وبشر الصابرين

البارت السادس

مرحباا...

///وبشر الصابرين ///

بقلم Aseel.

البارت السادس..

............

ام شاهين: لعد شعجب متزوجت لهسة ..

احلام: ابن عمها حشاج ارعن لازم الباب وياهو الي يجي يطردة لو يهددة حتة قطع قسمتها ..

شيرين: تنرفزت من غلطت عليه .. ليش هوة منو القطع قسمتي غيرج انتي ومرت عمي. .. اوف لو بيدي احجي .. بس الخوف عاميني .. جنت احجي بكلبي وساكتة واباوع عليهن ..

جانت المرة نظراتها غريبة الي ...

عفتهم وصعدت فوك .. حسيت الدنيا ضاكت .. والعمر يمشي بية واني انتظر وهم مراح يصير. ..

مر كم يوم والبيت هدوء ..
اشوف باجي وبابا نظراتهم غريبة وكأنو ناوين على شي لان يسولفون ومن اجي يسكتون ينتظروني اطلع يلة يحجون ..

الا فد يوم جنت بغرفتي سارحة باحلامي وبرواياتي ..

سمعت صوت عياط مازن وماجد وابوية ..
نزلت اركض من الدرج اريد اشوف شكو ..

مازن: يابة اذا متعاجز منها جيبها يمي بس مو مال تزوجها واحد ارمل وعندة ٥ جهال ..

شوان :انجب لك امشي بكيفك .. بكيفي اني المن اريد ازوجها ازوجها ..

مازن: بس مو واحد ارمل يابة تعقلها انت .اذا انت تقبل تنطي بنتك لواحد اكبر منها بنص عمرها ..اني مااقبل اختي الصغيرة تنذب هيج ذبة ..

اشافت من حياتها متكلي .. هاي ابدال متجازيها لان ربت اخوتها وربتنا واعتبرناها امنا رغم هية الي اصغر منا وجانت محتاجة الي يحويها هية حوتنا ..

تشمرها هلشمرة فوكاها عندة جهال بطولة .. شكلت لربك متكلي ..

شوان: انت ماتتدخل افتهمت اني ابوها وادرة بمصلحتها .. ولا عبالك هذني سوالفك اصدكك انت ميت عليها .. ترة ادري بيك صاف ويا ابن عمك الي لو تنطبك السما ع الكاع مايحصلها الة بموتي ..

ماجد: يابة مو قصة يريد يزوجها لهيمن احنا وياك زوجها وانت ادرى بمصلحتها بس مو ارمل وبركبتة جهال ..

مازن: بلة اخذت رأيها لو هم بعدها متدري ..

شوان :واحنا من شوكت ناخذ حجي نسوان ..

مازن: والله جنت متوقع هلشي ..شيررررين ..شيرين .

شيرين: جنت صافنة ودموعي تخر على خدي .. ماعرف شتصرف وشحجي .. من شفت ابوية بايعني بهلسهولة رغم تعبي وياهم وتحملي ضيمهم .

فزيت على صيحة مازن الي هزت البيت نزلت اركض من الخوف وعيوني مغرغرة دموع شكد حاولت اخفيهن ماكدرت جانن يتسابقن حتة ينزلن ..

مو بيدي بس من تشوف شخص كضيت عمرك حتة ترضي يبيعك بسهولة ..وماجازة تعبك خاصة هذا الشخص ابوية ..