💫 ❄ إمـام الجن❄ ّ 💫(كرونيك باللهجة التونسية )

★🌺 6 : عقد الشيطان 🌺★

❄🌺❄

قعد يمشي ويتلفت وراه وهي اتبع فيه ،معقول تكون بنت جان ،خلطت عليه وشدتو من يدو "ياولدي انا بشر يهديك "
قعد يخزرلها ،باش يهبل ساياي"باش نهيل والله باش نجن ،قتلي بوك مات اه بوك ريتو قي دفينة بابا ،ريتو واقف على القبر ،وريتو في الاربعين مع الناس ايلي تقرئ في القرآن ،ومغارة الجن ايلي دخلتها توا وانت ويدي والصوت ايلي صملي وذني و امي وعي تقص في لحمها و اختي وهي... ياربي علاه شنوة هذا"
"اذا باش نفسرلك موش باش تصدقني وباش تقلي جنية وتبدا تهز وتنفض و غير هذا مخك ماهوش باش يستوعب ،نحب نقلك حاجة وحدة قبل مانمشي رد بالك على اختك "
خالتو واقف متمسمر باهت موش فاهم شتحكي "شنوة تقصد ،ياااا نحكي معاك "
"ماعندي مانفسرلك "
"أختي البارح رات خيال دزها بقوة و وجها مخبش تقول قطوس"
"جرى الدم "
"وي"
شهقت و حواجبها تعقدو ،دارت كي المجنونة وقعدت تخزر للفراغ كايني اتبع في حد يكلم فيها ،خزر لوين تخزر موش فاهم شبيها "اووووو ،فين سرحت "
هربت تجري ،عاطية ماعندها في الجري ،مالقى شي يعملو غير انو يجري وراها ،ايلي يراهم يقول هاربة منو حتى انو راجل كبير قالو "سيب الطفلة ماتحشمش" ،وصلت للدار و دخلت ،جرات لورقة وكتبت الرموز ،كيف ما رات ،دور واشكال داخلة بعضها وارقام ،عطاتها لامها قراتها "لازم تقلو " مع الكلمة دخل أحمد من الباب ايلي خلاتو غادة وراها محلول كي دخلت "شنوة باش تقلي!؟ ،انتوما الزوز فاش تحكاو "
"انت ولد بكر الكبير موش هكا "
"وي "
"واختك هي الطفلة الوحيدة في الدار"
"شنوة ها الاسئلة ،فسرولي"
هزت غادة راسها وخذات هواء مالي رواريها وقررت تحكي"من الاخير اختك تعقدت لشيطان "
"مافهمتكش"
"اقعد  تو نحكيلك "

قعد كل مرة يخزر لوحدة فيهم ،يستنى في حد يبدا الكلام واخيرا تكلمت سعاد"الساعة وقبل مانبدا نحكي نحب نعرف انت تصدق ايلي فمة اخرين يعيشو معانا غير الانسان ،فمة الجن و الملايكة والشياطين "
"بالطبيعة هذا موجود في القرآن"
"وتمن ايلي هاذم ينجمو يضرو بنادم "
"وي"
"باهي برشا ،تنجم تو تفهم عليا فاش نحكو ،من سنين هوني صارت كارثة يعني ملي كان بوك عايش هوني،يقولو ايلي في بلاصتنا وايام قبل كانو يدفنو ذهبهم وفلوسهم و اغلى مايملكو تحت الارض ،ها الحكاية شاغلة بال الناس الكل ،الوقت هذاكا كان فمة داموس دخلو فيه بارشا و ماخرجوش ،يغبرو فرد المرة"
"نفس الداموس ايلي احنا دخلنالو " سأل غادة
"وي"
"الداموس هاكي حد مايعرف شنوة فيه ولا شنوة يصير فيه وايلي يدخل مايرجع ،الوحيد ايلي دخل و خرج هو جدك "
بلع ريقو بصعوبة "كي خرج كان عبد اخر،طبيعتو غيرنا ،ساعات يتصرع ويبدا حد يحكي بلسانو ،ساعات تشعل بخذاه نار وتطفى ،ساعات دم يخرج من عينو ومن وذنيه ،وبدنو يتكبس تقول خجرة و ماعادش ينجم يتحرك " تأكد ايلي كلامها صحيح ،يتفكر جدو قبل مايموت كان يتصرع كيما تحكي ،الطبة قالو اعصاب و ايلي مرضو غريب وفي كل مرة يعمل تحليل والا يصور تصويرة يبهتو يلقاو كل شي مريڨل ،لكن حالة الصرع ماتتنحاش
"تبدل كل شي بعدها ،ولدو الكبير ولى مالك شطر ها البلاصة،وشرى الكراهب والتركتورات والماكينات ولى فلاح من اكبر الفلاحة ،اما خوه الصغير لا ملك ولا كسب ،وبعدها هز روحو ورحل من ها البر "
"بابا "
"وي بوك ،هذا ايلي يعرفوه العباد وايلي يحكوه ،لكن انا والمرحوم و بوك و توا غادة نعرفو غير ها الحقيقة"
"شنوة تعرفو"
"جدك قعد اربعين يوم في هاك الداموس واربعين ليلة ،كي خرج ريحتو تقول ميت من الجيف خرج ،شعرو أبيض تقول رماد ،دبشو مخروق مڨعر تقول جاء من بر آخر، قعد هايم على وجهو كي المهبوىل ،الصغار كانو يخافو منو و ساعات يراوه يشرب من الڨلت و ياكل في الحشيش ،ومن بعد ماعادش شافوه  جملة كان كي جاء بوك راحل وقتها ظهر نظيف و لابس وشعرو محجم""
"يعني جدي لقى الذهب ايلي في الداموس لكن هبل بعد مارى الشي هاكي وسمع الصوت و عمي خذى الفلوس وبابا بما انو راجل مصلي خلى كل ومشى "
"عمك كمل ايلي بداه جدك، عملو عقد مع الشيطان "
"شنوة!؟ "
"بين البشر كي نقولو عقد يعني كتب واحد يعطي ولاخر يخلص ،وهذا ايلي صار جدك اكتشف ايلي الداموس وايلي عو بلاصة نجسة وفيها الدم والعفن سكنها الشيطان وعشش فيها واستحوذ عليها ،وجدك راه هذاكا علاه هبل ،وكي عمك عرف عاود دخل للداموس و راه و عاش فيه قد ماعاش جدك فم ،هو عطاه المال والجاه والذهب و باعلو الدم ،دم اول طفلة تتولد في العايلة متاعكم ،دم طفلة  ماتمستش تعطيه دم الانس و هو يعطي دم ابليس وهكاكا يتولدو شطر بشطر ،يعيش بين الناس و يدخل بيناتهم و ابليس ايلي وقف وتحدى ربي سبحانو باش يدخل اكثر عباد تحتو و ينكرهم في دينهم وايمانهم ويكفرهم بها العقد باش يلقى سهولة وينشر سمو بين الناس"
خرج صوتو مبحوح بالسيف مسموع" وخديجة هي الطفلة ايلي تباعت للشيطان "

سكتت لحظات تسترجع في قوتها باش تكمل"بما انو اختك اول طفلة في عايلتكم ،فهي ايلي تباعت وهي ايلي تكتب عليها العقد "
"لكن باما حق هو يبيع اختي،باما حق يعمل ها العقد ،شنوة ذنبها هي فيلي يصير تو"
"أحمد ،عمك لحد ها اللحظة في علاقة مع الشواطن ،لتوا معاه ومرافقينو وين يمشي وين يجي ،كل محل يدخلو يدخلو معاه "
"كيفاه عرفت هذا ،يعني انا نحس ايلي فمة حاجة غريبة هوني ،جو فيه حاجة سبسيال ،فمة حاجة ماتطمنش "
"بالعكس ها البيت محمي مافماش علاش باش تخاف ،انا وغادة نعرفو كيفاه نحمو رواحنا "
"باهي و انا كيفاه انجم نعاون اختي،كيفاه انجم نفسخ ها العقد و نقطع اي علاقة بابليس هذا "
خزرت سعاد لغادة خزرة ليها بارشا معاني "شنوة!؟ اكيد فمة حل تخزروش هكا لبعضكم تقول وفى كل شي"
"صعيب  ،صعيب ياسر انك ترجع في ها العقد "
"لا مافماش حاجة صعيبة ،فمة حل اكيد ،فمة حاجة تمنع ،قدرة ها الشيطان اقل بياسر من قدرة ربي"
"شوف احمد ،شنكون صريحة معاك ،في داركم باش تتعدو ببارشا كوارث،خليني نبدا باختك ،باش تلقاها تحكي بلسان حد اخر،باش تلقاها وتراها في وضعيات خايبين ،باش تتحداك ويمكن توصل تضرك ،انت بالذات ،باش تسمع وماترى شي،باش تشم وماترى شي،ساعات باش تشوف كتيبة غريبة ماكش باش تفهمها،وباااارشا حاجات " خذات ورقة ورسمت دورة "انت و اختك وخوك في ها الدايرة ،برا من ها الدايرة يدور الشيطان و جماعتو ،من عشرين عام كنتو محميين بها الدايرة ،وهي الرقية ايلي عملهالكم البابلي احنا نسموها الدرع ،بوك الله يرحمو و راجلي والبابلي عملوه "رسمت مثلث " البابلي مازال عايش ،بوك وراجلي توفو ،عبارة زوز عرص طاحو ،هاكي علاه تقلبت حياتكم ،بوك و راجلي كانو هوما الدرع ومعاهم البابلي "شطبت على اسم البابلي " موت البابلي يعني موتك انت وخديجة و خوك لاخر هو العرصة الوحيدة ايلي مازالت وهاكي علاه موش منجم يوصللكم بسهولة ،عبارة عندك باب مكسر ،تدخل نسمة باردة لكن الثلج مايدخلش"
حط يدو على جناب راسو ،قلبو معادش بين ضلوعو ،عقلو معادش فوقو ،حاسس روحو باش يهبل "البابلي مالازمش يموت ،شكونو البابلي هذا"
"انا نعرفو شكون " تكلمت غادة بعد ماقعدت ساكتة بارشا
"لازمني نراه لازمني نقابلو "
"ديجا كنا باش نقابلوه ،كان ما تحطش دايخ في الداموس"
"في الداموس هو !؟؟
" لا ،شوف البابلي هذا كيف الطير كل مرة في بلاصة ،ماتعرفش وينو ،في الداموس نلقو شكون يدلنا عليه"
"باهي شنوة لازمني نعمل انا تو ،انا مستعد نعمل اي حاجة المهم ها العقد يتفسخ"
وقفت سعاد وشربت كاس ماء ،وقفت مقابلتو "قتلي شفت راجلي فوق قبر راجلك !؟"
"ايه ،وهاذي زادا نحب نفهم ،روحو والا هو والا شنوة بالضبط"
"هاكي الجان "
"باسم الله الرحمان الرحيم ،جان!؟"
"ايه راجلي توفى وانت تعرف بعد الموت حتى روح ماترجع ،الجان ينجم يتجسد في اي صورة واي شخص ،وقت يحب يكلمك والا يوصلك مساج يظهرلك "
"تحب تقول الجان يحب يوصلي حاجة"
"ايه ،لازم تواجهو وماتحاولش تتهرب "
"،بلع ريقو بخوف ،جان و يواجهو اما هبال هذا " تخافش،هذا جان مسلم ومايضركش ،هو مأمور يوصلك حاجة ويمشي "
"وعلاه انا بالذات "
"تو تعرف علاه وقت تقابل البابلي "
"باهي انا تو لازمني نواجه هذا ايلي يتجسد في شكل راجلك و بعد..."
"بعد.كل شي يجي بطبيعتو "
"وانت منين تعرف هذا ااكل انت وبنتك "
"انا استاذة جامعية عملت بحوث على الظواهر الخارقة هاذي،هاكي علاه تلقاني ديما نفسر الرموز و نحكيلك ها الحكايات "
"في بالي العلم يقول ايلي ااجان خرافة والشيطان خرافة"
"الاسلام شيقول "
"حقيقة"
"،هاك جاوبت وحدك ،غادة بنتي تولدت غير اي طفلة واي عبد ،مانعرفش في العالم قداه من حالة كيفها لكن اكيد هما قلة"
"شمعناها غير اي طفلة "جاوبتو غادة" يعني انا انجم نرى اي جان واي كائن اخر غيرنا "