"ဝင်ခဲ့"
Laptop ကို ဖွင့်ထားပြီး ကုလားထိုင်နောက်မှီကို မှီရင်း ခေါင်းကို နောက်ပြန်လှန်ကာ တစ်စုံတစ်ခုကို တွေးတောနေဟန် တူသည်။
"Coffee လာပို့တာပါ။ တကယ်လို့ အိမ်ပြန်လို့ မရဘူးဆိုရင်တောင် ခဏတော့ အလည်သွားခွင့်ပေးပါ။ သူငယ်ချင်းကို အကြောင်းမကြား ဘာမကြားဘဲ ထွက်လာခဲ့ရတာမို့လို့။ ပြီးတော့ ပစ္စည်းတွေလည်း ယူချင်သေးလို့။"
Hongjoong လက်နှစ်ဖက်ကို အသာယှက်ပြီး သူ့ရှေ့ရှိ Yunho ကို ခွင့်တောင်းမိသည်။"ဟိုမှာ"
သူညွှန်တဲ့နေရာကို ကြည့်လိုက်တော့ သူ့လက်ဆွဲအိတ်။ ဘာလဲ သူ့ပစ္စည်းတွေ အကုန်သယ်လာပြီဆိုတဲ့သဘောလား။ Great!!!
"ဟို...ဟို...သူငယ်ချင်းနဲ့"
"ကျစ်...ဘာလို့ အဲ့လောက်တောင် ထစ်နေရတာလဲ စကားလေးပြောတာကို။ ငါက အဲ့လောက်တောင် ကြောက်စရာကောင်းနေလို့လား။ ဒါ...မှ...မ...ဟုတ်..."
ပြောရင်း သူ့နားကို တစ်လှမ်းချင်းလျှောက်လာတဲ့သူကြောင့် အနောက်ကို တွန့်ဆုတ်မိသွားသည်။ သူက တစ်လှမ်းတိုး ကိုယ်က တစ်လှမ်းဆုတ်ရင်း နံရံကို ကျောပေးမိပြီးသား ဖြစ်သွားသည်။
"ဒုန်း"
နံရံကို လက်နဲ့ထောက်လိုက်တဲ့သူကြောင့် လူက အနည်းငယ် တုန်တက်သွားသည်။ သူ့ထက် အရပ်မြင့်တဲ့သူကြောင့် သူ့မျက်နှာက ထိုလူရဲ့ ရင်ဘတ်နဲ့ကွက်တိ။ ခေါင်းကို အသာငုံ့လာတဲ့ ထိုလူကြောင့် နှလုံးသားက သွေးလည်ပတ်စေတဲ့လုပ်ငန်းအပြင် ရင်ခုန်ခြင်းဆိုတဲ့ လုပ်ငန်းကိုပါ မခိုင်းစေဘဲ အလိုအလျောက် ဆောင်ရွက်သွားသည်။ မခိုင်းတာတွေ မလုပ်စမ်းပါနဲ့ နှလုံးကောင်ရယ်။ ကိုယ့်အလုပ်ပဲ ကိုယ်လုပ်စမ်းပါ။ သူ့စကားနားမထောင်ဘဲ ခုန်ပေါက်နေသော နှလုံးကောင်ကြောင့် မိတ်ဆွေဖြစ်တဲ့ အဆုတ်ကပါ ပုံမှန်အလုပ်မလုပ်ချင်တော့။ အသက်ရှူနှုန်းတွေ မြန်လာသည်။ ထိုစဥ် ထိုမူမမှန်မှုများကို အစပျိုးသူ ထိုလူကြီးက
"သူငယ်ချင်းဆိုတဲ့ တစ်ယောက်ကို...အဲ့လောက်တောင်...တွေ့....ချင်...နေ...တာ...လား..."
နောက်ဆုံးစကားကို တစ်လုံးချင်းစီပြောရင်း သူ့မျက်နှာနား ကလူကျီစယ်လာတဲ့ ထိုလူကြီးရဲ့ လေသံသဲ့သဲ့ကြောင့် ခုန်ပေါက်နေတဲ့ နှလုံးကောင်ရယ်၊ မူမမှန်တဲ့ အဆုတ်ရယ် အပြင် ဗိုက်ထဲက အစာအိမ်ကောင်ပါ ကဆုန်ပေါက်ကုန်တော့သည်။ သေကုန်တော့မှာပဲ။ စကားပြောရင် ရိုးရိုးပြောလို့ မရဘူးလား။ စိတ်ထဲမှာသာ ရေရွတ်နေပေမယ့် နှုတ်ကနေတော့ စကားတစ်ခွန်းမှ ထွက်မလာ။ သေချာသွားပါသည်။ ထိုလူကြီးသည် သူ့ခန္ဓာကိုယ်တစ်ခုလုံးကို မူမမှန်အောင် ဆောင်ရွက်နိုင်သူကြီး ဖြစ်သည်။ နောက်ဆို ဝေးဝေးမှ စကားပြောရမည်။
"ဟို.."
ဟုတ်ပြီ တစ်ခွန်းတော့ ပြန်ပြောနိုင်ပြီ။ ဆက်ကြိုးစားထား။ Fighting!!!"ဟို...သူငယ်ချင်းက စိတ်ပူနေမှာစိုးလို့ပါ...တစ်ခါလေးပဲလေ...တစ်ခါပဲ သွားတွေ့မယ်လေနော်..."
သူ့ကို ရင်ခွင်ထဲကနေ မျက်လုံးအဝိုင်းသားလေးနဲ့ မော့ကြည့်ရင်း လက်ညှိုးလေး တစ်ချောင်းထောင်ပြကာ ခွင့်တောင်းနေတဲ့ ပိုးတုံးလုံးလေးကြောင့် ရင်ခုန်သံတွေ ဗလောင်ဆူသွားသည်။ ဆူညံနေတဲ့ ရင်ခုန်သံကို Yunho တစ်ယောက် အသာလျစ်လျူရှုပြီး
"သွားတွေ့ခိုင်းရင် ကိုယ့်ကို ဘာပြန်ပေးမှာလဲ။"သူ့ကို မျက်ခုံးတစ်ဖက်ပင့်ကာ စူးစိုက်ကြည့်လာပြီး အပေးအယူလာလုပ်နေတဲ့ ထိုလူကြီးကြောင့် Hongjoong ခေါင်းကိုက်သွားသည်။ ဘာပြန်ပေးရမှာလဲ။ သူ့မှာ ပိုက်ဆံမှ မရှိတာ။ သူ့ရှိသမျှ စည်းစိမ်အကုန်လုံးကလည်း သူ့အမေဆီမှာ။
"ဘာ...ပေးရမှာ...လဲ။"
သူမေးလိုက်တော့...
"အင်း....."
ပြောရင်း ခေါင်းထပ်ငုံ့လာကာ မျက်နှာနားကပ်လာတဲ့သူကြောင့် အနေရခက်စွာ ထိုလူကြီး ရင်ဘတ်ကို တွန်းမိသွားသည်။ တွန်းသာတွန်းတာ အားမပါလှ။ သူ့အားတွေအကုန်လုံးကို ခုနက မူမမှန်တဲ့ ဖြစ်စဥ်က အကုန်စုပ်ယူသွားသည်။
"ဘာပေးခိုင်းရင် ကောင်းမလဲ...."
ပြောပြီး သူ့ကို စိုက်ကြည့်လာသည်။ ထို့နောက် ထောက်ထားတဲ့ လက်ကို ဖယ်ကာ သူ့စားပွဲဆီသို့ ပြန်လျှောက်သွားသည်။ လျှောက်သွားရင်း
"စဥ်းစားလိုက်ဦးမယ်။ နေ့လယ်လိုက်ပို့ပေးမယ်။ အခုသွားလို့ရပြီ။"
သွားလို့ရပြီ ဆိုသောကြောင့် အခန်းထဲမှ အမြန်ထွက်လာခဲ့သည်။ ထိုသို့ နောက်ပြန် လှည့်မကြည့်ဘဲ အမြန်ထွက်လာသည့်အတွက် နှုတ်ခမ်းတစ်ဖက် ကော့တက်ကာ ရယ်မြူးရိပ်သမ်းနေသော မျက်နှာပိုင်ရှင်ကို Hongjoong မမြင်ခဲ့လိုက်ရချေ။
_________________________________________
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...
အခန်း ၁၂
Start from the beginning