ﺯﻳﺎﺩ ﻳﺤﻜﻲ :
ﻭﺍﻗﻒ ﻓﻲ ﺑﻼﺻﺘﻲ ... ﻧﻐﺰﺭ ﻟﻠﻤﺮﺍﻳﺎ ... ﻧﻐﺰﺭ ﻟﺮﻭﺣﻲ ... ﻧﻐﺰﺭ ﻟﺤﻴﺎﺗﻲ ﻛﻴﻒ ﺑﺎﺵ ﺗﺘﻘﻠﺐ ... ﺍﻛﺜﺮ ﻣﺎ ﺭﺍﻫﻲ ﻣﻘﻠﻮﺑﺔ ... ﻧﻐﺰﺭ ﻟﻌﻴﻨﻴﻦ ﺳﻮﺍﺭ ﺑﻌﺪ ﻣﺎ ﺗﻌﺮﻑ ... ﺿﻌﺖ ﻓﻲ ﺗﻔﺎﺻﻴﻞ ﻭﺟﻬﻲ ... ﺭﺟﻌﺖ ﺑﺎﻟﻤﺎﺿﻲ ﻟﺴﻨﻴﻦ ... ﺳﻨﻴﻦ ﻃﻮﻳﻠﺔ ... ﻭﻗﺖ ﻛﻨﺖ ﻃﻔﻞ ﺳﺒﻊ ﺳﻨﻴﻦ ... ﻣﺰﻟﺖ ﻧﺤﺲ ﺭﻭﺣﻲ ﻣﺪﻓﻮﻥ ﻓﻲ ﻧﻔﺲ ﺍﻟﺒﻼﺻﺔ ... ﻣﺰﻟﺖ ﻓﻲ ﻧﻔﺲ ﺍﻟﺒﻘﻌﺔ ﺍﻟﻤﻈﻠﻤﺔ ... ﺍﻧﺎ ﺭﻳﺖ ﻧﻮﺭ ... ﻛﺎﻥ ﻭﻗﺖ ﺷﺪﻳﺖ ﻓﻲ ﻳﺪﻫﺎ ... ﻛﺎﻥ ﻭﻗﺖ ﺣﺎﻭﻟﺖ ﻧﺪﺍﻭﻱ ﻭﺟﻴﻌﺘﻲ ﺑﻴﻬﺎ ﻭ ﻣﻌﺎﻫﺎ ... ﺍﻣﺎ ﺗﻮﺍ ... ﺗﻮﺍ ﻣﻌﺎﺩﺵ ﻋﻨﺪﻱ ﺣﻞ ﺍﺧﺮ ... ﻣﻨﺤﺒﺶ ﻧﺨﺴﺮﻫﺎ ... ﺍﻣﺎ ﺑﻌﻤﻠﺘﻲ ﻫﺎﺫﻱ ... ﺑﺎﺵ ﻧﻘﻄﻊ ﻛﻠﺸﻲ ﻳﺮﺑﻄﻨﻲ ﺑﻴﻬﺎ ... ﻧﺤﺒﻬﺎ ﺻﺤﻴﺢ ... ﺍﻣﺎ ﻣﻨﺠﻤﺶ ﻧﺮﺍﻫﺎ ﺗﻤﻮﺕ ﻗﺪﺍﻣﻲ ... ﻭ ﻣﻨﺠﻤﺶ ﻧﺨﻠﻲ ﺍﻟﻤﺎﺿﻲ ﻭﺭﺍﻳﺎ ... ﺳﻮﺍﺭ ﻭ ﺍﻟﻤﺎﺿﻲ ... ﻛﻴﻒ ﺍﻟﻤﺎ ﻭ ﺍﻟﻨﺎﺭ ... ﻛﻞ ﻣﺮﺓ ﻧﻀﻴﻊ ﻓﻲ ﺍﻟﻤﺎﺿﻲ ... ﻧﻠﻘﺎ ﺭﻭﺣﻲ ﺑﻴﻦ ﻳﺪﻳﻬﺎ ... ﻗﺺ ﻋﻠﻴﺎ ﺗﻔﻜﻴﺮﻱ ... ﺻﻮﺕ ﺍﻟﺒﺎﺏ ... ﻛﻲ ﻓﺘﺢ ... ﻏﺰﺭﺕ ﻟﻠﻤﺮﺍﻳﺎ ... ﻟﻘﻴﺘﻮ ﻣﺎﺷﻲ ﻭ ﻳﻘﺮﺏ ﻣﻨﻲ ... ﻭﻗﻒ ﻭﺭﺍﻳﺎ ﺑﺎﻟﻈﺒﻂ ... ﻳﺤﻜﻲ
ﺍﺩﻡ : ﻣﺘﺄﻛﺪ ﻣﻦ ﺍﻟﻠﻲ ﺗﻌﻤﻞ ﻓﻴﻪ
ﻫﺰﻳﺖ ﻳﺪﻳﺎ ﺯﻭﺯ ... ﻧﺴﻜﺮ ﻓﻲ ﻓﻠﺲ ﺳﻮﺭﻳﺘﻲ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺑﺎﻟﻄﺒﻴﻌﺔ
ﺍﺩﻡ : ﻛﻴﻒ ﺧﺬﻳﺖ ﻗﺮﺍﺭ ﻛﻴﻒ ﻫﺬﺍ ﻭﺣﺪﻙ
ﺍﻧﺎﻋﻼﻩ ﻻﺯﻡ ﻧﺴﺄﻝ ﺷﻜﻮﻥ
ﺍﺩﻡ : ﺯﻳﺎﺍﺍﺩ ﺍﻧﺎ ﺍﻛﺜﺮ ﺣﺪ ... ﻧﻌﺮﻑ ﻻﻧﺖ ﻭﻻ ﻣﺮﺓ ﻓﻜﺮﺕ ﻓﻲ ﺍﻟﻤﻮﺿﻮﻉ ﻫﺬﺍ ... ﺍﺻﻼ ﻣﻦ ﺑﻜﺮﻱ ﺭﺍﻓﺾ ﺍﻟﻔﻜﺮﺓ ... ﺷﻨﻴﺔ ﻟﻲ ﺗﺒﺪﻝ
ﺍﻧﺎ : ﻣﻴﺮﺍﻝ ﺣﺒﻠﺔ
ﺍﺩﻡ : ﺷﻨﻨﻨﻮﺓ
ﺧﺬﻳﺖ ﻧﻔﺲ ... ﺗﻠﻔﺖ ﻋﻨﺪﻭ ... ﻣﻠﻘﻴﺘﺶ ﻛﺬﺑﺔ ﺍﺧﺮﻯ ... ﻛﻴﻤﺎ ﻧﻌﺮﻑ ... ﻟﻬﻮ ﻳﺘﺤﺴﺲ ﻣﻦ ﺍﻟﻤﻮﺿﻮﻉ ﻫﺬﺍ ﺑﺮﺷﺎ ... ﻭ ﻣﺶ ﺑﻌﻴﺪ ﻳﺘﻘﻨﻊ ﺑﻴﻪ ﺯﺍﺩﺓ ... ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﺍﻟﻠﻲ ﺳﻤﻌﺘﻮ ... ﺍﻟﻌﺮﺱ ﻫﻮ ﺍﺣﺴﻦ ﺣﻞ ﺗﻮﺍ
ﺍﺩﻡ : ﺯﻳﺎﺍﺍﺩ ... ﻋﻲﺵ ﺧﻮﻳﺎ ﻛﺎﻥ ﺍﻧﺖ ﻣﺘﺤﺒﺶ ﺍﻟﺼﻐﻴﺮ ﻫﺬﺍ ﻣﺶ ﻻﺯﻡ ... ﻣﺘﺨﻠﻴﻬﺶ ﻳﻀﻴﻊ ﺑﻴﻨﻜﻢ ... ﻣﺘﺨﻠﻴﺶ ﺿﺤﻴﺔ ﺍﺧﺮﻯ ﺗﻌﻴﺶ ﻓﻲ ﻭﺳﻄﻨﺎ ... ﺗﻌﺮﻑ ﻟﻤﺶ ﻭﻗﺘﻮ ﺟﻤﻠﺔ
ﺍﻧﺎ : ﻣﻴﺮﺍﻝ ﻃﻴﺤﺖ ﺻﻐﻴﺮ ﻣﻦ ﻗﺒﻞ ... ﻣﻨﺠﻤﺶ ﻧﺨﺎﻃﺮ ﺑﺤﻴﺎﺗﻬﺎ ﺗﻮﺍ
ﺍﺩﻡ : ﺗﺤﺒﻬﺎ
ﺑﻘﻴﺖ ﻧﻐﺰﺭﻟﻮ ... ﻣﻠﻘﻴﺘﺶ ﺍﺟﺎﺑﺔ ﻟﺴﺆﺍﻟﻮ ... ﻣﻨﻌﺮﻓﺶ ﺷﺒﺎﺵ ﻧﻘﻮﻟﻮ ... ﻛﺎﻥ ﺣﺪ ﻳﺸﻚ ﻟﻠﻌﺮﺱ ﻫﺬﺍ ﻟﻌﺒﺔ ... ﻛﻠﺸﻲ ﻳﻄﻴﺢ ﻓﻲ ﺍﻟﻤﺎ ... ﻭ ﺯﺍﺩﺓ ﻣﻨﺠﻤﺶ ﻧﻘﻮﻝ ﻻﻧﺎ ﻧﺤﺒﻬﺎ ... ﺧﺎﻃﺮ ﻛﻠﺸﻲ ﻭﺍﺿﺢ ... ﻫﺰﻳﺘﻠﻮ ﺑﺮﺍﺳﻲ ﺍﻳﻪ ﻧﺤﻜﻲ
ﺍﻧﺎ : ﻋﺎﺩﻱ
ﺍﺩﻡ : ﺷﺘﻘﺼﺪ
ﺍﻧﺎ : ﺑﺮﺑﻲ ﺍﺩﻡ ﻣﻦ ﻭﻳﻦ ﻃﻠﻌﺘﻠﻲ ﺑﺤﻜﺎﻳﺔ ﺍﻟﺤﺐ ﺗﻮﺍ
ﺍﺩﻡ : ﻛﻴﻤﺎ ﺍﻧﺖ ﻃﻠﻌﺖ ﺑﺤﻜﺎﻳﺔ ﺍﻟﻌﺮﺱ
ﺍﻧﺎ : ﻣﺠﺒﻮﻭﻭﺭ ﺧﺎﻃﺮ ﻭﻟﺪﻱ
ﺍﺩﻡ : ﻭ ﺑﻠﻜﺸﻲ ﻫﻲ ﺗﺤﺎﻭﻝ ﺗﺸﺪﻙ ﺑﺎﻟﻄﺮﻳﻘﺔ ﻫﺎﺫﻱ
ﺍﻧﺎ : ﻛﺎﻥ ﻛﻨﺖ ﻓﻲ ﺑﻼﺻﺘﻲ ﺗﺴﻤﺢ ﺑﺎﺵ ﺗﻘﺘﻞ ﺻﻐﻴﺮﻙ
ﺳﻜﺖ ... ﺣﺴﻴﺘﻮ ﻣﺶ ﻗﺪ ﺑﻌﻀﻮ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻛﺘﻔﻮ ... ﻧﺤﻜﻲ
ﺍﻧﺎ : ﻧﻈﻦ ﻓﻬﻤﺘﻨﻲ ﺗﻮﺍ
ﺍﺩﻡ : ﻳﺎﺭﻳﺖ ﺗﻔﻜﺮ ﻣﺮﺓ ﺍﺧﺮﻯ
ﺍﻧﺎ : ﻫﻬﻬﻬﻬﻪ ﻫﻴﺎ ﻋﺎﺩ ﺑﻘﻰ ﺳﺎﻋﺘﻴﻦ ﻛﻬﻮ ... ﺧﻠﻴﻨﺎ ﻧﺸﺮﺑﻮ ﻛﺎﺳﺔ ﻣﻊ ﺑﻌﺾ ﻳﺎ ﺭﺍﺟﻞ
ﺍﺩﻡ : ﺑﺎﻫﻲ
ﻗﺮﺑﺖ ﻋﺒﻴﺖ ﻛﺎﺳﺘﻴﻦ ... ﺣﻄﻴﺖ ﻭﺣﺪﺓ ﻓﻲ ﻳﺪﻭ ... ﻭ ﻛﺒﺴﺖ ﻋﻠﻰ ﻻﺧﺮﻯ ... ﻧﺤﺎﻭﻝ ﻧﻬﺪﻱ ﺭﻭﺣﻲ ... ﻧﺤﺎﻭﻝ ﻧﻈﻬﺮ ﻋﺎﺩﻱ ﻗﺪ ﻣﺎ ﻧﺠﻢ ... ﻗﻌﺪﺕ ﻋﺎﻟﻔﻮﺗﺎﻱ ... ﻏﺰﺭﻝﻱ ﻳﺤﻜﻲ
ﺍﺩﻡ : ﺧﺒﺮﺕ ﺗﻮﻓﻴﻖ
ﺍﻧﺎ : ﻻ
ﺍﺩﻡ : ﺗﻌﺮﻑ ﻟﻐﻴﺎﺑﻮ ﺑﺎﺵ ﻳﺤﻞ ﺑﺎﺏ ﺍﺳﺌﻠﺔ ﻋﻠﻴﻨﺎ
ﺍﻧﺎ : ﻭ ﻧﻌﺮﻑ ﺯﺍﺩﺓ ﻛﺎﻥ ﺧﺒﺮﺗﻮ ﻣﺶ ﺑﺎﺵ ﻳﺠﻲ
ﺍﺩﻡ : ﺑﺎﻫﻲ ﺑﺎﻫﻲ
YOU ARE READING
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
