Isang Amang haligi ng tahanan
Amang mapagmahal at mapagkalinga sa'ming kinabukasan,
Sumilay man ang araw ,hanggang sa paglubog nito
Dama padin namin ang tunay na sakripisyo
Ito ang aming haliging di malilimutan.
Sa bawat araw,buwan at taong nakalipas
Patuloy na lumalaban sa bawat agos ng bukas,
Binuhos niya ang pagmamahal na wagas
At ito ang kasiyahan naming lahat
Isang Amang samu't-saring talento
na maipagmamalaki namin kahit kanino,
Batid namin pati sa iba'y hindi kami mapahiya
Ganoon kalaki ang respeto nami't tiwala.
Isang Amang taglay ang bawat pangaral
Sa pang-araw-araw magpasalamat at magdasal,
Mga biyayang natanggap sa Poong maykapal
Sapagkat kanya nga namang kalulugdan.
Hangad ng isang Ama ang magandang kapalaran
Sa bawat miyembro ng aming pamilya,
Na sa piping dasal ay sana'y makamtan
Ang kahilingan na maging maganda ang kinabukasan.
Siya ang unang lalaking aming nasilayan at unang lalaking naging kaibigan,
Na pagmamahal niya sa ami'y di mapantayan
Kaya kanyang pagmamahal nais naming suklian.
Ano ma't kami natutuwa ,na kahit pa siguro maging kulubot na kanyang mukha
Siya pa din ang pinakagwapo sa balat ng lupa,
Ama mahal na mahal ka namin magpawalang hanggan na ika'y aming makasama.
Baon namin ang makahulugan mong biro at matamis mong tawa,
Maging pangaral at iyong pangako,
Na gagabayan mo kami sa mga adhikaing aming binubuo,
Salamat Ama sa di niyo po pagsuko.
Sa mga oras na ito pagsulat ko nito ikaw po ang dahilan ,butihing Ama sana'y iyong maunawaan na sa mensaheng ito'y iyong maramdaman na ikaw ang isang patunay na Amang tapat kung magmahal.
Salamat sa Poong maykapal ipinagkaloob ka samin na walang palya kung magmahal.
A/N:
Naisip ko itong isulat dahil naalala ko namiss ko na siya Quarantine pa naman at malayo kami sa isa't -isa.
Gaya niyo,ako'y isang anak na lubos kong minahal ang haligi ng aming tahanan.
So love,respect, and listen to your Father.
YOU ARE READING
Mga Tula At Nakatagong Likha
PoetrySa nakakubling mga salita inihayag ng maitim na tinta. Inilathala ng pagiging makata kahit di bihasa. Patuloy na gumawa ng tula,di man araw-araw basta may pagkakataon. Masarap magbaybay ng mga kataga kung ikaw mismo ang may gawa. Gamitin ang isip...
