ضغوطات الحياة ( روايات ليبية )

حلقة 10🔥

الحلقة العاشرة
ضغوطات الحياة
 
 
 
 
سكرت ندى على وجهِ ورديت رنيت عليها لقيتها حطت الرقم في الرفض عزقت النقال وقعدت نبكي تسنيم:-خلاص يانوران مش وقت نكد توا
رغد:-خلاص ياحنة كمليلنا على عمر انا نسيت وقعدنا نهدرزوا ومشا الجو عادي لأنه ندى خلاص معش ينفع شي لا الدموع يرجعنها ولا شي
 
زهرة:-هيا يابنات صبن انحلوا فرقة نرقصوا
انا:-مش جوك بكلل
زهرة:-انا ولية متجوزة وعندي وليد 😂نبي نرقص ونهيج وانتن مزلتن شبابات ياحنة
انا:-باهي هيا عشان خاطرك
بديت نرقص انا ورغد رغد كانت قوية في الرقص بكل
 
 
_____________
عند حوش عيت عمي سالم
فريحة:-ياسالم في حاجة غريبة في حوش عيت فؤاد جارنا
سالم:-كنه شن في !!
فريحة:-البنت ندى مش باينة بكل يابتي معقولة في الفاتحة مش قاعدة ولا حتى في الحنة شي غريب
سالم:-حكلي البنات هذك اليوم
فريحة:-شن حكلك !!
سالم:-كان يطلع منك انقصلك السانك
فريحة:-تي معقولة انا وامينة كيف الخوات مستحيل
سالم:-هاربة مع واحد وحامل منه
فريحة:-حيي عليكك فضايح يابتي شنو هالعار هذا ووووككك صدق بوهم يضربهم 😱
سالم:-خلاص دوهه واجدهه ياولية امشي جيبيلي الموز الي حبته حطيلي منه
فريحة:-عليك فضيحة
وصبت فريحة شور المطبخ لقت غالية ادير في قهوة
فريحة:-سمعتي يابتي هالفضيحة
غالية:-انشالله خير شنو !!
فريحة:-ندى بنت امينة
غالية:-باهي
فريحة:-اطلعت هاربة
غالية:-عليك فضيحة قتلك في حاجة مش مزبوطة حي على امهه عليك عار 😱
فريحة:-وياحنة حامل
غالية:-وووههه شنو هالكلام هذا واللهِ صدق بوهم يضربهم كني انا منه نقتلهن اخرهه
فريحة:-والأخ الي مش راجل مسيب خواته على طلق شعرهن وماشي للبيضاء
غالية:-ربي يهديهم انشالله
فريحة:-فضايح في اخر هالزمان
غالية:-عوبا البنت هذي من نظرت عيونها اخرى 😒
فريحة:-براذوو عليكك حتى انا ماتريحتلهاش
غالية:-عليك فضيحة اللهم استر على وليانا
فريحة:-امين يارب 👐
 
______________
 
عند عمر
عمر:-اوووو احمد
احمد:-عمورهه شن جوكك
عمر:-واللهِ تمام بكلل
احمد:-اول مرهه انشوفك فرحان
عمر:-فرحان ومرايف 😂
احمد:-على من ياراجل
عمر:-اتصدق ولا ماتصدقش نوران ياراجل خضتلي عقلي حتى هبة م حبيتهاش قدها
احمد:-نش قتلك انا انه هتلقى احسن منها
عمر:-اقسم بالله انا خلاص قررت نحكي الامي
احمد:-انا الي خايف منه امك
عمر:-حتى انا اقسم بالله
احمد:-صدقني مش هتوافق لازم تسأل على هلها على اقل يستر على موضوع شويا
عمر:-استرر الله
احمد:-زعمك نقنعوا حسن
عمر:-حسن راسه مسكر
فرج:-اوووو عمور وحمادي
احمد:-دوهه شن جوكك
فرج:-تمام يامان وانت يالطير
عمر:-الحمدالله كويس
فرج:-كنك ياراجل هذك اليوم راقيلك وحالتك حالة
احمد:-كانت نوران مسيبته 😂😂
فرج:-هههه قول من الاول انت
عمر:-فكوني من التشفيط توا اليوم نفتح الموضوع مع امي وبلكي اتوافق
احمد:-تي انت اهبل معقولة الي عايش معاها طول السنين ماتعرفش طبعها 😂
عمر:-لالا لعند امتى ونا هك خلاص ليا شهرين معاها علاقة نبي نحكي الامي
فرج:-احكي واجوز وديرلنا جو 😂
احمد:-خلاص انت حر يابو رفيق
عمر:-هيا صبوا نمشوا للكافي انغيروا جو
فرج واحمد:-هي
  
_____________
  4.50 صباحاً
عند ندى في مصر
ندى تستنا في حسن ومزال ماجش كالعادة مايجيش الا الساعة سبعة في الصبح وندى ديما اتكون راقدة وماتفطنش اليوم اسهرت لأنها قعدت تبكي
ندى:-وينهه هذا !!
قعدت اترن عليه لقاته مزال مقفل
طاحت على فراش وقعدت تبكي
ندى:-انا شن درت في روحي شن درت في روحي ياربي زرطت روحي بعيل وخلاص انا الي زيي توا انوتي مع البنات بكرا الفرح 😭💔اكيدهه دايرين جو خيالي في الحوش 💔ياربي عليك حظ حظي 😭😭😭
  
________________
 
عندنا نحن في الحوش
قعدين انشتوا ونرقصوا من امبدري لين دهشنا
رغد:-يانعلي خلاص الساعة خشت على خمسة هيا نرقدوا ورانا فرح بكرا
رندة:-خلاص ماتحقيش فيا انكلم
زهرة:-يابنات بنرقد عيب عليكن  
 
انا:-بيبي
عمر:-عيونه
انا:-واخيراً وينك رايح اطول بيش اترن عليا
عمر:-انرن عليك من امبدري النقال انتظار
انا:-اها رنا اتكلم في خطيبها
عمر:توا انتن تليفون واحد بس
انا:-لالا ليلى العروس عندها تليفون جابه لها في الدفع ورنا حتى هيا في الدقع جابه لها 
عمر:-اها باهي شن تحكيلي
انا:-انت شن تحكيلي
عمر:-في جنبك حد
انا:-ههههه مش حد وبس
عمر:-صبي دار فاضيا
انا:-هههه فهمت 😂😂
عمر:-هيااا حبيبييي
 
  
_____________
 
الساعة 8:22 صباحاً
عند ندى
ندى راقدة خش حسن عزق جاكته
ندى ناضت طول
ندى:-حسنن وينك هذا كله
حسن:-عدي جهزيلي الحمام وراس امك خطي وجهي
ندى:-حراممم عليك واللهِ مش هك المعاملة
حسن:-راهو انلزك
ندى قعدت تبكؤ وخشت للحمام جهزتله البينو الي يبيه
حسن:-عدي البسيلي
ندى:-شن نلبسلك
حسن:-روب مش توتة نطلع من حمام نلقاك لابسة
وسكر عليها الحمام
قعدت ندى تبكي وسكرت الباب بالمفتاح وغيرت زي ماقللها وقعمزت على سرير وقعدت تبكي ونهارت وعيونها منتفخات وحلتخا حالة مش راقدة بكلل
طول حسن في الحمام وندى تسطحت ورقدت
طلع حسن
حسن:-ندى
لقاها راقدة
حسن:-الله عليك جمال 😍ندى نوضي
ندى:-نعم
حسن:-شنو الجمال هذا
ندى:-حسن انا مضايقة وماعنديش خلوق
حسن:-مضايقة وليش لبستي
ندى:-حسن قولي وين كنت ساهر راهو خيرلك
حسن:-غير توا انقولك بعدين
صبه طفى الضي
  
____________
 
عندنا نحن
  
ماما:-نوضي نوضي ياعروس خلي انفكولكك الحنة
ليلى:-الله هيا هي مليت ونا متكتفة
ماما:-باهي
صبوا ليلى وحولولها الحنة وقعدوا يزغرتوا ونحن طبعاً البنات راقدات
 
____________
 
عند عمر
خش عمر للحوش
نعيمة:-عاش من شافك لو مادولكش ولد خالتك كان ماجيت
عمر:-امي راسي يوجع فيا وامس ساهر ماعنديش خلوق بنرقد
نعيمة:-من امتى تسهر انت!!
عمر:-ماهو الدوهه هذي هيا الي اتطفش في من الحوش
وعدهه عمر ولحقاته نعيمة
نعيمة:-كنك هك حتى باتك الله يرحمه ماكانش يعامل فيا هك
عمر:-تي كنك ماكني شي
بس بنحكي معاك موضوع !!
نعيمة:-عيوني احكي !!
عمر:-نرقد ونوض ونحكوا
نعيمة:-خلتص على غداء نحكوا
عمر:-تم عمتي روويده روحت
نعيمة:-اها روحت وتسلم عليك
عمر خش للدار ورقد
  
_______________  
  
3:14
مشن بيسان وليلى للكوافير
ونحن مشغولين في العرس وحوسته
ماما:-خلاص نحن ماشيين شور القاعة وانتن يابنات كوافير جايا اديرن جوكن وتلبسن وتجن
انا والبنات:-تم
مشت ماما وخلاتي للفرح
ونحن قعدنا انضموا في الحوش ونستنوا في الكوافير
زهرة:-حمادي جبتله لبستين يابنات انلبسه هذي ولا هذي
انا:-برايي البدلة السودة بقروطتها وبجوها احلى
زهرة:-حتى انا عاجبتني
البنات كل وخدة ادير في جوها ودارت زهرة قهوة وتلمينا انهدرزوا على حالنا وحوالنا