စနေနေ့တွင် ပူလောင်ခဲ့သော ဒေါသမီးသည် တနင်္ဂနွေနေ့သို့ ဆင့်ကူးကာ တနင်္လာနေ့ ထိ အပူမငြိမ်းသေးပဲ ရှိနေသည်။
အတန်းထဲသွားလျင် ဟို မျက်နှာပြောင်တိုက်လွန်းတဲ့ လောရှည်ကြီးကို တွေ့နေရမည် ဆိုး၍ အတန်းမတက်ပဲ ကန်းတင်းထိုင်လိုက်၊ ကျောင်းတစ်ပတ်ပတ်လိုက် ၊ စာကြည့်တိုက်ထဲ ၀င်လိုက် ၊ ကျောင်းကိုထပ်ပတ်လိုက် နှင့် နေပူပူထဲတွင် ထီးတစ်ချောင်းနှင့် ချမ်းချမ်းတို့ ကမ္ဘာပျက်နေသည်။
အခုလည်း ကျောင်းတစ်ပတ် ပတ်ပြီးလို့ ၁၁နာရီလည်း ခွဲနေပြီမို့ ကန်တင်းထိုင်ဖို့ ကန်တင်းဘက်သို့ လျှောက်လာလိုက်သည်။ပြောလို့ပြောတာ မဟုတ်ဘူး တစ်မနက်လုံးအတန်းမတက်တာကို ဟို သူငယ်ချင်းကောင်းတစ်သိုက်က ဖုန်းတစ်ကောဆက်ပြီးတောင် ဘာဖြစ်လို့လဲ ဆိုပြီး မမေးကြဘူး ၊ တွေ့အုံးမယ် ဒင်းတို့တွေ
ပထမဦးဆုံးမြင်ရတဲ့ ဆိုင်က လူနည်းနည်းရှင်းတာမို့ ထိုဆိုင်မှာပဲ ၀င်ထိုင်လိုက်သည်။
"ဘာစားမလဲ အကို "
"မြီးရှည် တစ်ပွဲပေး ညီလေး ၊ သံဗူးပါ တစ်ဘူး"
"Ok ခုပဲ ရမယ် "
"အေ ခုပဲ ဆိုပြီး ငါ ထပ်အော်ရရင် ပိုက်ေံမရှင်းဘူးမှတ် "
ထိုသို့ပြောတော့ စားပွဲထိုးကောင်လေးက အကိုရာ ဆိုပြီး ရယ်ပြီးထွက်သွားသည်။
မဟုတ်လို့လား သူများမှာတော့ မသိပါဘူး။ ဒီက ကန်တင်းမှာ ဆိုင်ထဲ၀င်ပြီးဆိုရင် မှာဖို့လည်း စောင့်ရ ၊ မှာပြီးရင်လည်း စားဖို့ကို မရနိုင်ဘူး စောင့်ရ ၊ စားပြီးရင်လည်း ရှင်းဖို့ကိုလည်း စောင့်ရ ၊ တော်ရုံစိတ်ရှည်ခြင်းမျိုးနဲ့တော့ ကန်တင်းမထိုင်နဲ့ နွေအပူကြောင့် မသေခင် စောင့်ရလွန်ပြီး အိုသေသွားမယ်။ အဟုတ် ...."ရပြီ အကို စွဲတော့ "
မျက်နှာပြောင်စပ်စပ်နဲ့ စားပွဲထိုးက မှာထားတဲ့ မြီးရှည်နဲ့ အအေးတစ်ဘူးချပေးသည်။
"အေ ခုလေးတင် မရရင် မင်းကိုပဲ စွဲတော့မလို့ "
"မစွဲကောင်းပါဘူး အကိုရာ "
![](https://img.wattpad.com/cover/188159251-288-k333196.jpg)
YOU ARE READING
🍭Chupa🍭Chups🍭 (Z+U)
Romanceသကြားလုံးလေး ဖောက်ရခက်နေသလို မင်းကို သိပ်အသည်းယားတယ်.... သကြားလုံးလေးလို မင်းကိုလည်း ငုံထွေးထားချင်တယ် သၾကားလံုးေလး ေဖာက္ရခက္ေနသလို မင္းကို သိပ္အသည္းယားတယ္.... သၾကားလံုးေလးလို မင္းကိုလည္း ငံုေထြးထားခ်င္တယ္