ضغوطات الحياة ( روايات ليبية )

حلقة 7🔥

الحلقة السابعة
ضغوطات الحياة
ندى:-باهي امتى يطلعن التحاليل !!
حسن:-توا قال الدكتور توا نمشي انشوفهن 
ندى:-بهه
حسن:-تبي انجيبلك حاجة
ندى:-خاطري في شوكلاطة
حسن:-حاضر شويا ونجيك
  
  
  
  
 
________________
 
عندنا نحن
  
انا:-سارة خلاض سادك هيا تعالي تعشي
سارة:-بنتفرج ماعنديش نيه
رنا:-انقني جعانة انا
انا:-ههههه تعالن نطلعوا في الجنان ناكلوا
سارة:-حتى انا بنجي
بيسان:-بنحكوا كلام بنات خوضي سندوتشك واقعدي هنا
سارة:-انتي شن دخلك
بيسان:-ايوهه بديري جو اختك ندى وتقعدي تفنصي وتعلي صوتك علينا وكل شويا اديري حاجة
انا:-هي بيسان سكري فمكك
سارة:-ندى الصايعة انا مش زيها
انا:-سارههه هذي اختك عيب تحكي عليها هكِ هيا ماهربتش من قالك هربت
سارة:-لا هربت يقول فيها بابا ويضرب في ماما ديما وانا نشوف فيه بعيوني
رنا:-اههه كان يطلقوني عليه بوكنن
انا:-سكرن فوامكن سروو حبيبي اسمعيني بابا مايضربش في ماما يلعب معاها بس
سارة:-شن تحقي فيا طفلة قدامك يضرب في ماما عشان ندى هربت وماما تقوله انت فضحت بينا وتوا جت بنتك فضحت بيناا
انا:-سارهه معش نبي نسمع الكلام هذا على السانك فاهمهه اخر مرهه نسمعهه
سارة:-باهي انا بنطلع معاكن برا
ليلى:-خلاص كلمة وحدة مافيش طلوعع
انا:-مادخلكنش انتن هيا اطلعي معانا عادي
طلعنا في الجنان حطينا كراسي وقعدنا نهدرزوا عادي على صاحبات وهكِ عشان سارة
سارة:-بنخش صقعت نبي انكمل الرسومم
انا:-باهي خلاص عدي تفرجي توا تمرضي الجو مصقعع
سارة:-بهه باي
انا:-باي حبي
عدت
ليلى:-كان نحصلها اختكن بسس
بيسان:-معش تقولي عليها اختنا لا اختي لا نعرفها كان عليا انا
انا:-بيسان ليلى خلاص
رنا:-لا حول الله نحن بنات مش زي البنات بكلل البنات يحبن وينحبن يطلعن ويغيرن في جو ومن تركينا التركينا ويقرن وكل وحدة ترسم في مستقبلها ولي بتقعد دكتورة ولي مهندسة ولي مش عارفة شنو ونحن شوفي الي عايشين فيه هم وغم لا طلوع لا خشوش ووقفونا من القرايا وبيجوزونا وخلاص
بيسان:-تعبانهه نفسيتي بكلل 💔😔
انا:-ورا كل ابواب متسكرهه في فرج صدقني اكيدهه ربي شي يوم يفتحها في وجنا ويفرجها علينا الغمه الي نحن فيها
البنات:-امين
انا:-هي توا كل وحدة تصرحني وتقولي  بكل شي عندها
بيسان:-طبعاً عارفتني انا ليا زمان معجبة بيه عبدالسلام بس لما كان يقولي انا نبيك وشاريك كنت انقوله لا هذا كله خوف من بابا
ليلى:-ونا في واحد م 96 صاح صغير بس حنين وطيب من زمان كان يدزلي مع صاحباتي بس انا كنت نرفض فيه هذا كله عشان بابا
رنا:-ونا مافيش حد في بالي بعد خالد 💔وانتي يانوران!!
انا:-انا تي انا عمري ماحبيت وماعمري حتى جربت شعور الحب ولا عمري هنجربهه انا حبيت دكتور في الجامعة
رنا:-تحكي جديات
انا:-انا مش حبيته انحس روحي معجبة بيه وبس لكن مافيش بيني وبينه شي
ليلى:-شنجوهه هو وعنده فلوس وهكِ
انا:-مانعرفش عليه شي بس شكله هو كويس بس نحن مش لنا الي هكِ
بيسان:-ليش مش لنا حبيبتي كل واحد ياخض نصيبه ماتندريش مرات حتى هو يدور على بنت الي زيك
انا:-شن يبي في وحدة زيي اختي هربت وباتها سكران هو مليون بنت اتمناهه بيطيح فيا انا توا من جدكك
ليلى:-الحب تضحيهه مايفهمش لا بو سكار لا اخت هاربهه
انا ضحكت:-تحسابينا عايشين في تركيا ولا مسلسلات ولا شنو يابنتي حتى كان هو يبي هلهه مستحيل ياخضوا انشالله يطير ويجنح انتي متخلفهه ونا متأكدة مع الايام هننساهه بذات اني معش قعدت انشوف فيه
رنا:-احكي معاهه يانوران
انا:-يارنا فكينا من حركاتك المراهقة النبي كيف بنحكي معاهه
رنا:-صرحيهه بمشاعركك عادي
انا:-مستحيللل نبدا في طريق وانا عارفة نهايتهه مستحيلل
بيسان:-كيف بتصارحهه يابختي هالنت الي عندها ولا هل جامعة الي تمشيلها ولا شنو
انا:-اهو عطتكن المختصر 💔
ليلى:-اسمعيني يانوران نحن عارفين كلنا انه بيسان ديما متشائمة اسمعيني انا مافيش حاجة مستحيل فكري كويسسس بكل وساهل انك اتجيبيههه وتحكي معاهه
انا:-كيف باهي ترا قوللي
رنا:-هابا عليك انتيي
ليلى:-رنا ماتستعبطيش
رنا:-قولي من الأول انتي نوران اسمعي عندي ايميل على فيس
انا:-ليش ماقلتليش !!
رنا:-ماهو كنت خايفة انقولك تهزبيني
انا:-عادي نحن خوات وكان مانستروش على من بيستر علينا ونا واثقة فيكن كويس مش هديرن زي مادارت ندى
رنا:-ندى نحن ضغطنا عليها واجد ونحن الي خليناها توصل للحالة الي هيا فيها 💔
انا:-معاك حق اسمعني من يوم وغادي كل حاجة تسير معاكن او معايا نحكوها البعضنا طوللل مافيش وحدة تخافف صاح انا اختك لما اديري الغلط ننصحك اوكِ وحتى انا وقا اندير الغلط انصحني مافيش انسان مايغلطش والغلط مش عيب مافيش انسان عاصي من الغلط تمام اتفقنا
للبنات:-اتفقنا
انا:-وتوعدني انه نعش تهزبن سارة
البنات:-وعد خلاص وانتي كبيدتك سارة هذ
انا:-طبعاً 😂😌
ليلى:-شن قلتي اتخشي عليهه
انا:-وينه التليفون الي بنفتحوا عليه الايميل يافالحات
بيسان:-ساهل سعاد بنت جيرانه 😂
انا:-انعنجد راسكن بكلل توا بابا مايخليش فينا نمشوا عند الجيران
رنا:-تي من وراهه يافالحة نمشوا كنك هبلة انتي 😂
انا:-ينخاف منكن انتن بكلل 😂😂
البنات:-طبعاً
على خشت ماما
ماما:-اوووو شنو هالقعدة هذي 😂
انا:-اهلين
ماما:-الله جعانة دايرتلي حتى انا
انا:-درتلكم كلكم قاعد في الغاز
ماما:-به نغير دبشي وندير شاهي ونجيكن
رنا:-لا قهوة خير ديري
ماما:-باهي ياست رنا
   
  
______________
 
عند عمر 
احمد:-ياراجل فكرت نفتح صيدلية ونقني خلاص قررت نجوز
عمر:-جديات مبروك
احمد:-الله يبارك فيك يالطيرر
عمر:-ربي يتمم عليك وتلقهه بنت الحلال
احمد:-كنك ياعمر شكلك مكبد احكي احكي 😂
عمر:-امكبد شنو ياراجل شن اتخرفف انت
احمد:-باهي غير احكي
عمر:-امي غير سكنتلي على قصة الزواج
احمد:-باهي ازوج شن الغلط الي في الموضوع ياعمر خلاص لازم اتشوف عيالك وتفرح بيهم حاجتك ملل وضيقهه والوحدهه هذي لازم اتخلي وحدهه اتشاركك في حياتك ويقعدوا عندك عيال وبنات ويكبروا وتفرح بيهم لعند امتى بتقعد عزابي هكِ راهو الي يحقك يقول عليك مريض توحد ياراجل
عمر:-خلاص وانتم سكنيلي
احمد:-نسكنلك عشان مصلحتك ياراجل مش حلو الي ادير فيه راهو
عمر:-خلاص ماشي انا
احمد:-اضايقت من كلامي!!
عمر:-لالا عادي هذا شريط حياتي اليومي كالعادة ازوج ازوج ازوج ازوج عادي تعودت
احمد:-ربي يهديك انقنك راسك مسكر
عمر:-خلاص معسلامة
احمد:-اوكي ياعناد
مشا عمر وركب السيارة وحل اغنية
حبيبي
انا قلبي وجعني
انت عامل فيا اي
انت سحرني ولا اي
ناكل الناس بتقدر تنسى تنسي
طب انا مش قادر انساك لي!!
ارجعلي انا قلبي معاك
مش قادر انسى هواك
ياحبيبي يااحلى ملاك
ياروح الروح
انا تعبان من غيرك
اسمعني وراضي ضميرك
لو عادي تسبني الغيرك
انا والله هموت
عمربينه وبين نفسه
الها شهرين معش جت للجامعة قلتلي يوم وانجي زعمك امها صارت معاها حاجة!!الله واعلم احتمال توا انكلم فرج اندير روحي نستعبط
رن على فرج
فرج:-ايوهه ياحمار
عمر:-اسلوبك امتى ناوي اتغيرهه
فرج:-تي ها مش عادتك تتصل بيا شن في
عمر:-شي امكلم نسأل عليك
فرج:-دوم 😂😂
عمر:-اسمع شن بنقولك
فرج:-😂😂😂😂😂😂مش قتلك انا
عمر:-هذي البنت انضتي اسمها نوران كنها نعش جت للجامعة
فرج:-اوووو كنك تسأل عليها!! 😂
عمر:-فرج راهو خيرلك فكني من الحناطة
فرج:-سألت صحبتها اليوم قلتلي جاء بوها وقفلها قيدها في الجامعة
عمر رقتله واضايق:-عليش وقفلها قيدها!
فرج:-مش عارف الحق سمعت واحد يقول انه بوهم واحد مشلش ومش تمام بكلل
عمر:-من قالها لك!!
فرج:؛تي واحد يعرفهم يسكن في الماجوري حداهم
عمر:-هما يسكنوا في الماجوري !!
فرج:-اها بس بنت انحس فيها مش من مستوانا بكا فوتها ياراجل
عمر:-باهي يامستوى اوكي
فرج:-سلام
عمر:-اسمع اسمعع
فرج:-احكي
عمر:-عندك رقم صحبتها اسراء !!
فرج:-لالا عندي غالية
عمر:-عطيني رقمها دزه ليا في رسالة بسرعة
فرج:-تممم
صكر عمر ورقتله من الكلام الي قاله فرج لكن مافلمش عليه مسك اعصابه
جاه الرقم رن على غالية وغصبن عنه
غالية:-ايوهه من معايا
عمر:-الو معايا غالية!!
غالية:-اها كأنه الصوت مار عليا
عمر:-اها انا الدكتور عمر
غالية طارت من الفرح:-ال دكت ور عم ر اه ل ين
عمر:-كنك !!
غالية:-لا شي كيفحالك
عمر:-الحمدالله بخير
غالية:-دوم ياربي
عمر:-غالية اسمعي
غالية:-عيون غالية نعم
عمر:-نوران صاحبتك
غالية:-لا حول الله كنها!!
عمر:-عندك رقمها
غالية رقتلها وعيطت:-وانت شن تبي في رقمها !!
عمر:-عليش السؤال توا دزيلي رقمها لو عندك
غالية:-ماعندهش نقال هيا ولا شفرة
عمر:-باهي كنها معش جت للجامعة !!
غالية:-مانندريش عليها مانتوصلش معاها انا
عمر:-باهي دزيلي رقم اسراء
غالية:-اوفف تم تم
سكرت غالية ورقتلها ودزت رقم اسراء
عمر رن على اسراء
اسراء:-الو السلام عليكم
عمر:-وعليكم السلام
اسراء:-منو
عمر:-انا الدكتور عمر
اسراء:-تفضل يادكتور
عمر:-كيفحالك
اسراء:-الحمدالله بخير وانت
عمر:-كويس اسراء بنسألك لو مافيش مانع
اسراء:-ولو تفضل معقولة
عمر:-نوران وينها معش جت!!
اسراء ضحكت:-واللهِ مش عارفة بس لو تبي نعطيك رقم امها ليا كم يوم نرن عليها ماردتش بلكي انت اترد عليك
عمر:-اها باهي دزيلي
سكرت اسراء ودزت الرقم ودرس عمر السيارهه وخضا قهوة ورن
في البداية رن رن
وماردش حد
ورن مرهه اخرهه وماردش حد
ورن اخرهه ردت
ماما:-ايوة!!
عمر:-اهلين
ماما:-من معايا
عمر:-انا دكتور نوران في الجامعة
ماما:-اها تفضل !!
عمر:-كيف حال نوران
ماما:-كويسة الحمدالله
عمر:-كنها معش جت !!
ماما:-توا نعطيها لك تحكي معاها
عمر:-تمام
 
ماما:-نوران
انا:-ماما راقدهه
ماما:-الدكتور يبيك
انا نطيت من مكاني والبنات
انا:-اين دكتور هذا !! 😳
ماما:-مانندريش عليه هاكي خوضيه ماقاليش شويا وجيبيلي التليفون وماطوليش في الدوهه
انا:-حاضر
طلعت ماما
انا:-الوو
عمر:-اهلين عرفتيني
انا:-دكتور عمر!!
البنات كلهن جمعن جنبي
عمر:-اها انا
انا:-ياخيتيي الناس الكيوت
عمر:-شنو!!
انا:-لا شي سلامتك تفضل دكتور
عمر:-وينك معش بنتي
انا:-الصراحة دكتور وقفت قرايا
عمر:-عليش شن في كنك !!
انا:-هك ماعنديش نفس نقرا مليت
عمر:-باهي تبي مني اي خدمة
انا:-نبي حاجات واجدهه
عمر:-تفضلي
انا:-لا شي سلامتك❤
عمر:-ماتحشميش عادي
انا:-دكتور ليش كلمت وسألت عليا!!
عمر ارتبك وماعرفش شن يقول:-لا شغلتيني بس
انا:-شغلتك !!😊
عمر:-قصدي يعني معش شفتك قلت خليني انكلمك نسأل عليكك
انا:-شكراً واجدد دكتور
عمر:-معقولة الكلام هذا !عادي
رنا:-قوليله هنرايفلك ياحمارهه
انا:-في عينكك
رنا:-قولي
ليلى وبيسان:-هذي فرصة وماتخلهاش اتضيع عليك قولي
انا:-هنرايفلك 😔😠😪
عمر ابتسم:-هههه جديات!!
انا:-واللهِ
عمر:-الحق شن بنقولك حتى نا واللهِ وياريت اتكلميني اطمنيني عليك ديما
انا:-انشالله 😍
عمر:-سلام
انا سكرت وقعدت نرقص 
رنا:-غير وسعي بالك يامعاقة 😂
انا:-فرحانهه مش مصدقهه عيوني هذي هديهه من ربي ولا شنووو
بيسان:-وووووو واخيراً بدون مانتعبوا ارواحنا
ليلى:-اول مرهه نفرح من قلبي يعني نسيبنا الدكتور هذا
بيسان:-خاطري انشوفهه 😂
انا:-توا اتشوفنهه 😂😂 وسعن الطريق شويا بنرقص
رنا:-اسمعي الاغنية هذي 😂
انا:-مانبيش ولا اغنيهه نبي اغنية كل كلام الحب
حلن اغنية
كل كلام الحب مايوصفه كلامي
مو مهم العالم بس فيك اهتمامي
احساسي قربك ابد
مايوصفه كلامي
اسمك الي سحرني من دون الاسامي
ونا اعشقك والشوق فيني ماله حد
المقطع الثاني
احلى غرام
من يكون ااحب اعمى
احلى غرام حبك انت
فيك فيك فيك شفت الدنيا غير
في غرامك قلبي طاير لو خسرت ايامي قربك
هذي من احلى الخساير
وابتسملي الحظ اخيراً يازعامت عمري قربك
انت لو تسمى خبرك اي احبك اي احبك
اي احبك
اي احبك
اي احبك
انا:-ايي نحبككك 😂😂😂
على خشت بابا
انا:-رنا سكري الاغنية
سكرت رنا الاغنية
بابا معاه سير
بابا:-شن بتفضحني قدام الجيران انتن
رنا:-حلينا اغاني بس يابابا
بابا كر رنا من شعرها:-لا اغاني لا عينك فاهمة نسمع اغاني مرهه اخرهه نقتلك انتي وياها مزلتن بتفضحني قدام الجيران ولا شنو هاا
ماما:-وفضيحتك انت شنو ها ياسكار يامعفن ياحشاش كرهتكك وكرهت العيشهه معاك انا معش نبيكك خطاني وحل عليا انا وبناتي تي ملينا منكك ومن قرفكك سيبنا في حالنا واطلعع برا
بابا:-لا بلكي بنطلع ونفضيلك المكان بييش يقعدن بناتك اكبر صايعات فيك ياليبيا تعالي هنا اتعلي صوتك عليا قدام بناتك
ماما:-سيبني ياراجل سيبنيي عيب عليكك والله عيب عليكك
انا:-سيبهاا انا معش نسمحلك تضربها قدامنا ياحقير ياسكار ياواطي احكي على فضايحكك قبل ماتحكي على فضايحناا ياشايب يابايخخخ
وانقنب انفصلت 
يمسكني من شعرني ويضربني طريحة وماما قعدت اتحز حسيب الله طريحة قريب مامتت منها وحسيت روحي الدنيا بدت اتغبش بيا وقعد يضرب فيا ويزيد يضرب فيا
رنا معش تحملت ورنا تحبني بكل وسارة تبكي وطلعت رنا فتحت الباب وطلعت تعيط في الشارعع وتمسك فيها بيسانن