Aura pa lang ng chat mo alam ko na
Ito yung pambungad mo sa umaga
Away na naman,
hindi ka ba nagsasawa eh wala naman tayong napapala
Hindi ka nagrereply, nag FFB ka lang pala
Tanong ko saking sarili mahalaga ba ko sayo?
Na kung mahal mo ba talaga ko?
Kampante ka siguro na hindi ako mawawala sayo
Panatag ka na kahit anong gawin mo alam mong andito lang ako
Na kahit di mo ko pansinin, alam mong maiintindihan ko
Sa tuwing nawawalan ka ng pake
nilalaliman ko aking pang-intindi
Iniisip ko, iniisip ko kung saan ba ko nagkamali
panatag ka habang ako hindi mapakali
Buong puso akong nagmamakaawa sayo
Kahit anong lambing ko di umuubra sayo
Wala manlang akong ideya kung bat pinaparanas mo to
Ano kayang nagawa ko sa nakaraang buhay ko bakit pinagdadaanan ko to?
Hindi ba dapat ikaw yung nagpapagaan ng buhay ko?
Bakit parang mas pinaparusahan mo pa ko?
Parang bale wala sayo ang lahat
Napaisip ako hindi ba ko sapat?
Wala naman akong ginawa kundi mahalin ka nang tapat
Kasi diba ayun naman dapat?
Mas lamang yung puot sa puso ko
Kaya siguro ganto yung nilalaman ng tula ko
Kung ano kinalambot ng puso ko
Sya namang kinatigas ng iyo
Nakakalungkot isipin,
kinuha mo ba aking puso para lang iyong durugin?
Lagi kong pinapanalangin na sana
Sana dumating yung araw na,
sa akin na lahat ng atensyon mo
Sa ngayon mahal magtitiis muna ako
Magtiis at maghintay sa pagmamahal mo