في يوم انا قاعده ف المطبخ وبعمل ف الفطور والساعه كانت2😂اي لانو صحينا متاخرين وغير كدا بعد م لبستا رائد ومصطفى طوالي رقدتا نمتا كنت تعبانه،،لدرجه انو حسن قام براهو عمل الشاي وم حبا يصحيني❤،،وهسى قاعدين انا ولينه❤،،مقعداها ف المصطبه حقت المطبخ وانا بعمل ف الفطور ،،لينه قالت لي ماما دايرة زيتون،،قلتا ليها حاضر نشوف في زيتون،،مشيت فتحتا التلاجه ولقيتو،،قالت لي اديني وحده،،قلتا ليها لينه لاا لمن اختو ف الصينيه ناكل كلنا،،بقت تفرفر كراعها وخلاص عايزه تبكي،،قمتا دخلتا ليها وحده ف خشمها واديتا وحده ف يديها،،طوالي سكتت😂😂بستها ف جضومها قلتا ليها حبيبتي انا معقولة اخليك تبكي😘💜
ختيت الفطور وشلتها ومشينا الصاله ،،فتحتا ليها طيور الجنه وقعدنا ناكل،،هي تاكل لقمه وترقص مع طيور الجنه😂😂قلتا ليها لولو خلااصص اكلي خلي طيور الجنه،،
في اللحظه د جرس الباب ضرب،،
مشيت البس توبي،،ضرب لي السواق قال لي دي امك الجات ادخلها؟،،قلتا ليهو اكيد.دخلها،،طلعتا توبي وفتحتا الباب دخلتها وقعدتها معانا ف الصاله،،سلمتا عليها وقالت لي بتي الكعبه م بتجيني💔قلتا ليها م كدا والله بس وين مع المدارس د وأي زول عندو امتحان،،وبعدين لو قلتا اجيك بعد يطلعو م ح اقعد معاك كتير لانوو بجو وهسى ح يجو،،قالت لي خلاص تعالو الجمعه قيلو معانا كلكم،،قلتا ليها بشوف حسن غايتو ان شاء الله💜امي شالت لولو(لينه)،،وبقت تبوس فيها وتلعب معاها،،ولينه شغاله ليها طيور الحنه طيور الجنه😂😂😂،،قلتا لي امي ارح افطري معانا،،قالت لي لا والله هسى انا جيتك فاطره،،قلتا ليها مدي يدك بس،،فعلا اكلت معانا وبعدها لميت الصينيه وعملتا ليها عصير وشاي،،قالت لي لي متعبه روحك كدا انا ضيفه يعني؟،قلتا ليها هسى منو القال انتي ضيفه انا دايره اشرب معاك شاي بس😂😂😂😂😂،،قالت لي اها حسن كيف ورائد ومصطفى؟قلتا ليها كويسين والله ،،ف اللحظه د الجرس ضرب،،قلتا ليها د بكون رائد لانو ف الروضه ح يجي بدري،،مشيت فتحتا الباب،،وجو داخلين الاتنين مصطفى ورائد وبتضاربو،،انا اتخلعتا مسكتهم ودخلتهم جوه وقفلتا الباب الشارع،،قلتا ليهم هي هي ف شنو؟؟ومصطفى د حالف يدق رائد،،لحد.م قدرتا احجزهم وزحيت مصطفى قلتا لي امي امسكي مصطفى د،،
مسكتا رائد وطلعتو الغرفه،،شلتا ليهو غيار ودخلتو الحمام لانو حالتو منتهيه من الطين والتراب،،طلعتا ليهو هدومو وحميتو وهو نهائي م نطق معاي بس صاري وشو،،ود اول مره انا احمي رائد وم يتكلم معاي،،كان طوالي لمن احميهو بتكلم وم بسكت كلوكلو لحد م يزهجني،،طلعتو ولبستو هدومو ونشفتا ليهو شعرو،،وقعدتو ف الغرفه وطبلتو،،مشيت قلتا لي امي عليك الله سوي لي اكل لي مصطفى ورائد مسافه امشي احمي مصطفى د،،
مشيت حميت مصطفى برضو،،ونفس الشي برضو ساكت وم اتكلم وصاري،،
جيت فتحتا الغرفه لقيت رائد.راقد وببكي💔،،قعدتا مصطفى ف السرير وشلتا رائد ف رجليني،،قلتا ليهم ف شنو مالكم؟جيتو مغبرين وموسخين كدا،،هسى التراب د.كان دخل ليكم ف نخرتكم وعمل ليكم مشكلة،،مالك ي مصطفى عمل ليك شنو رائد،،
رائد قال لي هو البدا💔،،قلتا ليهو اتكلم ي مصطفى مالك ف شنو؟،،عيب تتشاكلو كدا،،انتو م اخوان؟ف اخوان بتشاكلو؟؟،،قال لي لكن هو م بسمع الكلام اعمل ليهو شنو،،قلتا ليهو م سمع كلامك ف شنو؟،،قال لي انا طلعتا من المدرسة وجاني واحد صاحب رائد قال لي رائد د قال عايزك،،انا مشيت ليهو ف الروضه(مدرسة مصطفى وروضه ورائد جمب بعض💜)
لقيتو ببكي قلتا ليهو بتبكي مالك؟قال لي عمو فاتني،،قلتا ليهو خلاص ارح ارجع معاي بالترحيل حقي،،ولمن جيت سوقتو عشان نمشي بالترحيل حقي،،هو هو ترحيلي كان ف الزلط،،وانا كنت داير بتاع الترحيل يجي يقطع معانا،،بس رائد قال لي ارح نمشي سريع،،قلتا ليهو اصبر عمو جاي علينا،،قام هو طوالي جرا ووقع ف الزلط لحد.م كانت ح تطقشو العربية لو م عمو مسكو،،قمتا انا دقيتو عشان م سمع الكلام وكان ح يموت💔
قلتا لي رائد.لي انت م بتسمع كلام اخوك الكبير؟،،هسى كانت ح تطقشك عربية وتموت💔💔مصطفى م دايرك تموت وخايف عليك م تزعل من اخوك الكبير كويس؟،،قال لي كويس،،حضنتا مصطفى وقلتا ليهو ف سري💜خليك خايف علينا كدا طوالي واحنا ح نكون بأمان💜قلتا ليهم يلا م تبكو واتصالحو وانت تاني ي رائد اسمع كلام الاكبر منك كويس؟،،هز لي راسو بس،،وقام مدا يدو لي مصطفى،،مصطفى سلم عليهو،،
بقيت بعاين ليهم وبضحك بس زي الناس الكبار😂😂😂😂،قلتا ليهم انا ماشى اشوف الفطور يلا انزلو وراي،،
نزلتا ولقيت امي عملت ليهم فطور،،قالت لي مالم ي بت ديل متشاكلين،،قلتا ليها رائد ابا يسمع كلام مصطفى ومصطفى دقاهو قالت لي كلام شنو،،قمتا حكيت ليها،،،قالت لي عاد مصطفى ليهو حق يدقو،،بس كمان هو صغير ي جماعه،،قلتا ليها كويس انو مصطفى دقاهو عشان يعمل حسابو م يكررها تاني،،قالت لي فعلا،،
بعد مسافه جو نازلين الاتنين سوا وبضحكو،،قلتا ليهم يلا تعالو اكلو،،
فعلا قعدو ياكلو ويضحكو وبتكلمو براحه،،طبعا لينه غايظها الموضوع😂مشت وقعدت ف نصهم عشان تسمعهم،،بس طوالي سكتو،،طواالي لينه قعدت تبكي،،قلتا ليهم ي جماعه وروها سركم د برضو😂😂😂رائد قال لي د.حق اولاد،،لينه قالت ليهو وريني،،مصطفى اتكلم مع رائد ف اضانو ورائد ضحك وبقى يحكي لي لينه،،
شكلو كدا م وروها الحقيقه عشان عارفنها بتجي بتحكي لي😂😂😂غايتو الاولاد ديل،،
امي قالت لي مالك مغبشه كدا ي بت،،ارح قومي اولع ليك الحفره،،قلتا ليها هسى؟قالت لي ااي،،
ولعت لي الحفره وقعدتا وكل دقيقه تجي لينه وتعاين لي مساافه وتكح من الدخان،،قلتا ليها لولو امشي لمصطفى حبيبتي..مشت قالت لمصطفى ماما بتحرق😂😂😂مصطفى جاني وقال لي د شنو؟قلتا ليهو امشي من هنا عشان الدخان م يعمل ليك شي،،بقى واقف ويعاين لي😂😂😂لحد م عيونو دمعت من الدخان حتى دخل😂😂
بعد اتدخنتا امي عجنت الحنه وختتها لي💜💜قلتا ليها تسلمي لي ي امي 💜💜💜💜قالت لي بتي بت الهنا ولو ياخ💜💜💜
قعدتا لحد العصر بعدها طلعتا الحنه ومشيت سويت الغداء ومعاي امي،،امي قالت لي بعد.د راجلك بجي موش؟قلتا ليها ااي،،جاني رائد وشايل التلفون قال لي هاك،،كان بضرب شلتوو وكان حسن،،
قال لي حبيبي💜انا الليلة ح اتاخر ف الشغل اكلو م تستنوني،،قلتا ليهو لي؟قال لي والله عندي زول مفروض اقابلو واسلمو البضاعه ف عشان كدا اكلو م تستنوني قلتا ليهو طيب،،وزاتو معانا امي💜جات من الصباح مقيله💜قال لي كان كدا تمامم يلا لبعدين💜،،قفلتا منو وقلتا لي امي حسن ح يتاخر ارح ناكل،،
خيتا الغداء ،،لاحظتا لي رائد م بياكل،،قلتا ليهو رائد اكل مالك؟قال لي م داير،،قمتا شلتو وقعدتو فيني وبقيت اأكلو ،،لمن اكلتو قام اكل،،قلتا ليهو انت دايرني اشيلك يعني،،قعد يضحك 😂،،لينه طوالي ولا اتفاهمت جرتو من يدو ونزلتو وقعدت هي وبقت تحمر ليهو😠،،قلتا لي رائد م تزعل جيب كرسيك تعال اقعد جمبي،،فعلا جاب كرسيهو وقعد ومدا لسانو لي لينه😝،،بقيت أأكل فيهم الاتنين،،مره لقمه لي لينه ولقمه لي رائد ولقمه لي 😂قمتا قلتا اللقمه الجايه اديها لمصطفى،،وفعلا قلتا ليهو صفصف افتح خشمك الطياره جات،،فتح خشمو واكلتو💜امي قالت لي حالتك صعبه ح تاكلي كيف انتي؟،قلتا ليها لالا باكل💜
بعد خلصنا اكل لميت العدة وكنت عايزه اغسل العده بس امي منعتني قالت لي حنتك د م تمت ليها ساعتين عايزة تطلعيها بالغسيل خليها بغسلا انا،،قلتا ليها لا والله بغسلا خليها،،قالت لي لا سوي الشاي انتي،،قلتا ليها طيب..
فعلا سويت الشاي،،وجبناهو الصاله وفتحنا التلفزيون وقعدنا نتونس وفلان عرس وفلانه عرست ودي سمايتها ودي ولدت ووو..الخ😂
العشاء لمن اذن امي قالت لي هي انا امشي بعد د،،قلتا ليها لي م تقعدي شوية،،قالت لي بري عاصم(راجلها)بكون جا،،قلتا ليها خلاص بكلم السواق يوصلك م ممكم تطلعي براك الواطه ضلمت،،قالت لي كويس،،فعلا كلمتا السواق،،وقدمتا امي لي برا وقلتا ليها الليلة فرحتينا كلنا والله شكرا💜💜💜قالت لي ولو وانتو لازم تجوني💜قلتا ليها طيب💜
بعد.مشت دخلتا جوه وقفلتا الباب،،ناديت مصطفى قلتا ليهو امشي نادي اخوانك ديل خليهم يجيبو شنطهم عشان نقرا،،قال لي كويس،،سبحان الله مصطفى د الوحيد الهادي فيهم وم زول صراع ولا شكل م زي رائد ولينه💜تقول ليهو الكلام مره واحده بسمعو وبعدين م ببكي ف اي شي الا حاجه تكون وجعتو بالجد💔،،عكسي انا💔انا كنت ضعيفه ووببكي ف اي شي💔دموعي نزلت طوالي قشيتها ودخلت المطبخ،،غسلتا وشي وطلعتا ليهم ف غرفتهم فوق،،
قلتا ليهم يلا ارح سريع نقرا،،وانتي ي لينه امشي نومي خلاص،،قالت لي ماام رائد زاتو،،(طبعا لينه اي حاجه تعملا لازم رائد يعمل معاها،،م بتحب تعمل حاجه ورائد لا)،قلتا ليهو رائد انت زاتك امشي خلاص،،اصلا ف الروضه انت م عندك شي يقروك ليهو،،فعلا نزلو تحت الاتنين وبقو يلعبو،،انا بقيت بقري ف مصطفى،،وماشاء الله بستوعب سريع وحفيييظ شديد ماشاء الله 💜انتهينا من القراية قلتا ليهو ح امشي اكوي ليكم هدومك انت ورائد وبعدها طوالي النوم ،،قال لي كويس،،
فعلا مشيت كويت هدومهم وعملتا ليهم لبن وشربتهم كلهم،،وسقتهم رقدتهم،، لينه بعد تعب حتى رضت تنوم لسه م فترت من اللعب،،حنستا رائد يقول لي لينه امشي نومي عشان تنوم (لينه بتسمع كلام رائد بس رغم انو بتشاكلو كتير😂💜)،،بعد رائد قال ليها نومي حتى نامت ،،بستهم كلهم وقلتا ليهم يلا تصبحو على خير💜وقفلتا الباب💜
مشيت الغرفه قلتا اشوف حسن د،،مشيت شلتا تلفوني عشان اضرب لحسن لقيت تلفونو مقفول..
قلتا بكون قطع شحن..
رقدتا ف السرير وانا تعبااانه خلاص💔طبعا انا بنوم بدري عشان اقدر اقوم مع الشفع ديل للمدارس،،فجاءه جاتني رساله وتلفوني د بقى بهتززز مساااافه،،شلتو ولقيت ف رقم مرسل لي صور،،
مشيت فتحتها ،،طبعا انا حكايه بتاعة نص ساعه بحاول استوعب انو الفي الصورة د حسن💔💔
لاااالااااااااا مستحييييييييل💔حسن يعرس فيني اناا؟؟؟💔💔💔💔💔💔💔💔💔😳
#اقتباسهه..
"كانت تصمت كثيراً ، تبدو للناس هادئة الملامح ، غامضة كغموض زهرة البنفسج، إلا أنه كان لا أحد يسمع ذلك النحيب الذي في صدرها إلا هي ..💜✨"
#نتلاقى..
