ليلة زفاف لم تكتمل

الفصل الاول

اولى حلقات رواية ليلة زفاف لم تكتمل 💔😭

المقدمة
الصداقة أسمي حب في الوجود، الصداقة كنز لا يفني أبداً، فهي رمز الخلود والحب الطاهر بدون نفاق أو حسد او غيرة .
عندما يؤلمك النظر للماضي ، وتخاف مما سيحدث في المستقبل ، انظر لجانبك ، وصديقك الحميم سيكون هناك ليدعمك .
الصديق الحقيقي هو ما إن وصلت جبهته إلي الأرض ساجدا حتي ذكرك بدعوة خير ودمعت عيناه وهو يقول يا الله استجب
مش دايما كل الناس الى بنتمناها بتفضل معانا ونكمل علشان احنا عاوزين كدة لا القدر ممكن يغير المصير فى اى لحظة ومش دايما الحب مكتمل اوقات كتير الحب ما بيكملش رغم انه صادق وحقيقى ومفهوش اى مشاكل واوقات كتير بتبقى فى ناس جمبنا بتحبنا واحنا مش شايفناها رغم قربهم برضو بعاد لكن هيجى وقت ونشوفهم صح الاحتمال ضعيف انه يكتمل لانه بنحس بعد فوات الاوان بس حنان كانت متاكدة انها هتوصل لادهم لان مفيش حد فى الدنيا قدر يحبها قد ما ادهم حبها صح ادركت مشاعره متاخر بس هو كان مستعد انو يستناها حتى لو اخر يوم فى عمره
دى كانت بدايتى يلا بينا نعرف مين حنان ومين ادهم

حنان كامل سليم مدرسة علوم فى احدى المدارس الخاصة كانت مخطوبة لابن عمها سامح وكان المفروض يتجوزوا على اخر السنة كانت البنت الوحيدة على اخين شريف وزياد طول عمرها بنت هادية جدا ورومانسية كانت بتحب خطيبها جدا لانهم متربين سوا وجوازهم كان عن حب طبعا

ادهم احمد منصور وكيل نيابة الابن الكبير على اخواته البنات كان ليه اختين كريمة ووفاء كريمة متجوزة ومخلفة يونس ووفاء لسة فى كلية اعلام ادهم كان جار حنان فى الشقة الى فى وشهم يعنى متربى معاها وعارفها وعارف خطيبها كويس لانه هو سامح كانوا صحاب لان سامح برضو كان وكيل نيابة ودرسوا سوا بس سامح مكنش يعرف ان ادهم بيحب حنان

دى اختصارة التفاصيل نروح نشوف قصتنا عن ايه

كانت حنان تجلس مع احدى صديقاتها فى المدرسة
مروة: حنان مقولتليش حددتو معاد الفرح
حنان: اه بعد شهر
مروة: بدرى قوى يا بنتى مالكو مستعجلين كدة ليه
حنان: الصراحة سامح مستعجل وبعدين احنا لينا 6 سنين مخطوبين كفاية
مروة: ههه عايزة تفهمينى انو سامح بس الى مستعجل بصى لنفسك النظرة الى عينك بتقول انك كمان مستعجلة
حنان: بس يا مروة لا طبعا
مروة: اممم طيب هعمل نفسى مصدقة وردى على الى عمال يرن جمبك دة
حنان: الو...
ادهم: الو ازيك يا حنان
حنان: ازيك يا ادهم عامل ايه
ادهم: بخير طول ما انتى بخير
حنان: فى حاجة ولا ايه
ادهم: نعم انتى نسيتى ولا ايه
حنان: نسيت ايه مش فاهمة
ادهم: بتهزرى دى كريمة تقتلنا
حنان: اه اه افتكرت هو انهاردة
ادهم: هه صحى النوم اه انهاردة هتجبيلى الكلام والله
حنان: لا متقلقش خلاص اول ما ارجع من الشغل هكون عندكم على طول
ادهم: تمام بس اوعى تنسى
حنان: لا متقلقش مش هنسى
ادهم: طيب مع السلامة
حنان: مع السلامة
مروة: ادهم انتى حكيتلى حاجة عن الاسم دة قبل كدة
حنان: فوقى يا امو مخ تخين انتى نسيتى دة ادهم جارى من وانا صغيرة فى البيت الى فى وشى
مروة: اه صحيح افتكرت وهو بيفكرك بايه وانتى هتروحى عندهم ليه اصلا
حنان: اصل انهاردة عيد ميلاد يونس
مروة: اه عيد ميلاد يونس!! يونس مين يا بنتى
حنان: ركزى يا مروة منا قولتلك يونس بن اخت ادهم
مروة: اه اه انتى حكتيلى قبل كدة مالو يعنى
حنان: وعدت كريمة انى انا الى هعمله جاتوه عيد الميلاد بنفسى واعملوا الزينة كمان
مروة: اه طيب ربنا معاكى يا لوزة يلا علشان الانصراف بدا
حنان: تمام يلا بينا

🌺🌺🌺
يتبع فى الحلقة القادمة 😍😍
توقيع مى يوسف 💕💕💕