وبشر الصابرين

البارت السادس

جاوبت كوة واني الغصة مبية ببلعومي ..

ها مازن ..

مازن: شيرين انتي راضية بزواجج هذا لو لا .

شيرين: ماعرف بالموضوع اصلا ..
هستوني سمعتكم تسولفون ..

مازن :يابة فوكاها يعني انت صارلك سبوعين من منطي موافقة وشيرين متدري شكو يابة بس كلي رحمة لربك الفوكاك .. انت ماعندك رحمة ..

وشيرين مو صغيرة حتصير ٣٠ وانت تعاملها حالها حال الجهال هيج موضوع مينضم وحتة بالشرع النبي وصة ناخذ موافقة البنية ..

شوان :حيوان تعلمني بالدين .. وانت كلتها حتطب ال٣٠ منو يدك بابها بعد .. مو زين رضة بيها هلرجال وابن عمك السرسري لازم الشارع ومهدد شكو واحد يخطبها لحد مراحت قسمتها ..

مازن: يابة لا تسوي روحك غشيم انت تعرف كلش زين هيمن ميسويها واذا سواها فهنة ٣ مرات او ٤ ..
وعاتبتةوبطل يسوي هلسوالف .

ومرتك طشت السالفة وخلتها بحلك النسوان لحد مكامو يخافون على ولدهم من هيمن ..

شوان: لك شوف وانتي هم شوفي زواج بكيفي ازوج مو انتو تقررون ..هذا بيتي .. والكل تحت طوعي .

مازن: بس اني مكاعد عندك والحكم ميشملني .. وشيرين اخذها وياي ..

ماجد : بصوت ناصي. ...مازن عوفة متشوفة عصبي وكام يعاند .. خل يهدئ ونتفاهم.

مازن: مااعوف السالفة ليش نخرب حياتها مو كضت عمرها تخدم بيهم بدون متحجي .. هيج يجازيها ..

شوان: انت الظاهر عقلك مشوش ارجع لبيتك وافهم الي دتحجي وياه ابوك وتاج راسك ولا تشوفني كبرت تكوم تغلي صوتك وتفرض راأيك ترة بالقندرة اجفص راسك واطلع بررررااا .

شيرين: طلعو اخواني .. واني دصعد لغرفتي حجة ابوية ..

شوان: انتي حضري روحج .. بعد يومين المهر مالتج .

شيرين: باوعتلة وعيوني متروسة دموع وحمر دم .. ضلت ابوعلة وبعدين هزيت راسي وطلعت لغرفتي ..

شكد جنت عايشة وياهم .. شكم سنة واني وياه بنفس البيت .. يمكن المرات الي صاحني باسمي تنعد على الاصابع .. كلة لو القاب .. لو كلمتة المشهورة هي انتي ..

مرن اليومين امر من الايام القبلها .. رايحة لعالم غريب ولا اعرف احد حتة اسمة مشايفتة ..

لبستني شيلان ورتبتني هية وديلان واني بس صافنة ماكو رد فعل ..

شيلان: شيرين حبيبتي لا تضوجبن يجوز يطلع احسن من هلعيشة هاي .. ومازن كال الولد طلع يعرفة وخوش ولد وصديقهم .. صح جان معارض مازن بالبداية لان مجان يعرف منو ..

والله لو تسمعين مازن وماجد شلون حمدو بي تروحين وانتي مغمضة

شيرين :واذا طلع مو احسن .. شسوي بهيج وضع اجي لابوية الباعني ..واكلة يابة البعتني الة باعني ..