في يوم وحسن راجع من الشغل(حسن تاجر ،،بجيب بضاعات وببيعا وعندو محل ف السوق وامورو تمام❤)،لقاني راقده في السرير وبتفرج ف التلفزيون،،جا داخل وم قال لي كيف قيلتي ولا اي شي،،وكان زهجان وصاري وشوية وشو ح يقع،،قلتا احسن م افتح خشمي عشان م يزهج زياده،،قمتا حضرتا ليهوو الغداء وعملتا ليهو عصير،،ختيتو ليهو في صينيه وجبتو ليهو في الغرفه،،لقيتو ف الحمام لسه م طلع،،قعدتا ف السرير وكنت عايزه ارقد،،قام ناداني ي مآب،،قلتا ليهو ايوه،،قال لي جيبي لي بجامتي الفي السرير دي،،،قمتا ووديت ليهو البجامه،،قلتا ليهو اطلع سريع عشان ختيت ليك الاكل م يبرد،،قال لي طيب 💕
لمن طلع قعد ياكل وقال لي تسلم يدك الاكل حلو💕،،ابتسمتا ليهو وقلتا ليهو بالهنا💞،،قمتا سالتو قلتا ليهو مالك حصل شنو لمن جيت داخل وصاري كدا؟؟،،
قال لي مشاكل ف الشغل بس 💔واحد اتفقتا معاهو في بضاعه بي سعر مناسب والليلة مفروض يسلمني ليها عشان انا كاتب البضاعات الجايبها هو في المحل انو ح تصل الليلة وهو شراني وم جا💔زول حيوان خلاص،،قلتا ليهوو بالجد بالغ ،،هو لو م واثق انوو ح يجيبا ليك الليلة م كان يحدد ليك وقت الا يتأكد،،قال لي موش عليك الله،،ناس متخلفه خلاص،،دخلني ف ضفووري قدام الناس الشغاله معاي،،هسى يقولو شنو،،،قلتا ليهوو كلمهم قول ليهم ي جماعه الزول د حصلت ليهو ظروف وم قدر يجي الليلة عشان م يقولو كدا ولا كدا،،قال لي وانا كمان ضربتا ليهوو م برد،،قلتا ليهو دا غشاك ساي والله شال القروش وتاني م بجيب خبرك😂،،قال لي هو لو اول مره يشتغل معاي كان معليش لكن د م اول مره وم حصل عمل لي كدا،،قلتا ليهوو استغفر الله يمكن فعلا حاصلة ليهو ظروف م نتهمو ساي وبتتعوض بغيرا لو م جابا ليك م مشكلة والقروش د قول ليهوو اعتبرا هدية💕،،
بعد.اكل جيت دايره اشيل الصينيه قال لي قبلك ماشى وين؟انا بدخلها،،دخلها وانا رقدتا م عارفه تعبااانه شديد م بعرف المتعبني شنو😅،،اتذكرتا امي،،قلتا ياخ معقوله انا انقطع منهم المده دي كلها،،احسن اضرب ليهم واشوفوهم كيف،،تاني قمتا قلتا هي ي ماب هم سألو منك؟؟ولا عارفنك انتي قاعده وين؟،،قلتا م مشكلة النضرب ليهم،،
لمن حسن جا قلتا ليهو حسن دقيقه تلفونك عايزه اضرب لي امي،،قال لي طيب،،اداني التلفون وانا اصلا حافظه رقمهم م بعرف البحفظني ليهو شنو☺💔
دخلتا الرقم وضربتا لأمي،،بعد مسااافه ردت،،لمن ردت سمعتا صوتها وهي بتضحك بصووت عالي،،تاني قامت قالت لي دقيقه د حسن راجل بتي،،قلتا ليها امي كيفك؟؟،،قالت لي هيي انتي ماب ؟ ي بت وين انتي مختفيه كدا؟؟لا بتسالي مننا ولا حاجه؟مالك مقاطعانا كدا؟،،قلتا ليها المهم انكم كويسين؟💕،،قالت لي الحمدلله💜،،قلتا ليها امي انا حامل💜،،سكتت مسااافه وزغردت لي في التلفون💞،،م عارفه بس فرحتا لمن شفتا امي فرحانه لي💕،،قالت لي مبرووك ي بتي💞،،وتاني قلبت تبكي✨،،بعدها ف زول مسك منها التلفون وقال ليها قولي ليها اقفلي خلاص عشان م تقلبي جو بكى،،وقولي ليها مبروك،،م عرفتا د منو،،لانو د م صوت ابوي،،فجاءه الخط قفل💔،،اجي ؟؟د منو المعاهم د ؟؟بكون ولد خالتي حنان؟؟،،بري م عرفتو،،
دخلتا رقم ابوي وضربتا ليهو،،فتح الخط وسلم علي زييين ورحب بي💜💜،،سلمتا عليهو عادي،،قلتا ليهو ابشر بقيت جدو😂❤،،،ابوي فرح فررح💕💕،،بارك لي وظاهر عليهو انو فرحاان شديييد✨،قال لي ابقى عشره على نفسك ي بتي💞وانا لاهسى ندمان على اي حاجه عملتها ليك زم...قاطعتو قلتا ليهو خلاص ي ابوي الفات مات،،فجاءه سمعتا صوت مره قالت ليهو دي بتك؟؟،،حامل؟؟،،ماشاء الله والله قول ليها مبروك💜،،،اجي يخواني؟؟د م امي😳😳،،الحاصل شنو؟،،قلتا ليهو ي ابوي انت وين؟؟،،قال لي ف البيت،،قلتا ليهو ود منو المعاك د؟قال لي مرتي،،،انا بقيت عامله كدا😳😳😳،،شنو ي ابوي؟؟وامي وين؟؟،،قال لي لاااحولااا انا وامك اتطلقنا زمااااان💔،،طبعا م عرفتا ارد ونفسي كتم عديل💔قلتا ليهو طيب وقفلتا الخط،،قلتا يعني د اذا كانت مرت ابوي،،وابوي بعد.طلق امي عرس طوالي،،معناها الراجل المع امي د راجل امي.؟وامي بعد طلقت ابوي عرست؟؟،،بقيت ماسكه راسي ودايره اكورك م عارفه لي،،،رغم انو د احسن لي امي وابوي،،لانو اتشاكلو كتييير واتضاربو كتيير بس كمان انا؟؟اخر من يعلم؟؟؟لي م ختو لي اعتبار؟؟💔💔💔،،اقعد مع منو انا هسى؟؟💔💔💔بقيت م قادره اركز في اي شي وشايفه طشاش طشاش💔قلتا امشي لحسن احسن،،اثناء م انا ماشى راسي لفا ورررب وقعتا،،شايفه الدم نازل مني،،،تاني م حسيت بشي،،
