نقش الزمان

نقش الزمان (١٠)

اجت امي

جمانه هاي وين جنتي

وحوراء كعدت تسولف الموقف بضحك واستهزاء

امي ابتسمت وكالت

لبسي ثوب ردن طويل وتعالي سلمي

مااا... ما اجي استحي..

شنو استحي مو عيب هيج تسوين
كومي دشوف يالله..

كمت رحت لبست ثوب كشمير
جان بوكتها موديل القماش بي مثل الفلس

ثوبي جان  سمائي وبي فلس اصفر

ولفيت شيلة بيجيه جنت البسها بالطلعات

ورحت ورة امي واني انكط مستحاااا

ياربي شلون والله استحي..

من طلعت لمحت مهند جان كاعد و وجهة للبيت
وابوية مندار يسولف وية ابو

ابتسملي...

واني ضحكت الدنيا كلها الية

جان مزين شعرة زيان حلو
وهو اصلا كلة على بعضة حلو ومرتب لأبعد الحدود

يمكن  بلحظتها

حسيت روحي اني ويا.. مثل الفراشات
ونطير بجناحتنا فرحانين بحبنا،،

بودي اروح اكلة مشتاقتلك بكد الدنيا
وبكد الخلك،،

جانت سبحة جوزية بايدة ظل يفرفر بيها

واني من بعد ما سلمت وبيبي اشرتلي اكعد

كعدت...
وامه كالت ماشاء الله
شنو هالنزاكه..

وبيبي ضحكت.. كالت

علينا طالعة من تخجل تحمر

امي شبه عوجت حلكها... حكها

بيبي دوم تبسمر وهالشي مو بعيد على العمات

امي حنطيه وعيونها سود...

وابوية احمراني وعيون ملونه

ولكن اخلاقه فد نوب

ابوية جان كاعد على اعصابه  لان يكرهم

وهالشي احنه نميزه من تصرفات ابوية

ام مهند كالت ابو جمال اليوم جاييك بطلب

جان امي تدغني اكوم...

وهمستلي كومي وبعد لتجين

كمت ورجعت للمطبخ واني جسمي ينفظ من الخوف

بس لا ابوية يرده...

ظلوا لقريب المغرب..

وراحوا...

اجة ابوية جوة يصيح ويكول

بنتي مباقية على كلبي ازوجها لهيج ناس

وامي اني اروح بعدين اتفاهم وياها شلون هيج تحجي..

مفهمت شي...