ﺳﻮﺍﺭ ﺗﺤﻜﻲ : ﻓﻘﺖ ﺍﻟﺼﺒﺎﺡ ... ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ... ﺑﻘﻴﺖ ﺷﻮﻳﺔ ﻓﻲ ﺑﻼﺻﺘﻲ ... ﻧﺬﻛﺮ ﻓﻲ ﺍﻟﻠﻲ ﺻﺎﺭ ﺍﻟﺒﺎﺭﺡ ... ﻋﻴﻨﻴﺎ ﻭﺳﺎﻋﺖ ... ﻣﺴﺘﺤﻴﻞ ﻧﻜﻮﻥ ﺷﺮﺑﺖ ﻟﻬﺪﺭﺟﺔ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻗﺎﻋﺪﺓ ... ﺍﻭﻝ ﺷﻲ ﺟﺎ ﻟﺒﺎﻟﻲ ... ﺍﻧﻮ ﻧﻜﻮﻥ ﺣﻜﻴﺖ ﺷﻲ ﻋﻠﻰ ﺍﺩﻡ ﻟﺰﻳﺎﺩ ... ﻻ ﻣﺴﺘﺤﻴﻞ ﻧﻜﻮﻥ ﺣﻜﻴﺘﻠﻮ ... ﻫﺰﻳﺖ ﺭﻭﺣﻲ ﺧﺮﺟﺖ ﻧﺠﺮﻱ ﻣﻦ ﺍﻟﺒﻴﺖ ... ﻧﻔﺮﻛﺲ ﻋﻠﻴﻪ ﺑﻌﻴﻨﻴﺎ ... ﺩﺧﻠﺖ ﻟﺼﺎﻟﺔ ﻟﻘﻴﺖ ﻣﺮﺍ ﻏﺎﺩﻱ ﺗﻨﻈﻒ ... ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ... ﻧﺤﻜﻲ ﺍﻧﺎ : ﺷﻜﻮﻧﻚ ﺍﻧﺖ ﻫﻲ : ﻃﻠﺒﻨﻲ ﻣﺴﻴﻮ ﺯﻳﺎﺩ ... ﺑﺎﺵ ﻧﻈﻒ ﺩﺍﺭ ﻭ ﻧﻤﺸﻲ ﺍﻧﺎ : ﻭﻳﻨﻮ ﻫﻮ ﻫﻲ : ﻣﻨﻌﺮﻓﺶ ﺧﻠﻴﺘﻬﺎ ﻭﺍﻗﻔﺔ ... ﻭﻭﻟﻴﺖ ﻟﻠﺒﻴﺖ ... ﻫﺰﻳﺖ ﺗﻠﻴﻔﻮﻧﻲ ... ﻧﻄﻠﺐ ﻓﻴﻪ ﻭ ﻧﻌﺎﻭﺩ ... ﺷﻲ ... ﻣﺢﺑﺶ ﻳﻬﺰ ﻋﻠﻴﺎ ... ﺣﺴﻴﺖ ﺑﺨﻨﻘﺔ ... ﻓﻜﺮﺓ ﻟﻬﻮ ﻋﺮﻑ ﺑﻠﻲ ﺻﺎﺭ ... ﺧﻼﺕ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﺑﺎﺵ ﻳﺎﻗﻒ ... ﺧﻼﻗﻲ ﺩﺍﺭﺕ ... ﻧﻄﺮﺕ ﻟﺒﻴﺖ ﺍﻟﺒﺎﻧﻮ ﺗﻘﻴﻴﺖ ... ﻃﻮﻝ ﺍﻟﻨﻬﺎﺭ ﻭ ﺍﻧﺎ ﻋﻠﻰ ﺍﻋﺼﺎﺑﻲ ... ﺍﻧﺎ ﺍﻛﺎﻛﺎ ... ﻭ ﺍﻟﺒﺎﺏ ﻓﺘﺢ ... ﻓﻲ ﻟﺤﻈﺔ ﻛﻨﺖ ﻭﺍﻗﻔﺔ ﻗﺪﺍﻣﻮ ... ﺗﺮﻣﻴﺖ ﻋﻠﻴﻪ ﻣﻦ ﻏﻴﺮ ﻣﺎ ﻳﺤﻜﻲ ﺣﺘﻰ ﻛﻠﻤﺔ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻛﺒﺴﺖ ﻋﻠﻴﻪ ﻧﺤﻜﻲ ﺍﻧﺎ : ﺯﻳﺎﺍﺍﺩ ﻭﻳﻨﻚ ﻟﺘﻮﺍ ﻳﺎﺧﻲ ﺣﺴﻴﺖ ﺑﻴﺪﻭ ... ﺗﺤﻄﺖ ﻋﻠﻰ ﻇﻬﺮﻱ ... ﺗﻨﻬﺪ ﺑﺎﻟﻘﺎﻭﻱ ﻳﺤﻜﻲ ﺯﻳﺎﺩ؛ﻛﺎﻥ ﻻﺯﻡ ﻧﺨﺮﺝ ﺍﻧﺎ : ﻋﻼﻩ ﻣﻬﺰﻳﺘﺶ ﻋﻠﻴﺎ ... ﻭﻗﺖ ﻛﻠﻤﺘﻚ ﺯﻳﺎﺩ : ﻣﺴﻤﻌﺘﻮﺵ ﺍﻧﺎ : ﺑﺎﻫﻲ ﺟﺒﺪﻧﻲ ﻣﻦ ﻋﻨﺪﻭ ﺷﻮﻳﺔ ... ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﺣﻂ ﻳﺪﻭ ﻋﻠﻰ ﺧﺪﻱ ﻳﺤﻜﻲ ﺯﻳﺎﺩ : ﺍﻳﺠﺎ ﻧﺪﺧﻠﻮ ... ﻋﻨﺪﻱ ﻣﺎ ﻧﺤﻜﻲ ﻣﻌﺎﻙ ﺍﻣﺎ : ﺷﻔﻤﺎ ﺯﻳﺎﺩ : ﺍﻳﺠﺎ ﺳﺎﻋﺔ ﻛﺒﺲ ﻋﻠﻰ ﻳﺪﻱ ... ﻭ ﺟﺮﻧﻲ ﻣﻌﺎﻩ ﻟﺼﺎﻟﺔ ... ﻗﻌﺪ ... ﻭ ﺟﺒﺪﻧﻲ ﻣﻌﺎﻩ ... ﻗﻌﺪﺕ ﻗﺪﺍﻣﻮ ... ﻧﻐﺰﺭﻭ ﻣﺴﺘﻐﺮﺑﺔ ... ﻧﺴﺘﻨﻰ ﻓﻴﻪ ﻳﺤﻜﻲ ... ﻇﺎﻫﺮ ﻣﻦ ﻣﻼﻣﺤﻮ ﻟﻔﻤﺎ ﺷﻲ ... ﺍﻣﺎ ﺯﻋﻤﺔ ﺷﺒﺎﺵ ﻳﺼﻴﺮ ... ﺧﺬﻳﺖ ﻧﻔﺲ ﻧﻬﺪﻱ ﻓﻲ ﺭﻭﺣﻲ ... ﺣﻂ ﻳﺪﻭ ﻋﻠﻰ ﻳﺪﻱ ... ﻳﺤﻜﻲ ﺯﻳﺎﺩ : ﺳﻮﺍﺭ ... ﺍﻟﻞﻱ ﺑﺎﺵ ﻧﺤﻜﻴﻪ ﻣﻬﻢ ﺑﺮﺷﺎ ... ﻭ ﺍﻧﺖ ﻻﺯﻡ ﺗﺴﻤﻌﻨﻲ ﻭ ﺗﻔﻬﻤﻨﻲ ﺑﺎﻟﻘﺪﺍ ﺑﺎﻫﻲ ﺍﻧﺎ؛ﺑﺎﻫﻲ ﺯﻳﺎﺩ : ﺳﻮﺍﺭ ﻋﺰﻳﺰﺗﻲ ... ﻃﻮﻝ ﻣﺎ ﺍﻧﺖ ﻣﻌﺎﻳﺎ ﺣﻴﺎﺗﻚ ﻓﻲ ﺧﻄﺮ ... ﻛﻞ ﺣﺪ ﻳﻌﺮﻑ ﻻﻧﺖ ﺗﺎﺑﻌﺘﻨﻲ ... ﺑﺎﺵ ﻳﺘﻌﻤﺪ ﻳﺄﺫﻳﻚ ﺍﻧﺎ؛ﺷﺘﻘﺼﺪ ﺑﻜﻼﻣﻚ ﺯﻳﺎﺩ : ﻳﻌﻨﻲ ﻣﻦ ﺍﻟﻴﻮﻡ ﺍﻧﺎ ﺑﺎﺵ ﻧﺒﻘﻰ ﺑﻌﻴﺪ ﻋﻠﻴﻚ ﺑﻘﻴﺖ ﻧﻐﺰﺭﻟﻮ ﻧﺪﺭﺍ ﻛﻴﻒ ... ﻣﺘﻮﻗﻌﺘﺶ ﻟﻬﻮ ﺑﺎﺵ ﻳﻘﻮﻝ ﺍﻟﻜﻼﻡ ﻫﺬﺍ ... ﺣﺴﻴﺖ ﺑﺨﻨﻘﺔ ... ﺧﺬﻳﺖ ﻧﻔﺲ ... ﻧﺤﻜﻲ ﺍﻧﺎ : ﺑﺎﻫﻲ ﻭ ﺧﺪﻣﺘﻨﺎ ﻣﻊ ﺑﻌﺾ ﺳﻜﺖ ﺷﻮﻳﺔ ... ﻋﺪﺍ ﻳﺪﻭ ﻋﻠﻰ ﺷﻌﺮﻭ ... ﻭﻭﺟﻬﻮ ... ﻳﺤﻜﻲ ﺯﻳﺎﺩ : ﺷﻲ ﻣﺎﻫﻮ ﺑﺎﺵ ﻳﺘﺒﺪﻝ ... ﺍﻣﺎ ﻣﺎﻳﺠﻴﺶ ﺣﺪ ﻳﻌﺮﻑ ﺑﻌﻼﻗﺘﻨﺎ ... ﺧﺎﺻﺔ ﺍﻟﻔﺘﺮﺓ ﻫﺎﺫﻱ ... ﻭ ﻛﺎﻥ ﻋﺎﻟﺨﺪﻣﺔ ... ﺻﺪﻗﻨﻲ ﻧﺪﻣﺖ ﺧﺎﻃﺮ ﺩﺧﻠﺘﻚ ﻓﻲ ﻭﺳﻄﻨﺎ ... ﺍﻣﺎ ﺑﺎﺵ ﻳﺘﻌﺪﺍ ﻛﻠﺸﻲ ... ﻭﻗﺖ ﺗﻮﻓﺎ ... ﺍﺣﻨﺎ ﺑﺎﺵ ﻧﻤﺸﻮ ﻣﻦ ﻫﻮﻧﻲ ﻣﻊ ﺑﻌﺾ ... ﺑﺎﺵ ﺗﺮﺟﻊ ﻫﻮﻳﺘﻚ ... ﻭ ﺷﺨﺼﻴﺘﻚ ﻟﻲ ﻧﻌﺮﻓﻢ ﺍﻧﺎ ﺑﺮﻙ ... ﺑﺎﺵ ﺗﺮﺟﻊ ﺳﻮﺍﺭ ... ﺳﻮﺍﺭ ﻭ ﻛﻬﻮ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺍﺻﻼ ﻣﻌﻨﺪﻳﺶ ﻋﻼﻩ ﻧﺎﺧﻮ ﻣﻮﻗﻒ ... ﻧﻌﺮﻑ ﻟﻌﻼﻗﺘﻨﺎ ﺑﺎﺵ ﺗﻜﻮﻥ ﻣﺴﺘﺤﻴﻠﺔ ﻓﻲ ﺩﻭﻣﺎﻥ ﻫﺬﺍ ... ﺍﻣﺎ ﻳﻜﻔﻲ ﻟﻬﻮ ﺑﺎﺵ ﻳﺒﻘﻰ ﻣﻌﺎﻳﺎ ... ﺣﺘﻰ ﻣﻦ ﺑﻌﻴﺪ ... ﻗﺮﺑﺖ ﻣﻨﻮ ﺍﻛﺜﺮ ... ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻭ ... ﺣﻂ ﻳﺪﻭ ﻋﻠﻰ ﺷﻌﺮﻱ ﻳﻌﺪﻱ ﻓﻴﻬﺎ ... ﺑﻘﻴﻨﺎ ﺯﻭﺯ ﺳﺎﻛﺘﻴﻦ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ﺑﺎﻟﻈﺒﻂ ... ﺧﺬﻳﺖ ﻧﻔﺲ ﻭ ﺟﺒﺪﺕ ﺭﻭﺣﻲ ﻣﻦ ﻋﻨﺪﻭ ﻧﺤﻜﻲ ﺍﻧﺎ : ﺑﺎﺵ ﻧﻤﺸﻲ ﻧﺤﻀﺮ ﺭﻭﺣﻲ ﺗﻮﺍ ... ﻭ ﺍﻧﺖ ﺣﻀﺮﻟﻲ ﺷﻲ ﻧﺎﻛﻠﻮ ... ﻭﺍﻟﻠﻪ ﺑﺎﺵ ﻧﻤﻮﺕ ﻣﻦ ﺍﻟﺠﻮﻉ ﺗﺒﺴﻢ ﺷﻄﺮ ﺗﺒﺴﻴﻤﺔ ... ﻭ ﻫﺰﻟﻲ ﺑﺮﺍﺳﻮ ﺑﺎﻫﻲ ... ﻗﺮﺑﺖ ﺑﺴﺘﻮ ﺗﺤﺖ ﻋﻴﻨﻮ ... ﻭ ﻫﺰﻳﺖ ﺭﻭﺣﻲ ... ﺩﺧﻠﺖ ﻟﺒﻴﺘﻮ ﺳﻜﺮﺕ ﺍﻟﺒﺎﺏ ... ﻧﺘﻨﻔﺲ ﺑﺎﻟﻘﺎﻭﻱ ... ﺣﺎﻭﻟﺖ ﻧﻬﺪﻱ ﺭﻭﺣﻲ ﻗﺪ ﻣﺎ ﻧﺠﻢ ... ﺧﺎﻃﺮ ﻧﻌﺮﻑ ﻟﻲ ﺑﺎﺵ ﻳﺠﻲ ﻧﻬﺎﺭ ﻭ ﻳﺼﻴﺮ ﻫﻜﺎ ... ﺍﻣﺎ ﻗﻠﺒﻲ ﻣﺶ ﻣﻄﻤﻨﻲ ﺟﻤﻠﺔ ... ﻣﻨﻌﺮﻓﺶ ﻋﻼﻩ ﺣﺎﺳﺔ ﺑﺎﺣﺴﺎﺱ ﺧﺎﻳﺐ ... ﺧﺬﻳﺖ ﻧﻔﺲ ... ﺑﺪﻟﺖ ﺩﺑﺸﻲ ... ﺭﻳﻘﻠﺖ ﺭﻭﺣﻲ ... ﻟﻤﻴﺖ ﺩﺑﺸﻲ ﺍﻟﻜﻞ ... ﻭ ﻣﺸﻴﺖ ﻋﻨﺪﻭ ﻟﻠﻜﻮﺟﻴﻨﺔ ... ﻗﻠﺒﺖ ﻣﻼﻣﺤﻲ ... ﺑﻀﺤﻜﺔ ﻧﺤﻜﻲ ﺍﻧﺎ : ﺍﻧﺎ ﻛﻤﻠﺖ ... ﻭ ﺍﻧﺖ ﺷﻨﻮﺓ ﺣﻀﺮﺗﻠﻲ ﺗﻠﻔﺖ ﻋﻨﺪﻱ ... ﻫﺰ ﻓﻲ ﻳﺪﻭ ﺻﺤﻦ ﻓﻴﻪ ﺳﻨﺪﻭﻳﺘﺶ ... ﺗﺒﺴﻤﺖ ﺑﺨﺒﺚ ... ﺟﺎ ﻓﻲ ﻭﻗﺘﻮ ﺑﺎﻟﻈﺒﻂ ... ﻧﺴﻴﺖ ﺟﻤﻠﺔ ﻟﻜﻨﺖ ﻧﺨﻤﻢ ﻓﻴﻪ ... ﻗﺮﺑﺖ ﻣﻨﻮ ﺑﺎﻟﺰﺭﺑﺔ ﺧﻄﻔﺘﻮ ﻣﻦ ﻳﺪﻭ ... ﻗﻌﺪﺕ ﻋﺎﻟﻜﺮﺳﻲ ﻧﺎﻛﻮﻝ ﻓﻴﻪ ﺑﺎﻟﺰﺭﺑﺔ ... ﺗﻜﺎ ﻋﺎﻟﺮﺧﺎﻣﺔ ﻳﺤﻜﻲ ﺯﻳﺎﺩ : ﺑﻌﻘﻠﻚ ﺍﻧﺎ : ﺷﻤﺪﺧﻠﻚ ﺍﻧﺖ ﺯﻳﺎﺩ : ﺳﻮﺍﺍﺍﺭ ﺍﻧﺎ : ﺷﻨﻴﺔ
YOU ARE READING
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
