"အမြင်ကတ်စရာကောင်းလိုက်တာ။ဆောင့်ကြွားကြွားနဲ့။"
ကျွန်မသူငယ်ချင်းအသံကြောင့် ကျွန်မလှည့်ကြည့်လိုက်မိတယ်။ ထုံးစံအတိုင်း သူ့ကို ရန်စောင်နေကြပြန်ပြီ။
သူ့ပုံစံကလည်း တကယ်ကို အချိုးမပြေဘူးဘဲ။ လမ်းလျှောက်ရင်လည်း ခေါင်းကမော့နေတာ မိုးပေါ်ကကို မကျဘူး။ အတန်းထဲမှာ ဆရာမက စာမေးရင်လည်း ကိုတတ်ပကြီး သိပ်လုပ်လွန်းတယ်။ သူဘဲသိ၊ သူဘဲ တတ်တဲ့ ပုံစံနဲ့။တလောကလေးတင် စျေးကိုတစ်ခါရောက်ဖူးရုံနဲ့ A visit to the supermarketဆိုတဲ့ စာစီစာကုံးတစ်ပုဒ်ကို အသာလေး ရေးနိုင်တယ်ဆိုလို့ ကျွန်မသူငယ်ချင်းနဲ့ အပြန်အလှန် ငြင်းခုံ ထသတ်ပြီးပြီ။အခုလည်း ကျွန်မသူငယ်ချင်းပြောလိုက်တာကို သူမကြားတာ မဖြစ်နိုင်။ ကျွန်မသူငယ်ချင်းက တမင်ကြားအောင်ကို ကျယ်ကျယ်ပြောနေတာ။ ဒါကို သူက ဂရုမစိုက်ဘဲ တလောကလုံး သူ့လုပ်စာထိုင်စားတဲ့ မျက်နှာပေးနဲ့ သူ့ခုံသူ ပြန်သွားထိုင်နေလေရဲ့။ကျွန်မသူငယ်ချင်းကတော့ ဘေးကနေ မဲ့ကာရွဲ့ကာနဲ့ ပေါက်ပေါက်ဖောက်တော့တယ်။
"သူ့ကိုမြင်ရတာ တော်တော်ကို အကုသိုလ်များတာ။ Aခန်းကို ရောက်လာကတည်းက ဒင်းကို မိုးပေါ်ကနေကို ဆွဲချလို့မရတော့ဘူး။"
တော်တော်နားညည်းတာဘဲ။ ကိုယ့်ထမင်းကိုယ်စားပြီး သူများ အပြစ်ထိုင်ပြောနေကြတယ်။
"သူက အကုသိုလ်ပေးတာမဟုတိဘူး။ နင့်ဘာသာနင် ကိုယ့်အကုသိုလ်ကိုယ်လုပ်ယူနေတာ။"
"နင်က..ဘာလို့..."
တော်ရုံကိစ္စကို ဝင်မပါဘဲ ခပ်အေးအေးသာ နေတတ်တဲ့ ကျွန်မ ကို သူငယ်ချင်းက မျက်လုံးအဝိုင်းသားနဲ့ ကြည့်တယ်။အဲ့အကြည့်ကို လက်ခံရရှိတဲ့နောက်မှာတော့ ကျွန်မ ပါးပြင်နှစ်ဖက် ရှိန်းခနဲ ပူထူသွားတယ်။ ချက်ချင်းဘဲ ထိုင်နေရာကနေ ထရပ်လိုက်တယ်။ ဘယ်လို အကြည့်မျိုနဲ့ကြည့်နေရတာလဲ။ အဲ့ အကြည့်က ကျွန်မကို နေရထိုင်ရ ခက်ခဲစေတယ်။
YOU ARE READING
အၾကင္နာစစ္ရင္ (အကြင်နာစစ်ရင်)
Short StoryUNICODE VERSION: Newtonရဲ့ သီအိုရီ.. အရာဝတ္ထုတိုင်းဟာ သက်ရောက်မူတိုင်းမှာ တန်ပြန်သက်ရောက်မူရှိသတဲ့။ ဒါဖြင့်ရင် စိတ္တဇနာမ်စားတစ်ခုဖြစ်တဲ့ အချစ်မှာရော တန်ပြန်သက်ရောက်မူ ရှိသလား။ ZAWGYI VERSION: Newtonရဲ႕ သီအိုရီ.. အရာဝတၳဳတိုင္းဟာ သက္ေရာက္မူတိုင္...