كبرياء شيخ

الجزء ١٩

كمره: دخلنا للقاعه كعدنا على الستيج الثالث لأن جان فارغ دخل الدكتور جنت مدنكه رفعت راسي شفته احمد انصدمت من شفته
حجيت بيني وبين نفسي ما معقوله الصدف الجاي تصير لازم اكو غلط جنت صافنه علي ما احس الا هبه كرصتني من زندي
هبه: هي شبيج اكلتي الرجال ما شايفه
كمره: اخ شبيج وعمه اذيتيني
شكللها باوعت وسكتت ما تدري الضيم الي بكلبي
هبه: بس تدرين حقج
شو هو ينكرط كرط يلمع لمع انظف من مستقبلي
كمره: حسيت كلبي وجعني ضجت من حجت
خزرتها ودرت وجهي عنها
بس هو ولا عبالك يعرفني ابد حتى من تعرف على أسامي الطلاب حالي حالهم بس من وصلني جان كاض بيده ورقه وقلم مدنك مدري شيكتب يـ؏ـنـي بالمختصر المفيد ما اهتملي
انه كلش انقهرت حسيت وجهي صخن ومدري شنو صعد لراسي مثل الاختنكت هبه حست علي
هبه: زنوبه بيج شي اشو مو على بعضج
كمره: ما ادري شنو صارلي
دنكت وكع من خشمي دم على الستيج جانت بيدي كلينسه خليتها على خشمي
هبه شافتني رأسا شهكت الكل انتبه علي الطلاب وحتى هو
هبه: عزاااا هاي شصارلج
كمره: كمت وكفت كتله دكتور اكدر اطلع
احمد: مرت فتره وانه اداوم طبيعي
وحياتي كذالك صارت بين البيت والجامعة وطبعا طلايب العشيرة والناس
جان دوامي بالجامعه خفيف بس من داومت المرحله الاولى شوي ثكل جانو هواي يـ؏ـنـي اكثر من قاعه
بيوم جانت عندي محاضره بالمرحله الاولى جاي امشي واحد من الطلاب صاحلي يسألني كم سؤال انه جاوبته ودرت وشفت البلوه كمره كدامي بعمري ما اتوقعت اشوفه هنا لا واكثر جانت طالبه
انصدمت ظليت اباعلها وهي نفس الشي مبينه عليها الدهشه بس هي شنو سبحان الخالق صايره تجنن باللبس والجسم والطول عبالك لعابه والعيون التسحر والكحل الجارته والقهرني كلش هي بدون عبايه فرت بس بنفس الوكت تذكرت وعدي الها لازم ما ادخل بحياتها بس شـْ◌ـّـْ﴿💜﴾ـّْـ◌ّـْلـّوْنّ
هنا جامعه وطلاب شلون راح اتحمل
تالي اجتلي الزكه ساره صاحتلي على المحاظره عفتها ومشيت دخلت للقاعه وشفتها كاعده اتجاهلتها تماما ماردت اضعف كدامها بس احتقرت روحي من شفتها نزفت من خشمها اتذكرت انه السبب سألتني حتى تطلع بس بدون ما تباوعلي
كتلها طلعي ودرت على صديقتها كتلها طلعي وياها خفت عليها لوحدها ما كدرت اطلع واعوف القاعه بس انه كلبي يمها حتى ما انتبهت بعد على شي
حجيت ويه الطلاب شلون ما جان وطلعت كلبي يمها
كمره:طلعت رحت للحمامات ردت اوكف النزيف ماكو حسيت بدوخه ردت اوكع سندت روحي على الحايط شوي ودخلت وراي هبه
هبه: شبيج عمري ليش هيج صار ويـٍّْـٍُّّـٍّْ❥ـاج✟
كمره: عفيه هبه بس انطيني كلينس بس خلي الدم ينكطع
هبه: طلعت الها صفطة كلينس وانطيتها ورفعت راسها وخليت راسها بين ايدي كتلها
انكطع الدم هاااا
كمره: اي بس عندي دوخه صارت وخنكه
هبه: تكدرين نطلع بره شويه شمي هوا
كمره: ليش عفتي المحاظره
هبه: ما عفتها
كمره:شلون طلعتي
هبه: الدكتور كلي اطلعي وراها
كمره: صدك تحجين
هبه:اي والله ليش متفاجأة
كمره: معقوله
هبه: هاااا زينب حسستيني مسويه جريمه امشي نطلع
كمره: طلعنا للحديقة لأن انه ما ردت اروح للكافتريا حتى لا التقي ويه هذا الولد مااريد مشاكل
كعدنا على مصطبه شوي ارتاحيت بس قميصي تلثك شوي دم وصارت عندي دوخه
هبه: هسه شلون صرتي
كمره: زينه احسن
هبه: تكدرين تدخلين محاضره الثالثه
كمره: لا ما اكدر ادخل هيج راح اخابر اخوي يجي ياخذني راح اضرب المحاضره
هبه: خوش انه رايحه من توصلين طمنيني عنج
كمره: ماشي
راحت هبه
اتصلت على صلاح اجى أخذني ورجعت للبيت بس ما كتلهم على حالتي ما ردت أقلقهم علي
كتلهم خلصت محاضراتي
احمد: طلعت من القاعه ظليت ادور عليها ما شفتها رجعت لغرفتي ما اعرف شسوي ظليت مقيد لا اكدر اتصل ولا اكدر اسكت كلبي اكلني عليها
اتذكرت صديقتها رجعت للقاعه شفتها وحدها استأذنت من دكتور سيف جان عدهم كتله من رخصتك رايد الطالبه هبه خمس دقايق
هبه: انصدمت من كال الدكتور احمد طلعت من القاعه ورحت وراه جان يمشي بخطوات سريعة ومبين عصبي دخل لغرفته ودخلت وراه
احمد: اي احجي هبه شبيها صديقتج
هبه: دكتور ما اعرف والله يمكن ارتفع ضغطها
احمد: وشلون صارت وينها هسه
هبه : حست بدوخه واتصلت على اخوها اجى اخذها
احمد:يـ؏ـنـي راحت للبيت
هبه:اي
احمد: تكدرين تتصلين عليها هسه
هبه: ماشي
اتصلت كتله جاي يدك محد يشيله
احمد: حاولي اكثر
هبه: دكيت اكثر من مره لحد ماشالته
اشرلي فتحي سبيكر فتحته
كمره: الوووو
هبه: هااا زنوبه ظل بالي يمج شلون صرتي
كمره : زينه الحمدلله
اكلج عفيه صوريلي المحاضرات ورسليها على الواتس اب
هبه • ﺂنٰ شۨـِﺂءۙ ﺂللـِه۫ہ ٰ
يله باي
كمره: باي
احمد: تكدرين ترجعين
بس ما اريد احد يعرف انه سألتج وخصوصي الطالبه زينب بس ردت اعرف هي بخير لأن صار هذا الموقف بمحاضرتي
هبه: تأمر دكتور
احمد:مرت ايام وانه كمره نفس الشي انه ادخل للمحاضره بس ابد ما احسسها بشي اعتبرتها طالبه عاديه حالها حال الطلاب بس ما انكر اسرق منها نظرات وهي مدنكه تكتب لو تحجي ويه صديقتها مرات أراقبها بدون ما تعرف
ما اكدر اتركها بحالها على الاقل بيني وبين نفسي اكوشي يشدني الها بدي اكضها احضنها اشمها اشتاقيت الها يا ناس هي حلالي وانه جاي أتعذب وخصوصي من اشوف نظرات الطلاب وحتى الاساتذه الها هي حلوه وعيونها تجذب النظر بس الله شاهد ما شفت مثل ثكلها وأخلاقها ولا عدها اختلاط بأحد ما عدا كم بنيه ودائما راكزه حتى بكلامها الكل معجب بأسلوبه
وانه من يمي افور من اشوف احد يحاول يسألها لو يحجي وياها واجى اليوم الي اتصل بيه صديقي النقيب كرار كال انه جاي للبصره عندي شغله اريدك وياي انه اتعذرت منه كتلي عندي محاضرات تعالي للجامعه والله كريم اشوف شنسوي
دخلت للمحاضره وطلعت لكيت كرار داك علي ٥٠ مره
ضحكت وكلت الله ياخذك كرار دكيت علي وشال التلفون
كرار: الو ولك وينك صارلي ساعه ادك مو انسمط ابو ابوي
احمد:هههههه
ولك سلم اول مره
كرار:اي اضحك شـ ؏ـلـيـګہ انت شسلم ما تستاهل
احمد: ولك جنت بالمحاضره توني خلصت تعال للقسم ادخل بس كللهم جاي من طرف دكتور احمد انه راح انطيهم خبر
كرار: امري لله دكتور احمد جايك
دخلت للجامعه اول مره ادخل لجامعة البصره انه جاي قبل للبصره بس الجامعه هاي اول مره اباوع للصاكات عمي يخبلن بوياي المن اصعد للعكره احمد خل اظل أمتع نظري بس اتذكرت شغلي لازم ما أتأخر علي باجر لازم ارجع لبغداد دخلت للقسم واشوفلك ذيج البنيه التخبل تجدح جدح لا والعيون خلتني اصفن بوجها الصراحه معت تحججت كلت خل اسألها على غرفة احمد
العفو بلا زحمه اكدر اسأل سؤال
كمره: تفضل اخي اسأل
كرار: بكلبي منين اجيت اخوج
غرفة الدكتور احمد وين
كمره: سألني على احمد كتله هاااا بعدين كتله
تمشي هذا الممر تدور يمنه تلكه غرف الاساتذه والباقي انت تعرف عن اذنك
كرار: اذنج معج
عافتني وراحت حتى ما لحكت اباوع عدل خرب شرفج على هيج خلقه
انتي لوعندي اضمج بصندوك وفنج تطلعين
مشيت الممر مثل ما كالت دكيت ودخلت كال تفضل دخلت
احمد: هلا بالنقيب اليوم البصره منوره
كرار: عمي منوره بيكم شلونك ولك مشتاقلك
احمد: وداعتك انه اكثر ليش تأخرت
كرار: والله يا احمد شفت الصاكات ومعت ما ردت اصعد لك
احمد: ولك عيب هاي أعراض عالم انت يمته توب
كرار: ليش اتوب بالله لا تصير علي شيخ احنا هنا جامعه المضيف بقريتكم
ولك والله شفت وحده بوياي احمد وغلاتي عندك عرفني عليها
احمد: انجب ولك شكلولك علي مرشد علاقات
كرار: ولك لهسه مدوهن بعيونها مو بنيه تخبل
احمد: اكلك انت جاي تزحف لو عندك شغل
كرار: ذكرتني والله فقدتني حتى تركيزي يله اطلع وياي
احمد: شطلع عندي محاضره ما اكدر اطلع
تانيني اخلص ونطلع
كرار: لا بشرفك ما الحك لازم ارجع اليوم
احمد: زين راح اخابرلكرعلى وسام كاعد لا شعل ولا عمل بس يدور صاكات مثلك
على الاقل تدورون سوى
كرار: هههههه اي والله تسوي فضل
انت عكره جنت شايل هم شلون راح اجرعك
احمد: انجب ولك لا اكوملك
اتصلت على وسام كتله تعال للكليه عندي شغله وياك بس ما كتله كرار هنا
كال جايك كيف الحمار من سمع كليه
كمره:خلصت محاضرات وطلعت شفت شاب بس مبين مو من الكليه حتى لهجته مو مثلنا مبين بغدادي بس نظراته ما عجبتني جاوبته عفته ورحت
دكيت على صلاح شاله
صلاح: الو هااا كمره اخيتي
كمره: وينك تأخرت خلصت من مده
صلاح: السياره عطلت بنص الشارع لا اكدر اعوفها واجيج ولا اكدر اظل
كمره: جا شلون
صلاح: راح اخابر على حسين يجي عليج بتكسي انتضري
كمره: اخاف يتأخر
صلاح: حتى لو ما ترجعين وحدج الطريق طويل وابوي لو سمع يذبحني
كمره: خل ارجع بتكسي انه
صلاح: غير اذبحج وعلي كمره انتضري واحد من الولد لا تتسودنين
كمره:امري لله راح انتضر
جاي احجي بالتليفون وأمشي وهل مره اندعمت بحايط مدري واحد وانه ضايجه كتله وعمه ما تشوف
وسام: دخلت للكليه صفنت بوجوه الحلواة وشرد ذهني ودعمت بوحده بس من شفتها وهي تكلي وعمه
كتله هاي انتي كمره شتسوين هنا
كمره: سديت التلفون ظليت ساكته خجلت من تصرفي ودنكت ما توقعت وسام هو كتله
شيخ وسام ما قصدي اعذرني بس جنت احجي ويه صلاح بالتلفون وما شفتك جنت ضايجه وصارت بوجهك
وسام: مرت اخوي ما صار شي ٲℓانــتيہ تمونين علي ٲℓانــتيہ تداومين هنا
كمره: اي
وسام : ونفس الكليه والقسم ويه احمد
كمره: مع الاسف
وسام: ههههه ليش مع الاسف
كمره:اذا تعزني لا تسألني
وسام : براحتج
هسه كليلي ليش ضايجه
كمره: صلاح عاطله سيارته وردت ارجع بتكسي ما قبل كال انتضري حسين والطريق طويل شوكت يجي وشوكت نرجع
وسام: من كل عقلج ترجعين وحدج بتكسي
هو منو يقبل انه واحد من الناس ما اقبل لا تستغربين بعدج مرت اخوي يـ؏ـنـي مثل اختي عرضي
كمره: تسلم شيخ
وسام: لا تكولين شيخ بعدني صغير
كمره: هههههه
وسام: بويه لا تضحكين الوادم تعاين عليج تصيرين حمره لا يطلع رجلج ويشوفج وينكلب طنطل علينا
كمره:ما يسوي شي البينا منتهي مجرد ورقه يجي يومها وتشكك
وسام: ٲℓانــتيہ واثقه
كمره: جاي اشوف بعيوني
وسام: هاي حياتكم انتم احرار
وهسه ترجعين وياي انه عندي شغله يم احمد اشوف شيريد وارجعلج
كمره: لا شيخ انتظر حسين
وسام: شنو ما عندج ثقه بيه بعدين لحد ما يجي اخوج صاير المغرب
كمره: ماشي بس راح انطي خبر لصلاح حتى لا يخلي حسين يجي
وسام: انه رايح
درت وشفت احمد هو وكرار يباوع علينا انه انطيته خبر من دخلت للكليه كتله وصلت بس ما توقعته ينزل لباب الكليه
درت على كمره جانت تتصل على اخوها وكتلها كمره شوفي منو يباوع علينا
وسام: انا اخوك عادل انوخذنا
كمره: شبيك خفت
وسام: خايبه هذا احمد خزرته تجفل
كمره: ههههه
شفته وشفت يمه هذا البغدادي العيونه زايغه هم ظل يباوعلي ويحجي ويه احمد بس احمد صار وجه ما يتفسر انكلب نار
انه تعمدت اضحك واخلي احمد يشوفني ردت احسسه شوي بنار الغيره
انه صارلي ايام اشوفه هو وهاي الدكتوره ساره شلون تتموع علي بدها تاكله
وسام: ولج انه رايح اكل الرزاله عنج وعني ظلي هنا تانيني لا ترحين
كمره: شروح انطيت خبر لصلاح انتظرك
احمد: وصل وسام للكليه خابر كال انه جوه وصلت كلت هذا هسه يشوف البنات ويضيع خل ننزل جوه انه اروح لمحاضرتي وانت تروح وياه
كرار: يله امشي ننزل وبلكي أصادف هاي الغزاله
احمد: كرااااار
كرار: عمي راح اسكت
احمد: امشي كدامي
نزلنا وشفته هذا وسام السكط واكف ويدك فج هو وكمره وهي تضحك وتنكلب حمره دم فورت دمي شلون عاد انه عايز
كرار:ولك احمد هاي الغزاله لكتلك عليها
احمد: شتقصد
كرار: ولك هاي الي تحجي ويه اخوك
احمد بشرفك تعرفها
احمد: كرار صدك انت تحجي
كرار: اي شبيك نكلبت
احمد: كرار والله لو ما صديقي واعرفك ما تعرفها جان شربت من دمك هسه
كرار: اي ليش
احمد: ولك هاي مرتي
كرار: احمد تشااقى
احمد: ٲٳٲسـ๛ۖــۖـتغفـر اللهہ
شوف كرار عيونك والله افكسها الك اذا رفعته
كرار: لا عمي اتوبه
بس تدري والله صيده ما عدها اخت
احمد: كراااااار كافي عاد
كرار: ههههه
شبيك صرت ما تتفاهم عمي اعذرني وهذا راسك ابوسه ومن هل لحظه هي اختي ورايح اعتذر منها
احمد: انت تحرك وشوف شسوي بيك
كرار: والله انت تخوف شلون صرت دكتور جامعي عمي انت ذيب
احمد: امشي تكسح من وجهي انت وهذا الثاني انه الكم
اجى وسام سلم على كرار وكال
وسام: خيرك شيخ مودي علي
احمد: انه هنا دكتور
الشيخ بالبيت وبعدين كلي شعدك ويه كمره بنص الكليه ضحك وسوالف
كرار: لا وانوب اسمها كمره اشتعل جدك احمد(بهمس)احجي
احمد: ترى سمعتك تسكت لا اسكتك بطريقتي
كرار: ساعة السوده من اجيتك طلعتها من خشمي
احمد: تستاهل مودي عليك انه
وسام: لا تتعاركون كلولي شتردون خل اروح تأخرت
احمد: ًوٌَين مولي
تروح ويه كرار عنده شغل هنا يريدك وياه
وسام: وليش مو انت
احمد: عندي محاضره ما اكدر اعوفها
وسام: صار كرار روح كدامي وانه راح اخابر كمره واجيك
احمد:ليش كمره
كرار انت روح
وسام: اخوها سيارته عطلانه ورادت ترجع بتكسي وحدها وما قابل ما تريد تتأخر كتلها انه اوصلج بطريقي ما عبالي كرار وياك
احمد: شلون توجع وحدها هاي تخبلت
وسام: انه معليه
ذيج مرتك روح حاسبها
احمد: والله الا اكسر راسها
وسام: هسه شلون اخذها لو لا الولد ينتظر عيب
احمد: على جثتي تروح وياكم
لا وانوب كرار وياك
خابرلها خل تجي بسرعه
وسام: الووو ها كمره تعالي لباب القسم انه واكف
كمره:رحت لباب القسم شفته واكف هو واحمد وكفت ما ردت اروح يمهم
كرهت هذا الموقف كله من وسام لو منتظره حسين مو احسن الي من هاي البهذله شفتهم اجو اثنينهم انه الصراحه تخردلت اي اول مره اشوف احمد هيج قريب علي من بعد ٣ اشهر ويمكن اكثر
احمد: وسام انت روح
كمره: وين شيخ اخذني وياك
وسام: اعذريني مرت اخوي الجهات العليا ما تقبل الله يعينج على ما بلاج
كمره: هااااا
احمد: وجعااااا
كمره: رحم الله والديك شيخ
عفته وردت اروح ما حسيت غير سحبني من ايدي كدام الطلاب انه خشيت بهدومي كلش خجلت شلون المسويه سوايه بس حقي محد يعرف انه مرته
والطلاب يباوعولي منصدمين يعرفون احمد دكتور عصبي بس راكز ما عنده سوالف مو زينه
كتله عفيه عوف ايدي شكاعد تسوي منا الطلاب شيكولون علي
وصلني لغرفته فتح الباب ودخلني وسده
عكط الجنطه وطبكني على الحايط وعاط بيه
احمد:شتتوقعين يكولون وليش خايفه
كمره: محد يعرف وضعنا اكيد هسه صرت حجايه بحلوكهم
احمد: انه أريدهم يعرفون كافي عاد
سمعيني انه هسه مستعجل عندي محاضره راح اروح واقفل عليج باب الغرفه تبقين هنا وما اريد صوتج يطلع حسابج بعدين
كمره: طلع وقفل علي الباب
بس حسيت بفرحه عرفت احمد القديم رجع قررت بيني وبين نفسي شيكول وشيسوي ما اعانده ما اريد اخسره
انه كوه طلعت من الصدمه الفاتت الغرفه جانت بارده كعدت على القنفه وغفيت ونمت
احمد: خلصت المحاظره وطلعت شافتني الدكتوره ساره يمكن صار عدها علم بالي صار
ساره: دكتور شنو الي سمعته من الطلاب
احمد: شسمعتي
ساره: شنو انت عندك علاقه بهاي الطالبه
احمد: ومنو انتي حتى تحاسبيني
ساره: انه ما جاي احاسبك بس هنا حرم جامعي وانت دكتور الك سمعتك
ما تسوى تنزله على مود نزوى ويه طالبه جذبتك
احمد: احجي عدل دكتوره مو انه الاسوي علاقات ويه طالباتي
وما اسمحلج تحجين عليها افتهمتي لو لا
عفتها تاكل بروحها بلكي تفك عني ياخه جكد تغث سبحان الله ما تنطاق
دخلت للغرفه شفتها شلون نايمه ما حبيت اكعدها ردت اشبع منها شوف جانت شوفتي الها حصره وخصوصا بالمحاضرات
اتصلت بأخوها كتله اليوم كمره يمي انه أرجعها طبعا هو ما يعرف سولفتله كلشي وكتله انطي خبر للوالد حسيته ارتاح جان شايل هم الها
شفتها تحركت عرفت راح تكعد رجعت على وضعيتي الباره وياها
كمره: ليش ما كعدتني انه تأخرت لازم ارجع
احمد: ما ردت اكعدج كسرتي خاطري شفتج تعبانه
كمره: باوعتله بدهشه وفتحت اعيوني ما مصدكه
احمد: يله كومي
نزلنا انه امشي وهي تمشي وراي وصلنا للسياره صعدت وكتلها صعدي
ظلت واكفه
احمد: صعدي شمتانيه
كمره: اصعد ورى
احمد: مو بكيفج صعدي بسرعه لا تطلعين خبالاتي عليج هسه
كمره: نعلت الشيطان واتذكرت شنو قررت صعدت وسكتت
ومشينا الطريق بالبدايه هدوء وبعدين حسيته رجع لطباكاته عصبي وينافخ مدري شذكر
احمد: ٲℓانــتيہ ليش عنوديه
شلون تردين ترجعين تكسي وحدج انتي تخبلتي
تدرين لو مسويتها والله جان محد خلصج مني
كمره: هااااا
احمد: لا تصيرين فاهيه وبطلي اهااا هاي ترى تغثيني من تكوليها
كمره: بشنو عاندت انه
احمد: والله ما ينعدن
لو أعدهم منا لباجر ما يخلصن
كمره:كول وعد ما عندي شي اسمعك
احمد: سبحان الله متغيره هم
كمره: احمد بالضبط شتريد
احمد: شكلتي (بصدمه)
كمره: شكلت (بفهاوه)
احمد: اول مره تكولين اسمي مو اكلج متغيره
قبل جنت أتمنى اسمعه بس هسه تفاجأت
كمره: ......
احمد: ليش سكتي
كمره: شكول ٣ اشهر مده طويله هواي تعلمت بيها وبنفس الوقت تندمت
احمد: على شنو تندمتي
كمره: ما اريد احجي ما اريد اجرحك لو الجم جروحك
احمد: ماشي
ليش رجعتي تدرسين
كمره: تعرف الي صار بينا يمكن الحسنه الوحيده هي رجعت ادرس بفضلها
صح انه جنت مفضله دراسة بغداد وجنت قافله لوهي لو ما ادرس بس بعدين تراجعت كلت احسن هنا اكمل على الاقل قريب لأهلي
احمد: شنو صار بالضبط
كمره: بعدك حسيت بذنب ودخلت بصدمه وحاله نفسيه واكتأب وضعفت وتركت الاكل وتمرضت اهلي خافوا عليه واقترحوا علي اكمل الدراسه بس هنا وانه وافقت كلت ما تتكرر هاي الفرصه
احمد: هذا كله صار الج
كمره: اي واكثر بس اختصرتها
احمد: اطلب منج طلب
كمره: اطلب
احمد : من باجر تلبسين عبايه والكحله تبطليها
كمره: مستحيل
احمد: لا تعاندين
كمره: بالكليه مستحيل البس عبايه ما اكدر
احمد: بعدج على عنادج
كمره: ما الك حق تحاسبني انت تركتني
احمد: ماشي كمره راح اعلمج حساب جديد
كمره: شسوي يعني
احمد: هسه تشوفين شسوي
كمره: وصلنا للسلف عبالي راح ياخذني لأهلي بس شو هذا بدل الطريق
وين جايبني
احمد: سكتي ما اريد اسمع صوتج
كمره: احمد حباب عوفني ارجع لهلي انت اختاريت طريقك وبعدتني عنك
احمد: وصلت لأهلي نرلت ونزلتها كضيتها من ايدها دخلنا للبيت شافتني امي تعجبت
الشيخه: خير يمه شصاير ليش تتعامل هيج وياها حل كلشي بالتفاهم
احمد: اعرف شلون اتعامل وياها
يمه كمره ما تمشي بالتفاهم جربت وما نفع انه هسه اعرف شلون أعاملها
كمره: سحبني ورا وانه ما اعترضت حطيت ايدي على كلبي يدك سريع
جانت عيونه تخوف صعدني لغرفته ودخلني وقفل الباب عاد كتله
احمد ليش جبتني هنا
احمد: لحد ما يرجع عقلج لراسج
كمره: اهلي يظل بالهم علي راح اخابرلهم يجون ياخذوني
طلعت التلفون سحبه مني وكال
احمد:انه شكلت ليش تطلعيني من طوري ما طلعين منا لحد ما تقررين
كمره: شقرر اطلب غير شي الا هذا
احمد: براحتج معناهها تردين تظلين يمي
كمره: باقيه شعندي قابل شراح تسويلي
احمد: ٲℓانــتيہ كد هاي الحجايه
كمره: اي
احمد نشوف
كمره: عافني اخذ الخاولي ودخل للحمام سمعت دكت الباب كلت اي فرصه خل اشرد صحت منو
الشيخه: انه بنيتي فتحي الباب
كمره: عمه احمد قفله ودخل للحمام واخذ المفتاح وياه
الشيخه: صخام
جا شنو صار بينكم وانتي ليش رجعتي وياه
كمره: شيخه انه رجعت ادرس بالكليه وهو هناك وسولفتلها كلشي
الشيخه: يمه لبسي العبايه وتكفي الشر ليش تعاندينه تدرين فرحت من شفتكم سوى عبالي تصالحتوا شمدريني بيكم متلاطشين
كمره: عمه والله ما اعرف البسها ما متعوده عليها
الشيخه: يمه ٲℓانــتيہ بت عرب المفروض تلبسيها بدون محد يكلج
كمره: شيخه من أتعود عليها البسها بس مو بالكليه
الشيخه: يمه لو ما يحبج ويغار عليج ما يجبرج تلبسيها
كمره: عمه تكدرين تفتحين الباب تأخرت على اهلي
الشيخه: شلون افتحه يمه رجلج ما يتفاهم حاولي تقنعي
كمره: ايست من الشيخه مسوي خوفه بالعالم شويه وطلع من الحمام بس لاف الخاولي على خصره شهكت ودرت وجهي وخليت ايدي على عيوني
احمد: شبيج شهكتي عبالج شايفه جني
كمره: شيخ استحي شوي الله ﻋﻠﻴﻚ البس شي
احمد: ههههه رحت الها كضيتها من ايدها ودرته علي بلفه وحده ولطشتها علي صار وجها بصدري هي دنكت كتلها رفعي راسج باوعيلي عاندت عطت بيها وهي ظلت ترجف ورفعت راسها كتلها ها شو خفتي قبل شوي منو جانت تحجي بثقه
كمره: عوفني الله يخليك شتريد مني انت مو عفتني
احمد: بعدج تكرهيني وما تطيقيني
كمره: هاااا
احمد: ٲٳٲسـ๛ۖــۖـتغفـر اللهہ مو كتلج ما اريد هاي الكلمه
كمره: شراح تسويلي
احمد: تلبسين العبايه اعوفج ما تلبسينها اجرب بيج شغله حلوه
كمره: شنو هي
احمد: هههه ولج انتي صدك فطيره
كمره: ليش تريدني البس العبايه
احمد: من ضيمي غير
كمره: شمسويتلك انه
احمد: ناعله سلفا سلفاي
ولج من اشوفج بالكليه لبسج وعيونج والكحل اموت بدمي
واشوف نظرات الطلاب الج اشبع قهر واليوم من وصفج الي صديقي كرار الله ستر جا دميته
عاد حسي بيه يا بت الناس ما كفتج ٣ اشهر جفا تردين بعد وكت كولي لا تظلين ساكته
كمره: انت تحبني
احمد: سألتني سؤال صعب ما كدرت اجاوبها انه فعلا ما اعرف احبها لو بس اريد احافظ عليها من عيون الناس سكتت ما جاوبت
رادت تعت ايدها مني ما كدرت وكالت
كمره: شوف انت حتى ما جاوبتني انت كلبك شوكت ما يدكلي أنفذ كل طلباتك عوفني هسه خل اروح
احمد: ما اعرف ليش ما ردت اعوفه قويت حضنتي الها رفعت وجها واخذت شفايفها برقه جذبتني بت اللذين ما كدرت اقاومها رادت تدفعني ما كدرت انه أقوى منها ورجعت بستها بس هل مره أقوى ظليت ابوسها بالربع ساعه منا لمن شبعت منها وهي ظلت ترافس بين ايدي وخرت منها وانه الهث
وهي تتنفس بصعوبة وخليت كصتي على كصتها وكتلها راح احدد.......
لهنا ينتهي البارت ١٩
• ﺂنٰ شۨـِﺂءۙ ﺂللـِه۫ہ ٰ'💛ۦ⇣ يعجبكم