نقش الزمان

نقش الزمان (١٠)

جان يحجي ومعصب

وبعدين من راح يتوضأ.. رحت لامي

يوم شبي ابوية....

جانت امي حيل ضايجة...

ردت

خطبوج لمهند وابوج مقبل.. وبيبيتج كالت الهم

البنية الكم بس خل تكمل كليتها

وشبه عاندت ابوج...

ابوج ميريدهم.. والناس كالو حتى بيت وحد نكعدها

والولد تعهد يخليج تكملين وتتوظفين
وابوج..

كاللهم الله كريم بس ضاج من حجي بيبيتج

طب ابوية وكالعادة سكتنه...

ورة الصلاة...

امي صبت عشة وهم جمال وامي وابوية فتحوا الموضوع.. وتناقشوا

واني حالي حال الاطرش بالزفه

ابوية كال لجمال

طبعا من بعد ما جمال مدح بمهند

ابوية كال اني هذولي الناس ما ارتاحلهم

مدام من طرف بيت خالتي وزوجها

بيت خالتي سمعمتهم زباله،،،

اندكت الباب وكام جمال

امي ردته.... وخوانك وسوايتهم وية بنتك

انكس من الزبل...

تصايحوا...

وكام ابوية زعلان وضايج

. وامي ضلت تحجي علي وعلى عمامي

وحتى على اهل مهند  وانلاصت السالفة

والكل شبه رافض...

محد اكل بيومها كظوها حجي وذم...

واني جنت بس اسمع واسكت..

بس جمال جان يجادلهم ويكول علي هو خوش ولد
حسب ما شايفة..
ومع ذلك كالو هسة مو مناسب الي بهيج
وكت اتزوج لاني بعدني طالبه..

راح يوم واجة يوم.. وبين الرفض وبين شبه القبول

تم الرفض بحجة تكمل دراستها...
احباط على الم على... ياس...

مشاعر مؤلمه... وصرخات صامته بداخلي
اريدة اني اي اريدة

بس ما اكدر...

اني بنية مو ولد علمود اكدر اعبر عن رأيي
واختار الي احبه

ليلي صار عبارة عن افكار ودموع

تغيرت... صرت اتصنع اني بخير

ولكن بداخلي حرب،، وهزيمه وخذلان

انقبلت بالمستنصرية،،

وجان هالشي اعتبره بصيص امل بحياتي

اي لان مهند بيتهم ابغداد

واكيد حنلتقي...

بديت اتحظر واشتري هدوم..