ضغوطات الحياة ( روايات ليبية )

حلقة 2🔥

ضغوطات الحياة 
الحلقة الثانية
  
عند عمر
عمر:-امس
نعيمة:-حبيبي جيت !!
عمر:-اها انا خاش اندير دوش وانتي ديريلي الفطور نفطرو مع بعضنا اصلا ماشي صاحبي عزمني على غداء
نعيمة:-بس انا دايرة رز بالخلطة ومحشي اليوم عشان خاطرك ياعمري
عمر:-خلاص غير يوم انا ماشي ندوش
نعيمة:-باهي
خشت نعيمو للمطبخ توتي في فطور
   
___________
   عندنا
ندى خشت للحمام وطلعت نقالها السري ورنت على رقم مكتوب حبيبي
حسن:-الو
ندى:-الو يابيبي
حسن:-ندوشتي شنجوك
ندى:-تمام ياعمري وانت
حسن:-تمام ياقلبي
ندى:-رايفتلك
حسن:-وحتى نا خلاص ياعمري اهو مزال السبت ونجيك في المدرسة انشوفك
ندى:-لا لا ماتجيش
حسن:-عليش شن في شن الجديد مثلا!!
ندى:-لا مش جديد ولا شي ماتجيش خلاص
حسن:-ندى كنك راقيلك نحسك جوك مش تمام
ندى:-سونة والله مافيا حاجة ياعمري مروقة بالعكس وبذات لما حكيت معاك
حسن:-نعليا انا 😍❤باهي نحبكك ياغلايا
ندى:-ونعشقك يااحلى حاجة في دنيتي كلها 😍
حسن:-ديري بالك من روحك ياسمحتي
ندى:-انشالله
حسن:-وين بوستي 😂
ندى:-اموووووواه 😍
حسن:-باي ياعمري
سكر حسن ودست ندى النقال في جيب جاكت توتتها وقعدت تبحت في روحها في المراية وتبكي
ندى:-خلاص اشوهت انا كان يشوفني حسن معش يبحت في وجهي بكلل خلاص منظري اعيي بكلل انا مش زي صحباتي مش زيهن انا حياتي تختلف عليهن ليششش ليشش بس 😭😭امتى تجي ياحسن وتاخضني وتريحني منهم 💔😭😫
  
ستوب شويا
كيف ماعارفين انه ندى طفلة بنت صغيرة يعني عمرهاا كيف طقت ال14 سنة
اتحب واحد عرفاتها عليه صحبتها عيل فلوس وحالته فوق الريح بس كبير ومواليد 89
 
انا:-ماما نساعدك في حاجة !!
ماما صرحانة وماردتش عليا
انا:-ماما ندويلك !!
ماما:-بتجي تعالي يانوران
انا:-غلايا وحبي انتي كنك ياعمري خلاص نحن تعودنا عليه بابا هكي
ماما:-معقولة يهني ويجرحني قدامكم انا مش لعبة ولا نجسة يشوف فيا قدامه بيش يضربني قدام عيالي ويهين كرامتي قدامكم والله انا متحاملة الا عشانكم تعبت منه الراجل هذا زاد ماهو سكار وكل حاجة يضرب اخرهه ياعليك شحات ويشرط
وماما دموعها يشرن كيف شلال النهر
انا اضبطتها:-ماما الله غالب ديما اامني بالمكتوب ربي كتبلك بابا انك تاخضي وتعيشي معاه وهكي هيسير نحن شن عرفنه بلكي بابا يقعد احسن من قبل
ماما ضحكت:-مستحيل يانزران الراجل هذا عايشة معاه 22 سنة وماعمره بيتغير مستحيل الشي هذا
انا:-الدنيا نصيب والله غالب يمكن يتغير حتى بعد متين سنة
ماما:-يمكن خلاص مش وقت بكى توا هيا عدي توا ديري السلاطة خلينا نديرو مصارين اليوم
انا:-هي حاضرر
بدينا نديرو انا وماما المصارين وقعدت تعلم فيا كيف انظف وهكي
محمد:-امي خلاص انا طالع
ماما:-وين ماشي !!
محمد:-ماشي للشغل
ماما:-هو الشغل حتى يوم الجمعة
محمد:-الله غالب باهي توصيني على حاجة
ماما:-سلامتك
محمد:-تم
طلع محمد وقعدنا نكملو انا وماما
وفجاءة خش علينا بابا
بابا:-نبي ناكل انا جعان
ماما:-صبي يانوران عاطيه اي حاجة
انا:-باهي يابابا شويا بس
قعدت ندور ندور اي حاجة مالقيت شي
انا:-مافيش شي يابابا
بابا:-كيف مافيش شي تي كيف
انا:-شن بندير مافيش شي في الحوش محمد ماجبش شي
بابا قعد يخبط فوق راسه وطلع
ماما:-ربي تلطف بينا ماقتلنا
انا:-عليك حالة حالته
رنا:-نساعدكم
ماما:-لالا غير انتي امشي ضمي الحوش انتي وليلى وبيسان والفرخة ندى
رنا:-والله ياماما ضمينا الحوش كله الا دارك عشان بابا مايخليش فينا نضمو فيها والحمام لأنه ندى لنا تقريبا عشر ساعات ونحن انادولها ماتبيش تفتح وتهزب فينا
ماما:-لا حول الله باهي عدي انتي توا خليني نكمل شغلي
طلعت رنا
ولقت ليلى بروحها في الدار وشكلها مايفسرش
رنا:-كنك !!
ليلى:-لا شي شي
رنا:-شنو شي احكي وجك اصفر عارفة حتى الليمونة ماهكي !!
ليلى:-قتلك مافيش شي
رنا:-تي احكيي
ليلى:-ماعندي مانحكي شن انألفلك حكاية بيش تصدقيني
وطلعت
   
ندى بروحها في الحمام دايرهه رغوة وصابون في الميهه وتبكي
ندى:-انا كيف نرد نوري وجهي لاهه اخرهه هو معش هيتقبلني كله منه المجنون السكار هذا امتى نتفكهه منهم كلهمم امتى
بيسان:-ياندى خلاص اطلعي لك ساعتين في الحمام شن متي جوا!!
ندى:-هلى اساس يهمكم متت ولا عشت توا
بيسان:-ماتجننيش وافتحي الباب
ندى:-خطيني
بابا:-شن في شن في
بيسان رعشت:-لا ماشي مافي شي
بابا:-من في الحمام جوا !!
بيسان:؛ندى تدوش شويا وتطلع اصلا توا كيف خشت
بابا:-افتحي راهو نكسر الباب عليك اطلعي يافرخة الحرام اطلعي
ندى تبكي جوا وخضت المنشف وطلعت تجري مبلولة وحالتها حالة ونست البيجامة الي فيها النقال
بابا:-مزال عندك عين تسبحي امشي من قدام خلقتي راهو نكمل عليك
بيسان:-بابا معليش ممكن ناخض السلة
بابا:-ماتاخضي شي انخش الحمام وبعدها خوضي الي تبي تاخضيهه    
____________ 
 
عمر:-نعليا منك يااحلى حاجة في دنيتي كلها
نعيمة:-حبيبي انت ربي مايحرمني منك ياعمر ويخليك ليا ياقلبي
عمر:-خلاص انا طولت على شباب سلام
نعيمة:-تمام دير بالك على روحك
عمر:-حاضر
سكرت نعيمة الباب وخشت للمطبخ اتكمل غداها
نعيمة:-شن بندير بروحي انا في هالكساد توا نكلم خويا يجي ياخضتي ونشيل غدايا معايا نتغداء عند هلي خير
  
______________  
  
عندنا
ندى:-كنك !!
ليلى:-ندى تعالي نبيك
ندى:-ها كنك !!
ليلى:-ندى خواتك خنقاتني مش قادرهه ندير شي ياندى
ندى:-مافهمتش شن تحكي انتي
ليلى:-في واحد خش عليا كان تحقي فوق الريح العيل وشاريني ويحبني ويترجا فيا لاه كم يوم ويدزلي مع صحباتي ونا خايفة انقول اها خواتك يقتلني ويقولنها الماما وبعدين يوصل الموضوع البابا ومحمد وننتهي انا بس نحبهه والله نحبه
ندى:-وعادي عاطيه فرصة شنو يعني
ليلى:-زعمك!!
ندى:-اها ونعنهن مايردن خواتك ماتعدليش عليهن وديري الي يريحك 😏
ليلى:-خلاص طمنتيني بس اكيدهه هنكون حذرهه من الموضوع هذا !وشن رايك نمشو انباتو عند جدي كم يوم ونريحو راسنا منهم
ندى:-نمشي ونا شكلي هكي عدي بروحك
ليلى:-هوفف عادي مش غرباء هما يابيبي على اساس اول مرة يشوفوك
ندى:-خلاص قتلك انتي بتعدي عدي انا مانيش ماشيا وتوا اطلعي نبي نلبس
ليلى:-خلاص قاعدة توا نغمض عيوني مش هنشوفك
ندى:-لالا اطلعي فكيني من السماطهه
طلعت ليلى وسكرت ندى الباب بالمفتاح ولبست بجيماتها وقعدت اتدور في الجاكة مالقتهش
ندى:-في الحمام قاعدة وفيها النقالل حي على امكك ياندى ياربي اطب في بيسان ارحممم حي علياااا 😱😱
طلعت ندى تجري لقت باتها مزال في الحمام خشت تجري للدار وقعدت تخبط وتبكي
خشيت انا لقيتها تبكي
انا:-ندى كنك !!
ندى:-سيبيني خاطيني
انا:-تي كنك احكي
ندى:-مافي شي مافي شي
انا:-ندى راهو يجيك كف كان ماتقولي
ندى:-تيييييي خلاصصصص قتلك انااا.
    
____________
  
عند محمد
محمد:-اووووههه عليوة
علي:-حمادي شنو جوك
محمد:-الحمدالله ياطيري شنو جوك انت ياصقع
علي:-والله تمام يامعلم كنك!
محمد:-لا شي بس باتي
علي:-يادي عمي فؤاد كنه !!
محمد:-تعبني ياعلي تعبني بصفتك انت اقرب واحد ليا عشان هكي ندويلك
علي بحت في محمد:-من جدك انت تي نحن خوت ولي يسير معاك ويوجعك انا يوجعني وكأنه صار معايا نحن مش رفقة يوم ولا يومين نحن سنين ياطيري
محمد ابتسم:-ربي يحفظك ياعليوة
علي:-باهي تشرب مكياطة نمشي نجيب انا وياك تروقك
محمد:-خلاص جيب ونا على بال مانظمت الدنيا في المحل
علي:-تم ياطيري
محمد:-تم

  
________________
 
عند عمر
عمر:-احمد
عمر:-وين ياحميدة
عمر:-وين الشباب جو!!
عمر:-جوا يالطير تعال خش
عمر:-هي جاي
خشو الشباب جوا
عمر:-هاني وفرج اووووه شنو الجو
فرج:-تمام ياعمورة شنجوط انت يالطير
عمر:-كويس بشوفتك 😍
هاني:-اووو عمورة
عمر:-هاني شنجوك
هاني:-والله الحمدالله
احمد:-تفضلو ياشباب قعمزو
عمر:-شنجوكم شن دايرين
هاني:-والله قاعدين لك وحشة والله
عمر:-والله حتى انتم معش شفناكم ياتيوس
فرج:-ههههه انت الي ماتسأل اخر مرة رنيت عليك انا لقيتك مقفل
عمر:-والله؟؟
فرج:-والله الله
احمد:-😂باهي شن تهدرزولنا
فرج:-والله يالطير حصلت بنية مش جميلة جمال ربي حطه فيها
احمد:-هههههههه حي على ام الصياعة بكلل توا البنات كلهن زي بعضهن جميلة وبشعة
هاني:-لا حتى الجميلة لها دور
احمد:-انا نشوف في البنات كلهن زي بعضهن ولا ياعمر
عمر:-لا مش شوري مواضيع البنات انا
فرج:-الله ياشيخ انت 😂😂
عمر:-ذنوب على فاضي قطاف زايد النبي
احمد:-شن العيشة العايشها هذي الي يحقك يقول مش ليبي 😂😂تي ارتبط بوحدة على اقل اطلعك من النفسية الي انت عايش فيها
عمر:-ساهل ساهل
فرج:-عندي لك انا وحدة مش طرف
عمر:-فرججج
فرج:-خلاص معليش
هاني واحمد😂😂😂😂
فرح:-انقنك عقد
عمر:-سكر على موضوع هذا
احمد:-تي عشان فرخة الي اسمها هبة خلاتك تكره البنات كلهن هيا كذابة بس والله في بنات ناس ومشالله عليهن ويحبن راجل مستحيل يخوننه ويصوننه مش كلهن هكي والله هذي كبرتها في راسها
عمر:-سكرلي على موضوعها لأني مانبيش نسمع بيها البنت هذي
فرج:-اوههه ياعمر قصدك كانت في هبة من قبل 😂😂
عمر:-شباب خلاصصص
هاني:-سكر فمك ازف يارغاي انت شن دخلك بالعيل مخشش مناخيرك في كل حاجة
فرج:-لا نبيه يكسد خير ماماد وجه انا بس
عمر:-لا بالرسمي شكلها صاحبتك قلتلك دبرلي عريس الاختي
فرج:-ههه لا والله ماهكي بس نبيك تطلع من الضغوطات هذي
عمر:-اوهههه خلاص ع قرفتني في القعدهه
احمد:-خلاص سكر فمك باهي استنوني امي جابت القهوة
 
______________
 
عندنا 
 
طلع بابا من الحمام كان وجه حامي وراقيله ويفنص
بيسان:-بابا !!
بابا:-ياندى 😳
ندى:-حي عليك ياندى نفضحتي نفضحتي
وصبت تجري سكرت الباب
بابا:-افتحي الخرية
ندى:-يابابا افهكني قبل بسسسس
بابا:-قتلك افتحي خير مانكسرهه
ندى:-والله ماني فاتحهه يامامااا
انا:-ياندى حليله عليش خايفة
ندى:-نفضحت يانوران نفضحت 😱😱😭😭
بابا:-قتلك حلي اناا
انا:-شن دايرهه
ندى:-ماشي ماشي
بابا:-حلي يافرخة
جت ماما تجري
ماما:-شن في ياراجل كنك تعيط
بابا:-وين الصابون وينهه
ندى:-اين صابون
بابا:-الصابون وين
ندى:-اها قاعد في الباينو 😢
مشى باتها
انا :-استر الله منك انتي
ندى:-تي كنك معايا خطيني انتي شن دخلك بحياتي هذي حياتي ونا حرهه فيها تهيالي
انا بحتت فيها:-لعند توا مابين معايا شي غير يبين وحسابك بعدها
بابا طلع من حمام وخشت بيسان لمت السلة بعدها ومافطنش للنقال
شويا هكي بيسان فطنت الضي نقال في الجاكة
بيسان:-!!!شنو هذا
وطلعت لقاته نقال المتصل (حبيبي)
بيسان:-😳ياندى هذي اخرتها !!
ليلى:-شن في كنك
بيسان:-حولي من قدام خلقتي
ليلى:-غير كنك
طلعت بيسان تجري شور الدار عند ندى كانت تجفف في شعرها
بيسان:-ندى شنو هذا ممكن تفهميني !!
ندى خافت لكن بينت روحها عادي:-اها هذا نقال صحبتي عطاته ليا
بيسان:-شن تحسابيني عيل صغير قدامك مثلا !!
ندى:-خطيني خلاص
بيسان:-كاننن ماتقولي والله نمشي الباتكك توا
ندى:-هذا نقالي وجابه ليا صاحبي وحبيبي وعمري كله وكان قالي نهرب معاه نهرب وعادي جدا لأني نحبه على اقل يحبني ويخاف عليا اكثر منكم وخلاص انا اول مانكمل ثالثة ثانوي يجي ياخضني ونهج منك
ليلى:!!
بيسان:-صار هذي اخرتها كملتي !!
ندى:-شن تبيني نقولك اخرهه!!
ليلى:-لا انتي فانص بالرسمي
ندى:-على اساس انتي مش فانص توا
بيسان تضرب كف الندى
بيسان:-التزمي حدودك
ندى اتصبي ادف بيسان على دولاب
ندى:-اخر مرة نعاودها لكن هذي حياتي مش حياتكن تي افهمننننن
بيسان:-ونا حابهه نخش في حياتك
وتمسك بيسان ندى من شعرها وتضربها وليلى تحز
ليلى:-حلاص يابيسان خلاص
ندى تهجم على بيسان وقعدن يضربن في بعضهن
ليلى:-ندى يامتخلفههه خلاص توا يجي باتكن يورينا كلنا الله يستركن استرنا تي خلاص
بيسان:-هذا هو النقال صاح!!
ندى:-جيبيههه هنا خير والله مانقتلك
بيسان:-تبيههه ياسمحة
ندى:-بيسانن هيتيي هناااا ماتخليش يطلعن جنوني
بيسان رماته على وطاته وقعدت تعفس عليه
ندى:-نقالي
وتضرب كف البيسان
بيسان فتحت فمها ونصدمت من الكف
ليلى خضت النقال ورماته في الساس
ندى:-خلاصصصصصصصص😭😭😭😭😭😭😭😭😭
ليلى:-مش مرهه اخرهه تحترمي نفسك وتعرفي من ضربتي توا
ندى:-والله نقتلكككك نقتلككك
ليلى:-استرجي وديريها باهي
ندى:-سكري فمككككككك والله نمشي نحكيلهم شن بديري
ليلى:-ونا نحكيلهم شن عندككك توا
بيسان تبكي على وطا
طبست ليلى عليها
ليلى:-بيسيي حبيبتي خلاص ياعمري سادكك هذي حقيرهه وتبيله تربية قليلة التربية
ندى:-😒
طلعت ندى وسكرت الباب
بيسان:-هذي جازتنا نحن هذي اخرتها باهي شن ذنب محمك شن ذنبه بيش تجي اخت زي هذي تفضح بيههه كيف عطاها النقال وكيف شفاتهه
ليلى:-البنت هذي نوران من يوم يومها مش متريحتلها
بيسان:-اوفف نفسيتي تعبانهه دمرتلي نفسيتيي
ليلى اضبطت بيسان
ليلى:-ربي يهديها
بيسان:-لازم اندير وحلل نحكي المحمد
ليلى:-بيسان لا يابيسان ماديريش هكي محمد والله مش هيسكتلها
بيسان:-امالهه انشوف واحد يضحك علي اختي ونسكت مثلا!!ها ترا احكي اختك طفلهه وطايشة اختك نخاف منهاا اديرلها شي حاجة هذي مجنونة 
ليلى:-خلاص يابيسي توا نحن نحلوهاا بس ماتخشيش محمد انتي هدديها تهديد بس
بيسان:-ياربي ياربيي اهديهاا
خشيت انا ورنا على بنات لقيناهن يتباكن
انا:-!!ليلى بيسان كنكن
بيسان بحتت في ليلى وليلي بحتت في بيسان
ليلى:-لا يانونتي مافيش شي ياقلبي!!
انا:-في اتدسن فيها عليا احكن يابنات احكن سلم خياتي !!
رنا:-الموضوع شور ندى صاحح
بيسان:-اختك لقيت عندها نقال سري
انا ورنا:-شنوووو !!
بيسان:-لقيته عندها وياريته خافت ولا دارت موقف الا جوبتني بعين وقحة قلتلي يحبني ويبيني وبياخضني بعد ثالثة ثانوي
رنا:-البنت هذي خربت خربت يانوران
انا:-وينها هيا توا !!
ليلى:-مش عارفة !
رنا:-والنقال شن درتله
ليلى:-كسرناه هيا لماته وطلعت
انا طلعت ووراية رنا
بحتت في الحوش مالقيتهش قاعدة
انا:-ماما شفتي ندى!!
ماما:-لالا ماشفتهش عليش
رنا:-لا شي غير بنعطوها حاجة
ماما:-اكيدهه في الجنان
طلعت انا ورنا ونا يدي علي قلبي وخايفة تكون دارت شي حاجة طلعت نجرو وفجاءة نلقو ندى في الجنان مطبسة مش عاؤف شن ادير
قربت منها وحطيت يدي على ظهرها
انا:-ندى
ندى:-حولي سيبيني شن تبي مني !!
انا:-ندوشتي حبيبتي اسمعيني نبي نقولك كلمتين بس
ندى:-ونا مانبيش نسمعك لو سمعتي
انا:-ندى
عدت ندى وسيبتني ونا رقتلي بجك وخضيت العصا من الجنان
رنا:-وين ماشيا يامتخلفة انتي !!
انا:-حولي غادي انتي مش شورك
رنا:-نوران مش وقتك توا هيشك فينا باتك بعدها الله يسترك استرينا
انا:-اليوم امك ماشيا العيت جدي والله الا نوريها
رنا:-ايواة كل شي في وقتو حلو
انا:-مستفزتني مش فاهمة
رنا:-حتى نا اشر منك بس اختك ماتسمعش في الكلمة بكل تعبتني معاها
انا:-لالا توا تشوف خليها توا
 
ماما:-ليلى وبيسان وندى تمشن معايا اليوم
ندى ادير في مونكير:-لا
ليلى:-اها ماشيا اصلا نبي نغير جو ونبات
ماما:-اصلا بايتة انا
ليلى:-والله جد 😓
ماما:-اها
ندى:-هها قوليلها عليش ماشيا وميتة على مشية
بيسان:-انا مش ماشيا ياماما ماعنديش نيهه
ماما:-براحتكن كل شي براحتكن بس مش شوري بندزلكن خالكن يجي ياخضكن في الليل هكي اتفقت انا ونوران
بيسان:-تممم
ندى:-والله !!مانبيش نمشي انا
ماما:-شن ماتبيش تمشي هيا ليلة ومراوحين عندكن ممدددارس بعدها
ندى:-غير انتي امشي اشطري على راجلك يلي يضرب فيك بالكف والكانشو
وقلبت عيونها وعدت
ماما:-شن قالت!!
بيسان صبت لحقت ندى
ليلى:-لا ماقالت شي هذي متخلفهه عدي شوفي الغداء ياماما
 
ندى خشت للدار وخشت وراها بيسان
بيسان:-انتي مجنونة شكلك بالرسمي
ندى مابتش ترد عليها
بيسان:-ندويلك انا ياخرية ردي عليا
ندى تبر اضرب بيسان كف
بيسان:-تضرييني انا
ندى:-اها نضربك ونكسرك تكسير اخرهه
بيسان:-استرجي وكسريني
وترد بيسان تضرب ندى كف وتكرها من شعرها وطيحها وتبدا فيها ضرب
ندى:-خطينييييييييييي
بيسان:-سكري فمك راهو خيرلك واحترمي نفسك واعرفي روحك تحكي مغ اختك الكبيرة ياقليلة الادب
انا:-شن في شنو ؟؟
بيسان:-اسألي قليلة الادب الهانم هذي شرفي احكي هي
ندى:-مش محتاجة نحكي
ثاني حاجة انتي تمدي يدك عليا مرة اخره نكسرلك يدك فاهمة ولالا
انا:-تعالي ويا عرفة بقدري نمشي نحكي المحمد كل حاجة درتيها عارفة
ندى:-واحكي الي تبيهه لا تهميني انتي لا الشلتت الي جنبك ولا محمد
انا:-خليك قدها ها ؟
ندى:-قدها تماما
طلعت ندى
بيسان:-البنت هذي تعبتنهه اقسم بالله
انا:-خلاص انا هنمشي نقرا وانتن خلن عيونكن عليها فاهمات 👌
بيسان:-حاضر
طلعت خشيت لدار محمد وسكرت الباب ورقدت على بطني وفتحت الكتابات
خشت ماما عليا
ماما:-نونة
انا:-نعم ياعمري
ماما:-حبيبتي تبي حاجة
انا:-ياريتهه فنجان قهوة ياقلبي
ماما:-بهه انديرلك قهوة وبعدين انا ماشيا 😍
انا:-تمم ياعمري
ماما:-زي ماقتلك لمي دبشك انتي وخواتك وضمن الحوش وسيقن وبعدين توا يجي خالكن على ساعة 11 يجي ياخضكن
انا:-خلاص تم
طلعت ماما ونا قعدت كملت قرايا
   
ندى:-ليش كسرتلي النقال والله نرد حقي منكن والله تشوفن
وانتي يلي اسمك ليلى تحسابيني ساهلة اقسم بالله كان ماخليت نهايتك علي ايدي مانقعد اسمي ندى
بيسان:-شن بديري ها شن ماسكة علبها مصمصي فمك بالزهر قبل ماتحكي عليها على اقل هيا ماوطتش راس هلها
ندى صبت حامقة:-اين هل هذوما الي تحكي عليهم برايك هذي معيشة عايشتيها ولا عاجبتك معيشت الفقر هذي
بيسان:-احمدي ربك اولا ثانيا كان بوك حقير عدي عيون امك وخوك محمد توا شن ذنبه محمد طول عمرهه يجري عليك وطول عمرهه يشيل فيك تذكري يوم قعدتي تبكي تبي تخشي مع صاحبتك المعهد شويا بابا قالك لا تذكري قعدتي اتخبطي هنا شويا جاك محمد قالك كل شي ساهل وخششك للمعهد ونجحتي في الرياضيات بسببه تذكريه هذا كله
ندى:-ننننننننن خلاص انا غير حسن معش يهمني حد
ليلى:-لا حول الله وخلاص
ندى:-مش طايقتكن معش نبي نحكي معاكن
بيسان:-على اساس نحن ميتين عليك
ليلى:-خلاص ماترديش عليها خليها
بيسان:-)؛
   
 
__________
10:44 م
عند عمر
يضحك هو واصحابه وسهرتهم سمحة
فرج:-يانعلي خلاص
احمد:-باهي وانت شن درت 😂😂😂😂
هاني:-طبعا عارفين انه باتي اكبر من العقد اعيي بكلل تي قتلك مرة ياراجل رديت متأخر بكلل يعني تقريبا الساعة كانت اربعة في الفجر 😂😂لقيت باتي مقعمز على كنبة لما خشيت نحساب الدنيا كلها مرقدة على اساس بكرا نقدر نكذب شويا لقيته قاعد يستنا فيا وبدا تحقيق 😂😂😂😂😂😂انت وين ومن سمحلك تقعد الوقت هذا كلهه ويانعليي وتوا خالد يسهر ويدير جوهه انشالله حتى يبات برا الحوش مافيش حد يدورهه 😂😁
عمر:-تستاهل 😂😂😂اصله الثقة ضاعت ولما الثقة اتضيع دور من بيردها للشخص من جديد
فرج:-معناها انا الوحيد المعاق الثقة كان تضيع من شخص عادي نوثق فيه من جديد 😂😂😂
احمد:-انا من اساس مانوثقش في حد
عمر:-لا انا عكسكم كلكم الحق لما تضيع الثقة اقسم بالله دور من يردها
احمد:-الا انا
عمر:-ما نفهم حد انا 😒انشالله امي 😁
احمد:-انت قلبك يالطيري مصنوع من الحجر صدقني جاسر يااخي تي هبة لها سنين وهيا تجري في جرتك مسكينة تبي ترد بلكي البنت سوء تفاهم الي دراته
عمر:-مافيش حاجة اسمها سوء تفاهم
فرج:-لا حول الله عاطيها اخر فرصة بس انت وخلي قلبك ابيض
عمر:-مافيش حك قلبه ابيض كلنا قلوبنا حمر اولا ثانيا اين فرصة نعطيها الها عاطيتها فرص واجد وهذا يكفي وسكرلي على سيرتها خير مانصبي معش هتشوفو وجهي
هاني:-خلاص سكروله على موضوع العيل قرفتوه بس عجبتني منك مافيش حد قلبه ابيض كلتا قلوبنا حمر 😂😂😂😂😂😂😂😂😂😂😂😂😂😂😂😂😂
احمد:-نعنجد راسك بكلل
فرج:-ههههههه
عمر:-وانتم تعلقوا علي حاجة معش تنسوها 😂😂😂
احمد:-هي توا احلى كنافو من يد امي واحلى طاسة شاهي

فرج:-ذوقنا يالطير 😂❤❤
هاني:-اوهههه
احمد:-بوس يدي قبل
عمر:-بوسها هيا
فرج:-نعنجد نبوسها امشي روح
احمد:-😂😂فرج مافيش هيا هاني بوس يدي وخوضلك احلى كنافة
هاني:-هيت نبوسها لك
احمد:-هدعارفك شن بدير
هاني:-ايواة مادمنك عارفني هيت خليني ناكل
احمد:-وعمر!!😂😂😂
عمر:-نفس هاني 😂😂😂
احمد:-نعنجدكم بكلل 😂😂
  
  
________________
 
عندنا في الحوش
 
انا:-هيا وتيتن الدبش
رنا:-اها وتيت دبشي كله انا الي بكرا بنبات بيه
بيسان:-حتى انا الحمدالله
انا:-وندى !!
ندى ماتبيش ترد
انا:-ندويلك انا وتيتي دبشك
ندى:-انا مش هنمشي
انا:-كيف مش هتمشي ترا فهميها ليا كلنا ماشيين شن بتقعدي بروحك!!
ندى:-طبعا عندك مانبع مثلا
انا:-اكيد عندي مانع لأنه معش عندي فيك جرام ثقة على فكرة
ندى:-والله!!
انا:-والله
ندى:-انضني للمرة المليون نعودلك هذي حياتي مش حياتك
انا:-ونا للمرة المليون انقولك انه طول ماانا عايشة مش هنسيبك لين ماتمشي على صراط المستقيم
خشت ندى للدار
رنا:-لعند امتى هذي !!
انا:-والله حرت معش عرفت شن نديرلها البنت كل مرة يكبر راسها
بيسان:-توا نوريها راسها كيف يكبر انا
رنا:-ماتجيش يابنات اتعاملن معاها بعصبية ماتقعدنش هكي انتن تعالن معاها بالتفاهم وبلكي يسير منها
انا:-على اساس انا خليت طريقة وماتفهمت معاها فيها لكن مافيش فايدة
بيسان:-هذي بلوة بلاها بينا ربي بلوة 😪💔
انا:-والله الله
ندى طلعت وجايبة معاها شنطة
انا:-قصدك ماشية
ندى:-اها
انا:-عارفتك ياندى تسمعي في كلامي سلم خيتي انا نبي مصلحتك بس والله وبابا كلنا نعانوا منه مش انتي بس ياقلبي والله حبيبتي
ندى:-نوران مش وقت عواطفك توا معليش
ودفتني وطلعت في الجنان
رنا:-انشالله خير
بيسان:-انقني خايفة منها عدي اقعدي معااها
انا:-اوفف انا طالعة هاا
رنا:-به
طلعت انا لقيت ندى تبكي
انا:-ندى كنك!!
ندى:-نبي نحكي معاه لأخر مرة وراس امك
انا:-تحقي فيا عندي نقال؟!
ندى:-قصدي هو بيجي يحكي.معايا
انا:-كيف يجي يحكي معاك !!فهميني
ندى:-يانوران افهميني هو بيجي يحكي معايا وخلاص
انا:-انتي عندك نقال اخرهه
ندى:-لا بس خذيت نقال بابا كلمته بيه
انا:-انتي من جدك ولا تبصري مسحتي الرقم يامجنونة !!
ندى:-اها كلمته ومسحته وقالي بنجيك
انا:-ياى انتي صغيرة بلاش غبى الي اديري فيه كله غلط اقسم بالله
ندى:لو سمحتي خليني نحكي.معاه لأخ مرة بس
انا:-المرة هذي بس وتفهميههه انه انتي شنو بالزبط وبطلي كذب
ندى:-حاضر بنمشي
انا:-وين ماشية !!
ندى:-بنقابله في نهاية الشارع
انا:-لا نهاية الشارع لا شي توا يجي لعند هنا
ندى:-لالا يشوف الحوش المبهدل الي عايشين فيه وبعدين انا كذبت وقتله قاعدة عند خالتي
انا:-لو كنتي ناوية الحلال وتبيهه ماتكذبيش عليه وقوليله كل حاجة وباتك شنو وانه باتك سكار وميانوضوش من السكير وتقوليله كل حاجة علشان سيوره عارف كان ناوي الحلال طبعا
ندى:-ناوي واكثر ماانتي تتصوري اول مايجي الوقت المناسب هنقوله كل حاجة بس خليني توا نمشي
انا:-بشرط نمشي معاك نصبيك
ندى:-هوف منك يانوران هوف باهي هيا بسرعة
انا:-خايفة يجي خالك ويشوفنا وهذا وين انتهينا
ندى:-ماتخافيش انشالله لا
انا:-باهي هيا بسرعة معش في وقت
طلعت انا وياها لنهاية الشارع وين مايبي يقابلها لقينا حسن كيف جاي بالسيارة
طبعا عيل راكب في سيارة الهونداي اخر موديل هو عيل راقي بكلل مش سنكوح
نزل من السيارة
حسن:-السلام عليكم
انا:-وعليكم السلام
حسن:-اهلين نوران صاح
انا:-اها بس كيف عرفتني
حسن ابتسم ابتسامة خفيفة:-شن دايرة في ندى يانوران
انا:-شن دايرة!!
حسن:-ليش هكي تعاملي فيها انا اقسم بالله انشالله نموت مانكذب عليها بكلمة انا نحبها
انا:-وانت عارف انها هذي طفلة
ندى:-لا انا مش طفلة ونعتمد على نفسي ومعش تقوليلي طفلة
حسن:-ندى اسكتي في النعاية بكل هذي اختك الكبيرة مش شورك .باهي انا معاك في كل كلمة تقولي فيها باهي انا طالب منك حاجة وحدة توا
انا:-تفضل
حسن:-نوران وراس امك ندى ماتكونش لغيري ونا نوعدك اني معش هنجي شورها للابد بس اضمنيها ليا ماتخليش حد يخذها مني وراس امك انا نحبها والله هنجي نخطبها كان تقولولي توا نجي هنجي
ندى:-انت شن تحكي انا مانقدرش نسيبك ونمشي انا نحبك ومانقدرش يوم مانسمعش فيه صوتك انت تي انا نحبك والله نعشقك ماتسيبنيش وراس امك مانقدرش يوم واحد ومانحكيش فيه معاك
حسن:-ندى اختك معاها حق انتي مزلتي صغيرة وتوا نطلب من اخر حاجة انك تركزي على قرايتك يعني وديما حطي في بالك اني انا معاك في كل مكان ومش هنسيبك لكن ان شاء الله هنتلاقوا
نوران:-شكرا لأنك تقبلت كل حاجة وانت ولد ناس وطلعت فيه راجل الموقف هذا ربي يهنيك ونا نوعدك انها ندى مش هايخضها غيرك

حسن ابتسم:-منورهه
حسن جاء بيعدي
ندى:-حسن ماتبيش تودعني
حسن ابتسم:-وعليش بنودعك جايك جايك ان شاء الله اهم حاجة ديري بالك على روحك
ندى:-انشالله حبيبي نحبك لأخر مرة
حسن:-نعشقكك
ندى:-نوران وراس امك خليني نحكي معاهه اخر مرة
انا:-تم قاعدين نستنوا فيك
ندى:-انت تحكي جد!!
حسن قرن حاجبه:-ها اماله انبصر
ندى:-انت عبيط انا مانقدرش نسيبك وانت عارف الشي هذا ونا عادي مايهمنيش ولا واحد من هلي
حسن:-ندى خلاص
ندى قعدت تبكي ونهارات
ندى:-باهي شيلني معاك خليني نهرب معاك توا
حسن:-ندى انتي بعقلك انتي مجنونة بلاش عباطهههه واعقلي شويا شن تحكي انتي وبعدين انتي طفلة بنت صغيرة
ندى:-معششش تقولي انتي بنت صغيرهه انا مش صغيرهههههههه
حسن:-خلاص باهي ردي حوشك
ندى قعدت تبكي:-انبوس يديك ماتسيبنيش وراس امكك ماتسيبني والله نحبككك
حسن:-حتى نا نحبكك عدي ياندى ماتخلينيش نفلم عليك امشي
ندى:-باهي عطيني شويا من وقتك نبيك شويا
حسن:-شن تبي هيا
ندى مسكت حسن وضبطاته
حسن:-خلاص حبيبي وراس حبيبي ماتقطعيلي قلبي مش هكي والله
ندى:-انت الي تعذب فيا انا نحبك وحق ربي
حسن:-خلاص باهي عدي للحوش خير ماينشغلوا عليك هلك
تدى:-انا نكرهككك نكرهكك ومعش نبيكك
حسن:-باهي عدي
ندى قعدت تبكي وحسن ركب السيارة وقعد يبحا فيها
ندى عدت وقعدت تبكي
وحسن عدهه
خشت للحوش ندى شويا لقت
..........
#يتبع