مرحبا ...
///وبشر الصابرين ///
البارت الثاني والعشرون ...
بقلمي Aseel.
......
أصبّر الرّوح بيش وإنت بيه الرّوح
وإذا تطلع أظلّن بس جسد خالي
لكيتك من جنت ما لاكي كل النّاس
أنت أول محبّ وأنت صرت تالي
يلكلّك محبّة وأنت أحنّ مخلوق
معقولة الحمامة تصير كتالي
صح ماكو بجمالك أني أدري بهاي
وروجه رقّتك ما كظها أي جالي
حرام عليك تزعل وأنت الصّوج
أجيك أنا أعتذر وبلا ذنب خالي
...........
لافين : كمت من يم ابوية . ورحت اتغديت وارتاحيت اشوية . وانتظرت حسن يجي حتة يوصلنا ..
لان خطية محسن سبح ونام من التعب وميهون علية اكعدة يكفي التعب الي يشوفة بالدوام .
بدلت واتصلت على سوز حتة تتحضر .. وانطيت خبر لايفان بجيتنا .
اما سرى فاعتذرت عن الجية ماعرفت هية ليش زعلت وليش تحسست من كلام محسن رغم كلامة جان عادي .
اجة حسن واول مطب طفرت علية .
.. عليك الله قبل لا تطب بس ودينا لايفان ..
حسن: شبيج انتي فززتيني كولي بسم الله حمحمي .
لافين :هسة طابة عليك للحمام حتة احمحم ..
حسن :وهاي الطفرة شنو مال جهال ولج بابا كبرتي بطلي سوالف المزعطة .
لافين: مقبولة منك اخوية واكبر مني وتمون علية .
حسن: لا والله كولي عندي مصلحة واتحملك .. ولا ابغير وكت جان ركضتي لابوية وبجيتي يمة .
لافين :لا مو هيج بس من زمان متحضرة وانتظر اخوية حبيبي يجي ياخذنا
حسن :ياخذنا !!! من قصدج .. المن اخذ
لافين :اشبيك محد بس اني وسوز نروح لبيت ايفان امها طلعت من المستشفى ولهسة ما رحنا عيب منها
حسن: يلة عبالي فد شي خل انطي خبر لامي وانت صعدي بالسيارة .
لافين: رحت صعدت بسيارة عما اجة ..
مرينا على سوز ومشينا لبيت ايفان .
نزلنا من السيارة وعافنا وراح ..
دكينا الباب طلعتلنا ايفان سلمت علينا بس الوجه مكلوب ومبين باجية ..
لافين :شبيج ايفان
ايفان :ماكو شي تفضلو
سوز :يا ماكو شي شوفي وجهج
YOU ARE READING
وبشر الصابرين
Romanceقصة حقيقية. ١٠٠% بنت تروي لنا حكايتها وتصف حياتها وحياة والدتها ... وكيف كان عامل الموت له دور كبير في حياة ابطالنا ... اتمنة تعجبكم .. قصة تروي لنا عبر عن الصبر وفرج الله القريب ..
