ﺍﻧﺎ : ﺑﺎﻫﻲ
ﻧﺰﻟﺖ ﺗﻠﻴﻔﻮﻧﻲ ... ﻳﺪﻳﺎ ﺯﻭﺯ ﻳﺮﻋﺸﻮ ﺑﻄﺮﻳﻘﺔ ﻣﺶ ﻧﻮﺭﻣﺎﻝ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ﺍﻟﻜﻞ ... ﻭ ﻏﺰﺭﺕ ﻟﻄﺎﻭﻟﺔ ... ﺑﺎﻗﻲ ﻣﺼﺪﻭﻣﺔ ... ﺑﺎﻗﻲ ﻣﺴﺘﻮﻋﺒﺘﺶ ﺍﻟﻜﻼﻡ ﻟﻲ ﻗﺎﻟﻮ ﺍﺩﻡ ... ﻣﺴﺘﺤﻴﻞ ﺯﻳﺎﺍﺍﺩ ﻳﻌﻤﻠﻬﺎ ﻓﻴﺎ ... ﻣﺴﺘﺤﻴﻞ ﻳﻌﺮﺱ ﺑﻴﻬﺎ ... ﻣﺴﺘﺤﻴﻞ ... ﻫﺬﺍ ﺍﻟﻜﻼﻡ ﻟﻜﻨﺖ ﻧﻘﻮﻝ ﻓﻴﻪ ﺳﺎﻋﺘﻬﺎ ﺑﻴﻨﻲ ﻭ ﺑﻴﻦ ﺭﻭﺣﻬﺎ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻛﺮﺷﻲ ... ﻧﺮﺩ ﻓﻲ ﻧﻔﺲ ... ﺩﺧﻠﺖ ﺧﺎﻟﺘﻲ ﺭﺍﺿﻴﺔ ﺗﺤﻜﻲ
ﺭﺍﺿﻴﺔ : ﺩﻧﻴﺰ ﺑﻨﺘﻲ ﻟﺒﺎﺱ ﻣﺎﻫﻮ
ﻃﻠﻌﺖ ﺭﺍﺳﻲ ﻏﺰﺭﺗﻠﻬﺎ ... ﻧﺰﻟﺖ ﻳﺪﻳﺎ ﺍﻟﺰﻭﺯ ... ﻫﺰﻳﺖ ﺍﻟﺮﻭﺑﺔ ﺷﻮﻳﺔ ... ﻭ ﺧﺮﺟﺖ ﻣﻦ ﺍﻟﺼﺎﻟﺔ ﻧﺠﺮﻱ ... ﺣﻠﻴﺖ ﺍﻟﺒﺎﺏ ﻣﺘﺎﻉ ﺑﺮﺍ ... ﺩﻭﺭﺕ ﺭﺍﺳﻲ ﻧﻔﺮﻛﺲ ﻋﺎﻟﺸﻮﻓﻮﺭ ﺷﻲ ... ﻏﺰﺭﺕ ﻟﻠﻜﺮﻫﺒﺔ ﻣﺘﺎﻋﻮ ﻏﺪﻳﻜﺎ ... ﻧﺰﻟﺖ ﺍﻟﺪﺭﺟﺎﺕ ﻫﺬﻭﻛﺎ ﺑﺎﻟﺰﺭﺑﺔ ... ﺣﻠﻴﺖ ﺑﺎﺏ ﺍﻟﻜﺮﻫﺒﺔ ... ﻭﻃﺮﺕ ﺑﻴﻬﺎ ... ﺣﺘﻰ ﺧﺎﻟﺘﻲ ﺭﺍﺿﻴﻰ ... ﺍﻟﻠﻲ ﺗﻌﻴﻂ ﻋﻠﻴﺎ ﻣﻦ ﺗﺎﻟﻲ ... ﻣﻨﺠﻤﺘﺶ ﻧﻐﺰﺭﻟﻬﺎ ... ﻧﺴﻮﻕ ﺑﺴﺮﻋﺔ ... ﻧﺤﺐ ﻧﻮﺻﻞ ﻭ ﻛﻬﻮ ... ﻧﻌﺮﻑ ﻻﺩﻡ ﻋﻤﻞ ﺍﻟﻔﺎﺯﺓ ﻫﺎﺫﻱ ﺑﻠﻌﺎﻧﻲ ... ﻧﻌﺮﻑ ﻟﻬﻮ ﻳﻨﺠﻢ ﻳﻌﻤﻠﻬﺎ ... ﻧﻌﺮﻑ ﻟﻤﺎ ﻳﻬﻤﻮ ﺣﺪ ... ﻳﻌﻤﻞ ﻛﻠﺸﻲ ... ﺑﺎﺵ ﻳﻮﺻﻞ ﻟﻲ ﻳﺤﺐ ﻋﻠﻴﻪ ... ﻛﺒﺴﺖ ﻋﺎﻟﻔﻮﻟﻮﻥ ﺍﻛﺜﺮ ... ﺣﺘﻰ ﺍﻟﻜﺮﻫﺒﺔ ﻟﻤﻌﺎﺩﺵ ﺳﻘﺘﻬﺎ ﻣﻦ ﻧﻬﺎﺭ ﺍﻟﺤﺎﺩﺛﺔ ... ﻣﻨﻌﺮﻑﺵ ﻛﻴﻒ ﻗﺎﻋﺪﺓ ﻧﺴﻮﻕ ﻓﻴﻬﺎ ﺗﻮﺍ ... ﺍﺣﺴﻦ ﺷﻲ ﺍﻻﻭﺗﻴﻞ ﻣﺶ ﺑﻌﻴﻆ ﺑﺮﺷﺎ ... ﻭ ﺍﻟﺜﻨﻴﺔ ﻓﺎﺭﻏﺔ ... ﻭ ﺍﻻ ﻛﻨﺖ ﺑﺎﺵ ﻧﻔﻘﺪ ﺍﻋﺼﺎﺑﻲ ﺟﻤﻠﺔ ... ﺍﻭﻝ ﻣﺎ ﻭﺻﻠﺖ ... ﺷﺪﻳﺖ ﺍﻟﻔﺮﺍﻥ ﺑﺎﻟﻘﺎﻭﻱ ... ﻭ ﻧﺰﻟﺖ ﻧﺠﺮﻱ ... ﺷﺎﺩﺓ ﺍﻟﺮﻭﺏ ﺑﻴﺪﻱ ﺑﺎﺵ ﻧﺠﻢ ﻧﻤﺸﻲ ... ﺩﺯﻳﺖ ﺍﻟﺒﺎﺏ ﺑﻴﺪﻱ ﻭ ﺩﺧﻠﺖ ... ﻗﺮﺑﺖ ﻣﻦ ﺍﻟﺮﺳﻴﺒﺴﻴﻮﻥ ... ﻏﺰﺭﺕ ﻟﻠﻲ ﺗﺨﺪﻡ ﻏﺪﻳﻜﺎ ... ﻧﺤﻜﻲ
ﺍﻧﺎ : ﺯﻳﺎﺍﺍﺩ ¤¤¤¤¤¤ ﻫﻮﻧﻲ
ﻫﻲ : ﺷﻜﻮﻭﻥ ﺣﻀﺮﺗﻚ
ﺍﻧﺎ : ﺷﻴﻬﻤﻤﻤﻚ ﺍﻧﺖ ... ﺟﺎﻭﺑﻨﻲ ... ﺯﻳﺎﺍﺍﺩ ﻫﻮﻧﻲ
ﻫﻲ : ﺗﻠﻘﺎﻩ ﻓﻲ ﺻﺎﻟﺔ ﻏﺎﺩﻳﻜﺎ
ﺷﺎﻭﺭﺗﻠﻲ ﺑﻴﺪﻫﺎ ﻟﺼﺎﻟﺔ ... ﺧﺬﻳﺖ ﻧﻔﺲ ﻭ ﻗﺮﺑﺖ ﻣﻨﻬﺎ ﺑﺎﻟﺰﺭﺑﺔ ... ﺩﺯﻳﺖ ﺍﻟﺒﺎﺏ ﺑﻴﺪﻳﺎ ﺍﻟﺰﻭﺯ ... ﺍﻟﺼﺎﻟﺔ ﻣﻌﺒﻴﺔ ﻧﺎﺱ ... ﻟﺪﺭﺟﺔ ﺣﺪ ﻣﺎ ﻻﺣﻆ ﺩﺧﻮﻟﻲ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ... ﻧﻔﺮﻙﺱ ﻋﻠﻴﻪ ﺑﻌﻴﻨﻴﺎ .... ﻏﺰﺭﺕ ﻻﺩﻡ ﻟﻲ ﻋﺎﻃﻲ ﺑﺎﻟﻈﻬﺮ ﻳﺤﻜﻲ ﻣﻊ ﺷﻜﻮﻥ ... ﻭ ﺳﻲ ﺗﻮﻓﻴﻖ ﻭﺍﻗﻒ ﻣﻊ ﻣﺮﺍ ﻣﻀﺨﻤﺔ ... ﺑﻠﻜﺸﻲ ﺗﻜﻮﻥ ﻣﺮﺗﻮ ... ﺍﻣﺎ ﻻ ﺯﻳﺎﺩ ﻭ ﻻ ﻣﻴﺮﺍﻝ ﻓﻲ ﺍﻟﺼﺎﻟﺔ ... ﻣﻔﻬﻤﺘﺶ ﺷﻨﻴﺔ ﻟﻲ ﻗﺎﻋﺪ ﻳﺼﻴﺮ ... ﻭ ﻻ ﺑﺎﻟﻈﺒﻂ ... ﻧﺤﺐ ﻧﻨﺴﺎ ﻛﻼﻡ ﺍﺩﻡ ... ﺩﺧﻠﺖ ﻓﻲ ﻭﺳﻄﻬﻢ ... ﻧﻠﻮﺝ ﻋﻠﻴﻪ ﺑﻴﻨﻬﻢ ... ﻭﺻﻠﺖ ﻻﺧﺮ ﺍﻟﺼﺎﻟﺔ ... ﻃﻠﻌﺖ ﺭﺍﺳﻲ ﻏﺰﺭﺕ ﻟﻠﺒﺎﺏ ﻟﻲ ﺗﺨﺮﺝ ﻟﻠﺠﻨﻴﻨﺔ ... ﻭﺍﻗﻒ ﻏﺎﺩﻱ ﻋﺎﻃﻲ ﺑﺎﻟﻈﻬﺮ ... ﺗﺒﺴﻤﺖ ﻭﺣﺪﻱ ... ﺧﺎﺻﺔ ﻛﻴﻒ ﻟﻘﻴﺘﻮ ﻭﺍﻗﻒ ﻭﺣﺪﻭ ... ﻛﺒﺴﺖ ﻋﻠﻰ ﺍﻟﺮﻭﺑﺔ ... ﻭ ﻗﺮﺑﺖ ﻣﻨﻮ ﺑﺎﻟﺰﺭﺑﺔ ... ﺍﻭﻝ ﻣﺎ ﻭﺻﻠﺖ ﻋﻨﺪﻭ ... ﺗﻠﻔﺖ ﻋﻨﺪﻱ ... ﺟﺎﺕ ﻋﻴﻨﻲ ﻓﻲ ﻋﻴﻨﻮ ... ﺗﻮﺣﺸﺘﻮ ﺑﺮﺷﺎ ... ﻳﻮﻣﻴﻦ ﻣﺮﻳﺘﻮﺵ ... ﻛﺎﻧﻬﻢ ﺗﻌﺪﺍﻭ ﻋﻠﻴﺎ ﺳﻨﻴﻦ ... ﺑﺎﻗﻲ ﻳﻐﺰﺭﻟﻲ ... ﻳﻐﺰﺭﻟﻲ ﻣﺼﺪﻭﻡ ... ﻧﻈﺮﺍﺕ ﻣﻨﻌﺮﻓﻬﺎﺵ ﻣﻦ ﻗﺒﻞ ... ﻣﻔﻜﺮﺗﺶ ﻣﺮﺗﻴﻦ ﻗﺮﺑﺖ ﻣﻨﻮ ﺍﻛﺜﺮ ... ﻭ ﺗﺮﻣﻴﺖ ﻋﻨﺪﻭ ... ﺑﻼ ﻣﺎ ﻧﺨﻤﻢ ﻓﻲ ﺍﻟﻨﺎﺱ ﺍﻟﻠﻲ ﺍﻟﺪﺍﺧﻞ ... ﻛﺒﺴﺖ ﻋﻠﻴﻪ ﺑﻴﺪﻳﺎ ﺍﻟﺰﻭﺯ ... ﻧﺤﻜﻲ
ﺍﻧﺎ : ﺯﻳﻴﺎﺍﺍﺩ ... ﺵﺗﻌﻤﻞ ﻫﻮﻧﻲ .. ﻣﻦ ﺑﻜﺮﻱ ﻧﺴﺘﻨﺎ ﻓﻴﻚ
ﻛﺒﺴﺖ ﻋﻠﻴﻪ ﺍﻛﺜﺮ ... ﺧﺬﻳﺖ ﻧﻔﺲ ... ﻭ ﻛﻤﻠﺖ ﻧﺤﻜﻲ
ﺍﻧﺎ : ﻧﻌﺮﻑ ﺍﻟﻠﻲ ﺳﻤﻌﺘﻮ ﻏﺎﻟﻂ ... ﺍﻧﺖ ﻣﺴﺘﺤﻴﻞ ﺗﻌﻤﻠﻬﺎ
ﻣﺮﺟﻌﻠﻴﺶ ... ﺟﺒﺪﺕ ﺭﻭﺣﻲ ﺷﻮﻳﺔ ... ﺑﺎﻗﻲ ﻣﻜﺒﺸﺔ ﻓﻴﻪ ... ﻏﺰﺭﺗﻠﻮ ﻓﻲ ﻭﺟﻬﻮ ﻧﺤﻜﻲ
ﺍﻧﺎ : ﺯﻳﺎﺍﺍﺩ ﺍﻣﺎﻧﻚ ﺍﺣﻜﻲ ﺷﻲ ... ﻗﻮﻝ ﻟﻲ ﺳﻤﻌﺘﻮ ﺍﻧﺎ ﻏﺎﻟﻂ ... ﻗﻮﻟﻲ ﻟﻬﻲ ﻛﺬﺑﺔ
ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻭﺭﺟﻌﺖ ﺣﻀﻨﺘﻮ ... ﻭﻳﻦ ﻫﻮ ﺑﺎﻗﻲ ﺟﺎﻣﺪ ﻓﻲ ﺑﻼﺻﺘﻮ ... ﺣﺴﻴﺖ ﺑﻴﺪﻳﻪ ﻟﻲ ﺗﺤﻄﻮ ﻋﻠﻰ ﻛﺘﺎﻓﻲ ... ﻛﺒﺲ ﻋﻠﻴﺎ ... ﺟﺒﺪﻧﻲ ﻣﻦ ﻋﻨﺪﻭ ﺷﻮﻳﺔ ... ﻭﺧﺮﺕ ﺧﻄﻮﺓ ﻟﺘﺎﻟﻲ ... ﺩﻭﺭ ﻋﻴﻨﻴﻪ ﻋﻠﻰ ﻭﺟﻬﻲ ... ﻭ ﺑﺪﻧﻲ ﺍﻟﻜﻞ ... ﻫﺰﻧﻲ ﻭ ﺣﻄﻨﻲ ... ﻳﺤﻜﻲ
ﺯﻳﺎﺩ : ﻋﻼﻩ ﺟﻴﺖ ﻟﻬﻮﻧﻲ
ﺍﻧﺎ : ﺍ ﺍﻧﺎ ... ﺍﻧﺎ
YOU ARE READING
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
