ﻣﻴﺮﺍﻝ : ﻣﻴﻄﻠﻌﻠﻴﺶ ﻗﺪﺍﻣﻚ ... ﺍﻣﺎ ﺑﺎﺵ ﻧﺜﺒﺘﻠﻚ ... ﻻﻧﺖ ﺗﻤﺸﻲ ﻓﻲ ﺛﻨﻴﺔ ﻏﺎﻟﻄﺔ ... ﺑﺎﺵ ﻧﺜﺒﺘﻠﻚ ﻻﻧﺖ ﻏﻠﻄﺖ ﺑﺮﺷﺎ ﻭﻗﺖ ﺧﻠﻴﺘﻨﻲ ﺍﻧﺎ : ﻭﻓﺎ ﻛﻠﺸﻲ ﺗﻮﺍ ... ﺣﺘﻰ ﻛﺎﻥ ﺛﺒﺖ ﺍﻱ ﺷﻲ ... ﺍﻧﺎ ﻣﻨﺠﻤﺶ ﻧﺮﺟﻊ ﻟﺘﺎﻟﻲ ﻣﻴﺮﺍﻝ : ﺑﺎﺵ ﺗﺮﺟﻊ ... ﻋﻠﻰ ﺧﺎﻃﺮ ﺧﻮﻙ ﺑﺎﺵ ﺗﺮﺟﻊ ﻃﻠﻌﺖ ﺭﺍﺳﻲ ... ﻋﻠﻰ ﻛﻼﻣﻬﺎ ﺗﺎﻟﻲ ... ﻏﺰﺭﺗﻠﻬﺎ ﻣﺼﺪﻭﻡ ... ﻋﻘﺪﺕ ﺣﻮﺍﺟﺒﻲ ... ﻛﺒﺴﺖ ﻋﺎﻟﺒﻮﻧﻴﺔ ﻣﺘﺎﻋﻲ ﻧﺤﻜﻲ ﺍﻧﺎ : ﺷﺘﻘﺼﺪ ﻣﻴﺮﺍﻝ : ﻏﺮﻳﺒﺔ ... ﻙﻳﻒ ﻭﺍﺣﺪ ﻛﻴﻔﻚ ﻣﻨﺒﻬﺶ ﻟﻠﺤﻜﺎﻳﺔ ... ﻳﺎﺧﻲ ﻣﻼﺣﻈﺘﺶ ﻗﺪﺍﺵ ﺧﻮﻙ ﻣﻬﺘﻢ ﺑﻴﻬﺎ ... ﻣﻼﺣﻈﺘﺶ ﻛﻴﻒ ﻳﻐﺰﺭﻟﻬﺎ ... ﻭ ﻛﻴﻒ ﺣﻜﺎ ﻣﻌﺎﻫﺎ ﻓﻲ ﺍﻟﺤﻔﻠﺔ ... ﻣﻼﺣﻈﺖﺵ ﺍﻫﺘﻤﺎﻣﻮ ﺑﻴﻬﺎ ... ﺑﺎﻫﻲ ﺧﻠﻴﻨﺎ ﻣﻦ ﺍﺩﻡ ... ﺷﺒﻴﻬﺎ ﺩﻧﻴﺰ ﻣﻬﺘﻤﺔ ﺑﻴﻪ ﺑﺮﺷﺎ ... ﻋﻼﺵ ﺑﻴﻦ ﺍﻟﻒ ﻧﺎﺩﻱ ﻓﻲ ﺗﻮﻧﺲ ... ﺍﺧﺘﺎﺭﺕ ﻧﺎﺩﻱ ﻣﺘﺎﻋﻜﻢ ... ﻭ ﻋﻼﺵ ﺍﺧﺘﺎﺭﺕ ﺍﻧﻬﺎ ﺗﺪﺭﺏ ﻋﺎﻟﺴﻼﺡ ... ﻭ ﻓﻲ ﻭﻗﺖ ﺍﻟﻠﻲ ﺍﺩﻡ ﻳﻜﻮﻥ ﻣﻮﺟﻮﺩ ... ﻋﻼﺵ ﻧﻬﺎﺭ ﻟﺨﻄﻔﻬﺎ ﻳﺎﺳﺮ ﻛﻠﻤﺖ ﺍﺩﻡ ... ﻋﻼﺵ ﻣﻜﻠﻤﺎﺗﻜﺶ ﺍﻧﺖ ... ﻭ ﺍﻟﻴﻮﻡ ﻭﻗﺖ ﻫﺪﻭ ﻋﻠﻰ ﻧﺎﺩﻱ ﻛﺎﻧﺖ ﻣﻮﺟﻮﺩﺓ ﻣﻌﺎﻩ ... ﻭ ﺑﺎﺯ ﻣﺰﺍﻟﺖ ﻣﻌﺎﻩ ﻟﺘﻮﺍ ﺳﻜﺘﺖ ﺷﻮﻳﺔ ... ﻭ ﺍﻧﺎ ﺑﺎﻗﻲ ﻣﺮﻭﻫﺞ ﻣﻦ ﻛﻼﻣﻬﺎ ... ﺗﺒﺴﻤﺖ ﻋﻠﻰ ﺟﻨﺐ ... ﻫﺰﺕ ﻛﺘﺎﻓﻬﺎ ﺷﻮﻳﺔ ... ﻭﻛﻤﻠﺖ ﺗﺤﻜﻲ ﻣﻴﺮﺍﻝ : ﻫﺬﻭﻣﺎ ﺍﻟﻜﻞ ﻣﺶ ﺻﺪﻓﺔ ... ﻛﻠﺸﻲ ﻣﺪﺑﺮ ... ﺷﺒﻴﻚ ﻣﻨﺒﻬﺘﺶ ﻟﻠﺤﻜﺎﻳﺔ ﻭ ﻻ ﻋﻠﻰ ﺧﺎﻃﺮ ﺗﺤﺒﻬﺎ ... ﻗﺎﻋﺪ ﺗﺒﺮﺭﻟﻬﺎ ... ﺯﻋﻤﺔ ﻣﺘﻜﻮﻧﺶ ﻟﻌﺒﺔ ﻣﻊ ﺍﺩﻡ ﺑﺎﺵ ﻳﻄﻴﺤﻮﻙ ... ﺧﺎﺻﺔ ﻭ ﺣﺪ ﻣﺎ ﻳﻌﺮﻑ ﺷﻜﻮﻥ ﺍﻧﺖ ﻏﻴﺮﻱ ﺑﻘﻴﺖ ﻧﻌﻘﻞ ﻓﻲ ﻛﻼﻣﻬﺎ ... ﻭ ﺍﻻﺣﺪﺍﺙ ﺍﻟﻜﻞ ﺗﺘﻌﺎﻭﺩ ﻓﻲ ﻣﺨﻲ ... ﻛﻠﺸﻲ ﻗﺎﻟﺘﻮ ﻋﻤﻠﺘﻠﻮ ﻓﻼﺵ ﺑﺎﻙ ... ﻻ ﻣﺴﺘﺤﻴﻞ ... ﻧﻌﺮﻑ ﻟﺴﻮﺍﺭ ﻣﺴﺘﺤﻴﻞ ﺗﻌﻤﻠﻬﺎ ... ﺍﺻﻼ ﻛﻠﺸﻲ ﺗﻌﻠﻤﺎﺗﻮ ﻋﻠﻰ ﻳﺪﻱ ... ﻧﻌﺮﻓﻬﺎ ﺑﺎﻟﻘﺪﺍ ﻭ ﻣﺴﺘﺤﻴﻞ ﺍﺣﺴﺎﺳﻲ ﻳﺨﻴﺒﻨﻲ ... ﻛﻴﻤﺎ ﺯﺍﺩﺓ ﻣﺘﺄﻛﺪ ﻣﺴﺘﺤﻴﻞ ﺍﺩﻡ ﻳﻨﺠﻢ ﻳﺄﺫﻳﻨﻲ ... ﺍﺻﻼ ﺍﻧﺎ ﻟﻲ ﻋﺮﻓﺘﻬﻢ ﻋﻠﻰ ﺑﻌﺾ ... ﺍﻓﻜﺎﺭﻱ ﺩﺧﻠﺖ ﺑﻌﻀﻬﺎ ... ﻭ ﺯﺍﺩﺓ ﺷﺮﺏ ﺍﺛﺮ ﻓﻴﺎ ﺑﺮﺷﺎ ... ﻭ ﻟﻲ ﺣﺎﺭﻗﻨﻲ ... ﺍﻛﺜﺮ ﻣﻦ ﻫﺬﺍ ﺍﻟﻜﻞ ... ﺍﻧﻮ ﻭ ﻻ ﺣﺪ ﻓﻴﻬﻢ ﻫﺰ ﻋﻠﻴﺎ ... ﺧﺬﻳﺖ ﻧﻔﺲ ﻧﻬﺪﻱ ﻓﻲ ﺭﻭﺣﻲ ... ﻗﺮﺑﺖ ﻣﻨﻲ ... ﻭﻗﻔﺖ ﻗﺪﺍﻣﻲ ﺑﺎﻟﻈﺒﻂ ... ﺷﺪﺗﻨﻲ ﻣﻦ ﺳﻮﺭﻳﺘﻲ ... ﺗﺤﻜﻲ ﻣﻴﺮﺍﻝ : ﺍﻣﺎﻧﻚ ﻓﻴﻖ ﻋﻠﻰ ﺭﻭﺣﻚ ... ﻭ ﺍﺭﺟﻊ ﻛﻴﻒ ﺍﻻﻭﻝ ... ﺍﻧﺴﺎﻫﺎ ... ﻭﺣﺪﺓ ﻛﻴﻔﻬﺎ ﻣﺘﺴﺘﻬﻠﺶ ﺣﺒﻚ ... ﻳﺰﻱ ﺯﻳﺎﺩ ﻧﺰﻟﺖ ﺭﺍﺳﻲ ﻏﺰﺭﺗﻠﻬﺎ ... ﻧﺜﺒﺖ ﻓﻲ ﻭﺟﻬﺎ ... ﻓﻲ ﻋﻴﻨﻴﻬﺎ ﻟﻲ ﺑﺪﻣﻮﻉ ... ﻣﺴﺘﺤﻴﻞ ﻛﻼﻣﻬﺎ ﻳﻨﺠﻢ ﻳﺄﺛﺮ ﻓﻴﺎ ... ﻭ ﻻ ﺣﺘﻰ ﺩﻣﻮﻋﻬﺎ ... ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﻳﺪﻫﺎ ... ﻛﺒﺴﺖ ﻋﻼﻫﺎ ... ﻧﺰﻟﺘﻬﺎ ... ﻭﻭﺧﺮﺕ ﺑﻴﻬﺎ ﻟﺘﺎﻟﻲ ... ﻟﻴﻦ ﻭﺻﻠﺖ ﻟﺒﺎﺏ ... ﻫﺰﻳﺖ ﻳﺪﻱ ﻻﺧﺮﻯ ... ﺣﻠﻴﺖ ﺍﻟﺒﺎﺏ ... ﻭﺧﺮﺟﺘﻬﺎ ... ﻣﻨﺠﻤﺘﺶ ﻧﺘﺤﻤﻠﻬﺎ ﺍﻛﺜﺮ ... ﺟﺎﺕ ﺑﺎﺵ ﺗﺤﻜﻲ ... ﺳﻜﺮﺕ ﺍﻟﺒﺎﺏ ﻓﻲ ﻭﺟﻬﺎ ... ﻭ ﺗﺮﻛﺰﺕ ﺑﻴﺪﻳﺎ ﺍﻟﺰﻭﺯ ﻋﻼﻫﺎ ... ﻧﺮﺩ ﻓﻲ ﻧﻔﺲ ... ﻧﺴﻤﻊ ﻓﻴﻬﺎ ﺗﺨﺒﻂ ﻋﺎﻟﺒﺎﺏ .. ﻭﺗﺼﻴﺢ ﻣﻴﺮﺍﻝ : ﺯﻳﺎﺍﺍﺩ ﺣﻞ ﺍﻟﺒﺎﺏ ﺣﻞ ... ﻓﻲ ﺑﺎﻟﻚ ﻛﻲ ﻋﻤﻠﺖ ﻫﻜﺎ ﺑﺎﺵ ﺗﻬﺮﺏ ﻣﻦ ﺍﻟﺤﻘﻴﻘﺔ ... ﺷﻲ ﻣﺎﻫﻮ ﺑﺎﺵ ﻳﺘﺒﺪﻝ ... ﺣﻞ ﺧﻠﻴﻨﺎ ﻧﺤﻜﻮ ﻭﺧﺮﺕ ﻟﺘﺎﻟﻲ ... ﻭﻟﻴﺖ ﻟﻄﺎﻭﻟﺔ ... ﻛﻤﻠﺖ ﺷﺮﺑﺖ ﺍﻟﻜﺎﺳﺔ ... ﻫﺰﻳﺖ ﺩﺑﻮﺯﺓ ﻟﻘﻴﺘﻬﺎ ﻓﺮﻏﺖ ... ﺭﻣﻴﺘﻬﺎ ﻋﺎﻻﺭﺽ ... ﻫﺰﻳﺖ ﻳﺪﻳﺎ ﺯﻭﺯ ... ﺭﻣﻴﺖ ﻛﻠﺸﻲ ﻋﺎﻻﺭﺽ ... ﻛﺴﺮﺕ ﻛﻠﺸﻲ ﺟﺎ ﻋﻠﻰ ﻳﺪﻱ ... ﻓﺮﻏﺖ ﻏﺸﻲ ﺍﻟﻜﻞ ... ﻟﻴﻦ ﺣﺴﻴﺖ ﺭﻭﺣﻲ ﺗﻬﺪﻳﺖ ... ﺗﺮﻣﻴﺖ ﻋﺎﻟﻔﻮﺗﺎﻱ ... ﻏﻤﻀﺖ ﻋﻴﻨﻴﺎ ... ﻣﻌﺎﺩ ﻧﺤﺲ ﺑﺤﺘﻰ ﺷﻲ ... ﻛﻠﺸﻲ ﺗﺴﻜﺮ ﻋﻠﻴﺎ ... ﺻﻮﺕ ﻣﻴﺮﺍﻝ ﻣﺎﺷﻲ ﻳﺒﻌﺪ ... ﻟﻴﻦ ﺳﻜﺘﺖ ﺟﻤﻠﺔ ... ﺗﺮﺧﻒ ﺑﺪﻧﻲ ﻋﺎﻟﻔﻮﺗﺎﻱ ... ﻣﻨﻌﺮﻓﺶ ﺍﺻﻼ ﻛﻴﻒ ﻫﺰﻧﻲ ﻧﻮﻡ ... ﻭﺭﻗﺪﺕ ... ﺏﻋﺪ ﺍﻟﻠﻲ ﺻﺎﺭ ﺍﻟﻜﻞ
YOU ARE READING
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
