Dreaming Of You [On Going]

Chapter 8: Unexpected Mood

Naramdaman ko ang pagkumpulan ng mga mata sa'min pero hindi ko pinagtuonan ng pansin iyon. Pati ang mga bodyguards dito ay hindi rin makagalaw sa kinatatayuan nila. Wala silang magawa.

Nagbalak akong magpumiglas sa pagkakakuwilyo sa'kin pero bigla akong nagulat sa sumunod na eksena. Marahas na tumayo si Luke at walang pagdadalawang isip na hinawakan mga kamay ni Lucas
"Bitawan mo nga siya!" Buo at matigas na asik niya.

Hindi ko inasahan 'yon. Malamig at puno ng awtoridad. Hindi ko alam pero habang tumatagal ay mas lumalalim ang kagustohan kong mas makilala si Luke .

Pinagmasdan ko bahagya reaksyon ni ni Lucas na magpahanggang ngayon nakahawak sa kwelyo ko. Bigla siyang napahinto at parang nagulat sa ginawa ni Luke . Maya maya pa ay bumalik ang matigas nitong awra. Naramdaman ko ang pag tindi nang pagkakakuwilyo sa'kin.

"Napaka cute naman ng tuta mo," pagtukoy niya kay Luke at nginisihan ito.

Napatiiim-bagang si Luke sa mga narinig. Hindi ko alam kung matatakot ako o masisiyahan dahil ngayon ko lang makita siyang ganito.

"Nakakahiya naman sa utak ipis na tulad mo," simple lang pagkakasagot ni Luke pero sa paraan ng pananalita o pagkakasabi niya ay insulto 'yon sa lalaking tinutukoy niya.

Nakita kong napahagikhik ang mga alipores ng lalaking ito . Tuluyang kumalas kamay ni Lucas sa kuwelyo ko. Tumuwid siya ng maayos, nag ekis ng braso at ibinaling ang atensyon kay Luke . Si Luke naman ay pinantayan ang intrigang pinupukol sa kanya ng katinginan.

Nanatili sila sa ganuong eksena hanggang sa...

"Oy awat na tol. Tapos na ang palabas . Baka mapikon ka ng tuloyan," natuldukan ni Covy ang sukatan at kompentesiya ng dalawa sa titigan. Pagak pa itong tumawa bago lumapit sa'kin at tapikin balikat ko.

"Galing mo tol!" pamumuri ni Covy sa'kin.

"Ako pa ba! Mga gago talaga kayo kahit kailan. Magsiupo na kayo!" sagot ko.

"Tol,"si Max na bahagya pang nakipagkamayan sakin.

Tinignan ko si Lucas, hanggang ngayon hindi parin inaalis ang tingin kay Luke. Hindi niya ata inaasahan na sasagotin siya ng basta basta . Napailing ako sa kawalang pag-asa nito.

Luke on the hand is cuter when he looks mad. Humupa na ang galit sa mukha at napalitan 'yon ng pagkagitla. Takang taka parin sa mga nangyayare. Hindi niya siguro inaasahan na isa lang palabas ang nangyare. That innocent look of him signifies that he's an angel.

Natawa ako sa pagkaaliw. "Umupo ka na Luke. Mga kaibigan ko tong mga demonyo nato. Ganun lang talaga kami magbatian,"tugon ko sa kalitohan niya. At dahil nga doon nabura ang pagtataka sa mukha niya at bumalik sa dating Luke na kalmado at kalkolado.

Itunuon ko atensyon ko kay Lucas na magpahanggang ngayon ayaw parin tantanan si Luke nang kakatingin.

"Tol Lucas, tama na yan. Masyado ka namang pikonin . Upo na," natatawang tawag pansin ni Covy kay Lucas .

"Tsk!" tugon nito. Hinila niya ang bakanteng upuan mula sa kabilang lamesa at isinetro malapit kay Luke.

Napataas naman kilay ni Luke sa inasta niya. Di kalaunan ay nagpalitan sila ng ismid nang maagaw atensyon ng isa't isa.

Ewan ko pero may bahagi sa'kin na ginustong putolin ang tensyong namamagitan sa kanilang dalawa. Parang may mali e."Ah siya nga pala guys, siya si Luke," pagpapakilala ko kay Luke sa kanilang tatlo.