ليتها لم تكن لكنها كانت

البارت الثاني واربعون

ليتهہآ لمـ تگن لگنهہآ گآنت

آبارت .  الثاني واربعون (42)

بقلمـ زهہرآء قآسـمـ. (بنت آلآگآبر )

آتمـنآلگمـ قرآءة. مـمـتعهہ. ولآ تنسـو آلتصـويت. ورئيگمـ في آلآحدآث

في حضن الليل والبرد القارس
‏المتخن بالأرق..وأحلام تبحث عن الدفء
‏عن المأوى..عن كوخٍ يلمم شعثهم
‏عن جدارٍ يتكئون عليه
‏اللهم كن في عونهم

اسد / جنت نايم يم افين بعد ليلة مصارعه. بين كلبي وعقلي
جنت اريد اتقربلها وامتلكها لكن عقلي الي جان يفوز. بالمعركه علئ كلبي
بست خدها طمعت بكل مسامه بملامحها
جانت هي تهفي عسبالها حشرات لمست لحيتي جانت طويله اكيد تنزعج من لدغات الشعر
كمت وغطيتها. وطلعت.
دخلت للمطبخ. وشفت ابتسامت امي. هدئة وبادرتها الابتسامه
الي ماشايفها. للان صادره من كلبها. بعد وفاة احمد انعدمت ضحكتها

الابتسامه هي حاله معديه
. اي واحد تشوفه يضحك عن سبب او مندون سبب تضحك وياه

الام / هااا يمه اهلهل
.
اسد / ليش يمه اني تزوجت. انتضري كم يوم وهلهلي.رحت اخذت كلاص مي وبديت اشرب
الام / يا يمه مو قصدي علئ زواجك.  قصدي علئ افونه

ام غايب / ياخاله امك فرحانه بيك عبا.اخذت افين

الام / هههه والله عليج اسوالف ام غايب خجلتي الوليد

اسد / لحضه يمه منو اخذ منو. تركت المي واني احس المي دخل لمجر التنفس من الصدمه ردتاختنك
تره الي ابالج مو صحيح. والي شفتيه قبل اشويه. مجان مثل ماتوقعتي
.
الام / ياا يمه نايم يمها وماماخذها. مايصير يايمه هاي امريتك

اسد / الله كريم يمه.
اني طالع يم الولد. لاتنتضروني علئ العشه. 
رحت غيرت ملابسي لبست دشدادشه وجراويه ضحكني كلام امي هي طفله شمفهمها اذا مرا بستها تشود مني وهاي ابسط حقوقي
طلعت للكرارج  .  صعدت السياره.

رحت للكوفي. لكيت جماعتي منهم الضباط والاطباء واصدقاء من ايام المدرسه تيم لامهم
وبوسطهم تيم يشرب ناركيله.
رحت سلمت وكعدت يمهم. نزلت ناركيله

رغم هي مو صحيه.  بس الي ابكلبي يتحملها

افين / كعدت من النوم. جانت الدنيه ضلمه. انتبهت جان اسد ماموجود

.  بس ريحته موجوده بالفراش كمت رحت غسلت وجهي ورحت اساعدهم.
صبو العشه تعشينه.  عيون الحجيه جانت غريبه
والله خجلت منها تحسسني امسويه مكسوره ماعرفت اكل زين.
كمنه العشه وكلما راح لغرفتها. اليوم اسوي الكيكه.

راح اسويها طوابق واذا مانجحت.  اطلب من الحجيه تجيب جاهز راح اجرب.

طلعت المواد. وبديت اخلط بالكيكه الاولئ.
  جهزت حطيتها بالقالب الجبير الاساس.  ودخلتها. بفرن الطباخ لان مايكفي بالوڤن
بديت اخلط بالخليط الثاني جهز حطيتها بالقالب الوسط حطيته
بالوڤن
.  سويت القالب الصغير. وحطيته جوه