مرت الايام وناس مصطفى جو والبيت جهز،،وكل يوم بمشو هو وامي وخالتي وهديل السوق يختارو العفش،،لمن خلصو من البيت انا كان خلصتا الجامعه وادوني شهادتي❤❤❤،،عملو كرامه لي وللبيت الجديد❤❤حرفيا البيت الجديد كان رهييييب❤،،ناس امي وخالتي ومصعب مسكو الطابق التحت،،لانو فيهو اربعه غرف،،وامي ومصعب في غرفه وخالتي غرفه وانا في غرفه ح يكون فضل غرفه للضيوف البجوهم،،لانو اكتر الناس بتجي لي خالتي وامي ف عشان كدا مسكو الطابق التحت،،،،والطابق التاني مصطفى وهديل،،،والطابق التالت لي لينه وعبد الرحيم❤،،وفضل واحد،،مصطفى قال لي لمن تعرس بديك ليهو هسى ح أجرو🌚❤،،قلتا ليهو م تستعجل هسى انا بعرس 😂😂،،
مرت الايام وانا كنت لسه متواصل مع ريناد(البت السمحه😉💜)،،بقينا اصحاب والله،،💜،،ود الكنت عايزو انا ❤❤،،في يوم سالتها قلتا ليها انتي مرتبطه ولا متزوجه ولا متكلمين فيك ولا مخطوبه،،قالت لي لاهذا ولا ذاك😂😂،،فرحتا فرح،،عشان اكون ضامنها لي😂😂،،
بس بعد تلاته ايام ضربتا ليها م بترد،،ولحد اسبوع انا بضرب ليها م بترد،،بقيت مقلق وم عارف اعمل شنو،،لحد م مر اسبوعين،،حتى بعد داك ردت لي وانا ملهووف م عارفا مالا💔💔قلتا ليها ريناد انتي كويسه،،قالت لي كويسه اي الحمدلله❤،،قلتا ليها مالك قافله تلفونك اسبوعين؟؟،،قالت لي والله اتخطبتا،،طبعا م عرفتا اقول شنو لانو لساني اتربط💔💔قلتا ليها مبروك وقفلتا الخط💔،،بقيت م مصدق وبس بدعي ان شاء الله يكون كذب ي رب كذذب💔💔،،بقيت م حاسي بنفسي وكسرتا اي شي حوليني💔💔،امي وخالتي ومصعب والناس د كلها جات جارية،،امي مسكتني وبقت تكورك،،وانا مصر اني اكسر لسه،،مصعب زاتو م قدر يحجزني،،لحد م جا مصطفى وهو ومصعب مسكوني الاتنين،،للان بتذكر مصطفى اداني بنية لمن خلاني رعفتا💔،،بعدها هديت شوية والناس د كلها مخلوعه،،بس قمتا من مكاني وتاني حجزوني،،قلتا ليهم يخوانا انا كويس فكوني،،قالو لي لا ،،بقيت بكورك،،ياخ فكوني قلتا ليكم كويس انا م بأذي لي زول في الشارع م تخافو،،في النهاية مصطفى قال ليهم فكوهو،،وطوالي طلعتا ومشيت بيتهم،،دقيت الباب فتح لي اخوها،،قلتا ليهو السلام عليكم،،قال لي وعليكم السلام،،قلتا ليهو عمو ايمن موجود؟؟(اسمها ريناد ايمن)،،قال لي اي اتفضل،،دخلتا وابوها جا،،سلمتا عليهو ويديني كلها قزاز ومجرحه،،قلتا ليهو ي عمي من غير مقدمات انا عايز بتك على سنه الله ورسوله،،ابوها اتخلع قال لي كدي بسم الله،،وقعد ينادي ي انجلينا،،انجلينا،،شكلها د الخدامه،،قال ليها جيبي الشنطه حقتي،،مشت وجابتا ليهو،،قال لي تعال،،وبدا يطلع القزاز من يديني ونضفا لي ولفاها لي(شكلو دكتور)،،قال لي بعد.كدا ممكن تتكلم،،قلتا ليهو معليش ي عمي على الدخول كدا بدون موعد سابق،،قال لي لا ي ابني اتفضل،،قلتا ليهو انا اسمي رائد حسن عمري 22سنه اتخرجتا السنه الفاتت وقريت جامعه الخرطوم هندسة معمار،،وساكن في مدينة النيل،،.وو..الخ حكيت ليهو عن اهلي كلهم وابوي زاتو،،قلتا ليهو والله انا قبل كم يوم جاتني منحه شغل في الامارات وانا ماشي اشتغل هناك لحد م اكون نفسي واجي لبتك،،لكن قبل د انا عايز موافقتك واني اجي اخطبا ،،ابوها قعد مسااافه،،ونادا مرتو واللي هي ام ريناد ونادا اخوها وكلمهم بكلامي د،،امها قالت لي عاد امشي جيب اهلك دايرنا نخطب ليك بتنا ساي كدا،،قلتا ليها جدا ماف مشكلة اهلي بجوكم بكره،،اخوها قال لي لمن تجي ونعرفكم كويس بعداك الله كريم،،قلتا ليهو تمام وشكرا لي انكم سمعتوني❤❤ابوها قال لي العفو ي ابني،،تشرفنا في اي وقت،،قلتا ليهو تسلم❤
