Everything I do, I do it For You (Unicode Only)

အခန်း ၁၈

"အင်း...ကိုကိုက ​မြေ​ခွေး​ပေါက်​လေး​တွေကို မကြိုက်ဘူး...။"

​ပြောရင်း သူ့လည်ပင်းတွင် ​ခေါင်းအပ်လိုက်သည်။

"ချစ်ပဲချစ်တာ"

ထိုစကားကို ကြားလိုက်​တော့ Hongjoong ရဲ့ မူမမှန်တဲ့ လုပ်ငန်း​တွေ စတင်လုပ်​ဆောင်ကုန်ပြီ ဖြစ်သည်။ နှလုံးသားက သူ့သခင်ထံမှ ​မျှော်လင့်ထား​သော စကားကို ကြားလိုက်ရ၍ ​ပျော်ရွှင်မြူးတူး​ကြောင်း သက်​သေပြသည့်အ​နေနှင့် ကဆုန်​ပေါက် ခုန်​ပေါက်လာသည်။

"Hong ​လေး​​ရော...ကိုယ့်ကို ချစ်လား"

​သူ့လည်ပင်းမှ ခွာကာ သူ့မျက်လုံးကို ​​မေတ္တာအတိ ​ပျော်ဝင်​နေ​သော အကြည့်တို့နှင့် တည့်တည့်စိုက်ကြည့်ကာ ​မေးလာ​သော Yunho ကို သူလည်း မြတ်နိုးမှုများ စီးဝင်​နေ​သော အကြည့်တို့ကို ပြန်လည်​ပေးအပ်ရင်း နှစ်ကိုယ်တည်း ကြားနိုင်ရုံ​လောက်သာ ဆိုလိုက်သည်။

"ချစ်တယ်...ကိုကို"
_________________________________________

"Hello"

"Hello"

"ဒီမှာရှင့် ဖုန်း​ခေါ်ပြီးရင် စကား​ပြောရမယ်ဆိုတာ မသိဘူးလား"

"..."

"Okay ​လေ ဘာမှမ​ပြောရင် ဖုန်းချလိုက်ပြီ"

ဖုန်းပိတ်လိုက်ကာ ​နားထင်ကို လက်နဲ့ အသာပွတ်​လိုက်သည်။ အခုတ​လော အမည်မသိ ဖုန်း​တွေ ခဏခဏ ဝင်ပြီး ကိုင်လိုက်တိုင်း ဘာမှပြန်မ​ပြော​။ အလကား... ဖုန်းသရဲ​တွေ။ ထိုးကိုက်လာ​သော ​ခေါင်း​ကြောင့် ​ဆေး​သောက်ရန်အတွက် ထိုင်​နေရာမှ ထကာ မီးဖိုချောင်ထဲကို ထွက်လာခဲ့သည်။ ​ဆေး​ယူ​သောက်ရင်း ပြတင်း​ပေါက်က​နေ အပြင်ကို ကြည့်မိ​တော့ ​ဖြတ်​လျှောက်သွား​သော လူရိပ်ကို ​တွေ့လိုက်ရသည်။ တိုက်ခန်းချင်း ကပ်​နေသည့်အတွက် ထိုသို့ လူရိပ်များ​တွေ့ရသည်က Erika အတွက် အဆန်းမဟုတ်​တော့။ ​ဆေး​သောက်ပြီး အိပ်ခန်းထဲသို့ ​လျှောက်လာကာ ကုတင်​ပေါ်တက်ပြီး အိပ်ရန်ပြင်လိုက်သည်။ အိပ်ဖို့ ကြိုးစားရင်း သူ့ငယ်ဘဝက မဖိတ်​ခေါ်ဘဲ အ​တွေးထဲ ကျူး​ကျော်ဝင်​ရောက်လာသည်။ အခုချိန်မှာ Erika လို့ ​ပြောလိုက်ရင် Edel Enterprise ရဲ့ CEO ဆိုပြီး တန်းသိကြမည်။ အသက် ၂၇ နှစ်နဲ့ Enterprise တစ်ခုလုံးကို ဦးစီးထူ​​ထောင်ခဲ့သူအဖြစ် သိကြလိမ့်မည်။ စားစရာမရှိ ​သောက်စရာ မရှိ ​ခြေသလုံးအိမ်တိုင် ​လျှောက်သွားရင်း ​ကြုံရာကျပန်း လုပ်ခဲ့ရသူအဖြစ် မည်သူမျှ သိလိမ့်မည်မဟုတ်။ ​မွေးကတည်းက မိဘများရဲ့ စွန့်ပစ်ခြင်း ခံခဲ့ရပြီး ​ဂေဟာမှာ ကြီးပြင်းခဲ့ရသည်။ ​အထက်တန်း​ကျောင်းပြီးချိန်တွင် ဘဝကို ရုန်းကန်အတွက် ​ဂေဟာမှ ထွက်လာခဲ့သည်။ စီးပွား​ရေးကို မသိနားမလည်သေးသည့်အတွက် စီးပွား​ရေး​လောကရဲ့ဒဏ်ကို ခါးစီးခံခဲ့ရသည်။ ဘဝရဲ့ နာကျည်းမုန်းတီးမှု​တွေကို ခံပြင်းစိတ်အဖြစ်​ပြောင်း အားအင်အဖြစ် ​​မွေးမြူကာ Erika ဆိုသည့် နာမည်တစ်လုံး စီးပွား​ရေး​လောကထဲ ​ရောက်ဖို့အတွက်  သူ​ရုန်းကန်ခဲ့ရသည်။ တကယ်​တော့ သူပင်ပန်း​နေပါပြီ။ အခုချိန်မှာ တိုက်ခန်း၊ ကား၊ ကုမ္ပဏီ စတာ​တွေ အကုန်ပိုင်ဆိုင်​နေပြီ ဖြစ်လို့ သူကောင်း​ကောင်းအနားယူနိုင်ပြီလို့ ထင်ခဲ့​ပေမယ့်လည်း ညတိုင်း သူ့ရဲ့ အတိတ်ဆိုး​တွေက ​ခြောက်လန့်မြဲဖြစ်သည်။ တစ်​နေ့...အဲ့တစ်​​နေ့ကျရင်​တော့ သူ့ဘဝငြိမ်းချမ်းမှုအတိ ဖုံးလွှမ်းသွားမှာပါလို့ ​တွေးရင်း မျက်စိစုံမှိတ်ကာ အိပ်​ပျော်​အောင် ကြိုးစားလိုက်​တော့သည်။
_________________________________________

Wooyoung အလင်း​ရောင် ​ဂေဟာကို ​ရောက်​တော့ ​ဂေဟာမှူးကို အသတ်ခံရသူ နှစ်​ယောက်အ​ကြောင်း ​​မေးမြန်းလိုက်သည်။ သို့​သော် သတင်းအဖြစ် ယူဖို့ ဘာအချက်အလက်မှ မသိရ။ ထိုသူနှစ်​ယောက်လုံးဟာ တသီးတသန့်​နေသူများသာ ဖြစ်​ကြောင်း၊ မည်သူနဲ့မှ အ​ရောမဝင်​ကြောင်းသာ သိခဲ့ရသည်။ တခြားဘာအချက်အလက်မှ မသိရ။ ထိုသူနှစ်​ယောက်လုံးရဲ့ ဘဝကို ဖြတ်သန်းပုံဟာ အရမ်းရိုးရှင်းလွန်းပြီး သီးခြားဆန်လွန်းသည်ဟု သူ​တွေးလိုက်မိသည်။ သူစိတ်ပျက်ပြီး ​ဂေဟာမှ ထွက်လာကာ သူ့အိမ်သို့သာ ပြန်​မောင်းလာခဲ့​တော့သည်။ သို့​သော် သူ​နောက်တစ်​ခေါက် ဒီ​ဂေဟာသို့ ​သေချာ​ပေါက် ပြန်လာရဦးမည်ကို ​တွေးရင်း နှုတ်ခမ်းအဖျား​လေး ​ကော့တက်သွားသည်။
_________________________________________