لمن فتحتا الورقه ولقيت د ورقه طلاقي فرحتا فرح وجريت جري لي خالتي ووريتها وقالت لي الحمدلله غايتو لكن عاد الا تتمي العدة حتى تقدري تشتغلي،،قلتا ليها فعلا💔
#تميت تلاته شهور حقت العدة واولادي ديل بتصرف عليهم خالتي ومصعب الله يديهم العافيه وانا طبعا بشعر بالاحراج وانو م بيدي شي وهم زنبهم شنو يدفعو ليهو💔💔💔
اها التلاته الشهور تمت وخالتي عملت لي نقيمات😂😂😂اكلناها وشربنا الشاي،،جاني مصعب قال لي لقيت ليك شغل،،فرحتا فرح وقلتا ليهو شنو؟،،قال لي والله ف دكتور هنا ساكن جمبنا وعندو عياده وقال بفتش ليهو ف وحده تكتب ليهو الاسماء موش بتعرفي؟؟قلتا ليهو ااي،،قال لي قال بديك ف اليوم 100 قلتا ليهو م مشكلة♥كتر خيرك م قصرتا♥قال لي العفو م بيناتنا♥✨قلتا ليهو بكره ابدا معاهو طوالي؟قال لي اايي قلتا ليهو تمام..
اها تاني يوم بعد اولادي طلعو المدرسه انا طوالي مشيت العياده ومصعب وصفها لي. ..
دخلتا وسلمتا ع الدكتور وكان شاب وسيم وعمرو ف ال 30كدا قال لي ماب؟؟قلتا ليهو ايوه،،قال لي اهلين انا دكتور ماهر..قلتا ليهو اهلين دكتور مااهر♥اتشرفنا،،قال لي والله مصعب حكا لي عنك وقال ظروفك كعبه وكدا وانا طوالي سمحتا ليهو يجيبك تشتغلي معاي،،قلتا ليها شكرا ليك كتر خيرك،،
قام اداني دفتر كدا وقال لي سطري بنفس الاسلوب الح اسطرو ليك هسى،،وفعلا سطر ووراني اكتب شنو ف كل سطر،،وجاب لي كرسي وقعدتا،،وهو دخل غرفه العياده جوا،،
بعد.مسااافه كدا جا واحد وقال لي الدكتور موجود؟قلتا ليهو ايوه،،اسمك منو؟؟
قال لي اسمو وكتبتو ومشيت دخلتا لدكتور ماهر قلتا ليهو ف مريض اسمو ..... يدخل؟؟قال لي ااي خليهو يدخل
(العياده د.حقت باطنيه✨♥)
#عدا اليوم عادي.م فيهو شي..اداني قروشي ومشيت البيت..
لمن رجعتا لقيت قومه وقعده ف البيت وخالتي د صوتا عاالي وتشيل وتصرخ ومصعب يكورك،،
جيت دخلتا مهجومه قلتا ليهم ف شنو؟؟،،ان شاء الله القى ليك حسن واقف😳😳💔قلتا ليهوو انت انت داير شنو تاني؟؟موش طلقتني يلا م عندك بي صله تاني😠قال لي لا عندي قلتا ليهو شنو؟قاال لي اولادي ديل ما بخليهم وراي ولا برضى زول غريب يربيهم غيرنا انا وانتي وحضرتك مقعداهم مع خالتك وولدها وانتي شغاله ورامياهم ليها دايراني اطمئن عليهم كيف؟؟
فجاءه جا شرطي وقال لي حسن رفع قضيه ارح المحكمه،،قام الشرطي رفعني ف البوكس ورفع الاولاد وحسن ركب ،،وانا مصدوومه صدمه م عاديه وم قادره افتح خشمي بكلمه💔💔وصلنا المحكمه وطوالي دخلنا وانا لا عندي.محامي ولا اي شي،،
بعد شوية جات محصلانا خالتي لانوو خالتي محاميه بس وقفت الشغل،،دخلنا وقعدنا،،
بعد.مسااافه القاضي قال لي اتكلمي ي مدام،،
طبعا انا لسه ف الصدمه،،لحد م خالتي ادتني كف حتى صحيت ،،ومصطفى د خايف خوف ورائد ولينه يبكو،،
عاينت للقاضي قلتا ليهو والله انا مسبقا كان عندي مشاكل مع حسن وطبعا انا ح احكي ليك بصراحه..
حسن د اول مره نتشاكل فيها كان جا من الشغل وضربني بدون سبب وقال اني لافه وم مربيه،،وانا اصلا م حصل طلعتا من البيت الا وهو معاي او بكون كلمتو وبكون متابع معاي بالتلفون،،قمتا زعلتا ومشيت ناس ابوي وبعد فتره انا مشيت ليهو قلتا اصالحو وانسى المشاكل د.عشان الاولاد م يتأذو💔ف مشيت وفعلا اتصالحنا،،،بعد كم فتره كدا برضو جا ودقاني وشاكلني ونفس الكلام القالو لي،،والمشكلة انوو بدون سبب بس مزاجو هف ليهو يدقني،،هو لو بقول لي زهجان عشان كدا وكدا وكدا مالو؟؟موش كان حليتها معاهو؟؟لي انا موش مرتو؟؟
المهم مشيت ناس امي وبرضو بعد فتره جا صالحني،،لمن اتصالحنا انا كنت والده ولدي الكبير داك،،واشرتا ع مصطفى،،
وعدت فتره زي سبعه سنين ولا اكتر انا ولدتا ولدي التاني داك وبتي دي،،بعدها كنا كويسين شديد وماف اي شي،،
بس قريب د قبل كم شهر كانت مقيله معاي امي ف البيت وحتى كمان هو اتاخر وامي قالت لي اضربي ليهو عشان يحصل الغداء،،فعلا ضربتا ليهو وقال لي اتغدو انتو انا ح اتاخر ،،قلتا ليهو طيب تمام ،،يعني عادي هو مرات بتحصل حاجات ف الشغل بتخليهو يتاخر ف انا م دققتا ف الموضوع،،بس المساء كدا بعد امي مشت شلتا تلفوني لقيت رقم مرسل لي صور حسن ومعاهو مره بجرتكو فيهم،،يعني فوق د كلو طلع معرس فيني💔،،
انا دخلتا المستشفى وجاتني جلطه وعملو لي عملية،،لمن طلعتا مشيت ناس خالتي وقعدتا معاهم،،وقلتا ارفع عليهو قضيه طلاق،،وفعلا طلقني وقعدتا العدة التلاته شهور كلها،،وبعدها قلتا امشي اشتغل عشان اولادي،،الليلة كان اول يوم لي ف الشغل،،جيت راجعه من البيت القى حسن رافع علي قضيه اني م اربي اولادي يشيلهم هو،،وفوق د كلو بقول لي م داير زول غريب يربيهم،،يعني مرتو د م غريبه؟؟؟💔
