ﻫﺰﺕ ﻳﺪﻫﺎ ﻋﺪﺍﺗﻬﺎ ﻋﻠﻰ ﺧﺪﻫﺎ ... ﻭ ﻛﻤﻠﺖ ﺗﺤﻜﻲ
ﺳﻮﺍﺭ : ﻛﻲ ﻫﻜﺎ ﻋﻼﺵ ﻣﺰﻟﺖ ﺗﻘﻮﻝ ﻻﻧﺎ ﻣﻠﻜﻚ ... ﻋﻼﺵ ﻣﺘﺤﺐ ﺗﺨﻠﻲ ﺣﺘﻰ ﺣﺪ ﻳﻘﺮﺏ ﻣﻨﻲ
ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺧﺪﻫﺎ ... ﻧﻌﺪﻱ ﻓﻲ ﺻﻮﺍﺑﻌﻲ .. ﻭ ﻧﺤﻜﻲ
ﺍﻧﺎ : ﺍﻳﻪ ﺍﻧﺖ ﺑﺎﺵ ﺗﺒﻘﻰ ﻣﻠﻜﻲ ﺍﻧﺎ ... ﺧﺎﻃﺮﻙ ﺳﻠﻤﺘﻠﻲ ﺑﺎﺵ ﺗﺒﻘﻰ ﻣﺘﺎﻋﻲ ... ﺑﻌﺪ ﻣﺎ ﻣﻠﻜﺘﻚ ﻣﺴﺘﺤﻴﻞ ﻧﺨﻠﻲ ﺣﺪ ﻏﻴﺮﻱ ﻳﺤﻂ ﻳﺪﻭ ﻋﻠﻴﻚ
ﺳﻮﺍﺭ : ﺑﺎﺵ ﺗﺮﺟﻊ ﻟﻤﻴﺮﺍﻝ ... ﺑﺎﺵ ﺗﻮﻟﻮ ﻛﻴﻤﺎ ﻗﺒﻞ
ﺍﻧﺎ : ﺣﻴﺎﺗﻲ ﻣﺘﻬﻤﻜﺶ ... ﺍﻧﺖ ﺧﺴﺮﺕ ﺍﻟﺤﻖ ﻓﻲ ﺍﻧﻚ ﺗﺤﺎﺳﺒﻨﻲ ... ﻭ ﻻ ﺗﺴﺄﻟﻨﻲ ... ﺍﻧﺖ ﻻﺧﺘﺮﺕ ﺍﻟﻄﺮﻳﻖ ﻫﺎﺫﻱ ﻣﻼ ﺍﺗﺤﻤﻞ ﻟﻲ ﺑﺎﺵ ﻳﺼﻴﺮ
ﺳﻮﺍﺭ؛ﺍ ﺍﻧﺖ ﻭﺍﺣﺪ ﺍﻧﺎﻧﻲ
ﺍﻧﺎ : ﺍﻧﺎﻧﻲ ﻭ ﻣﻌﻘﺪ ... ﻭ ﻋﻨﺪﻱ ﺍﻇﻄﺮﺍﺏ ﻧﻔﺴﻲ ... ﺍﻣﻼﻛﻲ ﻣﻨﺴﻠﻤﺶ ﻓﻴﻬﺎ ﺣﺘﻰ ﺍﺫﺍ ﻣﻌﺎﺩﺵ ﺣﺎﺟﺘﻲ ﺑﻴﻬﺎ ... ﻭ ﺍﻧﺖ ﻣﻠﻜﻲ ﺍﻧﺎ ... ﻭ ﻛﺎﻥ ﺣﺎﻭﻟﺖ ﺗﻘﺮﺏ ﻣﻦ ﺍﻱ ﺣﺪ ... ﺳﺎﻋﺘﻬﺎ ﻣﺶ ﺑﺎﺵ ﻧﻜﺘﻔﻲ ﺑﺎﻟﻜﻼﻡ ... ﻧﺤﺮﻗﻚ ﻭ ﻧﺤﺮﻗﻮ ... ﻭ ﻣﻦ ﺍﻟﻴﻮﻡ ﻛﻼﻣﻲ ﻣﻨﻌﺎﻭﺩﻭﺵ ﻣﺮﺗﻴﻦ ... ﺧﺎﻃﺮ ﻭﻗﺘﻬﺎ ﻣﺘﻨﺠﻤﺶ ﺗﺴﺘﺨﺎﻳﻞ ﺍﻟﻠﻲ ﺑﺎﺵ ﻧﻌﻤﻠﻮ ﻓﻴﻚ
ﺑﻘﺎﺕ ﺗﻐﺰﺭ ﻓﻴﺎ ... ﺟﺎﺕ ﺑﺎﺵ ﺗﺤﻜﻲ ... ﻗﺮﺑﺖ ﻣﻨﻬﺎ ... ﺑﺴﺘﻬﺎ ﻣﻦ ﺭﺍﺳﻬﺎ ﺑﻮﺳﺔ ﻣﺮﺻﻮﺻﺔ ... ﻣﻨﺤﺒﺶ ﻧﺠﺎﻫﻠﻬﺎ ﺟﻤﻠﺔ ... ﺍﻣﺎ ﺟﻴﺴﺖ ﻧﺤﺐ ﻧﻜﺒﺴﻬﺎ ... ﻭ ﻧﻌﺮﻓﻬﺎ ﺟﻲ ﻛﺎﻥ ﺑﺎﻟﻜﻼﻡ ﻫﺬﺍ ... ﺑﻌﺪﺕ ﻋﻼﻫﺎ ﻫﺰﻳﺖ ﺭﻭﺣﻲ ﻭﻗﻔﺖ ... ﻧﺤﻜﻲ
ﺍﻧﺎ : ﻓﻴﺴﻊ ﺑﺪﻝ ﺩﺑﺸﻚ ﻭ ﺍﻓﻄﺮ ... ﻳﺰﻱ ﻣﻦ ﺍﻟﻠﻲ ﻗﺎﻋﺪ ﺗﻌﻤﻞ ﻓﻴﻪ ... ﻣﺶ ﺑﺎﺵ ﻳﺮﺟﻊ ﻟﻲ ﻓﺎﺕ ... ﻳﺎﺳﺮ ﻣﺎﺕ ﻭ ﺍﺩﻡ ﺑﺮﺍ ... ﻭ ﺍﻧﺖ ﺑﺮﻙ ﻟﻄﻠﻌﺖ ﺍﻟﺨﺎﺳﺮﺓ ﻓﻲ ﺍﻟﺤﻜﺎﻳﺔ ... ﻣﻼ ﻗﻮﻡ ﻭ ﺷﺪ ﺭﻭﺣﻚ ... ﻣﺰﺍﻝ ﺍﻟﻠﻌﺐ ﻃﻮﻳﻞ ... ﻭ ﻣﺰﺍﻟﺖ ﺍﻟﺜﻨﻴﺔ ﻃﻮﻳﻠﺔ ﻗﺪﺍﻣﻚ
ﻛﻤﻠﺖ ﻛﻼﻣﻲ ﻭﺧﺮﺟﺖ ... ﻣﻨﺤﺒﺶ ﻧﻐﺰﺭ ﻟﻌﻴﻨﻴﻬﺎ ... ﻣﻨﺤﺒﺶ ﻧﺮﺟﻊ ﻓﻲ ﻛﻼﻣﻲ ... ﻣﻨﺤﺒﺶ ﻧﻀﻌﻒ ﻗﺪﺍﻣﻬﺎ ... ﻭ ﻣﻨﺤﺒﺶ ﻧﺘﻌﺒﻬﺎ ﺍﻛﺜﺮ ... ﻧﺰﻟﺖ ﺍﻟﺪﺭﻭﺝ ﻓﻲ ﺩﻗﻴﻘﺔ ... ﻟﻘﻴﻦ ﺭﺍﺿﻴﺔ ﻓﻲ ﻭﺟﻬﻲ ... ﻭﻗﻔﺘﻨﻲ ﺗﺤﻜﻲ
ﺭﺍﺿﻴﺔ : ﻟﺒﺎﺱ ﻳﺎﺧﻲ ﺷﺒﻴﻬﺎ ﻛﺎﻧﺖ ﺗﺼﻴﺢ
ﺍﻧﺎ : ﺍﻩ ﺷﻲ ﺷﻲ ... ﺍﻧﺖ ﺑﺮﺍ ﺍﺗﻠﻬﻰ ﺑﻴﻬﺎ ... ﻭ ﻛﺎﻥ ﻣﺤﺒﺘﺶ ﺗﺎﻛﻮﻝ ... ﻛﻠﻤﻨﻲ ﺗﻮ ﻧﺘﻠﻬﻰ ﺑﻴﻬﺎ ﺍﻧﺎ
ﺭﺍﺿﻴﺔ : ﺑﺎﻫﻲ
ﺍﻧﺎ : ﻋﻴﺸﻚ ﻫﺰﻳﺖ ﺭﻭﺣﻲ ... ﻭﺧﺮﺟﺖ ﻟﺒﺮﺍ ... ﺧﺪﻣﺖ ﻛﺮﻫﺒﺘﻲ ... ﻭ ﺩﺭﻳﻜﺴﻴﻮﻥ ﻋﻨﺪ ﺗﻮﻓﻴﻖ ... ﻣﻦ ﻣﺪﺓ ﻣﺸﻔﺘﻬﻤﺶ ... ﻭ ﺯﺍﺩﺓ ﺍﺩﻡ ﺑﺎﺵ ﻳﻜﻮﻥ ﻏﺎﺩﻱ ... ﺍﺻﻼ ﻣﻦ ﺍﻛﺎ ﻧﻬﺎﺭ ﻣﺸﻔﺘﻮﺵ ... ﻗﺎﻝ ﻟﻬﻮ ﻣﺴﺎﻓﺮ ... ﺍﻣﺎ ﻣﺘﺄﻛﺪ ﻟﻬﻮ ﺣﺎﺏ ﻳﺒﺮﺍ ﺑﺎﻟﻘﺪﺍ ﺑﺎﺵ ﻳﻈﻬﺮ ﻗﺪﺍﻣﻨﺎ ... ﻃﻮﻝ ﺍﻟﺜﻨﻴﺔ ﻭ ﺗﻔﻜﻴﺮﻱ ﻣﻌﺎﻫﺎ ... ﻣﻊ ﻛﻼﻣﻬﺎ ... ﻭ ﻣﻊ ﺑﺪﻧﻬﺎ ﻭ ﺗﻔﻮﺭﻳﺨﻬﺎ ... ﺗﻲ ﻛﺎﻥ ﻧﺒﻘﻰ ﻋﺎﻟﺤﺎﻟﺔ ﻫﺎﺫﻱ ... ﻧﻬﺒﻞ ﻋﻘﺎﺏ ﻋﻤﺮﻱ ... ﺭﻛﻴﺖ ﺍﻟﻜﺮﻫﺒﺔ ... ﻭ ﻧﺰﻟﺖ ... ﻋﺎﺭﺿﻨﻲ ﺗﻮﻓﻴﻖ ﻋﻨﺪ ﺍﻟﺒﺎﺏ ... ﻳﻬﺰ ﻓﻴﺎ ﻭ ﻳﺤﻂ ... ﺗﻘﻮﻝ ﻋﺎﻣﻞ ﺟﺮﻳﻤﺔ ... ﻃﻠﻌﺖ ﺣﺎﺟﺒﻲ ﻣﺴﺘﻐﺮﺏ ... ﻣﺶ ﻧﺎﻗﺼﻮ ﺣﺘﻰ ﻃﺮﻑ ... ﻗﺤﺮﻟﻲ ﻳﺤﻜﻲ
ﺗﻮﻓﻴﻖ : ﻫﺎﻙ ﺫﻛﺮﺕ ﻋﻨﻮﺍﻥ ﺩﺍﺭ ... ﻓﻲ ﺑﺎﻟﻲ ﻧﺴﻴﺘﻮ
ﺍﻧﺎ : ﺗﻮﻓﻴﻖ ﻳﺎﺧﻲ ﺗﺴﺘﻨﺎ ﻓﻴﺎ ﺍﻧﺖ
ﺗﻮﻓﻴﻖ : ﺍﻛﺎﻛﺎ ﺯﻳﺪ ﺣﻞ ﻓﻤﻚ ﻣﻌﺎﻳﺎ ﺍﻧﺖ ﻭ ﺳﺎﻗﻂ ﻣﺘﺎﻉ ﺧﻮﻙ ... ﻳﺎﺧﻲ ﺑﺎﻟﺸﻬﺮ ﺑﺎﺵ ﺗﺬﻛﺮﻭ ﻟﻌﻨﺪﻛﻢ ﺑﻮ ﻭ ﺟﻮ ﺗﺰﻭﺭﻭﻩ ... ﻭ ﻻ ﺣﺘﻰ ﻧﻌﺮﺿﻜﻢ ﺑﺎﺵ ﺟﻮﻧﻲ
ﺑﻴﺖ ﻧﺸﻮﻑ ﻣﻌﺎﻩ ... ﻳﺤﻜﻲ ﻭ ﻳﻐﺰﻝ ﺣﺘﻰ ﻫﻮ ﻋﻨﺪﻭ ﺣﻖ ﻓﻲ ﻛﻠﺸﻲ ... ﺟﻴﺖ ﺑﺎﺵ ﻧﺤﻜﻲ ... ﻗﺺ ﻋﻠﻴﻨﺎ ﺍﺩﻡ ﻛﻴﻒ ﺩﻭﺭ ﻳﺪﻭ ﻋﻠﻰ ﻛﺘﻔﻮ ﻳﺤﻜﻲ
ﺍﺩﻡ : ﺗﻮﻓﻴﻖ ﻳﺎﺧﻲ ﻣﻜﻔﺎﺵ ﻟﻲ ﺳﻤﻌﺘﻮ ﻣﻨﻚ ﺟﺎﻱ ﺗﻜﻤﻞ ﻋﻠﻰ ﺧﻮﻳﺎ
ﺗﻮﻓﻴﻖ : ﻫﻮﻛﺎ ﺟﺎ ﻣﺤﺎﻣﻲ ﺩﻓﺎﻉ ﻣﺘﺎﻋﻚ
ﺿﺤﻜﺖ ﺑﺎﻟﻮﻗﺖ ﻭ ﺍﻧﺎ ﻧﻐﺰﺭ ﻻﺩﻡ ... ﺣﺴﻴﺖ ﺭﻭﺣﻲ ﺍﺭﺗﺤﺖ ﻭ ﺍﻧﺎ ﻧﺮﺍ ﻓﻴﻪ ﺍﺭﺗﺎﺡ ﻋﺎﻟﻠﺨﺮ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﻳﺰﻱ ﻋﺎﺩ ﻫﺎﻧﻲ ﺟﻴﺖ ... ﻣﺎﻙ ﺗﻌﺮﻓﻨﻲ ﻻﻫﻲ ﻓﻲ ﺍﻟﺨﺪﻣﺔ ﻟﻲ ﺣﻄﻴﺘﻬﺎ ﻋﻠﻰ ﺭﺍﺳﻲ
ﺗﻮﻓﻴﻖ : ﻛﺎﻥ ﺟﻴﺖ ﻣﻨﻌﺮﻓﻜﺶ ﻧﺼﺪﻗﻚ ... ﺑﺎﺯ ﺗﻜﻮﻥ ﻏﺎﻃﺲ ﻓﻲ ﺣﺒﻚ ﺩﺭﺑﺎﻧﻲ ... ﻭ ﺗﻘﻮﻟﻲ ﺍﻟﺨﺪﻣﺔ
ﺍﻧﺎ : ﻻﺍﺍ ﻣﻨﻐﻄﺴﺶ ... ﺍﻧﺎ ﻧﺪﺧﻞ ﻓﻲ ﺍﻟﺼﺤﻴﺢ ﺟﻤﻠﺔ
ﻃﺮﺷﻘﻨﺎ ﺑﺎﻟﻀﺤﻚ ﺍﻧﺎ ﻭ ﺍﺩﻡ ﺑﺎﻟﻀﺤﻚ ﻓﺮﺩ ﻣﺮﺓ ... ﻗﺤﺮﻟﻨﺎ ﺯﻭﺯ ﻭ ﺟﺒﺪ ﺭﻭﺣﻮ ﻳﺤﻜﻲ
ﺗﻮﻓﻴﻖ : ﺯﺍﻳﺪ ﺯﻭﺯ ﻛﻴﻒ ﺑﻌﻀﻜﻢ ... ﺍﻟﺤﺸﻤﺔ ﻣﺘﻌﺮﻓﻮﻫﺎﺵ ﺣﺘﻰ ﻃﺮﻑ ... ﻣﻼ ﺣﺎﻟﺔ ﻓﻴﻜﻢ
ﺍﺩﻡ : ﺯﻳﺎﺩ ﻳﺰﻱ ... ﻳﺮﺿﻴﻚ ﻏﺸﺸﺘﻮ ﻟﺘﻮﻓﻴﻖ ﻫﻜﺎ ... ﺗﺤﺐ ﻋﺰﻳﺰﺓ ﺗﺨﻠﻴﻨﺎ ﺑﻼ ﻋﺸﺎ
ﺍﻧﺎ : ﺍﻳﻪ ﻭﺍﻟﻠﻪ ﺭﺍﺣﺖ ﻣﻦ ﺑﺎﻟﻲ ﺳﺎﻣﺤﻨﻲ ﺑﺎﺑﺎ ﺍﻟﻐﺎﻟﻲ
ﺗﻮﻓﻴﻖ : ﺍﺳﻤﻌﻨﻲ ﺍﻧﺖ ﻭ ﻫﻮ ... ﻣﻨﺤﺒﺶ ﺗﻔﺪﻟﻴﻜﻢ ﺍﻟﻤﺎﺳﻂ ﻗﺪﺍﻡ ﺍﻟﻤﺮﺍ ... ﺍﺣﺸﻤﻮ ﻋﻠﻰ ﺭﻭﺣﻜﻢ ﻋﺎﺩ
ﺍﺩﻡ : ﺑﺎﻫﻲ ﺑﺎﺑﺎ ﻃﻤﻦ
ﻗﺤﺮﻟﻨﺎ ﺯﻭﺯ ... ﻭ ﺩﺧﻞ ... ﺿﺤﻜﺖ ﺑﺎﻟﻮﻗﺖ ... ﻭ ﻗﺮﺑﺖ ﻣﻦ ﺍﺩﻡ ﺣﻀﻨﺘﻮ ﻧﺤﻜﻲ
ﺍﻧﺎ : ﻭﻳﻨﻚ ﺧﻮﻳﺎ ﺍﻟﻐﺎﻟﻲ
ﺍﺩﻡ : ﻫﻮﻧﻲ ... ﻟﻴﻚ ﻭﺣﺸﺔ ﻳﺎ ﺳﺎﻗﻂ
YOU ARE READING
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
