليتها بخشمها مو رجلها
احمد:ههههههه ولكم سكتوا كافي عاد
ابو صلاح: لا ذوله دواهم عندي شيخ من رخصتك
كمره:ظليت اباوع عليهم واشوفهم يتشاقون ويه احمد ما ضجت منهم بالعكس مدري ليش فرحت وهو منطلق وياهم بس ما باوعلي مدري ليش حتى ما سلم علي تذكرت حجي خالتي امس معقوله انه بديت اهتم اله لا ما معقوله انه من شوفته اضوج زين ليش صجت من ما سلم علي والله ما جاي اعرف شريد تحضرنا وطلعنا انه وامي وابوي صعدنا بسيارة احمد واخواني صعدوا بسيارة صلاح وصلنا للبيت نزلنا وهو هم نزل عبالي يوصلنا ويروح شو هذا نزل بس هو طول الطريق ما التفتلي معقوله قرر يسمع كلامي ويعوفني زين مو هذا الاريده انه ليش ضايجه اووووف شجاي اخربط تلكتنا خالتي بوستني وخذتني من ايد امي ودخلتني للغرفه وتمددت على جربايتي شويه ودخل احمد انه شفته عدلت كعدتي ما ادري ليش
احمد: حمدلله على سلامتج
كمره: الله يسلمك شيخ
احمد: ليش دائما تكليلي شيخ ولا مره سامعج تكليلي بسمي
كمره : غير انت الشيخ
احمد: اي انه الشيخ بس هسه انه مو رجلج المفروض كليلي احمد شنو صعبه عليج
كمره: هااااا
احمد: وجعاااااا لا تكليلي هاا
كمره: جااا شكول
احمد: كولي نعم اي
كمره: • ﺂنٰ شۨـِﺂءۙ ﺂللـِه۫ہ ٰ'
احمد: • ﺂنٰ شۨـِﺂءۙ ﺂللـِه۫ہ ٰشنو
كمره: شنو
احمد: شو خل اسمع
كمره: شتسمع
احمد:اسمي عندي فضول اسمعه بصوتج
كمره: ......
احمد: ولج احجي شلعتي كلبي
كمره: ههههه
احمد: لو ادري تضحكين هيج من زمان كسرت خشمج
كمره: اسكت لحد يسمعك محد يدري
احمد: خل يسمعون عادي
كمره: اي شعليك انت ادري بيك ما تخاف
احمد: مرتي وبكيفي عسى ما اجنزج محد اله دخل
كمره: عاد لهنا وكافي ترى انت ما شتريتني
احمد: هااا راح نرجع للعرك مو جنا زينين
كمره: مو انت والله مستفز انت تخليني احجي كوه
احمد: اخ لو حاجي ويه الدكتور وكايله يعكد لسانج والله جا انه بخير
كمره: مو بكيفك شيخ
احمد: لا بكيفي بعدين شكلت لا تكولين شيخ
ليش ما كلتيلي على وضعج لو ما اخوج جا يمكن لهسه انه ما ادري
كمره: ناويه ما اكلك نهائيا بس شسوي لصلاح
احمد:ليش
كمره: تعرف ليش ماله داعي اعيد
احمد: انتي ما تنسين
كمره: لا مستحيل انسى الي سويته بيه
احمد: يعني بعدج حاقده علي
كمره: مو قصة حقد بس اريد اعرف شغله
احمد:كولي
كمره: انت كلما تشوفني بمكان وشداد حتى لو يمر تسوي هيج
احمد: هاي اخر مره تنطقين اسمه على لسانج
كمره: جاوبني
احمد: كلشي توقعي مني
كمره: معناها يوميه تكسر بيه شغله ولا تنسى هو ابن خالك رايح وجاي عليكم يعني شلون لازم تخلي منبه بالبيت كلما يجي يدك جرس حتى انه اختفي
احمد:كمره لا تعصبيني خليني هادي عليج وهذا الموضوع سدي هسه من يجي وكته الله كريم
كمره: اسمعني ادري مو وكته بس انه ما جاي اتحمل عصبيتك انت تصير قاسي وياي وانه مالي ذنب
احمد: كافي عاد انه هسه رايح وأهلي احتمال بالليل يجون يشوفوج والابره يجي عمار وياي بالليل يضربها الج اصحج اسمعج طالعه لحد ماشي
كمره: هو انه اكدر اكول لا
احمد: شحدج سىويها وشوفي
كمره: لا مالي حيل بعد عمليه ثانيه
احمد: اي هيج صيري حبابه ومطيعه من الاول ليش تجيبين الاذيه لروحج
كمره: هو انه شعلي ليش محملني مسؤلية الصار
احمد: اشششش كافي يله نامي
كمره: ما اريد انام تعبت جسمي يوجعني من كد ما نمت
احمد: ما يصير تكضج دوخه لا سامح الله وتوكعين على وجهج وهل مره ⊱# صـۧـٰـُــِٓدَڪكٰ،| ما تصيرلج جاره بعد شو يله نامي بسج هواي تلغين
كمره: هاي انه
احمد: جااا انه
كمره:انت ليش .....
احمد:جاي تحجي وانه خليت ايدي على حلكها اسكتها لأن ما تسكت عدها طاقه تحجي منا لباجر صفنت بوجها كلشي بي حلو الصراحه ما ردت ابتعد عنها حاوطت جسمها بأيدي الثانيه ونيمتها على الجربايه صرت كلش قريب عليها سحبت ايدي بهدوء من جواها وكتلها بهمس راح اشيل ايدي من حلكج ما تفتحينه بكلمه ماشي عاد هي هزت راسها بأي هل مره ما قاومتني ما ادري ليش يمكن تأثير البنج بعده بيها الله اعلم وخرت عنها وغطيتها وطلعت
كمره: بعد الصار كلبي راد يطلع من مكانه ظليت متصنمه وهو يحركني شلون اللعبه ما ادري هو متقصد يسوي هيج مدري صدك بدى يهتم بيه بس هو صارله يومين متغير١٨٠ درجه مرات اكول هذا يمكن حلم ويجي يوم اصحى منه ما ادري هو خربط عقلي هذا الشيخ مو سهل عبالي انه اخبله شو هو خبلني قاطع تفكيري صوت النقال اجت رساله منه
احمد: كتلج نامي كافي تفكير ما تستفادين
كمره: يمه عززززااااا هذا شلون دراااا
ظليت اباوع بالغرفه كلت يمكن مركب كاميرات وانه ما ادري كلشي أتوقع منه
..........
لهنا ينتهي البارت