"လာ မင်းအခန်း လိုက်ပြမယ်"
San က ပြောပြီး သူ့ကို ဦးဆောင်ခေါ်သွားသည်။ဒီနေ့တော့ အတွေးပေါင်းများစွာက Hongjoongရဲ့ ခေါင်းထဲ ရောထွေးစုပုံလျက်။
_________________________________________"Jung Wooyoung!"
"ဗျာ"
အရာရှိလေး Wooyoung တစ်ယောက် စခန်းမှူး Jongho ရဲ့ အဆူအငေါက်ကို စခန်းရောက်ရောက်ချင်း ခံလိုက်ရသည်။ သူကလည်းသူပဲ။ ဟိုတစ်ရက်က bar သွားရင်း အပြန်မှာ လွတ်သွားတဲ့သူခိုးကို တွေ့လို့ သူတစ်ယောက်တည်း မိအောင် ဖမ်းပြီး စခန်းခေါ်လာခဲ့သည်။ ပုံမှန်ဆို စခန်းမှူးကို တင်ပြရမှာ ဖြစ်ပေမယ့် အရက်ရှိန်ကြောင့်ရယ် bar က နတ်ဆိုးကြောင့်ရယ်အဲ့လို အကြောင်းကြောင်းတွေကြောင့် သူလုပ်ထုံးလုပ်နည်းတွေ အကုန်ကျော်ချကာ သူ့သဘောနဲ့သူ အချုပ်ခန်းထဲ ထည့်ထားခဲ့သည်။ ရိုးရိုးထည့်ခဲ့သည်တော့မဟုတ်။ ထိုသူခိုးရဲ့မျက်နှာ ဖူးယောင်ပြီး မသေရုံတမယ် ရိုက်နှက်ပြီး ထည့်ခဲ့မိခြင်း။ သူ့အပြစ်ချည်းပဲတော့လည်း မဟုတ်ဘူးလေ အဲ့သူခိုးက ကောင်းကောင်းမွန်မွန်မှ အဖမ်းမခံတာ အဲ့တော့ဒီက အရာရှိလေးက လက်စွမ်းပြပေးရတာပေါ့။ လက်စွမ်းအပြလွန်လွန်သွားလို့ အခုတော့ စခန်းမှူးကြီးဆူငေါက်တာ ခံရပြီလေ။"အပြစ်သားကို ဖမ်းမိရင် ရဲအရာရှိတစ်ယောက်အနေနဲ့ ကိုယ်ထိလက်ရောက် သွေးထွက်သံယိုအထိ ဖြစ်အောင် မလုပ်သင့်ဘူးဆိုတာ မသိဘူးလား"
Jongho တကယ် စိတ်လေနေသည်။ သူဒီတစ်ယောက်နဲ့ ဘယ်လိုလုပ်ရမလဲ။ သူဒီစခန်းပြောင်းတာဝန်ကျတဲ့နေ့ကစပြီး ဒီနေ့အထိ ထိုအရာရှိကြောင့် ခေါင်းမကိုက်ရသည့်နေ့မရှိ။ ထိုအရာရှိက အရည်အချင်းရှိသလို ထက်လည်းထက်သည်။ တိုက်ရည်ခိုက်ရည်ဆိုရင် သူရယ် သူ့တွဲဖက် Yeosang ရယ်ကို မီတဲ့သူ စခန်းမှာ အခုထိပေါ်မလာသေး။ တစ်ခုပဲ။ ထို Jeong Wooyoung သည် အလွန်ရှပ်ပြာရှပ်ပြာနိုင်လှပြီး မထင်ရင် မထင်သလို မီးမွှေးတတ်သည်။ ဒါကြောင့်ပဲ သူအမြဲသွေးတက်နေရတာ။၁ နာရီလောက်ကြာအောင် စခန်းမှူးရဲ့ သြဝါဒမဆိုအပ်သော သြဝါဒတွေကို နားထောင်ပြီး ကိုယ့်ဌာနကိုယ် ပြန်လာခဲ့သည်။ နေ့လယ်စာနားချိန်ရောက်တော့ သူအနီးအနားက ကော်ဖီဆိုင်သွားရန် ပြင်လိုက်သည်။ ပုံမှန်ဆို Yeosang နဲ့အတူ နေ့လယ်စာသွားစားဖြစ်ပေမယ့် Yeosang က လူသတ်မှု တစ်ခုနဲ့ ပတ်သက်ပြီး မနေ့ညက ခရီးထွက်သွားရသည်။ ဒီတော့လည်း သူတစ်ယောက်တည်းပဲပေါ့...
"ကြွပါခင်ဗျာ"
ဒီ ကော်ဖီဆိုင်ကို သူအရမ်းကြိုက်သည်။ ဆိုင်ထဲဝင်လာတာနဲ့ အပြုံးချိုချိုနဲ့ နှုတ်ဆက်တဲ့ ဝန်ထမ်းတွေရယ် ဆိုင်အနှံ့ သင်းပျံ့နေတဲ့ ကော်ဖီနံ့ရယ် သက်ရပ်တဲ့ ဆိုင်ခန်းအပြင်အဆင်ရယ်ကြောင့် သူ့စိတ်တွေ အမြဲအေးချမ်းသွားသည်။ အင်း သူလည်း အငြိမ်းစားယူတဲ့အခါကျရင် ဒီလိုကော်ဖီဆိုင်ဖွင့်ရင်ကောင်းမလား။
"Americano တစ်ခွက်"
သူသောက်နေကျ Americano မှာပြီး လူရှင်းသည့် တစ်နေရာမှာ ထိုင်လိုက်သည်။ သူထိုင်တဲ့နေရာက ပြတင်းပေါက်ဘေးဖြစ်နေလို့ ပြတင်းပေါက်ကနေ မမြင်ဖူးသည့် ခမ်းနားလွန်းလှသော သူတို့ စခန်းကြီးကို ကြည့်နေလိုက်သည်။
"ကျက်သရေကို မရှိဘူး""ကိုယ့်ကိုပြောတာလား"
ရင်းနှီးနေသည့်အသံရယ် ကိုယ်သင်းနံ့ရယ်ကြောင့် အသံလာရာကို မော့ကြည့်လိုက်သည်။ ဒါ ဟိုနတ်ဆိုးကောင်။ နတ်ဆိုးကောင်လို့ သိတာနဲ့ ချက်ချင်း မျက်နှာတွေ နီရဲလာကာ ဒေါသထွက်လာသည်။ ပြောလိုက်တဲ့စကားက သူတို့အမိစခန်းကြီးကို ရည်ရွယ်ပေမယ့်လည်း ထိုနတ်ဆိုးကို အမြင်နကြည်တဲ့စိတ်ကြောင့်
"သိရင်ပြီးတာပဲ""သြော် ကိုယ်လည်း ဘာမှမလုပ်ရသေးဘဲနဲ့"
မျက်ခုံးတစ်ဖက်ပင့်ကာ သူ့ကို မေးခွန်းထုတ်နေသော ထိုနတ်ဆိုးကို ဖြစ်နိုင်ရင် အမှုန့်ကြိတ်ပစ်ချင်သည်။"အပြောခံရမယ်ဆိုလည်း လုပ်ပြီးမှ အပြောခံရတာက တန်တယ်မလား"
ဟု ဆိုရင်း မျက်လုံးတစ်ဖက်မှိတ်ပြကာ သူ့ရှေ့ထိုင်လိုက်သည့် ထိုနတ်ဆိုးကြောင့် ထိုင်နေသည့် နေရာမှာတင် အငွေ့ပျံချင်သွားသည်။ Jeong Wooyoung...မင်း ဒီနေ့ကံမကောင်းပါလား...
_________________________________________
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...
အခန်း ၆
Start from the beginning