သူ့ကို ပြန်ဖြေနေတဲ့ မိန်းကလေး မျက်ဝန်းထဲ ကြည့်လိုက်တော့ ဝမ်းနည်းရိပ်၊ ပူဆွေးရိပ်၊ ဒေါသရိပ်တွေကို တွေ့လိုက်ရသည်။ အင်း...ဘဝကို တစ်ယောက်တည်း ရုန်းကန်ရသူတွေရဲ့ အရိပ်တွေပေါ့။
"အကူအညီလိုရင် ကျွန်တော့်ဆီ လာပေါ့။ တတ်နိုင်သလောက် ကူညီပေးပါ့မယ်။"
"ကျေးဇူးတင်ပါတယ်ရှင်။ ကျွန်မကြောင့် ဒုက္ခများသွားရပြီ။"
"ရပါတယ်။ အဲ့ဒါဆို ခွင့်ပြုပါဦး။"
"ကောင်းပါပြီရှင်။"
သူနှုတ်ဆက်ပြီး အခန်းသို့ ပြန်လာခဲ့သည်။ အခန်းရှေ့တွင် လူရိပ်တွေ့လိုက်ရ၍ သတိအနေအထား ဖြစ်သွားသည်။ ထိုလူသူ့ဘက်ကို လှည့်လာသောအခါမှ
"အစ်ကို Seonghwa?"
"Sang လေး"
"အစ်ကို ဘယ်လိုလုပ် ဒီရောက်နေတာလဲ"
"Sang လေး ကိုယ့်ဆီ ဖုန်းဆက်တယ်လေ။ ဖုန်းဆက်ပြီး ဘာမှမပြောဘဲ ဖုန်းချလိုက်လို့ စိတ်ပူပြီး ထွက်လာခဲ့တာ။ Sang လေးက ဘယ်က ပြန်လာတာလဲ။"
"ဒီနားခဏပါ"
"အထဲဝင်လေ"
"အင်း"
"Sang လေး ကိစ္စတစ်ခုခု ရှိလို့လား။"
"မရှိပါဘူး...ဒီအတိုင်း အိပ်မပျော်လို့"
"ကိုယ်နဲ့အတူအိပ်မလား"
"အမ်"
"ဟို ကိုယ်ပြောတာက အိပ်မပျော်ဘူးဆိုလို့ ကူစောင့်အိပ်ပေးရမလားလို့ပါ"
ပြောပြီး လည်ပင်းပွတ်ကာ ရယ်နေသော အစ်ကို Seonghwa သည် အလွန်ချစ်ဖို့ကောင်းသည်။ မခွဲချင်တော့ဘူး အစ်ကိုနဲ့။ အစ်ကိုနဲ့ အလှမ်းဝေးနေသော ထိုင်ခုံမှ ထသွားကာ အစ်ကို့ရင်ခွင်ထဲ တိုးဝင်လိုက်သည်။
"Sang လေး"
"နေပေး။ အမြဲအဲ့လိုဘေးနားမှာ နေပေး။ တစ်ယောက်တည်း ထပ်မထားခဲ့ပါနဲ့တော့။"
ပြောရင်း မျက်ရည်များ ကျလာသည်ကို ခံစားမိသည်။ ငါလည်း အစ်ကိုနဲ့တွေ့ရင် အငိုသန်တဲ့ ကလေးကို ဖြစ်လို့။
ČTEŠ
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...
အခန်း ၁၅
Začít od začátku
