ضغوطات الحياة ( روايات ليبية )

حلقة 11🔥 ما قبل النهاية 🔥

الحلقة الحادية عشر (ماقبل الاخير)
ضغوطات الحياة

  
  
 
ونا نبكي من جيهة ليلى ومن جيهة عمى وروحوا المعازيم ونحن قعدنا انصوروا هكي وينزلن البنات على سناب شويا وجتني رسالة مكتوب فيها
من عمر
(سامحيني انا مش هنقدر انكمل معاك)
انا قعدت انبحت هك وهك وماسكتني العبرهه ومش قادرهه نبكي ماسكة روحي بالسيف
رغد:-نوران عيونك حمر
انا انبحت فيها وطلعت عديت شور الحمام طول ونهارت بكاء 💔
زهرة:-شن في كنك يانوران ليش تبكي
انا فتحتلها النقال ووريتها الرسالة
زهرة:-هذا توقعته عقله كبيب لكن للاسف طلع عيل خلاص والله مايتاهل منك ختى دمعة هو الي باعك مش انتي وسيوره هيخسرك خلاص سلم نونة
نوران:-مضايقهه اقسم بالله
زهرة:-شن يضايقك ياقلبي وامك عايشة معاك هيا صبي صبي ياقلبي
صبيت انا وياها. 
 
___________
 
عند ندى
ندى مقعمزة اتفرج على تلفزيون وعارفة انه حسن مش هيجي توا
وجت بتخش الدار
خش حسن
ندى:-غريبة جيت !
حسن:-راسي ياندى
ندى:-كنك
حسن:-شن كنك كلميلي ابراهيم
ندى:-مادخلنيش بيك انا هذا نقالك وكلم بروحك
حسن:-وراس ندى مانشوف في الدنيا قدامي رنيلي عليه بس
ندى:-مش شوري بيك انا دبر
حسن فتح مقاله وقعد يدور في الاسم وراسة يقلب ومعدته زاعمة
رن على ابراهيم يكون خوه
مابش يرد دزله رسالة انا مريض رد عليا
شويا ورد عليه
حسن:-ابراهيم
ابراهيم:-شن تبي معش اتهمنا انت عديت وسيبت الحوش ودرتلنا فالطة هك كبرتها مايهمنش وامي مش مسامحتك يكون في علمك كان ماطلق البنت وتجينا
سكر عليه
رن على احمد
حسن:-احمد تعال بسرعة شسلني المستشفى تعبان
احمد:-عشر دقايق ونجيك
سكر عليه وندى اتبحت
حسن:-جيبيلي كويشي نلبسه
ندى:-شن خدامتك اتشوف فيا !!
حسن:-غير انصحلك بس
صبه حسن وطلب منها اتلبسه لاه ومابتش وقعد يزر في روحه ماعرفش يلبسه راسه يوجع فيه ودايخ
 
______________
 
عند ليلى
راجلها اسمه صالح
صالح:-سمي
ليلى:-بسم الله
صالح:-نعليا شن الجمال هذا عارفة عيونك خيال 😍وهذا الي طيحني فيك
ليلى:-سيبني ماتلمسنيش
صالح:-نعنجد هذي انا راجلك ياهبلة
ليلى خافت:-باهي نصلوا قبل
صالح:-هي
رفعها شور الدار وسلحت ولبست زي الصلاة وصلوا
كملوا صلاة
صالح:-صبي ياجمالي
ليلى:-انت شن اسمك
صالح:-صالح ياغزالي
ليلى:-اها
صالح:-ارخيلي روحك يالولي
ليلى:-انا مش مستعدة وخايفة
صالح:-ماتخافيش انا معاك
ليلى قعدت تبكي وترعش
صالح مسك يدها:-كنك شن فيك ياليلى في حد غاصبك على حاجة؟؟
ليلى:-لا مافيش حد
صالح متأكدة
ليلى:-اها
وباسها في كتفها
صالح:-في قمر يبكي
ليلى ضحكت
صالح:-انتي صاح صغيرة بس مغريه يابنت
ليلى ترعش وخايفة
صالح:-ارخيلي روحك يالولي
قعد يبوس فيها في رقبتها
ليلى:-انا جعانة انت مش جعان
صالح:-لا مش حعان غير تعالي بس
ليلى:-باهي ناكلوا بس
صالح مءك ليلى من خصرها وحطها على سرير
صالح:-اسسس خلاص ياليلى ماديريش سبل
وقرب منها......
  
_________________
  
بعد 6 شهور
بالنسبة ليا انا مافيش اي جديد ماتصلش بيا عمر بكل ولا دورني ولا دورته
بيسان عايشة حياتها وتجري في جرت عبدالسلام
ليلى حامل في الخامس
وندى حسن لاه شهرين معش جاء للحوش وهيا حامل في الثامن مزاللها شهر وتجيب
وبابا مختفي معش جانا من بعد عرس ليلى مانندروش عليه بكلل
ورنا طلع فرحها لاه شهر بدون بابا 💔💔
ومحمد روح البنغازي وتغيرت حياتنا 100 درجة انا دبتي في الجامعة وكملت قرايا ودفعتي كملوا امتحانات وتخرجوا ونا بديت قي السمستر الاخير ونشوف في عمر ومطنشني ولا يعدل عليا
وبيسان بدت قرايا حتى هيا وصاحباتها سابقاتها
وليلى خلاها اتكمل
وايضاً رنا
 
_____________
 
عندي في الجامعة
انا مقعمزة جنب الريسبشن وجاء العمر
الريسبشن:-اوو دكتور
عمر:-كيف حالك
الريسبشن:-الحمدالله
قعدوا يهدرزوا ونا قعدت انبحت فيه من بعيد
هو برم وجه فطنلي ودار روحه ماشافنيش وعدهه
 
____________
 
عند رنا اختي
رنا:-انا حاسة روحي دايخة ياخالد خالد:-كنك ياعمري
رنا:-مش عارفة
خالد:-هيا انشيلك للمستشفى
رنا:-مش درجة مستشفى خلاص اطلع خليني انكمل المطبخ ماتشيلش هم
طلع خالد واطيح ادوخ رنا يشيلها خالد بسرعة
شالها للمستشفى ومشت معاه امه وخبر ماما وجو ماما ومحمد
خالد:-انشالله خير
ماما تضحك:-ماتخافش توا يبشورك في وليد جاي في الطريق
خالد:-انشالله
ام خالد رقتلها:-انشالله لا
طلع الدكتور وقال درنالها تحاليل وبنشوفهن توا ونخبركم
وقاعدين مقعمزين على امل انه رنا حامل
جاء الدكتور
.......
 
______________
 
عند ندى
تبكي وجعها حالها بطنها الي قدامها والراجل الي اختفه ومعش بان وهيا قاعدة في الخلا خالي والراجل يطالب فيهم بإيجار الشقة وكانت تحسابها شقته
ندى تبكي:-شن درتي روحك يانندى شن درتي في روحك رايفت الخواتي ومااما نادمه على ساعة الي سيبتهن فيها 💔
ويدق الباب
ندى:-اكيده حسن
وتفتح الباب
يخش عليها واحد عامل وسكر الباب
العامل:-عارفة يابت انا كنت حاطط عيناية عليك من البعيد
ندى:-اطله براااا خطاني انا ولية حامل
اقرب منها وقعد يبوس فيها وقعدت اتعيط
ويخش حسن يعطيه طريحة سمحة يأدبه بيها ويطلعه
ويسكر الباب
ندى مطوحة على وطا وتبكي
حسن:-ندى سامحيني والله سامحيني
ندى اتخض وفمها انبيض
حسن:-ندى ادوي معايا وراس معاك
ندى ترعش:-انت دمرتني دمرتني حسبي الله ونعم الوكيل فيك
حسن:-سامحيني والله كنت في شغل
ندى:-ماتضحكش عليا مش انا البنت الصغيرة ااي ينضحك عليها شوف منظري ونا حامل تعبت انا تعبت
حسن:-عاطيني فرصة
ندى:-خلاص مليت ناعطيك في فرص 
حسن:-وراس امك
ندى :-اهههه بطنييي
حسن:-كنككك كنككك شن فيكك
ندى:-حسننن بنموتت شيلني ياحسن
طلع حسن يجري بيها شور المستشفى وشافها وخششوها حالة ولاده مبكره وهو يرعش وخايف
 
___________
 
عندي
انا نستنا في محمد معش جاء انشغلت وقعدت انرن عليه
اسراء:-نوران ازيكك
انا:-تمام وانتي
اسراء:-تمام بشوفتك
انا:-انشالله خير عليش جاية
اسراء:-انقدم في مشروع التخرج
انا:-اها مبروك
اسراء:-الله يبارك فيك موفقة حبيبتي
انا:-انشالله حتى انتي
اسراء:-انشالله مع سلامة
انا:-سلام
عدت اسراء ونا قعمزت نستنا في محمد معش جاء جتني ليلى بسيرتها
انا:-ليلى شن جيبك !!
ليلى:-هيا اطلعي بس خليني نحكيلك
طلعت وحكتلي على رنا وكشينا شور الحوش ليلى تبي تبات عندنا
_____________ 
 
عند رنا في المستشفى 
ماما تبكي وتخبط
ماما:-بنتي مزالت صغيرة مزالت
محمد:-كله من باتي ركب في البنت مرض
خالد حاط يديه على راسه
رنا طلع عندها السكر
ماما:-بنيتي توا يتعبها السكر مزالت صغيرة 💔💔
ام خالد:-اصلا نحن رضينا ببنتكن وبوها السكار واختها الي هاربة وساكتين تطلعلنا البنت عندها السكر اخره ياعليك نصيب ياخالد يادكتور
ماما اسكتت وماعرفتش اترد عليها
 
____________

 
عند ندى وحسن
بعد ساعتين
طلع الدكتور
الدكتور:-الحمدالله على سلامة ويتربى في عزك الحمدالله رزقك ربي بوليد
حسن:-الحمدالله ياربي وندى كيف حال صحتها توا
الدكتور:-عظم الله اجرك توفت الوالدة في حالة الولادة
عده الدكتور وحسن منصدم وبدن عيونه يدمعن بالقوة
حسن:-لا مستحيللل مستحيلل
خش على ندة لقاها حاطين على الابيض نزل عليها وقعد يبكي
حسن:-سامحيني ياندى سامحيني كله مني صار الي صار بسببي مش هنسامح روحي سامحيني وراس امك سامحينيي ياريتني ماغلطت معاك ضميري مش هيسمحلي انعيش اقسم بالله ياريتني ياندى ماجيت شورك ياريتني ياربي سمحني ساربي شن اندير في روحي سامحيني وراس امك
نزل حسن عليها وقعد يبكي بقوة لين انفجر
الدكتور:-هذا عمرها وربي هك كتبلها ادعيلها بالرحمة
حسن:-وراس امكم خلوني معاها شويا على اقل نودعها لأخر مرة
طلع الدكتور وحسن نزل يبكي ومسك في يدها
حسن:-لو يرد بيا الزمان كان انبناهه حبنا وعديت مشيت من الباب لباتك وطلبتك بالحلال بدال ماكنا بالحرام وكنت كل شي انتي تبيه درته اك كل حاجة انتي صغيرة ومزلتي ماشفتي شي من الدنيا وكلا مني ضيعتلك مستقبلك وخاطي هك عمرك اخرهه سامحيني وراس امك
وطبس قعد يبكي وبحصرة
خش الدكتور وقعدوا يسكتوا فيه وجاء خوه ابراهيم وجوا عمر واحمد وفرج والشباب
عمر:-لا اله الا الله
عمر انصدم وماعرفش كيف يخبر هلها
احمد:-قوي عزمك شويا وهلها لازم يعرفوا كلم نوران وقوللها وخلاص
عمر رن عليا

انا:-عمر يرن
ليلى:-الله
انا:-الله
ليلى:-باهي ردي
انا:-توا انرد وخلاص
رديت عليه
انا:-الو
عمر:-اهلين نوران
انا:-مرحبا
عمر:-كيف حالك اليوم وكيف امك وخواتك زصحة باتك وخوك
انا:-الحمدالله بخير كلهم وانت كيف حالك وكيف حال امك
عمر:-الحمدالله ماتبيش تسألي على ندى كيف حالها!!
انا:-ندى خلاص انتهت بالنسبة ليا هالصايعة الي فضحت بينا
ليلى:-اهدي شويا
عمر:-نوران اهدي مش هكي في النهاية بكل اختك هذي
انا:-انا مانبيش نسمع عليها اي حاجة مانبيش حتر سيرتها
عمر:-باهي نبي انقولك حاجة ياريت اتخبريها العيلتك اليوم الجنازة على ظهر
انا:-!!!!جنازة من !!
عمر:-جنازة ندى اختك توفت وهيا تولد
انا قلبي وقف ومعش انحق في الدنيا قدامي ومن الصدمة عيوني معش قدرن يدمعن وفجأة هك قعدن يمرن عليا شريط طفولتي مع خواتي 💔
عمر:-عظم الله اجرك
انا سكرت النقال ومستكة
ليلى صفت السيارة على يمين
ليلى:-نوران كنك !!شن في شن قالك
انا:-مستحيلل مستحيلل
ليلى:-شنو المستحيلل !!
انا:-ندى ماتت ندى ماتتت
ليلى قعدت تعيط وتخبط على دومان
ونا بدن دموعي ينزلن بسرعة
انا:-بنعديلها بنشوفهاا
ليلى:-كلميه قوليله وين المستشفى
انا:-اهههههه ياندى وههههه خيتي ياربييي لااااااااا شن درتي في روحك ياندى شن درتي
ليلى اتخبط على سيارة وتبكي ونا انهرت بكاء معش عرفت نسكت
 
#يتبع
ترقبوا الحلقة الاخيرة ❤