وبشر الصابرين

البارت الثالث

//وبشر الصابرين //

بقلم Aseel..

البارت الثالث ...

.............
شيرين : نمنا اني واخواني جنا متأمنين واحد بالثاني .. خايفين من الدنيا ... اطفال وانشمرنة بغابة ومنعرف مصيرنة شنو ..

منعرف اذا الاب الظالم يحن علينة ...
منعرف اذا مرت الاب ترحمنا وتحتضنا ..

نمنا واحنا منعرف مصير حياتنا شنو ...

كعدنا الصبح على هوسة وصياح جهال ولعب ..

مازن: اهووو من صباحيات الله شنو هلهوسة هاي الواحد مينام ..

ماجد: خرب راح اطلع اكتلهم .. اريد انام ولكم مشبعان نوم ...

مازن: انوب ماكو ساعة شي .. شلون نعرف الوكت ..

شيرين :رحت فتحت الشباك جان الجو بعدة مطالعة الشمس كلها ..
اعتقد هسة بالسبعة لو بالستة ونص ..

مازن: وهذولة الدجاج شكعدهم .. بابا عطلة عطلللة نريد ننطمر ..

شيرين: .. مازن .

مازن: ها .

شيرين: اريد اطب للتواليت .. شلون اطلع استحي .

مازن: خل اطلع واشوف احد ..

شيرين: طلع مازن واجة ورة شوية اخذني ..

شيرين: وين موديني ..

مازن: اذبج بالشارع .. لخاطر الله مو تريدين تواليت ..

شيرين: اي اي نسيت ..

مازن: دمشي ادليج عليها وانتي روحي وحدج بعد هذا صار بيتنا النة حق بي مثل ما جهالة الهم حق بي ..

شيرين: ضليت صافنة بوجه ماعرفت قصدة ..بس اشرت براسي ..

رحت طبيت .. وغسلت وجهي وبللت شعري حتة امشطة عدل .. نة نة علمتني على النظافة .. واني اخذت النظافة والترتيب هوس .. حتة ابوية ينعجب بية .. وهسة اني ببيتة لازم كل الوقت حلوة ونظيفة ..

كملت وطلعت ..لكيت مازن واكفلي ..

مازن: روحي باجي احلام تصيحج تكول خل تساعدني بالريوك ..باعي مو تلعبين بالنار بس حضري ..

شيرين: اي ماشي بس امشط ..
رحت طبيت للغرفة مالتنة طلعت مشط من الجنطة وبديت امشط جنت اظفر شعري ..

ماجد: اكلج اكو عدهم اكل لو اضل نايم ..

شيرين :عزززة مازن كلي باجي تريدج .. خررب نسيت

رحت اركض للمطبخ لكيتها تقريبا مخلصة ..

احلام : وين جنتي مو صحتلج ..

شيرين :جنت امشط شعري لان مخربط ..

احلام :اني متزوجة ماارتب روحي الصبح انتي شكو شعندج عندج رجال .. بطليها هاي السالفة عيب ..