علاقتنا انا وحسن تاني اتدهورت،،م عارفه حسن د مالو؟مره كويس ومره فجاءه يقلب،،حيرني والله العظيم وانا م عارفه اتصرف كيف،،هسى جا من الشغل وك العاده صاري وشو ونفسس البرنامج الاتشاكلتا معاهو المره الفاتت،مشيت ليهو قلتا ليهو عاين ي حسن انا م عارفه مشكلتك معاي شنو،،انا موش مرتك؟؟موش لمن تحصل معاك مشكلة تجي تحكي لي؟حتى ولو كان عني؟؟،،انا متاكده ف زول بحرشك علي وانت بتجي تفشي غضبك فيني بدون م تفهم،،وانت لو م عايزني قول لي عدييل،،قال لي ااي م دايرك،،م بتعرفو انا ف اللحظه دي قلبي اتسكر كيف💔💔،،قلتا ليهو طيب تمام،،مشيت غرفتي ولميت حاجاتي وحاجات ولدي وطلعتا من البيت،،قلتا للسواق وديني ناس امي،،فعلا رفع لي الشنطه وشلتا ولدي وركبتا،،ومصطفى د يبببكي بس عايز ابوهو،،وانا شغاله اسكت فيهو،،لمن ابا يسكت،،ضربتو وكوركتا فيهو،،بدا يبكي زيااده،،طول الطريق ببكي لحد.م وصلنا ناس امي حتى سكت ونام فيني،،وانا كنت زهجانه شديييد وعايزه ابكي ،،شكرتا السواق وكريت الشنطه وضربتا الجرس،،فتح لي راجل امي،،قال لي يهلا مرحب بيك كيفك؟،،قلتا ليهو تمام وانت كيفك؟قال لي الحمدلله بخير اتفضلي،،قلتا ليهو شكرا،،كريت الشنطه ودخلتا قعدتا ف الصالون،،جاتني امي سلمت علي ورحب بي♥♥قالت لي اخيرا الجيتيني،،قلتا ليها امي💔💔وطوالي قعدتا ابكي💔،،هي زاتا اتخلعت وقالت لي ي بت مالك قولي بسم الله💔💔قلتا ليها ياخ والله م ممكن 💔💔💔اتشاكلتا مع حسن وقال م عايزني وانا م راجعه تاني،،قالت لي د كلام شنو د؟،،قلتا ليها تعبتا تعبتااا اناا والله💔💔💔قالت لي قومي قومي خشي الغرفه دي انا بجيك هسى،،بعد تعب حتى قومتني مشيت دخلتا الغرفه وكان فيها تلاته سراير،،رقدتا مصطفى وانا قعدتا ف السرير التاني ودخلتا شنطتي ختيتا ورا الباب،،بقيت قاعده في السرير وببكي💔💔،،يخوانا والله انك تلعب بزول دي حاجه حاره عدييل،،المره الاولى شاكلني ودقاني بدون سبب وانا اتقبلتا وجيت قعدتا معاهو وفتحنا صفحه جديده،،وهسى كمان تاني يجي يعمل نفس الحركه؟؟،،لشنو يعني؟؟انت من البداية قول م دايرني صح؟؟ف زول جبرك علي؟زنبي شنو انا ؟وولدك زنبو شنو؟؟،،انا تاني م راجعه ليهو خلااص وح اتطلق منو💔،،وح اشتغل عشان اأكل ولدي واقريهو💔
جاتني امي وشايلة عصير في جك قالت لي اشربي،،مدت لي الكباية وكبت لي فيها وشربتا،،قالت لي يعني هسى خلاص انتهيتو انتي وراجلك؟قلتا ليها ااي خلاص،،قالت لي فكري ي بتي انا م ح اضفط عليك م دايراك تضيعي وتضيعي ولدك كمان،،قلتا ليها ولدي يضيع لي؟؟انا بقريهو وانا بأكلو وانا بشربو وانا بوفر ليهو اي شي دايرو تاني يضيع لي؟،،قالت لي د كلو ح تعملي كيف وح تجيبي القروش من وين؟قلتا ليها بشتغل ي امي 😊💔،،قالت لي مخير االله عاد لو م دايراهو خلاص انا بكلم ابوك عشان يطلقك منو وم تكوني معلقه بيهو كدا،،قلتا ليها ااي احسن،،قالت لي خلاص هسى ارقدي و لبعدين بتفاهم مع ابوك،،والله د قصة د😕،،قلتا ليها طيب تمام،،رقدتا نمتا بعبايتي اللابساها د،،
