ضغوطات الحياة ( روايات ليبية )

حلقة 1🔥

ضغوطات الحياة
انا بنت طيبة بكلل في حالي لانحب مشاكل ولا كثر الدوهه طبعا انا اسمي نوران م 96 نقرا في العلوم في السمستر السادس
نحكيلكم على هلي شويا
طبعا بابا سكار مشهور في المنطقة كلها وديما يحكو علينا ومافي واحد ماطق فينا ويسمعو فينا الجيران في الكلام على رايح والجاي
وطبعا ماما تاكل في طرايح اربع وعشرين ساعة لكن المسكينة عمرها بنتلنا انها مضايقة ولا بابا يطق يمد يدهه عليها
طبعا باباا فيش ولا واحد من الجيران يطيقهه بابا من يوم يوم راقد في الحوش لا شغل لا مشغلة حياته كلها ماسك هل سكير ويسكر اسمه فؤاد م 55 يعني كبير في العمر
ماما ولية طيبة وكيف ماقتلكم عمرها مابينتلنا حاجة عادي عايشة عادي كأنها مايصيرش معاها شي ولا عمرها حتى حكت الجدودي بابا شن داير فيها تمشي وتجي عادي وديما نشوفو في علامات الضرب وترقع كذبة عشان نحن مانعرفو شي
اسمها امينة م 70 اصغر من بابا بواجد يعني
طبعا انا كبيرة خوتيي كلهم عنديي خويا واحد وديما شايل على كتفه شغل الحوش كله وهو الي يجيب وهو الي يكركر عشان ناكلو ونشوربو مع انه صغير ومفروض يقرهه ويهتم بروحه اسمه محمد م 99 عسلل بكلل نسونجي😹من درجة اولة لكن معتمد على روحه وقاعد في عطلة الثانوي يعني بيخش الجامعة لكن هو رافض انه يخش للجامعة وبيخش معهد عالي يمشي اموره عشان يترقه ويحصله شغل احسن من انه يشتغل مع صحابه وبوه في محلهم
عندي خواتي واجدات شي خمس خوات ونا السادسة
اختي الي اصغر مني م 97 نفس عقليتي وطيبة اسمها رنا تقرا حاليا في الاقتصاد شاطرهه وماشيا في قرايتها الحمدالله
اختي الي اصغر منها بيسان م 2001 واعرهه مش شورها مواضيع شباب وقطاف الفاضي اتهبلل وجوها فوق من الخيال لكن معقدهه شويا وخاشة في روحها تقرا ثانيا ثانوي علمي
اختي الاخرهه ليلى م 2002 حتى هيا نفس جونا عسلل بكلل تقرا سنة اولة ثانوي مع بيسان في نفس المدرسة
اختي الرابعة ندى م 2004 كويسة في قرايتها اكثر وحدة متكبرهه فينا وعندها في الغرورو وشايفة روحها وماتبيش انها تعرف صجباتها على بابا وهكي
اختي الاخيرهه صغيرونهه عسل سارة نحبها اكثر وحدههه نعشقها بكلل م 2009 دوتها عسلل وكيف العزايز 
نبدا في القصة
  
انا:-ها محمد هيا بيش توصلني على جامعة
محمد:-كلمي صحبتك خليها تاخضك انا مش فتضي بكرا انشيلك للجامعة
انا:-كيف مش فاضي شن تحكي انت بعقلك عيد البنت خلاص لها كم يوم وهيا تشيل فيا
بابا:-كنك تعيطي يافرخة من على صبح مش شايفة اانه ااناس مرقدين خزي فرخات مايتحشمن اصلك مش متربية وامك ماعرفتش تربيك
محمد:-باتي الموضوع بيني وبينها
بابا:-انت مش شورك واسمعي راهو اقسم بالله انقول معش في مشي من الحامعة ونبطلكن كلكن من المدارس والجماعات ياقليلات الادب اصلا من بتطلعن الامكن الفاشلة هذي يلي مانافعة في حاجة
انا:-خلاص يابابا فهمنا كيف ماقالك محمد موضوع بيني وبينه هذا وبعدين شن دخل ماما بيش تخشش سيرت ماما مادخلها في شي وبعدين انا ومحمد انتناقرو ونصالحو
بابا بحت فيا تبحيته وضربني كف من صدمة انه معقولة يضربني كف ماحسيتش بيه بكلل وماعرفتش نبكي ولا نعيط ولا نضحك منه
بابا:-عدي من قدام وجهي تحركي
محمد:-باتي انت عارف شن ادير هيا ماغلطتش معاك
بابا:-سكر فمكككككك راهو انكمل عليك انت الاخرر تي انا مليت منكممم خلاصصصصص سادكم قرفتوني في عيشتي تعبت منكممم
طبعا انا مستكة وقعدت نبكي بحرقه وخشيت للدار وسكرت على روحي ولقيت البنات رقدات وقعدت نبكي ومش قادرهه شن ندير
رت على سرير وطحت قعدت نبكي ونبحت في البنات خواتي شن ذنبهن انه يعيشن مع انسان هكي سكار ماينوضش من السكير وفوق هذا كله يضرب فينا ومبهدلنا
شويا ودق الباب
انا:-نعم
ماما:-نوران افتحيلي الباب لو سمحتي
انا:-ماما ماعنديش نيهه نحكي وراس امك توا نحكو بعدين انا مضايقة بروحي
ماما:-به براحتك
وعدت
رنا:-نوران شن فيك كنك تبكي من على صبح !!
انا:-باتك يارنا باتك تي مليت منه ومن عمايلهه خلاص كرهت روحي وكرهت عيشتي في الحوش هذا مش قادرههه انتنفس مش قادرهه حاسة روحي مخنوقة خلاص بنموتت 💔💔
رنا:-الله غالب هكي مكتوب علينا الشقى نحن الله غالب هذا المكتوب 💔):
 
________________  
  
عند عمر الي ماحكيتلكمش عليه
خلوها شويا وهنتعرفو عليهم بالواحد
عمر:-احلى ام اقسم بالله ها تبي حاجة انا ماشي للصالة وجاي
نعيمة:-لا سلامتك ياقلبي دير بالك علي روحك
عمر:-توصيني
  
طبعا عمر ولد وحيد هله بوه متوفي وحالتهم فوق الريح عيل مشالله عليه شغيل جاد مش بتاع طروح زايدهه م 87 يشتغل في شركة بوه
امه نعيمة م 62 ولية طيبة وكويسة لكن فيها انها ماتبيش تعطي ولدها الا العيلهه واووو وخاطي واو لازم تقعد سمعتهم كويسة
  
عمر:-اهلا حبيبي
احمد:-وينك ياتيس
عمر:-تي شن وينك !!
احمد:-كيف صار مش جاينا اليوم انتغدو مع بعضنا عيد اليوم جمعة وانا والشباب متفقين يجوني شكلهم ماقولوكش !!
عمر:-اها صاح لا قالولي بس شويا اهو الساعة توا ثمانية ونص توا على ساعة عشرة انجيك ان شاء الله
احمد:-تم يامعلم
عمر:-تمام
سكر عمر
    ______________
   
عندنا نحن في حوشنا
بابا:-تعالي هنا انتي
ماما بحتت فيه:-شن تبي !!
بابا:-توا هكي الصبايا يردن على رجلتهن !!
ماما خافت وكشت في روحها:-لا مش هكي انا عارفة راقيلي بس ماكنش قصدي نحكي معاك هكي
بابا:-صبايا اخر زمان تفي عليك ترباية هيا اطلعي برا ومعش نبي نشوف خلقتك اندلفي من قدام وجهي 
ماما:-حاضر اهو طالعة
طلعت ماما ومسحت دموعها وخشت للمطبخ
  
عندنا نحن البنات
ندى:-باتك هذا بنهج منه مليت منه هالسكار لمعفن كان يعدي ويسيبنه ونتريحو منه ومن خلقته
انا:-بطلي قلت ادب هذا باتك في النهاية بكل معش تحكي هكي
ندى:-غير انتي سكريلي فمك على اساس مش هذا هو الواقع شوفي ابهات صحباتي كيف
رنا:-سكري فمك ياندى خلاص
بيسان:-بالعة راديو شكلها
انا:-شكلها هككك مش ناوية تسكت هالخرية
ندى:-نبي ندوش انا
بيسان:-وعدي من ماسكك !!
طلعت ندى
بابا:-ياندى يافرخة
ندى:-اوففف شن يبي الخرية هذا ....نعم !!
بابا:-تعالي هنا
ندى:-شن تبي نبي نمشي ندوش !!😠
بابا صبه:-تفنصي فيا انا ياقليلة الادب والاحترام
ندى:-خلاص ملينا منكك عيد بلكي تحسابنا خدامين عندكك !
بابا فنص وقعد يبحت فيا من فوقك اللوطة:-صار هكي
ندى خافت:-!!
بابا مسك ندى من شعرعا ونزل في ضرب ودق طرايح
طلع محمد يجري لقاه يضرب في ندى
محمد:-ياباتي سيبها تي فكنا ياباتي الله يسترك
بابا:-سكر فمك انت البنت اتفنص فيا بكرا بعد بكرا اديرلي فضيحة وماتحبش فيا هذي 
ماما طلعت تجري:-شن شن في !!
بابا:-اطلعو منها راهو اقسم بالله نحطكم فوقها
محمد:باهي ياباتي عشان خاطري يباتي سيبها ونعدك والله هنوريها غير سيبها
بابا:-محمدددددددد 😡اطلع براا البنت هذي تبيلها تربية
ندى تعيط:-لالا ياماما توا يقتلني لا الله يسترك لا انا اسفة حقك عليا والله حقك عليا
بابا:-قتلكم اطلعو انا
محمد:-ياباتي لا وراس امك اسمعني
ماما تبكي وتعيط:-خلاص والله ماعاد تعودها اقسم بدين الله غير سيبها
وبابا وقتها يعطي ماما كف حسيب الله لين طيحها
على طلعتي انا وخواتي سارة اضبطتني وقعدت  تبكي
محمد:-باتي انت مش واعي صاح!!
بابا:-لا واعي ومركز اخرهه انت اطلع من الموضوع راهو خيرلك
ندى بتحاول وتطلع وتبكي ويدف فيها
بابا:-قتلكم اطلعووو انا اطلعووووو
وقعد يدف في محمد وماما من يدها وندى تبكي وتعيط تبي تطلع
انا:-بابا لو سمحت عشان خاطرنا والله هيا صغيرة يابابا الله يربحك ويسترك مش هكي والله ماهكي سمحها حقك علياا انا
بابا:-تطلعي ولا نقتلك انتي الاخرهه اطلعيي
وطلعني وسكر الباب
ومحمد يضرب في الباابب ويعيط يفتحله
وبابا يصرب في ندى جوا وعباها طرايح
ندى:-سمحني يابابا والله اخر مرة
بابا كرها من شعرها وينزل فيها ضرب ماعاد سيبها وهو يضرب
بابا:-اسمعي يافرخة اعرفي حدودك انا مش صاحبك ولا خوكي انا نكون باتك يافرخة الحرام فاهمة ولا لا خواتك صاحح قليلات ادب بس عمرهن دارننن هكيي
ندى:-باهي اسفة والله ماعاد نعودها سمحني
بابا:-انا مش هنسيبك توا لين اندقك الكفوف والطرتيح ونفس غلي فيك
ندى تبكي ويبدا فيها ضرب وماعاد سيبها
ونحن نعيطو برا ولا حياة لمن تنادي
محمد:-ياباتي وراس باتي تفتح
سارة:-ندى توا تموت جوا
انا:-لالا عادي يدوي معاها بس
ماما تبكي ومنهارههه تبيهه يتفتلحها ماعاد فتح

بابا:-اطلعي ياكلبة لكلاب اخرلك مرة فاهمة ولالا نشوف وجهك مرة اخرة
وفتح الباب ورماها برا
طاحت ندى على بااب وقعدت تبكي وكان جسمها كله طرايح وشعرها مشفشف واعي منضرها وعينها منتفخة ضرب
انا طبست عليها:-ندى صبي سلم خيتي هيا صبي
هيا شهقانه وتبكي وتشرق
رنا:-هيا ياندى هيا خشي جوا وابكي راهو بابا حلات هيجي يقتلك
بيسان:-صبي ياندى هيا تحركي جوا
ندى صبت خشت جوا وخشينا جوا سكرنا الباب
ندى:-انا والله ماقتله حاجة بيش يضربني والله ماقلت حاجة الا قتله نبي نمشي ندوش مشى هجم عليا ودارني الا ضربتهه 😭😭ياربي يارببيي
ليلى:-خلاص ياحبي الا تفرج كل طريق لاهه نهاية وخلينا نشوفو نهيتنا نحن
بيسان:-والله طريقنا مالاهه نهاية
رنا:-باهي قولي خير
ندى:-بلكي يموت هالشيباتي ونريحو منه
انا:-بعيد السو في النهاية بكل باتنا ماعندنا مانقولو الا نسكتو وخلاص
ندى:-كيف نسكتو انشوفو في الظلم بين عيونههه ياناس يانوران انتي وحدهه متخلفهه وعقلك مش معاك خلاصصصص انا مليت منكمم كلكم نبي نطفش منكم كلكم انا شن درت بيش ربي يبليني بيكممم كرهتكممم وكرهت روحي والمعيشة الي انا عيشتها ياربي ياربي 💔😡😭
رنا:-حتى نحن ياندى!!
ندى:-كلكم كلكم نكرهكم تي كلكم
بيسان:-صدق باتك فيك رايح راسك كابر
انا:-ندى عارفة لو يطلع الي في بالي صاح ونا قتلك لا باتك هيسكت ولا محمد وانتي طفلو بنت عمرك 14 سنة ماهناك شي يطلع صاح والله نقتلك قتل حتى انا
ندى:-تهيالي هذي حياتي مش حياتكم
رنا:-يعني صاح في حد تكلمي فيه
ندى:-هذي حاجة تخصني ماتخصكنش
وطلعت وسكرت الباب
انا:-حي علينا هذا وين باتكن قتلنا كلنا وماشهدش علينا وووهههه عليا اختك هتجنني هتركبلي الشيب
رنا:-كيدها على روحها
انا:-انا لازم انتفتهم معاها البنت هذي ندير معاها حل هتجنيي والله هتجنني 😔💔💔💔💔
بيسان:-لو ماقدرتيش عليها انا الي هنكمل عليها
ليلى:-عادي يابنات شن فيها لو البنت اتحب وتنحب
كلنا:-شنووو ؟!
انا:-شن قلتي ياانسة ليلى !
ليلى:-لا ماقلت شي قصدي انها اختكن قليلة ادب وماتحشمش
  
_______________
    عند عمر
عمر:-امي
نعيمة:-حبيبي جيت !!
عمر:-اها انا خاش اندير دوش وانتي ديريلي الفطور نفطرو مع بعضنا اصلا ماشي صاحبي عزمني على غداء
نعيمة:-بس انا دايره رز بالخلطة ومحشي اليوم عشان خاطرك ياعمري
عمر:-خلاص غير يوم انا ماشي ندوش   

    
 
__________

#يتبع