الحلقة الخامسة
ضغوطات الحياة
ندى:-مزال الوقت قدامك وفنكر على مهلي وانشالله نلقه الجواب الصح الي مش هتندم عليه
____________
عند عمر يتغداء هو وامه
امينة:-باهي شن جو الجامعة
عمر:-بخير ماشي الجو
امينة:-اهم شي جوك تمام
عمر:-اهو الحمدالله
امينة:-ها ياوليدي شن صار في موضوع الجواز
عمر:-ياامي صكريلي عليه الموضوع هذا لو سمحتي
امينة:-بس ياوليدي انت لازم اتجيب عويلة وتفرح بيهم وتعانيك مرتكك انا راني مش معاك طول العمر
عمر بحت في امه وعيونه تعبن دموع:-عليش تحكي هكي تي انا بلاك نموت عارفتيها ولالا من قالك هنعيش من دونك
امينة:-بس ياوليدي هذي سنت الحياة وسيورنا كلنا ماشيين على نفس الطريق 💔
عمر يبكي:-وراس امك صكري عليه الموضوع هذا
ودق الباب
عمر صبه فتح الباب
حسن:-اوووو عمورههه
عمر:-بسم الله
حسن:-شن جوك يالطير
عمر:-غير اهدى اهدى
حسن:-نبي السيارة ياراجل فيشعغ ازف
عمر:-اسلوبك وامي تسمع فيك اطلع نحكو برا
حسن:-هييي
عمر:-انا حسن ونعرفك شن قصتك شن تبي ادير بالسيارة
حسن:-مش هنحكيلك وكان نحكيلك هدير فيا عمايل سود فلو سمحت عطيني المفتاح وصكر على موضوع
عمر:-مش هنعطيها ليا لين تقولي عليش وشن تبي فيها
حسن:-في بنت انحبها وتحبني لكن صغيرة عرفت ومافيش حل الا نخطفها من هلها وهيا قالتلي هلي مش هيوافقو كان تجي والبنت هلها فلوسس وحلتهم متريحة يعني وهلها مشكورين بكلل على جسب ماتقول
عمر:-لا حول الله انت مواضيع البنات مش هتصكر عليهن مش تبي زينب ؟!
حسن:-زينب خليها بعدين ياراجل
عمر:-عيب عليك تضحك على بنات
حسن:-بس والله نحبها البنت هذي
عمر:-حسن فكني من الكذب ازف نعرفك كذاب تبي تاخض البنت كم اسبوع وتردها وكان تبيها وناويلها الحلال اقسم بالله كان عديت خطبتها زي مادرت في زينب
حسن بحت في عمر:-ياراجلل بنكسد عليها وبنسيبها وراس امك عطيني المفتاح بناخضها كم يوم ونردها الهلها
عمر:-ياراجل هذينا بنات ازف تي امتى تبي تفهم انت عيب الي ادير فيه
حسن:-ياعمر من الأخير ماتبيش تعطي السيارة ولالا
عمر:-مش هنعطيها وكان عطيتها نقعد نساعد فيك على فسق
حسن:-بهه منورر
وطلع حسن
____________
كملوا غداء وغسلوا المواعين وخشت نوران على ندى
نوران:-انتي شن قصتك
ندى:-شن قصتي !!
نوران:-ليش كارسة في الدار ووجهك اصفر وحالتك حالة
ندى:-لا كارسة في الدار لا شي انتي تهيالك
نوران:-بطلي كذب ياندى انا نعرفك زين
ندى:-ماعندي عليش نبي نكذب مثلا راك حسابي خايفة منك
نوران:-تمام ياندى مش هنرد عليك اطلعي تغدي خير مايشكوا فيك عيا جدك اطلعي
ندى:-انقولك ماعنديش نية افهميها واطلعي برا
نوران بحتت في ندى وطلعت
ندى رقتلها ومعش عرفت شن ادير اطلعت وعدت خضت نقال جدتها وخشت لدار خالها ونست تصكر الباب رنت على حسن
ندى:-الو حسن
حسن:-ها مش ماتبيش تمشي معايا
ندى:-وطي صوتك لو سمحت ماتحكيش مع وحدة من الشارع
حسن:-باهي حبيبي ياغلايا انتي شن في !
ندى:-شن شن في
حسن:-وافقتي!!
ندى:-اممم الحق مش عارفة
حسن:-ندى انا مش انسان حقير عشان تخافي مني وترددي
ندى:-خلاص يابيبي انا واثقة فيك كويس خلاص موافقة اليوم تعال في الليل
حسن:-خلاص تم
خش عليها خالها
فتحي:-في من تكلمي
ندى:-اه اه لا ماحد والله ماحد
فتحي:-تي كنك ترعشي انتي تي اهو كنتي اتكلمي
ندى:-مانكلمش اها بس كنت انجرب في صحبتي في درس مافهمتش
فتحي:-هههه باهي خلاص توا نطلع كان بتقري
ندى:-لالا ماتطلعش اقعد انا توا نطلع
فتحي:-به
طلعت ندى
ندى:-ياربِ الحمدالله نحسابه فطنلي
ليلى:-ندى !!بكرا عندك امتحان وقاعدة مادهه وجهك
ندى:-نيه نقرا وبعدين امتحان جزئي توا نعوضه غي النهائي
ليلى:-شن الفشل هذا ياندى شن عندك انتي لا وراكِ مسؤولية لا شي بنت مزلتي صغيرة عدي اقري سلم خيتي
ندى:-هوفف تي عيد نبي نرقد بنريح راسي مش ديكا قرايا عيد خلاص زهقت
ليلى:-واللهِ انك فاشلة ومش صاير منك وكان صاير منك مانقعدش اسمي ليلى
ندى:-احكي الي تبي تحكيه مايهمنيش
ليلى:-هذا لأنك فاشلة
خشت ندى لقت خواتها قاعدات على لابتوب وندى تفكر
ندى:-نوران !
نوران:-نعمم
ندى:-مسامحتيني
نوران:-راقيتلي منك بكلل
ندى:-قصدي هتسامحيني
نوران:-على شن !!
ندى:-على انه مرات معش تحقيني
نوران:-ندى فكيني منه جو اللغز كيف معش تحقيني
ندى:-لا شي قصدي مرات نموت ولا حاج.
نوران:-ندى انتي من جدك بعيد السو ربي يطول في عمرك بس انا ترقالي منك عشان مش زي خواتك تسمعي في الكلمة يعني انتي لاحقة على وجيج الحب ودواخ الراس ياندى والله يعني انا نبيك تقري وتشتهدي بيش تطلعي من مدرستك يقعدوا يحكوا عليك ويقولوا هذي البنت الشاطرهه يلي كانت قي المدرسة وتطلع الاولة ولا حتى تطلع من الاوائل مش يقولوا بنت فاشلة ومش متربية انا نبي مصلحتك انتي وخواتك لا اكثر ولا اقل والله الله
ندى قعدت تبكي وبحرقة:-بس انا كل الي درته ولي بنديره غصبن عني اقسم بالله سامحيني
نوران:-كنك ياندى احكيلي شن في
ندى:-شي خلاص انتي بتقري ونا مشوشة عليك
نوران:-باهي انكمل الشيت هذا ونحكوا
عدت ندى جت قعمزت جنب خواتها
بيسان:-شرفتي
رنا:-شن تبي مختصر مش من عادتك
ندى:-كنكن نازلات فيا انتن!!
بيسان:-وين وين كنه نخفض لسانك شن في
رنا:-ماتبقي الحمصة يابت وتريحينا
ندى:-انتن مسامحتني
رنا وبيسان بحتن في بعضهن:-عادي اصلاً كل البنات يغلطن وانتي غلطتي المره هذي ونغش تغطلي ولازم توعدينا عشان نسامحوك
ندى طبست راسها وقعدت تبكي:-اها باهي انا بنعدي الماما
بيسان:-شفتي شفتي
رنا:-خلاص عدي عدي
ندى عدت مشت شور امها لقتها راقدة
نزلت على سربر وقعدت تبكي بعدين رفعت وجها ومسحت دموعها
ندى:-سامحيني ياماما
وصبت ندى وخضت عباية من دولابهم الي داسين فيه الدبش
وطلعت ندى بدون ماحد يشوفها وسرقت تليفون جدتها
ورنت على حسن
ندى:-حسن الو
حسن:-ايوه حبي
ندى:-حسن وينكك نستنا فيك انا
حسن:-اهو قاعد في شارعكم
ندى:-بسرعة قبل مايشوفني حد
حسن:-نرن عليك رنه طول امسحي الرقم وحطيه الجدتك في شي مكان
ندى:-باهي غير هيا
قعمزت ندى على ماده وقعدت تبحت هكِ وهكِ ومافيش حد جاء دارلها حسن رنه ومسحت الرقم وطلعت وهيا خايفة ومش قادره توقف على كرعيها
حسن:-حبيبي هيا كنك اتبطئي اطلعي قبل مايشوفكن جيرانكم ولا هلك
طلعت ندى وهيا ترعش وخايفة تكون ختارت الغلط
ومشوا
((يعني مشت وسيبت هلها وسيبت طموحها هيا بنية صغيرة زيها مفروض انها تحلم وترسم المستقبلها انها تنجح وتشوف قدامها مافكرتش حتى في خوها ولا في امها ولا حتى بوها صاح كان قاسي معاهم وسمعته مش كويسة بكلل بس في النهاية بكل يقعد بوها وماتسودش وجه قدام الناس وامها الي اتعبت عليها وكانت ديما توقف في وجه بوها وتقوله بناتي مانسمحلكش انه تدوي عليهن بناتي قبل مايديرن الغلط يعدن عيوني عدت وكسرت خشم امها وظهرها وياريتها حتى تطلع بنتيجة مشت ومشت عشات راجل وعشان مايسيبهش وهيا خصرت عيلتها كلها وسيبتهم والله اعلم لو ردتلهم شن بيصير فيها ))
(((:حتى لو كان غصبن عني مانبيع هلي ونكسرهم عشان رخيص))
حسن:-كنك ياندى كنك ساكتة
ندى:-ماكني شي كويسة
حسن:-عارفة ياندى شقتي مش روعة تي انعيش انا وياك احسن معيشة وخلاص نبي نمشي انا وياك كان سخر ربي مصر ونا اندور شغل وشريت شقة غادي وخلاص
ندى:-وهلي 😔
حسن:-ندى انتي لما طلعتي من الباب كنتي المفروض انك اتقرري انه هلك خلاص انتهوا من حياتك
ندى:-بس ياحسن انا بعت هلي كلهم عشانك ماتبيعنيش في يوم وننكسر
حسن:-اوكي يعني انا صايع وحقير ونكذب عليك
ندى:-حشاك ياقلبي يعني خايفة يجي يوم وتبيعني
حسن:-انا راجلك وانشالله بو عيالك وانتي مراتي وام عيالي وحلالي واعتبريه الشي هذا من توا
ندى:-يعني انت هتتجوزني
حسن:-اكيدهه اماله شن
ندى:-نحبكك
حسن:-حتى نا اهم شي توا تنسيلي هلك وتمسحي دموعك يابيبي وخلاص ديما حطي في راسك مستقبلنا وديري جوك اهم حاجة فكيني من هلك
ندى:-حاضر والله نوعدك هلي ننساهم ونطلعهم من راسي
حسن:-ايوة هكي نحبك ونموت فيك 😘
ندى:-حبيبي
____________
YOU ARE READING
ضغوطات الحياة ( روايات ليبية )
Romanceللكاتبة : أية صاحبة رواية المستشفي عندما تكون ضغوطات الحياة عائق أمام كل شي في حياتك حتي الحب ؟ فماذا ستفعلين ؟
